| Description |
Translation (Rita Seng Mai)
The title of this story is 'An old man and his child.' Once upon a time, there was an old man and his child in a village. They had a donkey. They took the donkey and started their trip. On their way, they met a man. During their trip, they didn't put any load on the donkey's back. They pulled the donkey and continued their journey. They met a man on their way. The man said, "Old man, your child is tired. Since you're not carrying anything on the donkey, why don't you let your child ride it?" The old man thought, "That is right." Then he let his child ride the donkey. After walking for a while, they met another man. He said, "Old man, your child is riding comfortably on the donkey. He is still young and strong. He can walk. But you, an old man, are walking?" Then the old man thought, "Hmm, that's right." He made his son get off the donkey and then rode it. They continued their journey. After they had walked for some time, they met another man. He said, "Old man, the donkey looks pitiful. But you ride on it? It would be much better for you two to carry it." Then the old man thought, "Right. He is right." He got off the donkey and tied its legs. And they carried it using a bamboo pole. Then they continued their trip. After walking the whole day, they arrived at a bridge. They crossed the bridge while carrying the donkey. When they reached the middle of the bridge, it broke under the heavy weight. The bridge broke. There were many stones and rocks under the bridge. They fell right off the bridge. Luckily, they were fine. But the donkey died from the fall. The old man thought to himself, "I listened to what other people said. I should have just pulled it instead of carrying it. Now my donkey is dead. Things didn't turn out the way we expected. We should not have listened to them." He felt regret.
Transcription (Htu Bu)
Ndai maumwi ga baw gaw "Dingla Hte Shi A Kasha A Maumwi" re. Moi shawng de e da, ndai kahtawng langai mi kaw e, ndai dingla langai mi hte shi kasha nga ai da. Shan wa lahkawng kaw gaw lawze kasha langai mi ma nga ai da. Ndai lawze kasha hpe e woi rai na shan wa gaw bu hkawm sa mat wa ai da. Dai shaloi e she, Ohh...sa mat wa yang she lam kaw e masha langai mi hte hkrum ai da. Shan wa lahkawng gaw ndai bu hkawm sa wa kaw, shan wa lahkawng a lawze kaw hpa rai mung n htaw sha Dai hku na, lawze hpe dun na dai hku hkawm sa wa ai shaloi she, masha langai mi hte hkrum rai yang she, "Eeee..dingla e, na kasha gaw ba she ba nga ai. Nan wa a lawze kaw gaw hpa mung n htaw re wa na kasha hpe jawn shangun u le!" ngu jang she kaja wa nan, ndai dingla wa mung "Rai mung rai nga ai." ngu na, ndai ma hpe e lawze kasha kaw e jawn shangun rai na bai hkawm ma ai da. Lawze kasha kaw bai jawn rai yang she, hpang e grai na hkra bai hkawm rai yang she, hkawm she hkawm yang masha langai mi hte bai hkrum ai da. Dai shaloi gaw, "Ga...a.. dingla e, lawze kasha kaw wa na kasha gaw a pyaw sha rai jawn, na kasha gaw... aw, ma, ya she kaba wa ai re nga yang n-gun mung grai rawng, lam mung grai naw lu hkawm na she re wa, nang dingla wa gaw lam hkawm i?" ngu na dai hku bai tsun ai da. Dai hku tsun ai shaloi she, "E, rai mung rai nga ai." ngu na she kasha hpe bai yu shangun rai na she, shi madaw bai lawze kaw jawn re da. Dai hku hkawm mat wa re shaloi she, grai na hkra bai hkawm rai wa shaloi she e ndai masha langai mi hte bai hkrum ai da. Dai shaloi gaw, masha langai mi hte bai hkrum ai shaloi, ndai hku bai tsun ai da. "Eee.. e, dingla e, dai lawze kasha gaw matsan mayan rai nga yang nang mung dai kaw bai jawn i? Nan wa madaw dai lawze kasha hpe jawm hpai kau yang gaw grai hkrak na re wa." ngu na bai tsun ai da. Dai shaloi gaw, "Kaja wa mung rai nga ai." ngu na she ndai dingla wa gaw shi lawze ntsa kaw na yu rai na she, ndai lawze hpe lagaw kaw atsawm sha gyit kau rai na, kawa kandang hte e shan wa lahkawng rai na jawm hpai ma ai da. Jawm hpai rai na sa mat wa rai, grai.. shani tup bai lam hkawm rai yang she, hka langai mi, mahkrai langai mi kaw du ai da. Dai shaloi, mahkrai dai kaw du ai shaloi gaw, shan wa lahkawng mung dai kaw e lawze kasha hpe jawm hpai rai na rap sa wa re shaloi gaw, ndai hka mahkrai ka-ang kaw du re shaloi she, ndai mahkrai gaw shan wa a lawze kasha hpe hpai ai re nga yang she grai li mat sai re majaw, mahkrai ndai gaw daw mat wa ai da. Daw mat wa rai na she, kaja wa nan le mahkrai npu de gaw nlung ni hpa ni mung grai nga re, re majaw, dai kaw e di hkrat mat wa rai na shan wa gaw hpa n ra she, ndai lawze kasha gaw dai kaw si mat re da. Dai majaw ndai dingla wa gaw, "Aw.." bai myit yu rai na she, "Aw.. manang ni na ga madat ai majaw she, ya an wa lawze hpe dun yang rai na wa, ga madat kau na ya jawm hpai ai ngu yang e Lawze kasha mung sum mat rai na, an wa myit da ai hte maren n mai byin mat sai. Manang ga madat ai baw n re." ngu na dai kaw na she myit malai lu mat ai da. |
