| Description |
Transcription (Htu Bu)
Moi shawng de da, Jahkrai Ma Langai Hte Kanu Kawa Lu Ai Ma Yan A Maumwi re, ya ngai hkai na gaw. Moi shawng de e, jahkrai ma langai mi nga ai da. Ndai jahkrai ma gaw grai matsan shayen rai na nga taw ai da. Ndai kanu kawa lu ai yan, ni a dum nta kaw machyu ai shaloi e da, ndai kanu kawa lu ai ma yan nau gaw jahkrai ma hpe amyu myu rai na, roi sha ai da. Mam, moi gaw mam mung htu hkainu mung htu re rai yang, shi hpe gaw law law htu shangun rai na e, shannau gaw kachyi sha htu shi hpe gaw law law htu shangun na shan nau ngut ai hte shi hpe mung ngut shangun rai, kalang lang n ngut jang gaw shan nau gaw dai hku jawm roi, jawm kayet, jawm htwi dai hku rai, re yang gaw ma gaw, matsan shayen rai na hkam sha yang gaw kanu gaw tsun ai da, "Nan nau hkum roi sha mu law, ndai jahkrai ma hpe e. Nan nau roi jang nan nau a prat mung ndai jahkrai ma zawn rai nan nau byin wa yang masha ni nan nau hpe mung roi sha na re. Ndai jahkrai ma gaw matsan shayen re. Nan nau dai hku hkum roi sha mu. Nan nau galaw tim shi galaw ai mung shi dang di dang dep ai hte shi galaw u ga. Nan nau shi hpe e dai hku majoi hkum roi, hkum mahti, hkum kayet. Nan nau kam ai hku hkum zing ri sha mu." ngu na kanu gaw jahkrai ma wa hpe maga nna kasha yan hpe e, pawt ai da. Rai yang gaw, moi nye nyi ba she la tsun tsun re, ngai ma jahkrai nga. Nye nu gaw ngai hpe shangai da ai, shata mi pyi n du ai da law. 10 ya ngu yang she nye nu si mat ai da. Rai jang gaw, nye ning 2 ma nga ai hku nga, anhte ni 3 kaba wa yang she, nye ning yan gaw ngai hpe grai roi sha ai lu.. mam htu tim roi sha, amyu myu le i, roi sha ai ngu gaw dai hku dip sha yang she, nye nyi ba gaw gara hku tsun ai, "Hkum roi sha lu. Nan jahkrai maumwi n na nga madai lu." Ngai hpe gaw shachyang she nga ai gaw. "Shachyang, Shachyang hpe hkum roi sha mu nan. Nan mung shi zawn zawn rai na jahkrai byin yang nan hpe mung masha ni roi sha na ra ai." nga nye ba ngai hpe dai hku nga na la je la la re. Shing nga sa, ya ngai pyi hkai na grai hkrap mayu wa ai. |
