| Description |
Translation (Rita Seng Mai)
This is the brave cat. Once upon a time, there was a middle-class man in a village. He had a cat. The cat listened to its owner and followed him everywhere. It did everything to help its owner. It always helped its owner. However, the cat became older and older day after day. Its appearance was not as beautiful as before. It was slowly losing its fur. Then, its owner didn't want to care and feed him. The owner said, "It's even difficult for me to eat three meals a day. You become weak and ugly. I can't feed you anymore." He decided to abandon the cat somewhere in the forest. When he left home after abandoning the cat, the cat didn't follow him. It just stayed exactly where he left it. After a few hours, the cat went back. But it didn't go into the house because it knew its owner would be annoyed. It thought, "What should I do now? I am so hungry. My owner will be so angry if I go into the house now. What should I do?" After thinking for a while, it got an idea. It thought, "I should go to the granary. There are lots of mice there. I will kill all those mice. If I don't, the mice will eat every grain." Then it went to the granary and pretended to be dead. Soon, many mice came out from everywhere. They said, "Look! The cat that is chasing us is dead now." They were so happy and discussing what to do with the dead cat. Finally, they got the idea. They said, "Let's carry the dead cat and bury it at a faraway place." They were working together to carry the cat. Some mice were digging a big hole to bury the cat. The place where they were digging the hole was on a sandbank. They planned to bury the cat at the sandbank. When they were about to throw the dead cat into the hole, the cat suddenly awoke and walked. The mice were shocked and ran away. Since it was the sandbank, it was difficult for the mice to run quickly. They couldn't run fast. The cat bit every single mouse and put them in the bamboo cart that they used to carry the cat before. It pushed it to its place. And it thought, "My owner won't feed me anymore. But it's alright. I will just eat mice." Then there was no mouse in its owner's granary. There was no mouse to destroy the grain because of the cat. The cat became fat and beautiful after fulfilling its hunger.
Transcription (Lu Awng)
Lanyau chyau hpa i dai shi na lam. Moi kalang mi hta da ndai nta langai mi hta grai re na lusu hkra ma nrai, matsan hkra ma nrai re la nga ai da. Shi kaw gaw ndai lanyau langai mi sha nga ia da. Nga re na lanyau dai mung da dai shi na madu wa gara sa yang sa ai da. Bungli lama mi hpe pyi naw shi n galaw ai nnga ai da. Madu hpa galaw yang shi hkan galaw ai da. Dai hku re di na nga re she shi gaw retim mung, lani hte lani shi gaw asak ma kaba wa sai da. Kaba wa na she shi na hkum shingyang ni ma ntsawm wa ai da. Ntsawm wa na mun ni ma run wa sai da. Mun ni kachyi chyi run wa re na dai madu wa gaw da shi hpe shat n kam jaw sha wa ai da. Dai hku rai rai ngai pyi tam yak sai i, ya nang hpe nang tsawm ma n tsawm sai, bungli ma nau n jin sai, ngai nang hpe shat n lu jaw sha sai ngu di she shi hpe oh nam maling de wa dat bang kau na matu shi gaw woi sa mat ai da. Woi sa mat na dai hku dat tawn da ai da, dai hku dat tawn da, retim shi gaw aw nye madu i ngai hpe dai hku tawn da ai raitim ngai n dai hku nga taw na ngu madu wa ai shaloi shi n hkan wa ai da. Nhkan wa na she madu wa ai hpang she shi hkan ai da, hkan wa na she aw ngai nta de shang wa yang gaw nye na madu gaw ngai hpe bai nra na re, mi kawn nra taw ai re majaw ngai n mai shang wa na re, dai majaw gara kaw nga na i, ngai kan ma grai kan si ai, gara hku di na ngu na shi gaw myit ai da. Grai na hkra myit yu na dum ai da, aw nye madu na ndai mam dum kaw yu grai nga ai i, ndai yu ni hpe ngai naw gyam kau ra ai, nre yang yu ndai ni gaw ndai mam dum kaw na mam ni hpe shi sha ma na ra ai, dai majaw ngai hpa mi retim mung ndai hpe ngai naw gyam kau na re ngu na shi gaw dai yu ni galoi shagu nga nga re shara kaw she si masu su taw ai da. Si masu su taw re shaloi she kaja nan she ndai yu ni gaw dai kaw na pru wa ai da. Pru wa re shaloi she e anhte hpe galoi mung shachyut ai ndai lanyau ndai si taw sai ngu tsun na yawng grai kabu ai da. Ya anhte grai kabu hpa rai sai i, ya ning re na ndai wa si ai ngu, dai majaw anhte ndai hpe shara mi de makoi kau ga ngu na shanhte dai hku myit na maw sai da, maw na gara hku di na yawng dai hku myit re shaloi she, shanhte zuphpawng hpawng na she dai hku gara hku galaw na ngu hpe mahtai lu shaw sai da. Dai hpe i shara mi kaw bang re na anhte ni oh la mat wa ga, la mat di na nhkun htu di ndai hpe lup makoi kau ga ngu na shanhte dai hku myit na kaja nan sa mat sai da. Dai hku lanyau hpe bang na dai hku dun, kanawng ai ni kanawg re na sa mat ai da, nkau mi gaw ndai dai kaw na dun ai ni dun, kanawng ai ni kanawng rai na sa re na she oh shara mi kaw du na nkau mi gaw n hkun htu ai da. nhkun ni htu re na she shanhte ni nhkun ni htu ngut sai nga na she dai lanyau hpe she, shanhte ni sa mat ai shara gaw zai bru jang re ai da. Zai bru jang pa kaba re kaw shanhte ni dai hpe makoi na matu dai hku galaw ai da. Dai shaloi she kabai bang saka ngu galaw ai shaloi lanyau wa a kajawng sha rawt wa ai da. Ndai yu ni gaw da hprawng ai da, hprawng re shaloi she zai bru jang re majaw shanhte ni gaw hprawng ma grai yak ai da, hprawng ma grai yak na she yawng wa n lu hprawng mat ai da. Nlu hprawng re na she yawng hpe shi gaw mahkret di na she, mi shi hpe htaw sa wa ai shara dai kaw she shi hpe yawng hpe dai yu ni hpe bai bang di na kawa hpe kawa la bai bang, na she shi gaw dai kaw hpring di na htaw wa ai da. Htaw wa na she shi nta kaw du re na shi gaw dai yu gawk kaw du re na shi myit ai da. Aw ya ngai gaw lu sha ma grai grung sai, dai majaw ngai ndai sha na i ngai nga taw na re, nye madu ngai hpe shat n jaw sha tim nra ai ngu di na dai shani kaw na gaw da dai madu wa n mam dum kaw mung yu nnga mat sai da. Dai majaw mam ni mung dai hku nsha ya ai, sha na nnga sai da, shi mung hkru hkru kat kat re na bai yu ni hpe shi la wa ai yu ni hpe shat kan si yang langai lasha lasha re na shi mung grai hpum tsawm mat ai da. |
