| Description |
Translation (Rita Seng Mai)
This time, I will tell you about a taro plant whose leaves look like a human face. Once upon a time, there was a couple who loved each other so much in a village. The girl's father and brothers were against their relationship. They didn't approve of their relationship and did everything they could to separate them. However, the couple loved each other so much. They couldn't be separated. One day, the couple tried to run away together. They discussed it. The girl agreed to run away with her boyfriend. She packed some rice and some clothes. And she went to the place where the boy had arranged to meet her. And she was waiting for him there. The boy also went there to meet her at the agreed time. He went to the place where his girlfriend was waiting. They ran into the forest to escape from their families. Soon, the girl's brothers chased them. They gathered all the villagers and chased after the couple. They claimed, "We will kill them the moment we find them!" There was no one to help the couple; they were running alone. But all the villagers were chasing after them. The couple didn't know what to do, so they ran into the taro plant field. They ran into it. They saw the taro plant field and ran into it. The people who chased them were on the hill. They saw the couple and shot at them with a slingshot. The couple died due to that injury. The brothers and villagers killed them by shooting pellets at them with the slingshots. The taro plants near the dead couple later developed structures similar to human faces. Although the couple died in the middle of the taro plant field, the family didn't bury them properly. They just left the corpses there. As time passed, their bodies decayed and eventually disappeared. The later-growing taro plants had leaves shaped like human faces. The faces on the leaves resembled the expressions they had at the time of their deaths, caused by the brothers who killed them. To this day, those taro plants grew structures that resemble human faces. They became untouchable taro plants.
Transcription (Htu Bu)
Ndai kalang gaw, Shinggyin Hkang Hkang Mat Ai Na-htam Lap A Na Lam hpe tsun dan na re. Moi kalang mi hta e, kahtawng langai mi kaw e, grai tsawra hkat ai num hte la nga ma ai da. Dai yan lahkawng hpe gaw, dai num wa a kahpu ni hte kawa ni gaw grai myit n hkrum ai da. Num wa a kahpu hte kawa grai myit n hkrum na shan lahkawng hpe hpan, lam amyu myu hku shan lahkawng hpe je ai da. Raitim shan lahkawng gaw grai ra hkat ai majaw, gara hku ma shan lahkawng n lu hka ai da. Lani mi na n'htoi hta gaw shan lahkawng gaw lagu hprawng na matu, jawm bawng ma ai da. Madu jan, num wa mung hkraw ai hte maren shan lahkawng gaw, n'gu loi mi sha la lang rai na she, shi a labu palawng sha la lang rai na shi gaw, dai la wa tsun da ai shara de shi sa mat wa ai da. Dai kaw la wa hpe la taw nga ai. La wa mung tsun tawn da ai, shi tsun tawn da ai ten du ai shaloi, dai num wa hpe la da shangun ai shara de shi mung sa wa rai na shan lahkawng gaw, grai myit hkrum na nam mali kaba de shan lahkawng hprawng mat wa ma ai da. Dai de hprawng mat wa re shaloi gaw, kahpu ni mung, hkan shachyut ai da. Shi mare ting ting dai kahtawng ting na masha ni hpe woi tam let shachyut ai da. Shachyut na she, mu yang sat kau na ngu ai da. Mu yang sat kau na ngu na shachyut, re shaloi gaw, dai num yan la mung shan yan lahkawng gaw shan lahkawng hkrai sha re. Shan lahkawng hpe shachyut ai ni gaw mare ting re majaw shan lahkawng gaw gara hku kaning n chye di mat ai majaw, kaning n chye di mat ai majaw shan lahkawng gaw Na-htam grai tu ai, Na-htam shalawng de shan lahkawng hprawng shang mat wa ma ai da. Dai kaw hprawng bang mat wa ai shaloi gaw, dai kaw mu ai majaw dai kaw na shan lahkawng gaw, dai Na-htam shalawng de shang mat wa ai. Shan lahkawng hpe hkan shachyut ai ni gaw kawng ntsa kaw re da. Dai kaw na ni yawng hkra hte shan lahkawng hpe Lahpaw hte jawm gap ma ai da. Lahpaw hte jawm gap re shaloi gaw, shan lahkawng si mat wa ma ai da. Dai kaw e, Lahpaw hte shanhte, shanhte gaw dai yan hpe e, gap sat kau ma ai da. Dai shan lahkawng si taw ai dai, makau hkan na Na-htam hpaw ni yawng hta mung Shinggyin hkang hkrai hkrai byin ma ai da. Dai kaw na gaw shan lahkawng mung si mat wa rai na she, dai kaw nan shanhte n lup ai da. Dai hku sha, manang hpe mung dai hku sha kabai kau da ai da. Dai shaloi gaw, shan lahkawng gaw dai kaw na, bai yat na, dai kaw sha dai hku shan lahkawng a mang gaw mat mat ai da. Dai kaw bai tu wa ai Na-htam ni mung yawng hkra hte dai kahpu ni gap ai shaloi na zawn zawn rai na dai Na-htam lahpaw kaw gaw Shinggyin hkang hkang ai Na-htam ni sha bai tu wa, bai tu wa re da. Dai kaw na, ya daini du hkra shara ra kaw e tu ai Na-htam n'hpang ni hta gaw, Na-htam lap nawng nawng dai zawn rai na Shinggyin hkang kaba ba law hkang na, n mai lang ai Na-htam hpun ni tai mat ai da. |
