| Description |
Ya anhte ya ten hta myen mung maga de ndai lawu ga i Katar nga nna tsun ai ndai Katar ga lai wa sai ten na anhte a maumwi nga ai le i, ya ten gaw kadai nchye sai. Katar ngu hpa majaw byin wa ai ndai ga si Katar ngu na hpa majaw shamying ai ngu ndai hpe anhte maumwi nga ai hku re. Rai yang she moi lai wa sai ten anhte lamu ga wunpawng du ni lamu ga maden hkrat wa re saloi "Ja tawng Naw gumhkawng mazut gaw hpri tawng' nga anhte law malawng chye ai wa de a kawa Ja Tawng Gam ngu ai wa shan yen shi hte ndai Ginsi Duwa yan gaw wunpawng lamu ga maden majan baw wa ai hku rai nga rai yang she ndai Ja Tawng Gam gaw, Ja Tawng Gam wa hte Ginsi Duwa re shaloi Ginsi Duwa gaw asak kaba wa sai majaw nang gaw "Gam e matut nna i majan naw gasat rai wa ngai gaw ya nang" shi gaw Moenyin,Moegaung ndai kaw nna nhtang sai rai nga ngai asak mung kaba sai nga nna shi Ginsi ga de bai nhtang wa rai yang she ndai Ja Tawng Gam wa hku nna majan hkrat wa sai, majan gasat hkrat wa ndai kaw shi lapran kaw maumwi kasha ni grai naw nga ai raitm mung ndai Katar, Katar hpa majaw byin wa ai ngu hte seng nna nga yang gaw dai hku majan gasat hkrat wa rai yang she dai ya Katar ngu shamying ai shara kaw gaw moi gaw nam maling naw re nam maling naw rai yang she e dai kaw kadai mung kadai majan baw na hkrat wa ai anhte bawsang ni nga rai yang she dai ya Katar ngu shamying ai shara kaw sa hkrum kadai mung kade na hpyen hpung hte kadai dai hku sa hkrum anhte wunpawng ni gaw shachyen shaga dat yang yawng kahpu kanau mayu dama makyin jinghku ni hkrai bai rai,rai yang she ' Ar grai kabu sa ya anhte an hpu annau ni i,anhkau ni,anni antsa ni ya na zawn rai ti majan hpyen man baw sa wa ai kaw ndai zawn rai na nmyit mada sa hkrum zup ai"wa hkring sa ai rai nga majan hkring rai yang she dai shara kaw hkring rai yang she gar shanhte grai kabu sa rai yang she anhte lama mi masat masa galaw ga nga na 'hpa galaw na' nga shaloi dai shaloi nga,nga pasa sa lu ga nga nna nga Oh U pra tsawm dik ai nga ni lata la rai ti shan zin kaman hpe shanhte gaw pasa sa pasa sa rai yang she dai hpe kabun lu sa hpyen ma hking,mun,sen hku hpyen ma sen hku dai hku pasa sa lu rai yang she koi manu mana ndai masat masa, masat dingsat byin ai le i rai yang she ndai ya shanhte majan bai rawt sana nga shaloi hkringsa ngut na majan bai rawt sana nga shaloi she shanhte gaw ga hkring ta na ndai majan hta nlu hkan sai asak kaba sai ni i matut na majan nlu hkan sai nang kaw anhte hkring ai shara kaw shara jahkrat na nga ta sana nga ni na matu ginra ndai hpe mying shamying kau da ga nga nna shanhte gaw mying shamying na matu yaw yawng bawngban rai yang she kaning ngu shamying na ngu yang " Ar anhte yawng wunpawng anhpu annau ni i ndai zawn rai lawu ga de majan gasat maden hkrat wa shaloi "Ndai zawn rai na manu mana masat dingsat pasa sa lu ai ga, anhte ndai ram mi Pasa sa lu lu ai ngu gaw nloi ai dai re majaw Pasa sa lu lu ai ga re dai majaw Pasa ga ngu nna shamying kau da ga' ngu ti shanhte Pasa ga ngu shamying kau da sai rai yang she ndai Pasa ga ngu na shamying ai hpe ya ndai myen baw sang ni hte gayau gaya anhte gaw i ya hpang de htawm de rai yang she ga gayau ai hte shinglet gumba ai hte rai nna shanhte dai ten gaw ya na hku ndai ga gale wa ai ndai daw de gaw chye ai ni mung labau chye ai ni mung ntsun nhkai dan ai ni mung lam mi rai yang rai na atsawm nrai mat ai mung rai na mabyin lawng lam amyu myu na majaw le i rai yang she ndai hpe ya shanhte gaw Katar nga na tsun mat ai rai nga rai yang she ya daini du hkra Katar ngu shamying taw nga ai ndai Katar gaw ya miyet tsun lai wa sai maumwi na zawn anhte Pasa lu, Pasa sa lu ai ga Pasa ga ngu na shamying kau da ai kaw npawt nhpang rai ti Katar ngu byin wa ai ga rai nga rai yang she ndai Katar shamying kau da rai na,Pasa ga ngu na shamyiing kau da na majan bai baw hkrat wa sai dai zawn rai majan bai rai wa yang she anhte shara mi kaw ndai anhte wunpawng hku gaw Htek bawsang ni nga ai myen ni gaw (Thet lu myo) nga ndai ni hpe bai wa hkrum dai ten gaw Ja Tawng Gam ndai ni gaw manu mana rai na shanhte ndai majan,majan wa grai awngdang taw ai ten le i hpa mu hpa kade mu kade gasat re taw aten re nga yang she ndai Htek bawsang ni hpe mung ndai ni hpe mung shamyit kau na ngu yang she hpyen ma langai mi gaw ' Ar du wa e ngai maram lu ai daram ngai sagawn lu ai daram gaw ndai bawsang ni gaw galu kaba ai hpaji chye ai dai re majaw ndai ni hpe ndai hku anhte myidi chyip sa gasat jang gaw anhte hta hkrat sum ai lam law na re ,sum machyi ai lam law na re dai majaw gaw anhte hpaji daw na ndai ni hpe gasat jang gaw anhte hta awngdang ai lam law malawng lu na re' e dai hku nga na hpaji jaw rai yang she, ar Duwa ni mung myit yu le i rai sa, rai yang gaw ndai bawsang ni hpe gasat na matu anhte grai zuphpawng hpawng yu ga hpyen jaubu ni sha ga la rai na shanhte zuphpawng hpawng rai yang she Hka! gara hku galaw na ngu yang she ndai ni hpe Nga hpyi woi gadoi sha, lusha poi kaba galaw woi na dai kaw tsa lu sha-nang da rai na dai hku shamyit na masing e dai hpe lu gram la rai yang she gai anhte Htek ni kaw sa rai na " Nanhte anhte gaw majan gasat ai baw nre i,ar anhte gaw manu mana hku hkau,shada mahku mara re baw re" ngu na sa jahku jahkau la 'anhte kaw lung wa marit nang anhte kaw lu poi sha poi anhte hku hkau poi i manu mana galaw ga' ngu na shaga la rai yang she dai awra ni gaw bawsang nawng rai wa sai bawsang nawng rai wa na anhte nang kaw jinghpaw num ni gaw tsapyi pyi grai byin ai gaw ke ke tsapyi manu mana mu ai ni galaw da rai na she awra ni du wa rai yang she dai kaw shan-hpyi nga-hpyi ni gadoi sha woi rai na pyaw sai dai shana gaw manu mana pyaw rai na ya dai shara kaw wunpawng la ni gaw shanhte n-ga,n-htu n-ga hpe ri rau galaw da ai ri hte galaw rai yang she awra ni gaw hpa nchyoi mi dingyang lang ai hpun n-ga sha lang rai yang she shanhte gaw dai Nga-hpyi wa gadoi sha ngut rai na shana yup tung,gar lu ba ai ni mung ba sai lu hkru ai ni mung hkru rai na pyaw hkru rai ti yup galeng hkring sa wa yang gaw dai shanhte bang kau,dai naw kahtet nga ai shaloi gaw nshan kaw kap ai dai Nga-hpyi ni gaw naw manyen ai le i rai yang she naw bang mai rai yang she gai yup tung katsi wa jang gaw ndai Nga-hpyi gaw magyep sai gaw magyep jang she n-htu n-ga kaw na nmai shaw sa nmai shaw mat jang she aw wunpawng la ni gaw ri,ndai baw ri hte galaw da rai yang she tsut tsut rai na azat sat bang wa sa dum hpyawt bang wa rai yang she bai awra ni gaw gar ya hpyen du sai anhte bai ninghkap saga ngu nhtu bai shaw yang gaw shanhte nhtu gaw dai kaw nmai shaw mat sa nmai shaw mat rai she, koi dai kaw bawsang ting anhte shada azat hkat rai na manu mana rai ti sat kau rai yang she dai kaw lawt ai ni mung gaw lawt ai raitim mung law malawng mu dat ai gaw marai lahkawng ram hkali hte nsin de dai hku hprawng shang wa ai i dai hpe mu dat ai dai kaw ndan ni hte gap dat ai nhtu ni,nri ni hte kabai dat ai e dai zawn re si ai mi re hkrung ai mi re nchye dat sai i aw hprawng mat sai anhte law malawng ngu na gaw ndai yawng ngu na daram hpe sat kau sai madang hku rai mat ai le rai yang she gai hpang shani nhtoi bai htoi rai yang she yu wa yu yang mang wa manu mana bawsang ting hpreng mat ai le i ya ndai mang hpe,mang shara mi kaw sumpum dai zawn re hta sumpum mang seng ai le i, mang seng ginra seng ngu na rai yang she marai lahkawng hkawng rai na mang shingtau rai yang she ya an hpai ai mang kade rai sai kun hti chyai ga i ngu nna mang hti chyai mang ni hti chyai rai yang she dai wa manu mana myit hta matsing hpa masat dingsat hku rai mat ai le rai yang she dai ginra kaw mung matut nna majan rawt sana nga jang majan hta nlu hkan sai naw hkring sa nga ta na ni gaw bai ar ya ndai ni nga ta na nga jang gaw ndai ginra hpe mung anhte mying shamying kau da ga rai yang she gara hku ngu shamying na ngu yang she anhte ndairam law ai mang ni hpe anhte mang hti chyai i, mang hti chyai ai ga re majaw hti chyai ai ga ngu shamying ga ngu nna hti chyai ga ngu shamying kau da ai rai nga rai ndai hpe wa she ya daini na myen ni gaw shanhte ga mung nbrat ai mung lam mi, myiyet na hku anhte chyoi ai ni nchyoi ai ni i dai hku rai na gayau gaya rai mat na ndai ya daini gaw ( Hti Jaik ) nga e shamying mat ai ndai ( Hti jaik) a maumwi mung dai hku rai sai ya anhte byin wa ( Hti jaik) gara hku byin wa ai ngu gaw myiyet na na zawn re Htek bawsang ni hpe anhte yawng sat gahpreng kau ai shaloi shanhte Htek ni a mang hti chyai ai ga re majaw hti chyai ga ngu shamying da ai ya daini na aten hta ( Hti Jaik) nga mat ai ya n dai maumwi gaw ndai kaw rai nga |
