| Description |
Transcription (Htu Bu)
Ya ngai hkai na maumwi gaw ndai, moi ndai "A Wang Zau Tsen yan nau ni hte Bitawng Jahkrai" a lam re. Ndai hku da, ndai Mu hkawhkam wa a shayi, Mu shayi sha hpe, ndai Wang kasha ni mung sa hpyi, jahkrai kasha mung hpyi rai yang, ndai Mu du wa gaw, Bitawng jahkrai kasha hpe jaw mayu ai hku rai na hku rai nga ai. Rai yang gaw, aw ra "Bai, nanhte nye kasha hpe ra ai ni aw ra, ngai a ndaw yang hku na, lagoi nhpawng lagoi dung aw ra hkyen kau ya mi." ngu ai da. Dai shaloi she aw ra A wang Zau Tsen yan nau ni gaw, we! num lu la daw nga na she, manu mana ngan rai sa hkyen shakut kau sai da. Rai yang she, hpang jahpawt bai sa yu yang, mi na pri yawng bai htep rap da. "A cha e!" nga ya hpang jahpawt she ya mana hkyen kau sai wa jaw na kun, n jaw na kun nga she, a Wang kasha ni sa yu jang she, mi na bai htep rai mat. "E.. nanhte hkyen ai kaning re kun a!" nga rai jang she, "Bai ya ya ya, aw aw ra Bitawng jahkrai hpe bai hkyen shangun yu gaw." ngu. Ya dai a Wang kasha ni hpe hkrai 2 lang hkyen shangun ai da law. Hpang shani bai hkyen shangun yang mung, hpang e bai hkyen ngut sai ngu she tawn da ai hpang jahpawt bai pri rap lagoi dung bai rai mat rai. Dai shaloi she, "E.. nan nau ni n byin ai ga re. Aw ra Bitawng jahkrai hpe bai hkyen shangun na re. hpawt de na gaw." ngu re she, hpang jahpawt gaw Bitawng jahkrai hpe sha hkyen shangun ai gaw, katsa wa nhtu nan shaw ya ai da. Mu nhtu hte she, hpang jahpawt gaw dai Bitawng jahkrai she, wut wut mu nhtu hte she a ga gawt sa hkyen kau dai kaw na a krin rai mat hkra rap rai jang she, dai Bitawng jahkrai hpe she dai Mu shayi lu la mat ai da. Lu la ai majaw shi hpe e, "Hka! ngai hkri daini kawn gaw, arawng aya, daini gaw mungkan hta htoi san wa, dan hkung wa u ga." ngu nna, dai hku na shaman ya dat ya ai re majaw, daini gaw ndai Bitawng jahkrai wa gaw, shana n'rim n'rim, htaw! n'rim hpuntaw ngu na manu mana dan hkung, jahpawt mung n'rim hpuntaw ngu na le grai ngan rai dan hkung rai, arawng dan hkung ai arawng aya lu ai da. Rai yang ndai a Wang kasha ni gaw, aw...shan nu wa ni gaw yawng dai htaw ya 6 majan bai ngu da mu ai. Aw ya ngyip ngyip ngyip rai na ya lamu yu ni dan rai na, shingkang n nga, arawng sadang n lu mat ma ai da. |
