Previous item Next item
Item details
Item ID
KK1-2243
(Collection Details)
Title Jan Shu Mayu Ai Lam (The Origin of the Solar Eclipse)
Description Transcription (La Ring)
Ya ngai hkai na maumwi gabaw gaw jan shu mayu ai lam ngu ai re. Moi.. da ndai la jahku kasha shan nau ni nga ai da. Shan nau ni gaw lani mi na aten hta e yi hkyen sa ai da. Shan nau ni nta kaw rem da ai gwi mung woi rai nna ndai la jahku ma ni gaw shat makai mung hpra hpra gun rai nna yi hkyen sa ma ai da. Yi hkyen sa rai yang she yi hkyen shara kaw du rai yang e ndai Kanau hpungdim hpe gaw naw kaji ai re majaw yi nwoi hkyen ai sha shan nau ni a shat makai hpe e gwi sha kau na tsang nna Kanau hpungdim hpe gaw shan nau ni a shani shat sin nna nga da shangun ai da. Kahpu ni gaw yi ngam de e yi sa hkyen mat.. rai yang she kaja wa Kanau hpungdim mung shan nau ni a shani shat sin nna nga taw nga ai da. Nga taw nga yang she lapu langai mi gaw gumtsun sa wa ai da. Dai majaw dai ma Kanau hpungdim wa gaw lapu hpe hkap kahtam sat nna dai makau kaw e kabai tawn ai da. Kabai tawn nna dai hku nga nga yang she kaga lapu langai mi bai sa wa ai da. Lapu langai mi bai sa wa wa dai ma kasha sat da ai lapu mang dai hpe e sa yu kau da nna bai hprawng mat wa ai da. Bai hprawng mat wa rai yang she jahkring nrai yang she namlap langai mi di lang nna, di makrang lang nna bai sa wa ai da. Dai ma kahtam sat da ai lapu a ntsa kaw she dai namlap sa mara tawn da nna bai rai mat wa ai da. Jahkring rai yang dai si mat lapu gaw shamu wa ai da. Shamu wa rai na she, "Yii.. ndai gaw kaning re i ngu na dai ma hpungdim wa gaw yu taw nga yang she lapu dai gaw mi namlap sa di mara da ai lapu dai wa kalang bai namlap langai mi di makrang lang nna kalang bai sa mara da ya ai da. Rai yang gaw, ndai ma hpungdim ndai wa gaw "Yii.. ya n dai gaw aloi sha rai na mi, amai sha rai na mi ndai lapu bai shamu hkrung wa re ndai gaw tsi lap she rai sam ai law" ngu na she ndai ma gaw dai hku myit la rai na she dai lapu rai mat wa ai de hkan mayun yu ai da. Ndai ma hpungdum wa gaw hkan mayun yu yang she e dai lapu gaw hpun langai mi kaw na namlap bai sa di nga ai hpe shi gaw mu dat ai da. Mu rai na shi gaw matsing da sai da. Lapu dai mung masum lang sa di shakap rai yang she kaja wa mi kahtam sat da ai lapu wa gaw mai mat nna she hkawm mat wa sai da. Rai jang gaw ndai la jahku ma ni a Kanau hpungdim ndai wa gaw dai tsi hpun dai hpe matsing da nna she lapu rai mat wa ai hpang shi gaw le apawt hte nawng di na gawt la ai da. Gawt la nna shi nhpye hpyeng gang kaw e baw gun da sai da. Shi gaw ding rai na ndai lapu shada tsi hkat ai hpe yu wo ra tsi lap gara kaw na la ai dai ni hkan maram yu tsi pawt ni bai tsi bai hkan gawt kayin hkawm rai nga yang gaw ndum shami tsawmra mi jan du wa maga pyi rai sai da. Rai yang gaw Kahpu ni mung dai shaloi gaw kan si nna shani shat wa sha na re nga na Kahpu ni yi hkyen ai yi ngam kaw nna dai shan nau ni shat tawn da de wa yang she shat wa shat makai jahku re wa shat makai langai pyi n nga nga la ai da. Dan rai jang Kahpu ni gaw Kanau hpungdim hpe e sha kau shadu nna she e "Ga.. ya annau ni marai jahku ting a shat makai wa mi nang hkrai ma hkra sha kau ai gaw kaning re kan wa re ta, ga yu ga" ngu na Kahpu ni gaw dai hku ngu ai da. Rai yang gaw Kanau hpungdim gaw shi nsha ai lam atsawm sha tsun tim mung e nkam ai da. Ndai kanau hpungdim gaw dai hku lapu hte tsi hte e dai lapran kaw e dai de chyu myit lawm mat ai nga yang she gwi gaw shat sha kau gaw nmu kau dat rai na e gwi ni sha kau ai hpe she Kahpu ni gaw Kanau hpe sha kau shadu rai nna she "Na kan dai gaw kaning rai na me annau ni marai jahku na shat wa nang hkrai nan ma hkra sha kau ai gaw kaning re kan re ta, ga yu ga" ngu tsun yang Kanau gaw kade ning dang tim nkam na sha Kahpu ni ga na hkyen hkyen rai taw sai da. Um.. Kanau gaw "E.. ngai gaw nsha kau dum ai raitim mung nanhte nkam yang gaw ga yu mu, raitim mung ngai si mat jang ngai na nhpye hpyeng gang hpe e nye kan ntsa kaw hta mara ya yaw" ngu na dai hku htet ai da. Kahpu ni hpe dai hku tsun yang she kaja wa Kahpu ni gaw ga yu sai da. Kanau na kan hpe ga yu yang gaw kan kata kaw gaw hpa shat hkyep mi pyi nrawng ai da. Nrawng jang she Kanau htet da ai hte maren Kanau na nhpye hpyeng gang hpe e shi a ntsa kaw hta mara kau da ya nna Kahpu ni gaw nta de wa mat ai da. Kanu yan Kawa hpe mung dai hku wa tsun dan rai na wa mat rai yang gaw ndai Kanau hpungdim gaw shi hpe n dai tsi rawng ai nhpye hta mara da ya sai majaw shi mung bai hkrung wa ai da. Hkrung wa rai nna shi a kan kaw na ningma ni mung shi tsi la rai na she dai hku shi hkrai bai shamai la mai wa ai hkrung ai raitim mung shi gaw dai shani kaw na Kahpu ni hpe yawn nna nta de nwa mat ai sha shi na tsi nhpye dai sha gun rai nna shi kam ai de dai hku hkawm mat wa sai da. Hkawm mat wa rai yang she lam makau na lagyawk kaw e ndai shu kret langai mi si hkraw taw nga ai hpe wa mu ai da. Rai jang gaw dai shi gun ai tsi hte dai shu hpe mung tsi shamai la nna bai hkawm mat wa sai da. Bai hkawm mat wa yang she, mare langai mi kaw bai du yang she mare makau kaw e dai mare kaw na ni ndai "Maraw nat" jaw nna she gwi langai mi ma, u langai mi ma sat htau sat tawn ai si taw ai bai wa mu rai yang she dai hpe mung shi gaw tsi shamai la nna bai woi mat wa sai da. Woi mat wa rai yang bai hkawm mat wa rai yang ndai shanhte a kahtawng hte tsawmra tsan ai kaw na kahtawng langai mi kaw bai du rai yang she dai kaw she mare makau kaw du wa yang e dai mare de masha hkrap ai nsen bai na dat rai na shi gaw shang wa yu yang she num kasha langai mi gaw si taw nga ai da. Si taw nga yang she shi gaw e Kanu Kawa ni hpe e san yu yang e ya.. ya sha si wa ai re ngu na tsun dan rai jang shi gaw ndai shi gaw lu tsi na re lam hpe Kanu Kawa ni hpe shi gaw ga shakra dat ai da. Rai jang she shi n dai la kasha wa mung shi myit hta e grai matsan dum re myit hte ndai num si taw ai num sha hpe e "E.. e ndai num sha mung ngai zawn zawn rai na nkam si tim si ra ai, si ra nna si mat wa ai rai nga lo" ngu na shi gaw grai matsan dum ai myit hte shi gaw dai hku Kanu yan Kawa hpe shi tsi lu ai lam tsun dan rai jang she "E.. jinghku ma e she lu tsi, lu jahkrung yang gaw jahkrung ya rit lo, nang lu jahkrung jang gaw nang hpe e ja bau yamnga raitim jaw na lo" ngu na tsun ai da. Rai jang she ndai ma hpungdim ndai gaw shi gaw hpungdim re majaw la jahku ma kaw na re majaw gaw Makying, Kying Nang ang ai da. Rai na ndai hpungdim Kying Nang wa gaw ndai si mat ai ma num sha na Kanu Kawa ni shi hpe e ja bau yam nga jaw na nga tim mung shi gaw hpa nta mung nlu, madu jan mung nlu shi re re majaw gaw shi hpe dai kumhpa ni jaw tim shi na matu gaw hpa akyu nnga dum ai gara kaw njai lang dum ai dai majaw ndai si mat ai num sha na Kanu Kawa ni hpe she ndai num sha hkrung wa jang shi hpe jaw na matu bai tsun sai da. Tsun jang gaw ndai Kanu Kawa ni mung "E.. num sha ngu ai ni hpe gaw ra ai ni hpe e jaw ya ai baw she re gaw tsi jahkrung ai wa hpe e jaw ya yang gaw grau mai nga ai ngu na she shi hpe ga bai jaw rai jang she kaja wa dai num sha hpe shi gaw tsi jahkrung rai nna shi hpe e ndai num sha hpe mung shi hpe jaw sha rai na shan lahkawng dai hku dinghku de sai da. Ndai num sha a Kanu yan Kawa mung shan hpe nta ni galaw ya, dinghku rai ni garan ya rai na e.. dinghku de ya sai da. Dan rai she lani mi hta ten hta ndai hpungdim Kying Nang wa gaw bungli galaw sa mat. Shi madu jan gaw nta kaw da da nna nga rai yang she shi da da nna ndai ri tam ai ngu nna nhku kaw amya hkawm yang she ndai madu wa na ndai tsi gaw, tsi bang da ai shi gaw wa mu dat ai da. Wa mu rai yang gaw aten tsawmra na hkra tawn da sai majaw tsi dai gaw lamu mashu tu wa ai da. Dan rai jang she madu jang gaw "E.. ya ndai tsi ndai lamu mashu tu wa na hkyen sai, ya daini ajan mung grai mai tsawm re gaw lam na re" ngu na shi da da ai makau kaw e ndai atsi hpe shaw lam da ai wa, shaw lam da ai kade n na yang she ndai.. jan ga na jan ma ni gaw ndai tsi hpe mu ai hte she "Ret" di nna sa hta kashun la mat wa ai da. Dai num jan hkan mu dat yang gaw htaw.. jan shingbut ga de e la mat wa ai da. Rai yang gaw shana de madu wa bai du wa yang dai lam ni bai hkap tsun dan rai yang she la Kying Nang wa gaw grai myit npyaw sai da. "E.. ya tsi ndai sha nlu yang gaw.. ndai dinghku masha ni gaw ya du hkra hkrung nga na n re" ngu na shi gaw myit yu magang njaw dum magang rai na she ndai e atsi ndai bai wa mawai la lu na matu ndai shi a kahtawng masha ni yawng hpe bai shaga la rai na ndai jan ga de wa gasat nna ndai tsi wa mawai la na bawng la sai da. Bawng la rai na she ndai ginrawng kaba ngu ai lakang kaba hpe she ndai mare masha yawng hpe saw la n na wo... jan ga de du hkra gaw lung wa na matu woi galaw sai da. Woi galaw rai na galaw galaw rai yang gaw htaw.. jan shingbut ga kaw e du wa ningtawn kaw she ndai hpungdim Kying Nang ndai wa mi.. shi tsi la ai ndai gwi ma, shu kret ma, u ma ndai ni hpe mung woi di na jan ga de dai hku ginrawng lakang kaba galaw nna dai hku woi lung mat wa rai yang gaw ndai jan shingbut ga kaw e du wa na ningtawn kaw sha ndai shanhte gaw lung wa ai ndai lakang wa gaw le.. npawt kaw e nhkan sha nna she ndai gaw ai aten tsawmra na sai majaw nhkan sha mat rai na she ya ndai jan shingbut ga kaw e du wa ai hte she shanhte gaw ndai jan shingbut ga na ni kaw na ndai atsi htim kashun na matu hkyen nna she sa htim gare dat ai nga yang she ndai lakang gaw npawt de e nhkan sha tsam mat na she daw ayai mat wa ai da. Daw ayai mat wa shaloi she ndai shu kret gaw jan hpe e sa kawa makrang sa mayu dat ai da. Rai jang she shu gaw ndai hpungdim Kying Nang wa na lahpa kaw dung n na she jan kaw e kajau ndai lakang daw wa ai hte she kalang ta kajau mayu kau dat ai da. Dan nga jang she ndai htaw.. sumsing lamu kaw nna e jan shingbut ga kaw nna ginding aga du hkra gaw migrip mi na lapran she huuu.. nsin chyip rai na byin mat ai da. Rai jang gaw shinggyim masha ni gaw grai myit tsang nna she e "E.. Karai e ndai jan shingkang hpe e lawan tat ya mi lo" ngu nna jahtau marawn ai hte ndai hpri magri ni dum shangoi ai hte sinat ni gap ai hte di nna dai hku marawn jahtau jang she shu kret gaw kaning nchye di nna bai prat da rai na she ndai jan hpe e bai mu lu ai re da. E dai majaw daini du hkra n dai jan mayu ai lam hpe e ndai hku na hkai yu wa ai lam re da.
Origination date 2017-04-15
Origination date free form
Archive link https://catalog.paradisec.org.au/repository/KK1/2243
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Shadau Hkawn Shawng : speaker
DOI 10.26278/5fa177197b784
Cite as Keita Kurabe (collector), Keita Kurabe (depositor), Shadau Hkawn Shawng (speaker), 2017. Jan Shu Mayu Ai Lam (The Origin of the Solar Eclipse). EAF+XML/MPEG/VND.WAV. KK1-2243 at catalog.paradisec.org.au. https://dx.doi.org/10.26278/5fa177197b784
Content Files (3)
Filename Type File size Duration File access
KK1-2243-A.eaf application/eaf+xml 38.1 KB
KK1-2243-A.mp3 audio/mpeg 13.1 MB 00:14:16.850
KK1-2243-A.wav audio/vnd.wav 471 MB 00:14:16.835
3 files -- 484 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,449translations are currently available (December 28, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found