| Description |
Transcription (by Ja Seng Roi)
Moi shawng de da, grai matsan yen nu gaw htaw shannu ai yi sa re shaloi yi sa re shaloi dai shaloi shannu a mam ni mu da, mam ni kabye na mama lam na ngu da yaw. Hpang shani rai yang ma "mam, mam lam saka i" ngu yang " au" ngu na shannu gaw hpang shani sa re shaloi mam lam da re she, kanu gaw "a nu htaw yi baw de shat mai naw sa tam la na yaw" ngu she, "kasha nang mam sin taw yaw" ngu she "e, nu mai ai" ngu shaloi mam sin taw re shaloi U langai mi gaw Uhkru du wa dai wa hkra sha da yaw. Dai, dai Uhkru, dai mam hkrai sha sha re shaloi dai ma gaw "U nang le hkum sha law" " hkum sha law "ya nye nu wa yang hpawt da na law" ngu "hpa n ra. Hpa n ra" ngu dai Uhkru du wa yawng sha ma, ma re she shanhkawng, "ngai nang hpe htaw de woi sa na" ngu na Uhkru du woi mat reng she "Nang, Ja mahkrai hkawm na i. Gumhpraw mahkrai hkawm na i" ngu yang "ngai gaw grai she matsanmaw" ngu na "Ngai gumhpraw mahkrai she hkawm na" ngu na shi gumhpraw mahkrai hkawm re she htaw de bai du re she, "nang gumhpraw lakang lung na i. Ja lakang lung na i" ngu "htaw ngai maw grai matsan she re maw" ngu na gumhpraw lakang she lung na law" ngu gumhpraw lakang lung re na "nang, kaji ra ai, sadek kaji ra ai i, kaba ra ai i" ngu "htaw ngai maw grai she matsan law. Kaji she ra ai" ngu na ding ngu she "au deng" ngu na kaji, kaji lang na shi wa mat re shaloi hpang shani dai, dai shan nu a shanhte na nta makau kaw na ni loi li gaw lauban ai da yaw. Shanhte loi n kaja ai da yaw. N kaja ti shannu dai hpaw shaja ti grai lu re, shanhkawng gaw manawn na hpang shani nga ning bai sa shawng hkawng manawn na yi sa rai na mam lam ai da yaw. Da sang sang manawn myit rawng na mam yi lam kaw mam, mam, mam lam da re shaloi "ma nang nang kaw sin taw yaw. A nu htaw de naw sa yu na." ngu she "au" ngu na dai manawn ai yen nu, kanu wa htaw de sa mat. Kasha reng gaw dai Uhkru du bai sa sha da yaw. sa sha re shaloi u, dai, dai manawn ai ma wa "e, nang, uhkru du nang, uhkru du nang le hkum shalaw hkum sha law, hkum sha law. Ya nye nu wa yang ngai hpe gayet da na re" ngu she "hpa n ra law. Hpa n ra law" ngu na aw dai shaloi, shi dai la gaw woi mat wa ai da. Woi mat re shaloi "nang jamahkrai hkawm na i, gumhpraw mahkrai hkawm na i" ngu ai shaloi "e, ngai gaw lauban she re maw. Ngai gaw ja mahkrai she hkawm ai" ngu na ja mahkrai hkawm mat wa ai da yaw. Ja mahkrai hkawm re she, htaw de bai du rai na "nang gumhpraw lakang lung na i, ja lakang lung na i" ngu, "ngai maw lauban she re maw, ja lakang she lung" ngu na ja lakang lung mat re na she, "nang kaji ra ai, kaba ra ai" ngu " ngai maw lau ban she re maw, kaba she ra" ngu na kaba la na wa mat wa re shaloi, htaw nta du re shaloi shannu gaw grai lawhpagyi na chyinghka ni yawng pi na hpaw yu dat ai shaloi lapu kaba re wa shannu kaw sha, shannu dai hpaw dat re shaloi lapu kaba le wa na shannu kaw sha kau ai da. Ngut sai. |
