| Description |
Transcription (Htu Bu)
Moi gaw Nyau hte Yu na maumwi re ai. Moi shaloi Yu na shan gaw grai sha mu ai da. Dai majaw masha ni gaw rim nna wan ju sha ma ai da. Masha ni gaw Yu ni hpe ram na ju sha ai, majaw kaga dusat ni ma, kaga dusat ni gaw, yu n ju wa ai da. Kalang hta dusat ni hpe rim na sha ai ten hta Yu na shan wa kaja wa sha mu ai hpe chye mat ai da. Dai majaw, dai hpe Nyau ni gaw chye mat ai da. Dai majaw ndai prat hta, Yu na hkum wa, Nyau na aw, dai prat hta Yu na hkum wa Nyau na hta grau kaba ai da. Nyau na hkum hta grau kaba ai. Dai majaw kade mi rim sha mayu tim, Nyau hpe wa Yu hpe wa, Nyau wa n dang ai da. N dang ai majaw n lu rim sha ai da. Yu gaw Nyau na ram n lawan tim, Nyau na hta gaw grau ja taw ai da. Dai majaw baw nu pyi she hkraw mat hkra myit taw ai da. Lani mi hta Nyau gaw masum ning ram myit da ai, masum ning ram myit da ai, masum ning ram myit da ai, lam hte Yu ni sa ai lam kaw sa la taw na "Manang, e, manang Yu, Yu wa." da "Nang masha ni na, hkauna ni hpe hkan shahten na masha ni gaw hkauna kaw lat taw ai." da. "Nanhte yawng hpe tsep kawp langai pyi n nga hkra sat kau na da." "Ngai re majaw nang hpe ndai lam sa tsun dan ai. Nang lawan hprawng u." ngu tsun ai da. Nyau na, Nyau na ga gaw masha ni hpe myit na Nyau myit ai gaw masha ni, masha ni, masha ni hpe myit na, myit ni ru na, yawn na lasi wa na hkum ni kaji mat ai ten hta Yu hpe dang na re ngu shi myit ai da. Dai ten hta rim sha na ngu ai myit dai ten hta she, rim sha na hku glaw ai da. Dai majaw Nyau ma, dai majaw Nyau ma myit da ai hku sha, myit da ai hku sha, Nyau shi myit da ai hku, Yu hpe tsun ai da. "Anhte dusat ni yawng, n rai yang ma, masha ni ma shani shagu rim sha taw yang, rim sha tim anhte, rim sha n ma ai." da. "Hpa majaw nga, anhte, hkru hkru, hkru hkru lu sha ai majaw, anhte gaw grai, grai law jat lawan ai." da. "Anhte Yu yi ni gaw shata mali hta kalang, Ma shangai ai. Kalang lu yang, kalang shangai yang 7, 8 ram, shangai ai. Nanhte n lu sha ai law." ngu tsun ai. Nyau gaw grai kaya mat ai da. Dai kaw, Nyau na myit gaw, myit magaw ai hku bai myit ai da. Shaning daw langai, shaning daw mi du wa ai ten hta, bai sa tsun ai da. "Manang Yu e, nanhte na Yu Yu amyu ni gaw grai law ai. Nanhte Yu ni gaw grai law ai. Masha ni gaw laning mi hta kalang sha hkauna galaw ai. Shanhte na mam pru ai ten she nanhte lu sha ai. Dai, Nai ni, namsi ni lu sha ai. Nanhte na zawn sha yawng hkru hkru lu sha taw yang e, Mungkan ting nanhte na zawn sha, oh gat, le gat, gat taw na nga le." da. "Dai hku nga yang, nanhte hpa sha na nga sana ma?" da. "Ngai gaw nanhte na manang re majaw tsun dan ai. Nanhte na hkum hpe loi mi kaji kau u." da. "N rai yang, hkum loi kaji hkra di kau u. N rai yang, nanhte shat ni hpa ni, shat n lu sha baw ni, dai baw ni, jam jau hkrum wa yang nanhte yawng si mat na. Wunawng wuwa si mat na." ngu tsun dat ai da. Yu gaw kajawng na Nyau na, "Nyau na ga kaja ai, dai hku, kaja wa mi byin wa yang gara hku di na ta? Anhte na hkum ni gaw moi kaw na ndai hku byin taw ai. Nang tsun ai grai jaw ai. Ndai manghkang kaba langai re. Nang gaw anhte Yu ni na manang re. Jinghku re. Manang kaja re. Nang sha karum la yang gaw." tsun ai. Nyau gaw loi mi myit na, "Ndai hku di ga." da. "Hpang, nnan hpang ai shaloi, shata masum ram shat hkum sha." da. "Shat n sha na, nga yu." da "N re yang ma, ga kata shang na, ga kata ga htu na, kata, ga htu na nga taw u." da. "Nbung hpe chyi mi sha nbung hpe chyi mi sha sa u." da. "Jan hkra ai hte, jan hkra ai yawm yang, nanhte kaw na hkum ni kaji mat na ra ai." ngu na tsun ai da. Yu gaw Nyau tsun ai hku, Yu ni gaw Nyau tsun ai hku galaw wa ai. Dai kaw na (sa) na, dai kaw na hpang na Nyau ni gaw Yu ni shat, shat sha gam na nga ai hpe, sha gam na nga ai hpe lagu na yu ai da. Kaja wa Yu ni ma sha gam ma ai da. Dai sha gam ai hpe gaw grai sharang ai majaw shanhte na myi wa ya du hkra, lani hte lani grau grau na tu tu wa ai. Yu na ladi mung grai sharawng ai majaw hkum ni, n'ra ni wa grai dawng wa ai da. Mai mung kaji na, kaji hkra kaji ai hte grau grau kaji na mun ni tu wa ai da. Kan si ai hpe grai sharang ai majaw, hkum ni ma, hkum ni ma, hkum ni ma loi mi kaji mat na, ngut na hpang shangai ai Yu kasha ni na hkum ni ma grai kaji mat ai da. Dai majaw Nyau gaw Yu hpe, lu masu la ai majaw ya du hkra, Yu ni hpe lu rim sha taw ai. |
