| Description |
Translation (Rita Seng Mai)
Once upon a time, there was a poor old couple in a village. They worked as launderers for their living. There was a river near their house. They washed other people's clothes there. One day, a coconut was floating along the river while they were washing the clothes. The old man thought of eating that coconut and pulled it out of the water. They took it home. When they arrived home, they ate dinner and chatted. Later, they thought of eating the coconut. Then, they cut it. At that time, they saw a boy inside the coconut. There was a tiny boy in it. The old couple was surprised. They discussed, "Since we don't have any children, let's adopt him." They decided to adopt him. They raised him well. While they were washing the clothes at the river, their adopted son looked after the chicken that they were raising. He fed them. A crow always came there and ate the food when he fed the chicken. Then, they became friends. When the old couple went to the river to wash the clothes, the tiny boy went along with them. Later, he became friends with a frog. One day, the princess was kidnapped by a ghoul. The news spread to the whole country. Then, he told his parents, "Mom and Dad, I will save the princess." They told him, "My son, you are just a tiny boy. The ghoul is so big! You can't compete with the ghoul. How could you save the princess?" Both the crow and the frog heard him saying like that. They told him, "We will be with you." He said, "Okay. Accompany me then." The crow told him, "Since it is a long way, ride on me." The frog said, "No, ride on me. If you fall from him while flying, you can die. So, ride on me." Then, the crow said, "If he rides on you, he can fall when you hop." The frog said, "Oh, I have a friend: a porcupine. Let's call him to help us." Then, all of them rode on the porcupine. They set forth their journey. The porcupine took them to the cave where the ghoul lived. The ghoul was sleeping soundly at that time. The tiny boy told the crow to pour the sugar on the ghoul's body. Soon, the ants gathered there to eat the sugar. The ghoul was bitten by the ants and woke up. It was angry and shouted, "I will kill the ones who bite me!" At that moment, the crow pecked its eyes. The ghoul lost its eyesight. At that time, the porcupine shot his spines at the ghoul. The ghoul was attacked. Then, it heard the frog's screaming. So, it thought there would be water. It followed the frog's voice. The frog led it to the deep ravine. When the ghoul arrived at the ravine, the frog kept screaming. So, it thought it had arrived at the river. Then, it jumped right there. It fell down the ravine. Meanwhile, the princess shouted, "Help! Help!" The boy opened the door and saved her. Unfortunately, the ghoul didn't die and climbed up the ravine angrily. It said angrily, "Who pushed me to the ravine? I will kill him!" It marched toward the cave. Then, the porcupine put his spines up. The ghoul stepped on it and was injured. At that time, the princess stood near the ravine and shouted, "Help me! Help me!" The ghoul heard her and thought that she would be in the cave. It didn't know the princess was outside because it had lost its eyes. So, it walked toward the girl and fell into the ravine. Before that, the ghoul caught the tiny boy. It said, "I will eat you alive." Then, it blew him with his breath. Suddenly, the tiny boy changed into the big one. The boy picked up a rock and hit the ghoul. And he pushed it into the ravine. They all came back to the palace. The boy and the princess got married and lived happily together with his old parents.
Transcription (Lu Awng)
Moi shawng e da mare langai kaw dinggai yen dingla grai matsan ai da. Shan 2 gaw manang ni na rai sha hkrut sha na nga ai da. Dai shan 2 gaw rai hkrut sha ai kaw she hka kaba i, shan 2 na nta kaw na loi mi tsan ai kaw hka kaba langai nga ai, dai kaw hkrut hkrut re da. Lani mi na ten hta manang ni na rai hkrut na she dai hka kaba kaw nga, shan la 2 yen rai hkrut taw nga she ma un si langai dai she yawng wa ai da. Dai hka kaw na yawng wa na dai la wa gaw e maun si oh ra gaw i ngai nta du yang sha pyi sha chyai na re i, n lu mari sha ai gaw ngu na sai la ai da. Dai hka kaw na sai la shaloi she, maun si hte shan 2 gaw rai ni hkrut ngut na she nta de hpai mat wa ai da, hpai mat wa na she nta kaw du yang pyi nsha shi ai da, shan 2 gaw shat ni sha na she yup wa i, shan 2 dai hku jahta chyai ten hta ga sha ga ngu na myit nga loi she shan 2 gaw dai hku ngu na shat sha ngut ai hpang she ga dat yang she masha wa she rawng taw nga da. Masha kadun sha law rawng taw nga da. Dai she shan 2 gaw i an 2 kashu kasha mung n lu ai wa. Shi hpe an 2 na kasha zawn bau la ga ngu na shan 2 na kasha zawn bau la ai da. Bau la re shaloi she lani mi na ten hta she dai kanu yen kawa ngu ga le dinggai yen dingla wa rai hkrut sa mat yang gaw, dai dinggai yen dingla u ma rem da ai da. Dai kaw she shi gaw u shat gat jaw , dai kasha kadun wa gaw u shat gat jaw yang she u hka langai ma sa ai da. U hka langai ma sa re she u hka dai ma sa sha lawm lawm re hpe she dai masha kadun gaw dai u hka ma hkau mat ai da. U hka shan 2 yen hkau mat ai da, hkau mat re she hpang shani dai hku hkau mat u hka hte hkau mat na dai dinggai yen dingla gaw rai hkrut ai de hkan nang nang re majaw hka kaw na shu la hte bai hkau mat ai da. Shu la langai hte bai hkau mat she dai hku hkau na she shanhte ni dai hku grai pyaw hkra nga she lani mi na ten hta hkawhkam kasha hpe i ndai shalawa wa rim mat sai nga shi ga na ai da. Dai shaloi she kanu yen kawa dinggai yen dingla hpe she dai ma gaw nu yen wa e ngai ndai hkawhkam shayi sha hpe sa hkye na yaw ngu tsun ai da. Dai shaloi she e nang i nu sha e nang kachyi sha law mi hkawhkam shayi sha hpe sa hkye na ngu gaw sha lawa ngu gaw nang na hta dawng kade i she galu kaba re nang hpe maw kalang mi ninghku lahkat dat yang nang gaw poi sai gaw ngu tsun ai da. Nu e hpa nra ai, ngai lu hkra sa hkye wa na ngu she dai hku ngu tsun ai hpe dai oh ra u hka wa ma shu wa ma na kau ai da. Dai u hka hte shu wa an 2 ma hkan nang na yaw ngu tsun ai da. Manang sha pyi tai hkan nang u ngu, dai shaloi she u hka wa shawng tsun ai da. I grai tsan ai majaw nang ngai kaw jawn na hkan nang u ngu tsun ai da. Dai shaloi she, shu wa bai re yang gaw nang kaw jawn na hkan nang yang gaw nang pyen ai shaloi hkrat mat na nga le dai majaw ngai kaw jawn u ngu tsun ai da. Shu wa hpe she shu wa hpe bai u hka wa shu wa nang kaw jawn yang nang gumtsat jang hkrat na re nga le ngu tsun. Dai shaloi she shu wa tsun ai da, oh hpa nra ai ngai kaw manang langai mi nga ai. Dumsi manang langai nga ai, nye na manang dumsi hpe shaga ga ngu tsun na she dumsi wa hpe shaga dat ai da. Dumsi wa hpe shaga dat ai, dumsi wa kaw jawn na shanhte 3 sa sai da. Shanhte 3 sa shaloi she dai shaloi she ohra rai nga i. Hkawhkam shayi sha hpe rim da ai shalawa wa nga ai ngu na she hka rung kaba lungpu kaba nga ai de woi sa mat. Woi sa mat wa ai da dai kaw dai shalawa wa graw graw ngu she grai yup pyaw nga da, dai shaloi she jumdwi ma la sa ai da dai masha kadun wa, u hka hpe she ndai gaw shalawa wa gaw kan ma grai tit ai da, sha lawa na hkum hku n dai jumdwi sa gat da yaw ngu tsun na dai u hka wa hpe jaw dat ai she dai u hka wa mung hkum ting ting sa gat da re she dai kugyin ni gaw dai jumdwi hpe sha ai ngu shaloi she kugyin na gawa dat jang shalawa wa dum wa na rawt wa ai da. Dai she i dum wa na rawt wa ai shaloi she ndai ngai hpe gawa ai ni hpe sat nan sat na ngu na sha naw rawt wa shi she u hka wa she myi a chye baw kau ya ai da. Dai sha la wa na myi a chye baw kau ya she dai hku a chye baw kau ya na shi gaw mu n mu ai sha dai hku ningwan dai hku hkawm nga ai shaloi she dumsi wa bai shi na ju hte she ninghku a hpre dat ai she dai ju bai ju la na shi gaw, hpa mi nga nga i hka nan hka nga ai de she sa ra sai ngu she, dai shu wa na na she shi wa gaw hka zawn zawn re de she hka, shu wa nga ai de gaw hka nga na re ngu hku nga, dai shalawa myit na shu ngawng ngawng ngoi na she oh grai sung ai i n hkun ngu ga le n lung lagyawk dai grai sung ai krung de woi sa mat wa ai da. Dai shaloi shu wa she ngawng ngawng ngu na krung makau kaw ngoi nga ai shaloi she dai shala wa wa um ndai gaw hka nawng nan re sai. Shu ngoi ai gaw dai majaw hka nawng kaw nan she gumhtawn shang na re ngu na gumhtawn dat ai wa she dai krung de ang mat na she krung de hkrat bang mat ai da. Hkrat bang mat shaloi she dai hku hkrat bang mat ai shaloi she hkawhkam shayi sha gaw hkye la mi lo ngu na gawk langai kaw na marawn wa ai da, dai she dai chyinghka sa hpaw yu re she hkawhkam shayi sha wa re taw da. Dai shaloi hkawhkam shayi sha hpe woi pru wa sa na re ngu woi pru wa ai shaloi she dai shalawa wa she mi krung de gumhtawn bang mat ai wa she bai lu pru wa ai da. Shalawa bai lu pru wa re shaloi she shalawa wa pru wa dai shaloi she mi ngai hpe i dai krung de htu kanawng bang ai kadai rai sat nan sat na ngu she dai shalawa wa dai hku a wut hkrai awut dat jang dumsi wa she dai shalawa wa kabye na kaw she ninghku ngu wa hpum ya ai da, dai shaloi she dai shalawa wa lagaw kaw kabye ju la da. Kabye ju la na she dai hkawhkam shayi sha wa bai re yang gaw dai krung makau kaw tsap na she i ngai hpe hkye la rit lo hkye la rit ngu bai marawn re shaloi she shalawa wa na na she aw ndai num wa re nga i mi ngai rim da ai wa re nga ai. Kaning re sai kun ngu na she shalawa wa dai num wa gaw mi gaw gawk kaw gyit da ai re nga hpa mi nga nga gawk kaw re na re i. Shi na nta kaw re na re ngu sa wa ai she dai shaloi krung kaw hkrat bang mat wa ai da. Dai kaw na dai hku hkrat bang mat wa ai shaloi she, aw dai hku n hkrat bang shi ai law, dai shaloi she shalawa wa shawng she nang hpe gaw dai masha kadun wa hpe magra la sai da, nang hpe gaw sha nan sha na ngu na she har ngu gawut dat ai she dai la wa she dai masha kadun wa hpe dai shalawa wa gawut dat ai n sa hte she dai masha kadun wa she masha kaba zawn kaba mat ai da. Masha kaba zawn gaku kaba rai mat na she dai shi na makau kaw nga taw ai n lung din kaba hpe hta la na dai shalawa na baw hpe a byen dat re na she dai krung de kabai jahkrat bang kau ai da. Dai shani kaw na shi masha kadun i kadun sha law ma masha kaba tai mat na dai hkawhkam shayi sha hte la mat ai da, dinggai yen dingla hpe ma grai pyaw hkra woi nga mat ai da. |
