| Description |
Translation (Htoi San)
Once upon a time, there was a mother deer and fawn deer. Mother deer had three fawns. They all stayed in a forest happily. Mother deer had a thought, "In this wood, we are safe to live. There won't be any hindrance in this place. My children and I are so secure staying in this forest." A hunter set a trap in that forest one day. Mother deer went into the woods to search for food for her children. She was caught in the trap that the hunter set. She struggled to escape the trap but could not run it. She was trapped in the hunter's casting net. Even though she was caught, her breasts were tightened due to her milk. She thought, "Oh my! I have to feed my children milk." At that time, the hunter thought, "Tomorrow, something will be caught in my trap." He went and saw a mother deer was caught in his trap. Thus the hunter was so joyful. "Alright. I have now got what I desire for the whole year." Then he prepared to kill the mother deer, "I will kill it and take the meat." The mother deer requested the hunter, "Don't kill me. Please don't kill me yet. I will tell you something." The hunter said, "What do you want to say? Say it quickly." "Please don't kill me and release me. I need to feed my children milk. My breasts are so tight, and my babies can be so hungry. I came out to look for food for them," said the mother deer. She continued, "Therefore, I will go back to feed my children and come back. I promise you." The hunter disagreed, "Oh no! You lie to me. Your reason cannot be. I can't let you go." "I didn't lie. I will truly come back to you. If I don't return to you, you can trap me and kill me," promised the mother deer. Then the hunter believed, "Alright. Can." He let her go. He took away the net and let her go. After release, the mother deer went back to her children and fed them her milk. The fawn deers were full and fell asleep after drinking their mother's milk. She left her babies after they slept soundly. While walking away, she talked to her children in her mind, "My children, you all live safely. I cannot meet you all in this life. I promise to a human." "I promised to a hunter because I want to feed you my milk." "Therefore, you all stay together happily without fighting each other." She left the message in her mind. After that, the mother deer went black to where she was trapped, as she promised. The hunter was there already. "I came back. If you want to kill me, you can kill me now. I have done feeding my children," said the mother deer. The hunter felt sorry for her. "Oh! Oh! She did this for her children. She is such a mother who loves her children dearly." "If I slaughter like this mother, it cannot be, and I am the one who have sin. Furthermore, her children will be motherless and become orphans," the hunter thought this, and he felt repent then he did not kill the mother deer. The mother deer kept her promise, so the hunter did not finish her off and let her go. "You go back and live with your children happily. Even though I trapped you, I will not take you. You can go," said the hunter and released the mother deer.
Transcription (La Ring)
Kalang mi hta da ndai zau nyi kasha yan nu ni nga ai da. Ndai zau nyi kasha gaw kasha masum lu ai da. Shan nu ni gaw dai nam maling kaw she grai pyaw hkra nga ai da. Dai zau nyi kanu gaw shi na myit kaw sha gaw "Ndai nam maling kata kaw sha gaw an nu ni gaw grai shim lum sai an nu ni gaw hpa dingbai dingna hpa ma ndu pru ai shara rai sai an nu ni gaw grai shim lum sai" ngu na myit ai da. Dai hku myit ai she dai shara kaw she jaugawng la langai gaw mahkam sa hkam da ai da. Mahkam sa hkam da re shaloi she ndai zau nyi kanu gaw shi shi kasha ni hpe lu sha tam jaw na matu shi hkawm ai da. Hkawm mat wa ai shaloi she dai jaugawng la wa na mahkam kaw she wa dau ai da. Wa dau mat rai na she shi gaw kwi grai tsun ga nga jang grai lak ai le i lak shi dai kaw na lawt na matu kade lak tim nlu lak mat wa ai da. Dai jaugawng wa na sumgawn e rai nga dai mahkawm kaw she shi dau mat wa rai na she shi gaw shi dai kaw dau nga timung shi gaw achyu grai kang wa ai da. Achyu grai kang wa na she "Yi i ngai nye kasha ni hpe chyu jaw ra sai re wa" ngu na myit ai da. Dai shaloi she ndai jaugawng wa mung "Ya hpawt de gaw ngai na mahkam kaw dau na sai" ngu na sa wa ai da. Sa wa rai yang she kaja nan shi na mahkam kaw wa she dai zau nyi kanu wa dau taw ai da. Dau taw na she e dai jaugawng wa gaw grai kabu sai da. "E rai sai ngai shaning tup ngai ra sharawng ai gaw ya she re hka" ngu na she shi gaw dai shan hpe she aw che rai nga dai zau nyi kanu hpe she sat na ngu na she shi gaw dai shaloi she "Sat la na" ngu na galaw ai da. Dai shaloi dai zau nyi kasha gaw "E nang ngai hpe hkum sat shi nang ngai hpe chyeju hte ngai hpe hkum sat shi ngai nang hpe lama mi tsun na" ngu tsun ai da. Dai shaloi she dai jaugawng wa gaw "Hpabaw tsun na tsun u lawan tsun u" ngu da. Dai shaloi she "Nang ngai hpe e ngai hpe i hkum sat kau shi ngai naw dat ya rit ngai nye kasha ni hpe chyu naw wa jaw la na ngai ya chyu grai kang ai nye kasha ni ma chyu grai kawsi nga na sai ngai nye kasha ni na matu shat tam na ngu na sa mat wa ai she re. Dai majaw ngai ma hpe ngai chyu naw wa jaw da na dai di na ngai bai sa wa na nang hpe ngai ga sadi jaw ai" ngu na tsun ai da. Dai shaloi dai jaugawng wa gaw "E nmai ai nang ngai hpe masu ai she re dai gaw nmai byin ai" ngu tsun ai da. "E kaja nan nmasu ai law e ngai kaja wa nan nang kaw bai sa na ngai nang kaw nsa yang gaw nang ngai hpe bai sa hkan tam na ngai hpe e sat u" ngu dai hku ngu tsun ai da. Dai shaloi jaugawng wa mung "Mai ai" ngu na she shi hpe she hpran dat ya ai da. Hpran na she dat dat ai da. Dat dat ai shaloi she ndai zau nyi kanu gaw shi kasha ni kaw wa rai na she shi chyu wa jaw ai da. Shi kasha ni hpe chyu wa jaw rai jang she shi kasha ni gaw chyu chyu na she yup mat sai da. Yup mat re shaloi shi kasha ni yup taw ai shaloi shi gaw kasha ni hpe shayup da rai na she bai hkawm mat wa ai da. Hkawm mat wa re shaloi she shi na myit kaw sha gaw shi gaw shi kasha ni hpe tsun kau da ai i "Ma yan nau ni e nan nau ni apyaw sha na nga mu yaw anu gaw ndai prat kaw gaw nan nau ni hte nhkrum sai anu gaw e masha ni hpe ga sadi jaw da sai. Anu nan nau ni hpe chyu wa jaw la na matu nu e jaugawng la wa hpe ga sadi jaw da ai. Dai majaw ya nan nau ni pyaw pyaw rai na nga mu yaw nan nau ni gali galaw nnga sha nga mu yaw" ngu na htet tsun kau da ai da. Dai na dai zau nyi kanu gaw dai mi jaugawng la wa na mahkam kaw shi kaja nan shi ga sadi jaw da ai hte maren sa mat ai da. Sa mat ai hte jaugawng la wa kaw du ai da. "E ngai sa wa sai ya gaw nang ngai hpe sat mayu yang sat la nu ngai nye kasha ni hpe ma chyu jaw da sai" ngu tsun ai da. Dai shaloi jaugawng la wa shi gaw myit malai lu mat wa ai da. "Aw aw ndai ram ram i kasha a matu nga na shi kade grai nan tsun ga nga yang kasha ni hpe wa grai tsawra myit i grai rawng ai ning re kanu she re hka. Ngai ning re hpe sat kau yang gaw nmai ai ngai mahtang mara lu ai e ma shi kasha ni mung matsan shayan rai jahkrai hkrai nga na re" ngu na shi dai jaugawng wa mung myit malai lu mat rai na she dai zau nyi kanu hpe sat ma nsat ai da. Dai zau nyi kanu grai sadi dung ai dai wa hpe ma nsat kau ai sha bai dat dat ai da. "E nang wa su na kasha ni hte nang pyaw pyaw sha nga mat nu ngai nang hpe nang nye mahkam kaw lu ai raitim ngai nang hpe nla sai nang wa sanu yaw" ngu na dai jaugawng wa gaw dat kau dat ya ai da. (ga shaga ai nsen) |
