| Description |
Translation (Rita Seng Mai)
Thank you very much. The story I'm going to tell is about two traders. Once upon a time, there were two best friends in a village. One day, they decided to trade goods and went to another village. They traded goods for many years. One man succeeded in trading goods and got lots of money. But the other one failed in doing his business. Then, the successful man said to his friend, "Since we came here together, let's go back to our village together." His friends said, "I don't have much money because my business is not going well. I don't have anything to give to my wife and children when I arrive home. So, I will find some money here. I will not go back yet." But he said, "Don't worry, my friend. Since my business is doing well, I will pay for the travel cost. When you arrive home, I will share some of my money with you. We will go back together since we came here together. Don't worry about money. Let's just go back." Then, they went back to their village on foot. At that time, there were no planes, cars, motorbikes or bicycles. They had to walk for four or five days without stopping to get to their village. One night, they had to stop under a tall banyan tree because it was getting dark. They cooked dinner there and slept under it. It was a full moon night, and the moon was really beautiful. It was a pleasant night. After eating their dinner, they prepared their beds to sleep. The successful man fell asleep fast. While he was sleeping soundly, the other man couldn't sleep with the thought of, "Ummm, my friend is successful and has got a lot of money. But I didn't succeed in doing my business. I have nothing! What can I give to my family?" He was thinking so hard, but he didn't know how to do. Then, he got an idea. He thought, "Only the amount of money he would share with me is not enough for my family and me. I will kill my friend and take all of his property. Then, I can give a lot of money to my family. That's good!" Then, he killed his friend. He took all of his friend's money and went back to his village. With that money, he lived happily with his family. Then, the wife of his friend whom he killed asked him, "Why did you come back alone? What about my husband? Why didn't he come back?" He told me that he would come back together with you." He said, "Your husband failed in doing his business. So, he left to stay there. I asked him to go back together, but he refused to go back. He told me that he wanted to earn much more money. So, I came back alone." He lied to her. Then, she just went back to her house. The dishonest man became rich and lived happily with his family in the village. He frittered the money away easily. Days after days, the money he stole from his friends was not left much. He said to his wife, "Give me some money!" His wife said, "We don't have any money left." But he angrily said, "Give me some money you keep secretly!" Then, she had to give money to him. Later, he became worse. He beat his wife up if she said she didn't have any money when he asked for it. Sometimes, his wife asked him, "My dear husband, how did you succeed and get lots of money when your friend became such a loser." He said, "Don't tell anyone. Actually, I didn't succeed in doing my business. I lost all of my goods. My friend succeeded in doing business. He asked me to go back to the village together. But I said I didn't want to. He told me that he would share money with me and cost all money on the way. On our way back to the village, I decided to kill him and take all his property. You can't tell anyone, okay?" His wife was greedy too, so she didn't tell anyone. But, they didn't have any money left later. Her husband always beat her if she didn't give money. One day, while her husband was beating her up, she was angry and shouted, "My husband killed his friend! And he took all of his friend's money." The neighbours heard her and quickly went to her house. They arrested the man and sent him to the chiefs. When the village leaders asked him if that was true, he said, "Yes, that's true. I killed him and took his money." He was found guilty. So, they killed him too as a punishment. His family got into trouble too. His wife was seriously ill because of the wound. His family was broken into pieces. In this story, we get a moral lesson. We should love each other, but we don't. We shouldn't take the other's properties as we want. We have our Mighty God who always wants justice for us. So, we shouldn't have bad or illegal behaviour towards the other. If we do that kind of behaviour, not only the one who commits it but also his family will be in failure. This is a short story about two men who did business together.
Transcription (Lu Awng)
Langai mi bai chyeju kaba sai. Ya ngai tsun dan ai gaw hpaga rau ga ai manang 2 a lam re. Moi lang mi hta mare buga kahtawng 1 mi kaw grai tsawra hkat ai manang 2 sumtsan ga de hpaga sa ga na matu shada da saw nna sa mat sai da. Re yang gaw shan hpaga ga na shara de du ai shaloi shata hku shaning hku shan hpaga grai ga mat ai. Re yang gaw manang wa langai mi gaw hpaga awng ai. Manang langai mi gaw hpaga sum ai. Re yang gaw hpaga awng ai wa gaw hpaga n lu ai hpe manang wa e an rau sa ai gaw an rau bai wa ga ngu nna tsun ai da. Re yang gaw hpaga n awng ai wa gaw shi gaw gumhpraw nlu ai majaw hpaga awng ai wa hpe e ngai gaw nwa na law, hpaga mung n awng ai majaw ngai nta du yang mung jai sha na jai jaw na nye madu jan hte kashu kasha ni hpe ngai hpa mung n la wa jaw yan gaw nmai ai. Ngai nlu wa na re ngu tsun ai da. Retim hpaga awng ai wa gaw myit mi asu nga na manang wa e nang mi hpaga n awng timmung ngai lu sai majaw hkrun lam jarik mung yawng ngai lit la na. Dum nta de du wa yang mung nan nu ni sha na mung ngai yawng garan jaw na wa ga ngu nna saw ai da. Mi mung rau bu re, rau sa wa ai, ya bai rau wa ga hpa majaw nga yang an rau sa wa ai, rau wa yang kaja ai, ngai lu timmung nang hpe garan jaw na re majaw wa saga ngu na saw ai da. Hpaga awng ai wa gaw, shaloi hpaga n awng ai wa mung hpaga awng ai wa e saw ai shaloi shan 2 gaw tinanng a buga mare de wa mat ai da. Dai ten hta gaw hkrun lam hta ya na zawn re na mawdaw n bungli wanleng, cycle lagaw leng mung nnga ai prat re majaw shan 2 gaw hkrunlam lam hkawm ai da. Hkrunlam hta shani hku nna yup nna sa ra ai. 4, 5 ya hkawm sa ra ai mare buga kahtawng re ai da. Wa ai shaloi shan 2 dabang langa mi kaw hkringsa dabang langai mi kaw yup ai da, nam shara mi kaw, dai dabang gaw ndai lagat hpun kaba tu ai n pu kaw shan gaw shat ni shadu sha re na dai shana gaw dai kaw yup na hku jan du mat ai majaw yup na hku lajang wa ai da. Re yang gaw dai shana gaw shagawng shana mung re ai da, shagawng shana re majaw shata mung grai htoi tsawm ai shana re hku re da. Shata nsam ni mung mu re na grai pyaw ai shana re ai da, re yang gaw hto ra hpaga awng ai wa gaw shat ni sha na mung ni jahta re na jan du ai hte gaw shan yup ra nam kaw yup ra shatsawm nna yup sai da, hpaga awng ai wa gaw a ngwi sha grai yup pyaw na hkawk she nga yup ai. Retim hpaga n awng ai wa gaw yup n mai ai da, hpa majaw nga yang shi hto manang wa gaw gumhpraw hpaga awng nna gumhpraw grai lu na wa, shi gaw nlu, ya ngai dum nta de du yang gaw nye madu jan hte kashu kasha ni jinghku jingyu ni hpe ngai wa hpa wa jaw na ta nga na grai myit sumru taw ai yup nmai ai da. Kade sumru timmung mahtai nmu ai da. Shi na mahtai gaw hpa baw mu a ta nga yang, gai rai sa ya ndai nye manang wa hpe sat kau di nna shi a sutgan ni hpe ngai yawng la wa di nna she dum nta de wa sa na re, dai nre yang gaw shi nye manang wa e jaw garan ya ai hte sha gaw ngai bungli n byin ai, dai majaw nye manang wa hpe gaw sat kau ra ai ngu hku na shi gaw shi a manang wa grai yup pyaw nga ai ten hta kahtam sat kau da. Re yang gaw shi gaw shi a manang wa lu ai rai ni hpe yawng bai shi bai masawm gun la nna shanhte buga kahtawng de du wa ai. Re yang gaw shi buga kahtawng de du wa yang gaw lu la ai sutgan hte shan la ni shan wa ni gaw grai pyaw ai hku na nga ai da. Re yang gaw oh ra shi sat kau ai wa a madu jan gaw sa san ai da, na manang wa gaw hpa majaw nwa ai ta? ya nang chyu sha hpa rai wa a ta? Mi rau sa ai, rau wa na nnga ngu tsun ai. Shaloi gaw shi gaw e na dingla wa gaw hpaga n awng ai majaw ngam da sai. Wa ga ngu yang mung ngai n wa shi ai, ngai gumhpraw sutgan naw tam na nga nna ngai hpe htet dat ai tsun dat ai. Dai majaw ngai chyu sha wa ai nngai, na dingla wa gaw le sutgan naw tam taw nga ai ngu nna dai shi sat kau ai shi manang wa a madu jan hpe dai hku masu tsun ai da. Re yanng gaw shi gaw dingre sutgan grai lu nna pyaw daw gadaw madu jan kashu kasha ni mung ja gumhpraw sutgan grai lang re na dai mare buga kaw gaw shi grai pyaw pyaw nga ai da. Re yang gaw shi gumhpraw mung kam ai hku na jai re na shaning law wa jang gaw ja gumhpraw mung htum wa, mat wa, re majaw shi gaw luya sha ya shang nna dai kaw na gaw dinghku hta mung ja gumhpraw mung shi manang wa kaw na la ai mung yawng ma sai da, ma ai hpang gaw shi gaw madu jan hpe e ya gumhpraw naw shaw yu ngai naw lang ra ai ngu yang ma sai law nga ai hteng mung shaw ya sai le n nga dai gaw ngu yang nga ai naw makoi da ai shaw, madu jan mung loi loi gaw makoi da nna loi loi shaw ya shaw ya di hku re ai da. Retim hpang de gaw gumhpraw shagyeng hpyi yang dai chyu sha nre naw shaw ngu, n nga ai ngu jang a dup abyen di nna manu mana madu jan hpe zingri ai da. Shawng kaw gaw dai zawn re karai n zingri yang shi a madu jan gaw deng kawa e na a manang wa gaw nwa ai nang chyu she wa ai kaning re ta? nang gaw kaning rai manang wa gaw gumhpraw nlu, nang gaw kaning rai lu nga ta ngu,e numsha e masha hpe hkum tsun yaw. Ya ngai gaw hpaga sa ga ai n awng ai. Nye manang wa gaw hpaga awng nna ngai hpe saw ai, ngai n wa na ngu, wa ga rau jawm lang ga hkrun lam jarik mung ngai shaw ga nga nna shi sa na wa ai. E lam kaw ngai myit daw dan nna nye manang hpe sat nna shi lu ai sutgan ngai la wa ai re. Numsha e masha hpe masha hpe hkum tsun dan yaw, ngu nna tsun ai da. Tsun yang gaw madu jan mung ja gumhpraw grai lang pyaw re nna nga nna kadai hpe mung n tsun dan ai da. Retim mung shan la ni ja gumhpraw ma nna madu wa gumhpraw hpyi sa tsang na n jaw lu yang jahkring hkring a byen zingri re jang gaw grai shanhte mung yak hkak wa ai ja gumhpraw mung ma jang gaw madu wa e zingri mung jahkring hkring hkrum jang gaw lani mi gaw madu wa e a byen ai kaw e ndai nye dingla nye madu wa re nga lo shi manang wa hpe sat nna gumhpraw la wa ai ndai nye madu wa nan re lo ngu nna marawn ai da. Marawn tsun ai da, shaloi dai makau grup yin ni na nna sa je sa rim nna salang ni a ta kaw ap ai da. Shaloi gaw jep ai shaloi gaw e teng ai ngu nna tsun dat ai da. Nye manang hpe sat nna ngai la wa ai sutgan re ai ngu na tsun dat ai. Shaloi gaw shi hpe mung dai hku je yang tara je yang na dai mare kaw shi hpe tara du ni kaw na shi hpe mung sat kau dai ai da. Madu jan hte kashu kasha ni mung grai ruyak jamjau kintut na shi a dup a byen da ai ni mung madu jan mung machyi makaw hkrum na ngwi pyaw ai lam, simsa ai lam nlu la mat nna kashu kasha ni kaw na hkawt amyu mat ai kaw du mat ai da. Re yang gaw ndai maumwi gaw anhte myit yu ai shaloi dai ni shada hpunau hpe tsawra ra ai, ntsawra ai. Manang wa lu ai sutgan hpe tinang n teng n man ai hku na la ai kashun ai sat ai nat ai, ngu ai gaw moi anhte karai kasang hpe nchye ai retim mung hpanwa sagya nga ai, ngu ai shinggyin masha gaw yawng mayawng makam ngu nga ai. Yawng mayawng tinang gaw kadai hpe kaning re hpe kam ai ngu ai makam nga ai, dai makam du wa gaw yawng hpe je yang lu ai madu re. Dai majaw nteng n man ai sutgan hpe mung n mai la ai. Hpang jahtum re jang gaw tinang hte rau tara je yang hkrum nna kun dinghku nta masha ni yawng hkrat sum ai kaw du wa ai. Ndai gaw sutgan ja gumhpraw rau tam bram ai a maumwi kadun mi re hpe ndai ram mi maumwi hkai dan lu ai hku re chyeju kaba sai. |
