| Description |
Translation (Htoi Awng)
Once upon a time, there was a dreamer in a village. He made the bamboo baskets for his living. He thought, "Making bamboo baskets is not easy at all. I need to collect some bamboos, cut them and need to make thin bamboo strips. It's such difficult work. I think it would be okay if I make baskets by using roots and vines. It is much easier than making bamboo baskets." One day, he climbed on a tree. He was sitting on the branch and thought, "Should I work today or chill without working? But I will not get any money if I don't work. I will make some baskets by using the vines from this tree. I can usually make two baskets in a day. There are plenty of vines. I do not need to cut them like bamboos. Then, I can get more baskets than usual. I would get a lot of money too." While he was thinking, a bird rested right on his head. The bird said, "My friend! What are you thinking about? Are you very free? Why are you sitting here?" The man said, "Don't judge me! I am so busy dreaming how I should do." The bird said, "What can you get just by thinking like that?" He said, "Wait and watch!" The bird said, "You better do your daily job." The man said, "Don't disturb me. I am thinking how I should do. This is more important." The bird said, "You should know if dreaming can really benefit you or not." The man said, "Shut up! Don't talk to me! I am busy now." He kept thinking on and on, "There are plenty of vines on this tree. I just need to pick them and make the baskets. I can do two or three baskets than usual. I can make more money. I needed to work under the sun to make bamboo baskets. Now, I can work under the shade. I will get more money and am going to be rich. I can revenge people who look down on me and that stupid bird." While he was dreaming happily, the bird came near him again. It said, "Hey, my friend! How are you?" The man was angry and kicked it hard. But he forgot the fact that he was sitting on the tree. When he kicked it, he fell from the tree. He was stuck on a branch. He was shouting for help. Then, the villagers heard him and saved him. They asked him, "What happened?" He explained, "I was thinking of a particular idea by sitting on the tree. While I was thinking, the bird often came and talked to me. So, I tried to kick it. Then, I fell from the tree." The villagers said to him, "You are overthinking without doing practically. That is why you are in trouble. You almost lost your life. If we didn't come to save you, you couldn't make any baskets too. But now, you are alive although you couldn't earn any money for today. You should abandon your bad habit start from now on. And you should make practically." Since then, he didn't make that bad habit again. He made the bamboo baskets the way he did before.
Transcription (Lu Awng)
Moi shawng de e da ndai mare kahtawng langai mi kaw gaw ndai myit shingran hte myit shingran mu chye ai la langai mi nga ai da. Shi gaw hpa baw galaw sha ai i nga yang she ndai kawa hte e ka galaw sha ai wa re da. Dai wa she kawa hte re jang e gaw kawa ni kran la ra, shi na myit hta e dai hku na myit ai da. Kawa kran mung kran la ga, ga mung naw ga ra, pali mung naw mali la ra, re yang gaw ndai kawa hte ka galaw ai ngu gaw grai yak ai she re nga ai. Dai majaw kawa hte ka galaw ai nga ai zawn, ka mai galaw ai zawn, ndai oh hpun ru ni hte ka galaw ai mung mai na re dai hte re yang she grau hkrak na re ngu da. Shi gaw ndai hpun ru ni hte galaw yang she kran mung n kran la ra i, re na n dai grau hkrak na re ngu na shi myit ai da. Dai myit re na she lani mi gaw hpun langai mi kaw lung taw nga ai, hpun langai mi kaw lung ai da. Lung nna she hpun langai mi kaw e hpun labra, hpun lakying langai mi kaw wa dung, dai hku na hpun lung let i, dai kaw e wa a pa ba taw nga na she shi myit ai da, ngai ndai ya hpun ndai kaw lung nna ndai ngai ka galaw yang gaw, aw dai hpun dai kaw lung ai ten hta e shi gaw da law ya ngai dai ni gaw hpa n galaw ai nga mat na i, galaw na i ngu na shi myit ai da. E n galaw yang gaw ngai gumhpraw lap mi mung n lu na re, ka n lu galaw dut sha na re, ngai galaw nan galaw ra ai ngu na she ya ndai hpun ndai kaw e ngai lung nna ka galaw na ndai numru hte galaw na ngu da. Ndai hpun ndai kaw numru mung grai nga taw nga ai re majaw gaw numru hte galaw na shaloi gaw ngai shawoi shani, 2 ngut yang e ndai numru ndai gaw kran la mung nra sai re majaw gang la nna da bang bang, gang la nna da bang bang di sha re majaw gaw ngai gaw grau loi na sai ngu na dai hku na myit ai da. Grau shawoi shani na hta nga yang e ngai grau law hkra lu galaw na re shang gumhpraw mung shang gumhpraw mung grai lu na re ngu na myit taw ai da. Dai hku na myit re nga yang wa she u langai mi gaw shi baw ntsa kaw e sa dung ai da. Sa dung re na e jinghku wa e nang gaw hpa baw myit sum ru nga nta? nang gaw grai rau ai hku na she dai kaw she sa nga taw nga ai i ngu na tsun ai da. Shaloi jang e she e dai wa hpe mung nang ngai hpe hkum roi ngai ndai myit shingran ai hte bungli grai kin taw nga ai ngu na dai wa hpe tsun ai da. Na myit shingran ai gaw nang kaw e hpa akyu nga na kun? akyu nga na n nga na gaw yu yu u yaw ngu na tsun ai da. Nang shawoi galaw ai bungli lawan wan galaw u ngu na tsun ai da, shaloi jang she e ngai myit shingran taw nga ai re, ndai grau a hkyak ai bungli re ngu tsun ai da. Shaloi nang myit ai shingran ai bungli dai gaw akyu rawng na kun gaw n rawng na kun gaw nang bai chye na ra ai ngu na dai hku tsun ai da. Shaloi jang she hkum shaga ngai hpe hkum shaga ya ngai grai kin taw nga ai, ngai bungli grai n rau taw nga ai, ngai myit hte bungli grai n rau ai re ngu na shi hpe tsun ai da. Shi hpe tsun dat ai shaloi gaw shi mung shi hpe bai tsun ai, shi hpe tsun dat ai hpe shi myit hta bai matut myit mat ai da. Ya ngai shawoi ngai galaw ai hta ngai htam law law galaw na, ya ngai n dai hpun ndai kaw numru mung grai law hkra nga taw nga ai, ngai ndai hpe e gang la na da bang, gang la na da bang di galaw na, shaloi jang e ngai ka mung shawoi na hta htam 2, 3 lu galaw na ngai ja gumhpraw mung law law lu tam na re nga ai. Dai shaloi ngai mi ngai ka galaw sha nna ngai lu na sha na n law ai retim mung ngai ya ndai hpun naw lung nna hpun ru hte e ngai galaw yang gaw ngai grau nna lu na re. Kaga shara hkan e galaw yang gaw jan mung naw ja hkam ra ai, kawa sa kran yang mung jan ja ai, pali shit yang mung jan ja ai, ka wa yang mung jan ja ai da, dai majaw ndai hpun ru hte galaw jang gaw ngai hpun shingnyip kaw sha galaw nga lu ai. Gumhpraw law law lu na, shaloi jang she ngai gaw lusu sahte byin tai na mi ngai hpe e hpa n sawn ai i, ngai hpe nye myit shingran sa jahten ya re u ndai hpe mung ngai gaw gumrawng gumtawng lu shaga sa na re lu tsun sa na re. Ngai hpe e ngai ning re na galaw sha ai hpe e galoi mung yu kaji taw nga ai ni a man e mung ngai gaw lu gumrawng sa na re ngu na myit let sha shi dai hku na myit hte sha galaw taw nga ai wa she shi wa mi she dai kaw wa she oh ra shi na mi sa wa ai dusat i u ngu na dai wa she shi makau kaw bai sa pyen dung na shi hpe hay jinghku wa nang gara hku re nga ta ngu na dai hku sha naw sa tsun dat yang shi gaw pawt mayu na htawng dat ai da, dai wa hpe htawng dat ai ngu yang shi hpun ntsa kaw mara taw nga ai hpe n dum ai wa she dai wa hpe htawng dat ai ngu wa she di hkrat wa ai da. Di hkrat wa na she hpun lakying kaw bai gang noi na she le ga de mung n rai i, re na hpun kaw noi taw nga na she bai naw hkye la mi lo ngu na she bai marawn ai shaloi gaw ndai mare masha ni sa nna she shi hpe bai sa shayu la re da. Dai kaw na gara hku byin ai rai ngu na shi hpe san ai shaloi gaw ngai gaw hpun ntsa kaw lung nna ngai kawa hte da yang i kawa hte ka wa yang ngai grai ba ai jan grai ja ai majaw shingnyip tam let grau nna lu galaw na, grau nna gumhpraw shang na hku na myit taw nga ai, myit hte galaw taw nga yang e she ndai u jinghku u wa ngai hpe ya sha ya sha sa shaga ai majaw ngai pawt mayu na shi hpe htawng dat ai ngu yang ngai di hkrat wa ai re ngu na shi hpe tsun ai da. Dai shaloi gaw ndai mare masha ni gaw aw nang gaw tatut hta e gaw hpang de tawn da na myit shang ran ai hpe sha madung dat ai majaw ya kaw na ya ning re na jam jau hkrum ai rai nga ai, ya rai yang pyi naw anhte n sa hkye la yang gaw nang gaw ndai nang myit da ai hte maren hpun ru hte ka mung n lu galaw ai sha n ga na nang gaw na asak pyi naw sum na re. Retim mung dai ni nang e anhte bai sa lu hkye la ai majaw nang hpun ru hte ka nlu galaw ai, dai ni na lapran nang bungli n lu galaw ai gumhpraw nlu tam ai, hpa mi retim mung na asak hpe gaw anhte hkye la da ya sai. Nang gaw ya kaw na gaw dai zawn nre sha myit hte sha n shingran ai sha ndai tatut hta e sha galaw sa wa u ngu na mare masha ni hpe mare masha ni shi hpe tsun ai hte maren shi gaw dai hku na kaga hku na hpun ru ni hte galaw na n myit ai sha mi galoi mung galaw taw nga ai hku sha galaw na kan bau mat ai da. |
