| Description |
Translation (Nbanpa Rita Seng Mai & Keita Kurabe)
This is the story of “The Ogre and the Clever Boy.” Long ago, a man-eating ogre came to a quiet little village. He sat down at the entrance of the village and frightened the villagers. The villagers were so terrified that they had no choice but to obey the ogre. The ogre said to them, “Tomorrow, bring me fresh milk.” "If you don't," "I will eat your children." So the villagers milked their cows and left the milk where the ogre stayed. The next morning, when the ogre awoke, he drank up all the milk the villagers had left for him and went back to sleep. When he woke again, the ogre said to the villagers, "Tomorrow, I want chicken to eat." "Catch your chickens" "and give them to me." "If you don't," "I will strangle all of your children." Terrified by his threats, the villagers caught all their chickens and left them for the ogre. When morning came, the ogre ate the chickens the villagers had brought and went back to sleep under a tree root. When he woke again, the ogre said once more, "Tomorrow, I want pork." "Kill your pigs" "and leave the meat for me." "If you refuse," "I will burn down your houses." Trembling, the villagers killed their pigs and fed the ogre again. The next day, the ogre demanded, "Tomorrow, I want beef." "Bring it to me." "If you don't," "I will smash all of your belongings." Frightened, the villagers slaughtered their cows and fed the ogre. When the ogre awoke, he ate the beef the villagers had left and went back to sleep again. Then he said he wanted sticky rice, and he threatened the villagers once more, so they steamed sticky rice and fed him. Next, the ogre said, "Tomorrow, I want honey to drink." "If you don't bring it," "I will beat you all to death with this spiked club!" Terrified, the villagers went into the forest to look for honey. One boy from the village went off on his own, thinking, "This ogre has caused too much trouble in our village." "We can't keep giving in to his threats." As he wandered, he found a beehive with no honey inside. When he returned to the village, the other villagers who had searched everywhere found no honey, and they stood there in despair. The boy said, "Don't worry." "Tomorrow I will bring the honey the ogre asked for." The villagers listened to what he said. The next morning, when the ogre awoke, he was furious to find no honey waiting. He swung his club and came to strike the villagers, but the boy called out, "Hey, Ogre! I've brought you the honey you wanted." "Fresh honey," "straight from the hive." "Here, open it and drink!" And he placed the hive, filled only with bees, in front of the ogre. The ogre, eager for honey, smashed the hive with his club to get it out. At once, the bees swarmed and stung the ogre fiercely one bye one. Crying out in pain, the ogre ran away. The bees chased after him as he fled. The ogre ran deep into the forest and never showed himself in the village of men again. From that day on, the villagers lived peacefully once more.
Transcription (Pausa La Ring & Sumlut Gun Mai)
Ya tsun dan na maumwi gaw "Sha Lawa Hte Nyan Rawng Ai La Kasha" nga ai maumwi re. Moi shawng de, grai pyaw let nga taw ai mare langai mi hta sha lawa langai mi du wa ai hte mare baw kaw du let mare masha ni hpe jahkrit shagyeng sha ai majaw mare masha ni mung grai hkrit let sha sha lawa tsun ai hpe galaw jaw ra taw ai da. Sha lawa gaw mare masha ni hpe "Ngai hpe hpawt ni rai yang grai mu ai nga chyu jaw lu na hku galaw u." "N jaw lu ai rai yang" "nanhte na kasha ni hpe ngai sha kau ya na," ngu tsun ai majaw, mare masha ni mung nta shagu na nga kaw na nga chyu ni shup la rai nna sha lawa nga ai shara kaw wa tawn da ya ai. Sha lawa mung hpang jahpawt yup rawt wa ai hte mare masha ni wa tawn da ya ai nga chyu ni hpe hkru hkra lu la nna bai yup taw ai da. Yup ai kaw na bai rawt wa ai hte sha lawa gaw mare masha ni hpe "Hpawt ni gaw ngai u shan sha mayu ai." "Dai majaw, nanhte na u ni yawng rim la nna" "ngai hpe wa jaw sha rit." "N wa jaw sha ai rai yang," "nanhte na kasha ni yawng hpe ngai kawa sat sha kau na" ngu bai jahkrit ai majaw, mare masha ni mung shanhte kaw nga ai nta shagu na u ni yawng hpe rim sat la rai nna sha lawa nga ai shara kaw bai wa tawn da ya sai da. Hpang japawt yup rawt wa ai hte sha lawa mung mare masha ni wa taw da ai u ni hpe sha la rai nna shi na hpun pawt kaw bai yup taw sai da. Yup ai kaw na bai rawt wa ai shaloi gaw sha lawa gaw mare sha ni hpe kalang bai "Hpawt ni gaw ngai wa shan sha mayu ai." "Dai majaw nanhte kaw nga ai wa ni sat na" "wa shan wa tawn da ya u." "N wa tawn da ya yang," "nanhte na nta ni yawng hpe ngai nat kau ya na," ngu bai jahkrit ai majaw, mare masha ni mung shanhte lu ai wa ni yawng hpe sat nna sha lawa hpe bai wa jaw sha sai da. Hpang shani rai yang mung, sha lawa gaw "Hpawt ni rai yang ngai dumsu shan sha mayu ai." "Sa jaw sha rit." "N sa jaw sha yang," "nanhte na arung arai ni yawng adup jahten kau ya na," ngu bai jahkrit ai majaw, mare masha ni mung lu ai dumsu hpe sat rai nna sha lawa hpe bai wa jaw sha ai hte sha lawa mung yup rawt wa ai shaoi mare masha ni tawn da ya ai dumsu shan hpe sha la rai nna bai yup taw sai da. Dai zawn sha sha lawa gaw nbaw shat sha mayu ai ngu nna bai jahkrti sha ai majaw nbaw shat kabaw nna bai wa jaw sha ai da. Dai hpang mung sha lawa gaw "Ngai hpawt ni gaw lagat ntsin lu mayu ai." "N wa jaw sha yang," "ndai ngai na ju kap ai bat bau hte nanhte yawng hpe adup sat kau na," ngu nna bai jahkrit ai majaw mare masha ni gaw lagat tsip tam na matu nam de bai sa mat wa sai da. Dai mare kaw na la kasha langai mi gaw shi hkrai sha san san pru mat wa nna "Ndai sha lawa gaw anhte mare masha ni hpe nau zingri sai." "Dai hku sha shi jahkrit shagu hkrit na galaw ya nga yang gaw n byin sai," ngu myit nna hkawm mat wa ai shaloi nam kaw na hpun langai mi kaw lagat ntsin n rawng ai lagat tsip hpe wa mu da sai da. Mare de bai du wa ai shaloi, lagat tsip hkan tam ai kaga mare masha ni gaw lagat ntsin n lu wa nna gara hku di sana kun ngu myit grai ru nga ai ten, dai la kasha wa gaw "Nanhte hpa myit hkum ru mu." "Hpawt ni rai yang sha lawa wa hpyi ai lagat ntsin hpe ngai nan wa jaw dat na," ngu tsun ai shaloi mare masha ni mung dai la kasha a ga madat ma ai da. Hpang jahpawt du ai shaloi gaw sha lawa yup rawt wa ai shaloi lagat ntsin n mu taw ai majaw sha lawa gaw pawt nna mare masha ni hpe adup sana ngu nna shi na bat bau hpe galang nna she sa wa ai shaloi, wora la kasha wa gaw "Hey, sha lawa, nang lu mayu ai lagat ntsin hpe ngai la wa sai." "Nang grai mu ai lagat ntsin lu lu na matu ngu nna" "ngai ya sha she lagat tsip kaw na wa di la dat ai re." "Maw, ndai kaw hpaw la na lu dat sanu," ngu tsun nna sha lawa a man kaw lagat ntsin hpa n lawm ai lagat hkrai hkrai re ai lagat tsip hpe tawn da dat ya ai da. Sha lawa mung lagat ntsin grai lu mayu ai hte shi na man kaw tawn da ai lagat tsip hpe lagat ntsin pru hkra ngu nna shi na bat bau hte adup dat ai shaloi gaw, tsip kaw na lagat ni gaw shanhte na lagat tsip hpe jahten ai sha lawa hpe aging agang langai hpang langai na sai da. Sha lawa mung lagat na ai machyi ai majaw hprawng, lagat ni mung sha lawa hprawng ai de hkan na rai nna she sha lawa gaw nam de hprawng mat wa ai hte shinggyim masha ni nga ai mare de galoi mung n sa gwi mat wa ai da. Dai aten kaw na mare masha ni mung grai pyaw let matut nna nga pra sa mat wa ai da. |
