| Description |
Translation (Rita Seng Mai)
Once upon a time, there was a porcupine. The porcupine attacks the enemies with its quills. It uses ten to thirty quills to attack the enemies once. The boar and the bear picked up the porcupine quills. The boar picked up the quills and used them as knitting needles. The bear also used them as nails. It hung everything it needed on the quills. One day, the boar was knitting something for his children. The porcupine asked him, "What are you doing?" The boar replied, "I am making some clothes for my children. Winter is coming soon." The porcupine said, "I think I have seen the knitting needles that you are using." The boar said, "Of course, you do. They are your quills." The porcupine wondered, "Are they really useful?" The boar said, "Of course." The porcupine walked past the boar and met the bear later. It saw the bear hitting something everywhere. It asked, "What are you doing there?" The bear said, "I am making places to hang my things." The porcupine was curious and asked the bear, "What are those nails made of?" The bear said, "Don't be surprised. They are your quills." The porcupine made a comment, "My quills are really useful." And it went out to another place and saw a rabbit. The rabbit was boiling herbal medicine. The porcupine asked it, "What are you doing?" The rabbit answered, "Oh, I am making the medicine." The porcupine continued asking, "What kind of medicine?" The rabbit said, "I am making really effective medicine." The porcupine was curious and asked, "What do you use to make the medicine?" And it saw its quills in the pot. So it said, "I have seen these quills." The rabbit said, "They are your quills." The porcupine thought, "My quills must be really useful. I use them a lot to attack my enemies. That's a pity to lose my quills. I shouldn't have used them a lot. I won't use them often." So it just stayed inside its burrow. Meanwhile, the boar's knitting needles were broken. The boar didn't have anything to knit for his children. So it asked the porcupine, "Why don't you go outside these days?" The porcupine said, "I just don't want to go outside." The boar requested, "Can you give me one of your quills?" The porcupine said, "I don't want to give them free. Buy them." The boar angrily said, "I don't want to buy those quills. I can use bamboo sticks to knit too. I don't need your quills." And it went back. Soon, the bear came to the porcupine and said, "Why are you not going outside these days?" The porcupine said, "Yes, I just want to stay at home." The bear asked it, "Please give me two of your quills. I need some quills to hang my belongings." The porcupine said, "I don't want to give them free anymore. Buy them." The bear was angry and said, "I won't buy those quills. I can also use any spikes." Later, the rabbit came to the porcupine and said, "Can you give me some of your quills?" The porcupine said, "No, I don't want to. Buy them." However, the rabbit needed the quills so much that it said, "Okay. How much do I need to give you?" Then the porcupine said, "Give me one kyat." The rabbit gave one kyat to the porcupine and bought the quills. It said, "Why is it so expensive?" The porcupine said, "Of course. If you give me one kyat, I will give you my quill." When the rabbit gave it one kyat, it plucked one quill and gave it to the rabbit. The porcupine thought, "Since today, I should sell my quills without wasting them. I can make lots of money by selling them." Then it made a signboard and hung it in front of its house. But no one gave any interest in the board. Its friends; the boar and the bear didn't talk to it. They became strangers to it. It was confused by their actions. Later, it asked them, "Why don't you come and ask for my quills?" The boar said, "Yes, I don't need your quills. I use bamboo sticks to knit. It's really convenient to use." And it went to another place. It asked the bear, "Don't you need my quills to use them as nails?" The bear said, "I have some other spikes." Then the porcupine went to the rabbit and asked, "Are you not making any medicine now? Why don't you come and buy the quills? Don't you need my quills?" The rabbit said, "I have found a more effective root than your quills. I use it to make my medicine. I don't need your quills." No one talked to the porcupine welcomely like before. The porcupine was upset and couldn't sleep the whole night. It was thinking, "I won't have any friends if I behave like this." Then it plucked its quills the whole night. The next morning, it carried lots of quills and went to the boar. It said, "Take some of my quills and use them when you knit." The boar said, "No, I won't take them. These bamboo sticks are really convenient to use." However, the porcupine said, "Please take some of these quills." The boar said, "If you really want to give them, just leave two or three there." The porcupine said, "Take as many as you want." The boar happily accepted the quills. And the porcupine went to the bear and offered some of its quills. But the bear said, "I don't need them. I can use other spikes too." The porcupine said, "Take as many as you want." The bear asked it, "Are you not going to sell them?" It replied, "I don't want to sell them anymore. I will just give them free to you." And it went to the rabbit and gave some of its quills. The rabbit refused to take them and said, "I use some roots now. I don't need the quills." The porcupine said, "Just take as many as you want." The rabbit said, "If you really want to give them, just give me some. But aren't you going to sell them?" The porcupine said, "No. You guys don't talk to me happily because I sell the quills. So I don't want to sell them now. Just take my quills as many as you want. I just want to live happily and closely with you guys." It regretted its action. Later, all of them lived happily as before.
Transcription (Lu Awng)
Dumsi brung dut sha mayu ai dumsu i, moi shawng de dumsi langai nga ai da. Dumsi dai gaw shi na hpyen sa wa yang wa shi wa dumsi brung hte gap ai wa mi she, Grai lu gap ai da law, kalang mi shapraw yang she shi wa 10, 20, 30 dai hku na gap kau kau re da. Dai she shi na gap ai ndai dumsi brung hpe wa mi she ndai wa du ni tsap ni shanhte hta la ai da yaw. Hta la ndai wa du mung hta la na she kasha na matu shi gaw i, (yung moi) ngu na i za htu htu ai le i. Zar htu ni htu taw re she, tsap mung dai ni hta la na she shara magup dai hpe a dit na shi ra sharawng ai rai ni noi rai dai hku re da, shi lani mi na shi wam hkawm yang she, Wa du wa mi she kasha na matu re nga na she hpa baw ngu na i zar htu htu taw ai da. Shi tsun har nang hpa baw galaw ai ma ngu ngai zar htu htu taw nga ai, nye kasha na ya nshung shang wa sai majaw ngu tsun ai da. Har nang htu taw ai ndai samyit ndai zar htu samyit hpe gaw ngai mu ga ai le ngu da. She mu ga u ga le, nang na ndai dumsi brung she re me ngu tsun ai da. Aw ngai na dumsi brung dai ram wa akyu rawng ai i ngu tsun ai da. E rawng ai le ngu tsun. Hpang e shi dai kaw na bai lai mat wa na tsap bai nga taw ai da. Tsap wa mi she shara magup wa mi she a dit taw nga ai da. Nang hpa baw galaw nga, hkau tsap hpa baw galaw nga rai ngu tsun she ngai ndai ngai ra ai rai ni noi na matu ndai kaw a dit nga nngai. Nang a dit ai hpri hpa baw re ma, ngai a dit ai hpri wa i, hku mmau yaw na na hkum kaw na ndai dumsi brung she re ngu tsun ai da. Dai shaloi she um ngai na dumsi brung wa dai ram wa akyu rawng a hka i ngu she dan ngu shi lai mat wa she, oh shara mi kaw bai du re she brangtai dai wa mi she nga taw ai da. Shi gaw tsi shadu taw ai da. Tsi shadu taw she, nang hpa baw galaw ai ma, ngai tsi ni shadu taw nga ai ngu da. Hpa baw tsi shadu ai ma ngu ngai grai manu dan ai tsi sha du taw nga ai ngu tsun ai da. Hpa baw hpa baw ni bang ai rai ngu tsun, yu dat yang shi na dumsi brung ni rawng taw nga ai da. Ndai dumsi brung n dai ngai grai mu ga ai le. Nang na dumsi brung she re me, aw dai ram wa manu dan a hka i ngu na shi dan ngu myit na she shi wa she nga taw sai da. Um ngai na dumsi brung wa ndai ram ram wa manu dan a hka wa, ngai wa nchye ai ra mi hpyen ni hpe mu yang ra mi gap kau ai wa ya ngai grai lahpawt mat sai, ya na gaw n gap sa na re ngu na shi dai hku n hku kata kaw sha nga mat sai da. Gara de ma nsa mat she ndai wa du mung shi kasha na matu ngu na dai zar htu htu ai shingna mung daw mat na she sa san ai da, e ya hte dumsi nang gaw hpa na n hkawm mat ai rai ngu tsun ai da. Hpa na nre law, ngai nau n kam hkawm na re ngu tsun, nang na dumsi brung langai mi jaw rit le ngu tsun ai da. Dai she tsun ai da, i aw ngai n kam jaw sai law, nanhte ni mari la mu ngu tsun ai da. Ngai n kam jaw sai law, mari la mu ngu tsun ai da, dai shaloi ohra ni mung yau sai dai sha wa me n kam mari la sai, dumsi brung mi me zar htu shingna wa me kawa ma mai ga la ai, ya kawa hte tim htu na ngu dan ngu pawt na re mat wa ai da, tsap bai sa wa sai da. Tsap mung i hkau nang ya hte gaw gara de mung nwam mat ai i ngu nwam ai law. Ngai nta sha nga taw sai, nang na dumsi brung langai, 2 sha pyi naw jaw rit le. Yahte noi na shara n lu mat ai majaw ndai naw noi na a dit la ra ai ngu tsun ai. Nkam ai law nang ra yang mari la u ngu tsun ai da. Dan re sha me n kam mari la ai, gara kaw na ju tim mai lang ai ngu tsun na shi gaw pawt mat na wa mat ai da. Ndai brangtai bai sa wa i i nang na ndai dumsi brung 1, 2 ngai hpe jaw rit le ngu tsun ai da. Shaloi ndai wa nkam ai law, naw mari la mu ngu tsun ai da. Mari la mu ngu, dai wa kaja sha grai ra a hkyak ai re nga, e mari la na kade hte mari la na rai ngu tsun she, nang lap mi ram hte mai mari la ai le ngu, lap mi jaw ngu tsun kaja sha lap mi jaw ai da. Dai ram ram manu hpu ai i ngu tsun she e lap mi mai jaw ai, lap mi jaw yang ngai baw ya na ngu kaja sha lap mi jaw shi na mun langai baw dat ya ai da. Um ndai hku she re yang ngai gaw gumhpraw grai law lu dut na re ya na gaw ra mi n kam gap kau ai sha, ndai manang ni hpe sha dut jaw jaw di na re ngu shi gaw dai kaw na laika shakap da ai da, ngai ndai kaw na dumsi brung nye hkum kaw na dumsi brung dut sha na ngu na laika shakap da ai da. Dai wa kadai mung n yu ya mat ai da. Mi shi grai hkau ai manang tsap ni, wa du ni wa mi she yawng ga n shaga mat ai da loh, shi lai mat yang kadai mung n shaga mat, kadai mung n shaga mat na she shi mung mau mau re di nga hkawm mat ai da. Hpang e she shi san ai da, nanhte ngai e dumsi brung mung nsa la mat sai i, Um ndai zar htu htu ai wa mung um nsa la mat sai, ngai ya kawa hte htu ai grai hkrak hkra hkra mai mali la ai ngu da. Re na she shi mung dai sha tsun na bai lai mat wa ai da. Hto tsap mung manang ni a dit na matu mun ni n ra sai i, nra ai law ju ni grai nga ai dai hte a dit la ai ngu tsun ai. Brangtai kaw bai sa, nang ya hte tsi n shadu sai i ngu, tsi nsa mari mat le, aw ngai na mun mung dumsi brung mung nsa mari mat ngu tsun she, nra ai nang na dumsi brung hta grau hkrak ai numru langai mu mat sai, ngai dai hte she tsi shadu mat sai ngu tsun she kadai mung dai hku sha ga atsawm n shaga ai da. Shi gaw reng reng re na shaga, shi mung ngai myit n pyaw shana tup yup nlu mat sai da lu, shana tup yup n lu mat she, ngai n dai hku she re yang ngai manang nlu mat na ra ai ngu na shi gaw shi na dumsi brung agying baw lang da, baw lang na she ndang n la hpai hkawm na she ndai wa du hpe tsun, i nang zar htu na matu ndai ngai na dumsi brung 1, 2 sah pyi la u le ngu da. N la ai law ngai ya ndai kawa hte re yang grak hkra sai ngu na maw la u la u nang ra ai lam la u, Nang dai ram wa jaw mayu yang dai aw 2, 3 tawn da u le ngu tsun she e le nang ra ai ram la u ngu kaja wa wa du mung kabu gara re tawn da ya ai da. Dai she tsap kaw bai sa, e hkau tsap ngai na dumsi brung nang a dit na matu naw la u le ngu she, nra ai law, ngai dai hkan ne ju ni hte mai a dit la ai ngu. Maw law nang ra ai lam la u ngu, n dut sha sai i ngu, ndut sha sai law, nkam dut sha sai, nanhte e jaw lang na re ngu na dai wa e mung bai garan jaw kau da da. Oh brangtai kaw bai sa wa i hkau brangtai nang hpe ngai ndai dumsi brung bai sa wa ai ngu. Ngai numru lang sai gaw ngu, retim la da u law nang ra a hkyak ai kaw lang u law ngu tsun na nang dai ram wa jaw mayu yang gaw dai ram wa la u, tawn da ya u ngu tsun she ndai brangtai mung nang hpa baw na dai hku n dut sha mat sai rai ngu, ngai ndai dut sha ai majaw nanhte ni kadai ngai hpe n kam shaga. Ya gaw ngai na dumsi brung hpe ma ngai n kam dut sha sai nanhte ra ai ram baw lang mu. Ya gaw ngai nanhte hte mi na zawn hku hku hkau hkau she ganawn mazum mayu sai ngu na dai kaw na myit malai di na manang ni hte a pyaw sha nga mat ai da. |
