Previous item Next item
Item details
Item ID
KK1-2489
(Collection Details)
Title Mangbya hte sharaw (Mangbya and tiger)
Description Transcription (La Ring)
Moi shawng de mawngbya hte sharaw a lam. Moi sharaw hte mawngbya gaw da shan yan masu hkat ai le shan a hpaji ni hpe masu hkat ai. Rai she sharaw gaw mawngbya e aw che mawngbya madaw law sharaw hpe she um adi shi na di kaja gaw aw mawngbya a di gaw nkaja sharaw a di gaw kaja re she, sharaw na di kaja she mawngbya adi wan sharaw nmu ai lapran she adi dai wan kaw shadu la nna sharaw mung n-gan mu ai she di dai wo zaibru sawng kaw bai shadun da ai da. Zaibru kaw shadun da jang she di dai gaw prut ai da. Prut jang she sharaw a di dai gaw aw mawngbya a di gaw prut ai da. Prut jang she sharaw dai gaw mawngbya a di prut ai dai hpe ra nna she "Ngai e galai ya rit" ngu da. Shaloi she sharaw gaw aw che mawngbya gaw "E nmai na re law" bai ngu da. Um shaloi she nhkraw masu su na she sharaw nau tsun jang bai galai ya rai na she di kaja hte di shi na di nkaja ai galai la kau ya rai. Shaloi langai mi gaw ndai ashe law nta she sharaw a nta gaw chying ai da. Mawngbya a nta gaw ahku hkrai hkrai rai ma byak mat re she dai sharaw mawngbya a nta kaw she sharaw ma shan yan rau jawm nga nga na she "E nang nye nta she mada yu u hkau sharaw e. Nye nta gaw htaw ja shagan hkrai hkrai rai ai, na nta gaw hpa ja mung nnga ai. Nye nta gaw ja hkrai hkrai re galai ga" ngu na bai tsun yang gaw sharaw gaw "E ngai ra ai law galai hkat ga i, galai ya rit yaw" bai ngu da shaloi gaw sharaw gaw. Nnan e gaw mawngbya gaw nhkraw ai da "Yi nye na nta gaw ja nta she re dai majaw nmai galai ai" ngu na tsun yang "E hkau mawngbya e naw galai ya rit law" ngu jang she "Rai jang gaw mai ai" ngu na bai galai hkat rai jang she ahkring gaw shan yan gaw marang kaba bai htu wa sai da. Marang kaba htu wa jang gaw sharaw gaw shi na nta kaja chying ai gaw mawngbya wa hpe bai galai ya kau rai jang mawngbya gaw marang kaba bai htu rai jang she sharaw gaw shi nta chying ai gaw mawngbya e galai ya kau jang sharaw gaw gara kaw nnga mat da. Marang kaba htu jang she dai shi galai ya kau ai nta mawngbya e galai ya kau ai nta chying ai dai gaw marang kaba htu jang shi gaw wo sharaw gaw shi nta jahpung kaw sa lagyim dung nga ai da. Marang kaba nau htu na shi nta kaja galai ya ai kaw she shi bai sa dung nga jang she mawngbya gaw "Wo ra kadai rai nye nta sa hkinjawm dung ai" ngu na bai pawt sai da. Rai jang she sharaw gaw "Kadai re ta nye nta kaw dan re sa lagyim dung hkawm ai kadai rai ta" ngu na bai jang gaw sharaw gaw hkyung hkyung rai na bai wa mat rai na she lani mi na nhtoi hta gaw ndai lapu aw she nrai nga lani mi na nhtoi hta gaw da shi gaw ndai ashe wo ra, lani mi na nhtoi hta gaw da ndai gatchang gatchang pa moi bumga kaw nga ai lagat gat pa kaba re nga ai da. Dai she sharaw gaw aw mawngbya madaw gaw dai gatchang dai e abau zawn di na lata hte dum, dum malu dum masu su di dan ai da. Shaloi she sharaw gaw grai dum mayu si wa sai da. "E hkau mawngbya e ngai e mung jaw dum rit" ngu da. Shaloi she "Nang dum mayu jang gaw ngai aji awoi ni e naw wa san yu na yaw" ngu na bai tsawm ra tsan ai de gat mat wa ai da. Gat mat wa na tsawm ra tsan ai kaw na she "Nang dum mayu jang gaw aji awoi da aja wa dum dat u da" ngu na bai tsun na she dai sharaw gaw aja wa dum dat jang shi e lagat ni hte jawm nda na she mawngbya e pawt hkrai pawt hkawm ai da. Dan na shachyut hkrai shachyut rai jang she shachyut mat wa jang she shara mi kaw bai du rai jang gaw mawngbya gaw nga hkyi sum pum bai mu sai da. Nga hkyi sum pum bai mu jang she dai kaw gaw masawn nga hkyi bum kata kaw masawn ni jun tawn da ai da. Masawn jun da na she shi gaw dai ntsa kaw yet sha dung masu ai da. Shaloi she sharaw gaw shi e hkan tam nna bai shi hpe bai mu rai jang she "Ga hkau mawngbya nang gaw ya dai kaw wa sa nga mat ai gaw nang gaw i" ngu na she bai pawt nna shi e sa mu jang she, "Hpa hpa hkau hkau ngai pyi gaw ndai ndung tingnyang kaw dung nna moi na aji awoi ni a ndung tingnyang kaw dung nna pyaw si nga nngai" ngu na tsun ai da. Shaloi she "E hkau mawngbya e ngai e mung jaw dung rit lo" ngu na bai tsun jang she "Nang kam jang gaw ngai aji awoi ni e naw wa san yu na yaw" ngu na bai tsun na bai gat mat wa rai na she tsawm ra tsan ai kaw bai du jang she "Aji awoi da nang dung mayu jang gaw aja wa adit dung u da" bai ngu da. Shaloi shi gaw aja wa bai dit dung yang maidang kaw wa ju bai ju la rai na bai bai pawt mat wa. Mawngbya bai shachyut bai pawt mat wa rai jang she mawngbya gaw lapu langai mi hpe bai sa mu sai da. Lapu langai mi hpe bai mu rai jang she lapu dai e gaw hkayawm pak ai zawn di na she bai pak masu dung nga sai da. Shaloi she bai hkan shachyut dep jang gaw "Ga a nang gaw i daini gaw si na" ngu na bai pawt sai da. "Hpa si nsi rai hkum tsun yu shi ngai pyi gaw ndai ndum sumpyi dum na ngai pyi pyaw si nga nngai" ngu na bai tsun ai da. Shaloi gaw "E e hkau mawngbya e ngai e ma jaw dum rit" ngu na bai tsun. Shaloi she shi gaw "E nang grai dum mayu jang gaw ngai aji awoi ni hpe naw bai wa san yu na yaw" bai ngu. Shaloi bai gat mat wa rai jang she bai gat mat wa na bai wa san jang she "E nang pak mayu jang gaw aja wa pak dat u" ngu na bai tsun ai da. Shaloi she dai lapu gaw n-gup kaw bai achye ya rai jang gaw sharaw gaw grau bai pawt na bai shachyut mat wa. Shachyut mat wa rai jang she shara mi hta bai hkan dep sai da. Shaloi gaw mawngbya gaw ndai bumga kaw nga ai lagat shingbut pyi grai law hkra re ai nhkun ga kaw rawng ai nhkun lagat nhkun kaba langai mi bai wa mu sai da. Shaloi she dai nhkun makau kaw she shi gaw "Moi na aji awoi ni a naura nau naura nau ai" ngu na bai wa manau nga sai da. Shaloi she "Aga nang gaw la nang gaw daini gaw si na" bai ngu wa hkan dep shachyut jang she "Hpa si nsi rai hkum tsun yu shi ngai pyi gaw aji awoi ni n-nau naura ra na pyaw si nga nngai" bai ngu da. Shaloi she "E e nye mung jaw nau rit law" bai ngu sai da. Shaloi gaw "Nang nau mayu jang gaw ngai aji awoi ni hpe bai naw wa san yu na yaw" bai ngu rai na bai gat kau da rai na she tsawm ra tsan ai kaw du jang she bai "Nang nau mayu jang gaw aja wa nau dat u" bai ngu da. Shaloi gaw aja wa bai nau dat jang gaw lagat dai ni gaw shi e bai hte jawm kawa sat. Rai na she lani mi na nhtoi hta gaw shan yan gaw "Gai rai yang an yan gaw daini gaw shan bai sa hkrau saga i" ngu na shan hkrau bai sa rai jang she shan hkrau jawm sa jang she shan bai lu sai da. Shan lu jang she "Ya an yan hpai wa ga" ngu na she hpun kandang shan hpai ai baw kandang dai jawm daw la rai na she dai sharaw e gaw aju kap ai hpun she jawm kran la na she ju kap grau kap ai de gaw sharaw e hpai shangun ai da. Ju nkap ai de gaw shi hpai rai na she sharaw e she dai ju kap ai de she hpai shangun nna she sharaw gaw "Aka loi machyi wa re nga" ngu jang she "Aka loi hkum ngu an yan a shan hkri mat na ra ai" ngu. "Akalaw akalaw bai ngu" "Dan hkum ngu law dan ngu jang an yan a shan hka mat na law" bai ngu. Rai na Ya ndai shan hpe lu la nna hpai wa na she bai ya shadu sha. Um shadu sha nna shan shadu sha na matu hka sa ja shangun ai da. Hka hku de aw sharaw hpe hka sa ja shangun jang she ndai mawngbya gaw nhtung hpe achyaw baw kau ya rai na she hka sa ja shangun yang shani ting ja tim hka gaw nhpring hkraw rai jang she sa ja ai sharaw hpe hka sa ja shangun rai jang she sharaw gaw nhtung baw mat na shani tup ja tim hka nhpring hkraw rai na shani nga sha u bai pyen lai mat wa rai jang she nga sha u hpe hkan shachyut mat wa na she jan du hkra tim nhtung nhpring hkraw rai na ndai u langai mi pyen lai mat wa ai da. Shaloi she "Nang i nye nhtung achyaw baw kau ya" ngu na shi gaw shachyut mat wa rai jang she jan du mat sai da. Jan du hkra shachyut mat wa rai jang she jan du jang she bai wa rai jang she mawngbya gaw shan shadu hkut na she shi gaw sha kau ngut rai na she shi sha na hte mung garan tawn kau rai na she shi gaw sha kau ngut sai. Sharaw bai wa yang gaw "Ngai gaw sha ngut sai ya gaw nang na matu sha rai sai" ngu na sharaw hpe e sharaw hpe bai sha shangun rai jang she sharaw gaw ashan gaw "She shan ndai grai hka ai wa i" ngu na tsun jang "Nang e tsun sai shan hpai yang e akali akalaw ngu na hkum tsun ngu na nang e tsun sai" ngu na tsun yang she sharaw gaw hpang e shan bai garan ndai mawngbya shan bai garan ya rai na she shan garan ya ngut ai hpang she sharaw gaw shi na gam bum gaw sha kau ngut, shan yan lahkawng na mawngbya gaw loimi makoi tawn da na sharaw gaw shawng sha ngut kau rai jang she mawngbya gaw ndai du krung de na wa du n-gang e gaw lahput kaw mara tawn rai na she "Kadai mung kadai na gam bum gaw sha ngut kau sai, ya gaw ngai na sha nga sai" ngu na shi gaw "Ngai gaw nye lahput she nga sai" ngu na shi hpe e lahput kaw kawa sha dan re kaw na daini du hkra anhte shinggyim masha ni hpe kawa sha mayu ai myit masin rawng ai da. Sharaw gaw kawa sha mayu ai myit masin rawng ai da.
Origination date 2019-02-06
Origination date free form
Archive link https://catalog.paradisec.org.au/repository/KK1/2489
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Hkawn Tawng : speaker
DOI 10.26278/5fa2c2f563e7c
Cite as Keita Kurabe (collector), Keita Kurabe (depositor), Hkawn Tawng (speaker), 2019. Mangbya hte sharaw (Mangbya and tiger). EAF+XML/MPEG/VND.WAV. KK1-2489 at catalog.paradisec.org.au. https://dx.doi.org/10.26278/5fa2c2f563e7c
Content Files (3)
Filename Type File size Duration File access
KK1-2489-A.eaf application/eaf+xml 42.5 KB
KK1-2489-A.mp3 audio/mpeg 12.6 MB 00:13:43.857
KK1-2489-A.wav audio/vnd.wav 453 MB 00:13:43.825
3 files -- 465 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,437 translations are currently available (November 23, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found