| Description |
Translation (Mike Tu Awng)
Long time ago in the forest near majoi shingra, there were an elephant and a lion lived as relatives in harmony. Even though they lived together, their attitudes were very different. They were different not only in attitude but also in the food they ate as the elephant ate grass and leaves but the lion ate meat. However, both of them were very patient and they lived together in harmony for a long time. They had lived like that for many years. Every evening, they went to the "Gingar River" near the majoi shingra mountain, which had the river source. They visited the river bank every afternoon and took a walk together on the river bank. They went for a walk every evening; the elephant would get there first and the lion would be late to get there on certain evening when it couldn't hunt animals early. Sometimes, there were also times when they had to return home without chatting. Then, one evening, the lion got his hunt early that day, and the elephant, too, after eating the grass to the full, they came to the 'ginga' river bank early and sat there and were enjoying the evening. They were boasting to one another the talents and qualities they had. The elephant boasted, "I am the biggest and the strongest among all the animals." The lion exclaimed, "I am the king of the animals and I can beat any animal." They were talking about themselves and sitting together. While they were sitting, they saw that there was a man with a straw hat on his head, who was paddling a boat by the river bank along that river. Then the lion said, "Brother elephant, we cannot live in this forest anymore because, look at the man paddling the boat in the river, this land belongs to wise people like him". To stand on a boat with that strong current in the river, a person must be a very wise, courageous, and capable person. Thus, let's not live in this region any longer. They discussed to migrate to another place. Then, the elephant said, "However, we are the strongest, you are the kind of the of the animals, and I am the biggest and the strongest among animals. We can live where Kachin can live. The lion replied, "No, let's just move to another place. If not, Kachin will enslave us both". The elephant did not agree to migrate when they knew that humans were going to enslave them. The elephant said, "I will stay here. Who can enslave me?" The lion said, "I will migrate to another place." Thus, the lion migrated to Africa. The elephant remained in our country. And, that's why nowadays, we can use elephant in our labour because the elephant is very arrogant in its mind. Since then, the elephant lived in our country, the lion did not live in our country, but in Africa. Now, they live apart because of the discussion they had that evening on the river bank. Since then, they live separately.
Transcription (Lu Awng)
Moi shawng de lai sai ten hta e hto majoi shingra makau na maling langai mi kaw magwi hte hkanghkyi langai mi jinghku hku nna nga ma ai da. Dai yen gaw shan rau she nga tim myit masa mung langai mi mung n bung ai. Shan gaw magwi gaw nam sha, hkanghkyi gaw shan sha, shan gyam sha re na myit masa n bung ai hta n ga malu masha mung n bung ma ai. Retim mung shan gaw grai myit galu hte nhtoi na na grai pyaw na nga kanawn mazum nga ma ai. Shan gaw dai zawn re na nga kanawn pyaw ai gaw shaning she kahtap mat sai, sha na de shagu ngu na wa shan lu sha sha hkru ngut rai jang hto majoi shingra bum kaw hka hpungnu la nna lwi hkrat wa ai gingar hka ngu ai hka kau e shana de shagu hka bungli chyu na matu sa nga chyai sa hkawm chyai re ma ai. Shan gaw dai zawn re shana de shagu sa hkawm chyai yang gaw magwi gaw shawng du, hkanghkyi gaw shan n lu sha ai shana shan alawan n lu gyam sha ai shana gaw hpang hkrat rai, kalang lang gaw n lu jahta ai sha sa hkrum nna pyi bai wa mat re ten mung law law re ma ai. Retim mung lana de mi na nhtoi hta gaw shan gaw hkanghkyi mung e dai shana de gaw shan jau jau lu gyam sha rai, magwi mung nam sha hkru rai jan shang na da hkawm ai daram naw jau ai ten kaw nna dai ginga hka kaw e hka kau e sa dung jahta chyai nga ma ai. Shan gaw langai hte langai a atsam kade rawng ai ngu sa tsun gumrawng hkat yu re na tsun jahta hkat ma ai, magwi gaw ngai gaw dusat amyu hta kaba grau n htawm e n gun rawng dik ai wa re nngai ngu gumrawng jahta. Bai hkanghkyi mung ngai gaw dusat ni a sha gaw hkawhkam re nngai dusat gara hpe mung ngai dang ai ngu na jahta chyai re na sa dung chyai rai. Shan dan re dung chyai nga yang she dai hka kaw e shaba lap li sha shap nna la langai mi hpugup sha mung gup kau re na hka makau hku li shap wa ai mu dat ma ai da. Dai shaloi hkanghkyi gaw e manang wa hkau magwi e an gaw ndai maling kaw nmai nga sai nhten hpa baw rai na ngu jang oh hka ka-ang de yu dat yu, oh ra daram hpaji rawng ai masha ni nga ai ginra she re nga ai. Ohra re hka ka-ang hka hpungla ja ai kaw te sha la ai li kaw jawn na yu hkrat wa ai dai gaw hpaji ram ram myit marai ram ram rawng ai, ram ram atsawm rawng ai ni a majaw she rai na re. Dai majaw an gaw ndai ginra kaw n nga sa ka. Ndai ginra kaw na htawt mat wa ga ngu na bawng she, e hpa rai kun e an daram n dai daram n gun ja, nang mung dusat ni a hkawhkam pyi tai, ngai gaw dusat ni yawng hta kaba grau nde de n gun ja ai mi kaning rai na jinghpaw ni nga ai kaw she mai nga law, nre law she hprawng ga law, jinghpaw ni ndai ni anhte e yam sha na mara ai. Shangun sha na mara ai, dai majaw she hprawng mat wa ga ngu magwi gaw n hkraw da. Yau sai ngai gaw nga nga na ngai e kadai wa lu shangun sha na ma ngu she hkanghkyi gaw e ngai gaw nyau di hprawng mat na ni ai, hto africa mungdan hte hprawng mat wa rai. Magwi gaw anhte mungkan e hti nga rai re na, ya dai ni anhte magwi e lu shangun sha re gaw magwi a shi a myit hta gumrawng gumtawng ai myit rawng nna lu shangun sha ai. Dai kaw nna magwi gaw anhte myenmung dan hta nga. Hkang hkyi gaw anhte myen mung dan e nnga oh africa mungdan e nga ai gaw dai shana de shan sa tsun hkat na hka ai kaw nna shan hka mat wa re dan re na sa nga hka mat ai kaw du mat ai. |
