| Description |
Zau la na lam, moi shawng de da nta langai mi kaw da shan nu wa ni arau nga ai da. Shan nu wa ni nga re she dai hkan nau ni gaw da, magam, manaw, mala nga na nga ai da. Dai she magam hte manaw gaw grai myitsu ai da, mala wa gaw kaji ai shi gaw nau myit nsu na hku rai nga, nau myit n su re she shi gaw kanu ni gaw laban ya shani du yang shan nau ni marai 3 hpe galoi shagu sunday school de wa sa ai da, sunday school de sa di na she kahpu 2 gaw shanhte na gawk de shanhte sa mala mung shanhte na gawk de sa ai da. Sa re she mala gaw da shi sunday school sa sunday school sa re she shi gaw da sarama gaw tsun dan ai da, sarama gaw tsun dan ai, e da nanhte ni da shada da nmai htwi hkat ai yaw manang ni hte htwi hkat ai mi nra ai, dai hpe yesu nra ai ngu di na tsun dan re she manang shada da tsawra hkat ra ai, manang ngu gaw karai kasang jaw ai shaman chyeju re, anhte ni ndai zawn re manang ni hte lu hkrum zup ai ngu karai kasang na shaman chyeju re lu tinang gaw tsawra ra ai, manang wa hpe tsawra ra ai ngu di na sharin dat ya ai da. Sharin dat ya re she, mala gaw shi gaw mi kaw na mara manang ni hpe grai htwi mayu grai htwi mayu jawng hkan ne mung grai htwi hkat masha ni hte grai htwi hkat ai da. Grai htwi hkat re yang she sarama gaw sharin dat ya ai da, dai mahkawn sharin ya ai, mahkawn langai mi sharin dat ya ai da, (manang wa hpe tsawra u, bai le sa rit hkum shaga, manang wa htwi hkat gat nga, bai le sa rit htwi hkat ga, nang nang dai zawn hkum galaw, dai zawn re yang yesu nra) nga na dai mahkawn gaw shi grai pyaw dum ai da, grai pyaw dum grai pyaw na shi kanu hpe ma sa tsun dan re she sarama gaw lachyum tsun dan dat ai da, dai mahkawn gaw da, manang wa ni htwi hkat na dai htwi hkat ai lam yesu nra ai ngu hpe galoi sagu dum mu yaw ngu di na tsun re she shi gaw da grai pyaw mat ai da. Grai pyaw mat re she shi gaw nta kaw du re shaloi kanu hpe ma mahkawn dan, kawa hpe ma mahkawn re na she shi gaw grai pyaw hkra nga re she hpang shani jawng sa laban ya shani, bat 1 ya shani gaw jawng sa re she jawng kaw wa shi gaw mi kaw na manang ni hte grai htwi hkat ai re nga manang ni gaw shi hpe htwi hkat ga nga na sa saw sai da, sa saw re she shi gaw dum dat ai da, dai mahkawn hpe dum dat ai, aw ngai htwi hkat yang yesu nra ai nga ngai hpe sarama tsun dan da ai ngu du na shi gaw kaja wa sha dai ga hpe shi sarama tsun da ai ga hpe shi dum di na dai shani kaw na shi manang ni hte galoi n htwi hkat ai sha manang ni hpe grai tsawra mat ai da.
|
