| Description |
Translation (Rita Seng Mai)
The story I am going to tell is about a wild man and a trader. In the past, there were only double-hulled sailing canoes. Many people were riding that kind of canoe and went somewhere. They were traders. They were going somewhere to sell their goods. Unfortunately, a storm hit them in the middle of the sea. The canoe was sunk, and many people on the canoe were dying. One man on the canoe was alive. He put all of his efforts into swimming. Then, he could reach an island. He was perplexed. He didn't know where he was. The hunger hit him. So, he searched for some fruits to fill his stomach. Then, he stayed on the island for a few days. While he was wandering there, he found a grandfather sitting on a rock. He thought, "I can make friends with him." He was so happy and talked to the grandpa. He called, "Grandpa." But he found that the grandpa was not a human. That old man had a human body with lots of hair. He was just a wild man. The grandpa waved at him and rode on his shoulders. He couldn't speak and showed where he wanted to go by pointing. The grandpa made the man sleep in the cave. He stayed with him together. If he couldn't go where he wanted, he choked the man with his legs. One day, while they were walking near the shore, the trader thought, "The grandpa might want to take a rest here." So, he tried to put him down. But the wild grandpa didn't climb down from his shoulders. That wild old man was happy because he could order the trader what to do. It was already two or three days that he bullied him. Then, the man got angry and thought to himself, "I need to do everything to escape from this wild man. Shall I just kill him?" When the man tried to put him down, the wild old man tried to choke him as well. The trader thought, "It's not good for me. This crazy wild man might kill me." So, he used all of his strength and shook him off from his body. And he said to the wild man, "I'm exhausted. Let's take a rest here." The wild grandfather thought real and fell asleep. While the grandpa was sleeping deeply, he took the rock and hit the grandpa's head. He killed him and ran to the shore quickly. Luckily, he saw a group of travellers with a boat near the shore. So, he swam there and went back to his home.
Transcription (Lu Awng)
Ya ngai hkai na maumwi a gabaw gaw hpaga la langai hte ja chawoi a lam re. Ndai moi shawng de e da, ndai panglai kaw e sanghpaw ngu gaw ndai sumpan hte hkawm ai sanghpaw nga ai prat e re da. Dai prat hte e sanghpaw langai hte e hkali le i, hkali langai hte shanhte hpaga masha tsawm ra re na jawn sa wa ma ai da. Shanhte gaw kaga de e rai ni htaw dut na matu sa wa ai da, ndai hpaga la langai mi mung shi dut la na ngu ai, dut na ngu ai rai ni hpe e htaw re na sa wa ai da. Dai kaw shanhte oh panglai kaang du yang e she n bung laru wa ai majaw shanhte na hkali dai mung lup mat re jang she masha ni mung dai hka kaw lup mat shajang ai da. Lup si mat shajang she ndai masha langai mi gaw grai re na shi na n gun tup, n gun dating nna i, hka hpungyawt she hpungyawt re na she shi gaw ndai zinglawng langai mi de pru wa ai da. Zinglawng langai mi de pru wa re dai shaloi she shi gaw gara kaw du taw nga ai, gara maga de she shi na nga shara re mung n chye, ndai gaw gara maga de na zinglawng re mung n chye da. Retim mung shi gaw dai hku na nga aten tsawm ra na na dai hku na nga taw nga ai da, dai kaw e oh ra namsi namsaw ni i, tu ai ni dai ni hpe sha di sha re na shi gaw dai hku na dai zinglawng kata kaw na nam maling kaw e hkawm nna nga taw nga ai da. Nga taw nga re yang she, kalang mi na gaw shi hkawm wa yang e she, dingla langai mi wa dung taw nga ai da e. Nlung langai mi kaw dung taw nga ai da, dingla dai gaw dung taw nga na she shi sa wa na she shi gaw masha kaja re sai ngu na e jidwi shi na manang hkrum sai ngu na shi gaw grai kabu gara hte sa shaga dat ai da. E jidwi ngu na sa shaga dat jang she oh ra wa gaw shi hpe mada yu na she hkrak nga masha nre taw ai da. Atsawm sha yu dat jang gaw hkrum hkrang ni gaw masha zawn gaw san na she amun ni ma tu taw she re taw nga ai da. Shingrai na she ohra wa gaw shi hpe lata hte sha dingsi shaga la ai da, re na shi gaw htep hkra bai sa wa re yang she dai wa mi gaw shi dukrung e lungjawn mat sai da. Lungjawn na she oh ra shi sa mayu ai de lata hte she ga gaw n chye shaga na, lata hte shi sa mayu ai de shaga na woi hkawm ai da. Dan re she lana mi gaw shi nga ai shara oh lungpu de e wa woi yup ai da. Dai kaw wa woi yup re na kaja wa nan dai wa kaw jawn na dai kaw wa yup ai da, dai kaw wa yup, wa yup nna bai pru hkawm. Pru hkawm na dai masha dukrung kaw bai jawn nna dai hku na bai shani tup tup dai hku hkawm ai da, shi hkawm mayu ai de woi sa ai da, shi sa mayu ai de nsa hkraw jang du manat wa ai hte rai dai hku na rai ai da. Ndai masha chawoi ngu wa gaw, re jang she kalang mi na gaw oh de masha wa gaw hka kau maga de e aw chawoi wa gaw loi mi hkakau ni ai, panglai ni ai, maga de woi gayin hkawm mat wa ai da. Dai shaloi gaw shi gaw ndai kaw e gaw hkring saka nga na sam ai ngu na she dai maga de, hkring saka nga na shi mung grai kabu na she dai masha chawoi hpe e shayu na matu shi hkyen ai da, shi dukrung kaw na shayu na matu shi hkyen ai shaloi gaw shayu dat yang wa mi she n yu hkraw ai. Shi kaw sha noi tik tik re da, noi tik tik re na she kaja wa nan shi gaw grai myit htum wa na she noi tik tik re jang she ndai hku na bai hkan nang hkawm, hkan nang hkawm ai da, shi ra ai hku sha hkan nang hkawm she, shi sha mayu ai namsi ni, shi masha wa hpe di shangun na shi gaw dai hku na sha re na she grai nan pyaw na nga taw nga ai da. Re jang she dai kaw na mung shi n yu hkraw re na bai hkawm hkawm re yang she ga dai wa gaw ndai 2, 3 ya i ndai hku sha shangun sha mat wa ai da, shangun sha re na nga she shi gaw dai wa hpe gaw shajawn ba, shadun ra, sha ai gaw namsi kachyi chyi sha lusha re jang she grai kawsi wa na masha chawoi ndai hpe ngai gara hku sat kau na kun ngu gara hku byin tim ndai lata kaw na lawt na kun ngu na shi myit ai da. Shi myit nna hkawm wa ai shaloi gaw shara mi kaw bai du ndai hka kau de loi mi ni ai shara de bai lu wa re she ndai shi hpe bai shayu u ngu na shayu dat yang wa she shi gaw n yu ai she shi na du kaw na she galaw jum manat wa ai da, shaloi jang shi gaw n byin sai ndai wa ngai hpe manat sa wa ai baw she re sai ngu na she aja wa ari jahkrat dat yang wa she kaja wa nan ari dat jang she kaja wa nan dai masha wa chawoi nga wa gaw ga de di hkrat wa ai da. Ga de di hkrat wa na she ndai shi gaw grai ba ai yup la ga ngu na shi hpe e tsun ai da. Dai tsun na kaja wa nan shi mung grai ba ai hku na shi galaw na nang dai kaw yup ngai dai kaw yup ngu na she shi hpe e lata hte e dai hku nan sha tsun dingsi tsun na she dai hku bai woi yup she ndai masha chawoi wa gaw kaja ja yup wa sai da. Ndai masha la wa gaw shi hpe maja taw nga re yang she masha chawoi wa gaw kaja wa nan yup malap wa ai hte shi gaw dai makau kaw e taw nga ai n lung langai mi hta la na she ndai masha chawoi hpe baw kaw e dai n lung hte e i kabai a dup kabrep sat kau da re na she shi gaw hka kau de bai gayin wa re yang she kaja wa nan ang sha-a wa she dai kaw e oh masha ni e hkrun lam hkawm ai ni hka hte e hkakau hte loi ni ai shara kaw she dai bai nga re yang she shi mung dai kaw she kaja wa nan bai hpungyawt sa na dai hkali kaw bai lu shadu wa na dai kaw na lawt mat wa ai da. |
