| Description |
Translation (Htoi San)
I am telling a story about a poor man and a rich man. The poor man was very impoverished and faced a lot of difficulties, but he had a very mature mind. The wealthy man was so tricky and suppressive that he did outwit a sharper hand to others on their heads and backs. He used to oppress poor people all the time. The poor man had difficulties getting food, so he went to the rich man to borrow some rice for him one day. Then the rich man lent him some rice. After that, the poor man came three or four times, so the rich man did not want to give him rice as he was so stingy. The wealthy man said, "You also have your hands and legs, so you find food for yourself. Please don't come to me to get food. Don't come to me to borrow." The poor man thought, "Whatever it is, I will visit him even though he doesn't want to give it to me." Then he visited the wealthy man, although he knew he could not get any food. The opulent man was amazed by the needy man's visit and thought, "Although I don't lend him rice, why does he come to me daily? What does he want to trick me?" When the poor man stood by the wealthy man's house all the time every day, the rich man told the poor man, "You come to me frequently. Although I don't give and lend you rice, you always come to me." "What is your intention, and what do you want to do to me so that you come?" asked the rich man. The poor man did not say anything but did come to the rich man regularly, so they became friends. One day, as the poor man visited the rich man, he said, "You come to me daily even if I don't give you anything. What do you hope for? I can't give you anything." "I would rather give the food to the dog from my house than give it to you because it will shake its tail when it gets food. It will be more useful If I give food to the dog. I can't lend you anything." "I can't give anything to such a lazy person like you." The poor man was angry when he heard, "I don't want him to borrow rice. I just came to him not to get rice from him." "Why did he say this to me like this?" Then he said to the rich man, "You get rich because you oppress needy people's belongings, and you have a wicked mind." "You get wealthy due to your dirty work. Therefore, there is no way to be proud of your wealth." The rich man responded, "Oh my, whatever I oppress and get from that is what I get from my working. You don't need to be jealous of it. Alright then! Let's compete." "Let's defeat each other one day. Let's compete with our skills." The poor man said, "What do you want to race? Let's do it." The wealthy man said, "Let's compete in eating. If I win, you must work on my farm to do chores for three years as my slave." The poor man replied, "Alright, deal!" The rich man continued, "If you win this competition, I will provide you with food for three years." The poor man agreed, "Alright. Surely can. Let's start the eating competition!" From that day onwards, they prepared for the competition. The next day was the competition day, so the rich man prepared his food to eat. He arranged his food well as he was a prosperous man; he placed various kinds of food on the table. When he was eating, the poor man was watching him. However, the poor man did not show the desire to eat, despite how delicious the rich man's food was, as if he did not feel anything and watched the eating. The well-off man said, "I have finished eating today. Let's continue tomorrow." He killed chickens from his house, cooked them deliciously, then ate them before the poor man. The penniless man just looked at it and passed it as if he did not have the desire to eat. The wealthy man was amazed, "The poor man doesn't seem to want to eat although I eat mouth-wateringly." Then he said, "Alright, I have done eating. It is your turn." The next day, it was the poor man's turn to eat. What the poor man did was he took out a mango from his pocket and cut it with his knife. Then he sliced it into three or four pieces. After that, he ate them. The rich man leaked his saliva, and he wanted to eat that mango. As he could not hold it, he said, "Alright. Alright. Alright. Even you eat this yummy," "Give me some pieces for me to eat too." After that, the wealthy man asked to eat mango slices; after he ate them, he lost the competition. As they promised before the competition, the poor man won the race, and the rich man lost it. Therefore, as they agreed, the rich man had to give a ration for three years. From that onwards, the rich man did not oppress those in need and repented for his wrongdoing. The poor man got the three years' food cost and made it as an investment, and then he became prosperous. The ancestors told this story to the children long ago.
Transcription (La Ring)
Ya ngai hkai dan na maumwi gaw matsan la hte sahte wa nga dai yan na maumwi re. Ndai yan gaw ndai matsan ai wa gaw grai matsan jam jau na lu na sha na pyi nlu raitim shi gaw e myit su myit gawp ai la wa re. Ndai sahte wa gaw grai magyi magaw na masha ni hpe dip lu dip sha na manang ni ntsa kaw mam ting sha manang ni shingma ntsa kaw mam ting sha rai na matsan mayen re ni hpe shi galoi mung dip lu dip sha chye ai wa re da. Ding re majaw ndai matsan ai wa gaw hpa nga tim shi lu na sha na grai yak ai majaw e sahte wa kaw lani mi hta shi n-gu sha na nnga ai majaw sa hkoi sha ai da. Shaloi jaw dat ai. Hpang kalang bai sa hkoi sha ai masum mali lang sa hkoi sha wa ai shaloi gaw sahte wa gaw maji na nkam jaw mat sai da. "Nang mung lagaw lata tu ai she re gaw na na nang tam sha u ngai kaw hkum tam sha hkum sa hkoi sha" ngu tsun ai da. Shaloi ndai matsan ai la wa gaw "E gara hku mi nga tim shi mi njaw tim sa chyai ra ai" ngu na shi kaw na n-gu lu sha ni mi myit mada ai nraitim dai kaw sa chyai sa chyai re shaloi ndai sahte wa gaw e yu mau wa sai da. "Ngai shi hpe n-gu nhkoi jaw tim ngai kaw jahkring hkring sa ai gaw ndai wa hpabaw nyan ngai na ntsa kaw hpabaw nyan mayu ai kun" ngu na sahte wa gaw dai hku myit ai da. Ding rai hkring hkring sa chyai shani shagu sa chyai rai wa ai shaloi gaw ndai matsan la wa hpe she "Taw nang gaw ngai kaw shani shagu hkring yang sa sa rai ngai nang hpe n-gu njaw sha tim nhkoi jaw tim nang ngai kaw sa ai gaw nang hpabaw ngai na ntsa kaw hpabaw myit rawng nna hpabaw nyan mayu na sa ai rai" ngu tsun dat ai da. Raitim matsan la wa gaw hpa nngu ai da. Ding rai na ayan sa taw ai majaw hku hkau wa sai da. Hku hkau wa rai lani mi gaw ndai matsan la wa gaw naw sa chyai taw majaw sahte wa gaw "Nang gaw ngai njaw tim ya mung naw sa taw ai gaw ngai kaw na wa nang hpabaw naw myit mada taw ai rai nang hpe gaw nlu jaw ai" ngu da. "Nang hpe jaw na malai gaw htaw nye nta kaw nga ai gwi hpe jaw yang pyi naw lamai sha gaw naw kangat na re nye gwi hpe jaw sha yang pyi lachyu apru e naw lachyum pru na re akyu rawng na re nang zawn re hpe gaw ngai nlu hkoi jaw ai nang zawn re matsan ai e lagawn lamawn re wa hpe gaw nlu jaw sha ai" nga tsun dat ai shaloi ndai matsan wa gaw grai pawt mayu mat ai da. "Ngai shi kaw n-gu hkoi na matu sa ai mi rai nhkoi na matu sa ai mi rai shi gaw hpa na ngai hpe ding nga tsun ai kun" ngu na pawt na shi tsun dat ai da "Nang lu su ai lam gaw manang ni na ntsa kaw mam ting sha matsan mayan hpe nang dip lu dip sha myit magyi magaw rawng na nang ding re lu su wa ai she re majaw nang lu ai lam hta mung nang hpa gumrawng taw nang gumrawng nra ai" ngu dai hku tsun ai da. Dai hku re ai shaloi she ndai sahte wa gaw "Ga ngai nang hpe dip lu dip sha hpa nga di ngai dip lu dip sha yang gaw ngai lu na rai nga ngai dip lu dip sha na lu ai nang hpa hkum manawn taw. Gai nang dai hku nga yang an lahkawng lama mi shingjawng yu ga" ngu ai da. "Hpaji shingjawng yu ga" ngu ai da. Shaloi ndai matsan wa gaw "Gai hpabaw shingjawng na shingjawng ga" ngu tsun na she "Gai an lahkawng lu sha sha shingjawng yu ga lu sha sha shingjawng ai shaloi ngai lama dang ai rai yang nang nye hkauna kaw nang bungli masum ning nang nchyang chyang ra ai" ngu tsun ai da. Dai shaloi matsan wa hpe dai hku tsun na matsan wa mung "Mai ai" ngu da. "Nang lama dang ai rai yang gaw nang hpe ngai masum ning na lu sha jarit ngai kaw na jaw na" ngu tsun ai shaloi she "Mai ai gai sha shingjawng ga" ngu ai shani kaw na shanhte sha shingjawng na hkyen wa ai da. Hpang shani kaw na "Gai daini kaw na shingjawng saga ngu shaloi ndai sahte wa gaw shi na lu sha ni hpe e shi lu sha ni hpe shi grai hkyen lajang da na shi e sha ku kaw shan nga hkum sumhpa hte rau sahte re nga yang gaw dai hku na shi hkyen da na sha sai da. Dai sha taw ai shaloi she matsan wa gaw yu ai da. Raitim matsan wa gaw shi kade mi sha dan tim hpa shi sha mayu ai lam nnga dai hku shi hpa nbyin ai hpa nhkam sha ai hpe yu taw. Sahte wa gaw "Ya daini sha ngut sai hpang shani kalang bai sha yu ga" ngu na hpang shani bai nta na u ni bai sat na grai nga rai si shat mai shamu na shi bai sha dan ai da. Shaloi matsan wa gaw hpa sha mayu ai lam mung nnga na dai hku sha shi yu shalai kau ai shaloi sahte wa gaw loi gaw mau ai da "Ngai ndai ram mu mu mai mai sha dan tim ndai matsan wa gaw shi sha mayu ai zawn nre ai gaw ya gai rai sai ngai sha ngut sai nang sha na aten bai rai sai" ngu na hpang shani gaw ndai matsan wa bai sha dan ai da. Matsan wa gaw hpabaw re i nga yang shi sumbu kaw na mawau si shawn la rai na dai hpe nhtu hte galep nna dai hpe nna galep lahkawng masum sha naw galep nna sha hpang dan wa ai hte sahte wa gaw mayen she gayup wa rai na shi sha mayu bang wa nlu nga na "Hka hka hka nang pyi dai ram sha yang mu ai gaw hka hka ngai hpe mung jaw sha yu rit" ngu na mawau si galep hpyi sha bang wa ai hte rau dai shaloi sahte wa mung dai sha kau dat ai kaw na sahte wa gaw sum mat ai da. Dai shan hkawng nnan ga sadi tawn da ai hte maren matsan wa gaw awng mat wa dang mat wa sai sahte wa gaw sum mat wa ai re majaw masum ning tup na lu sha hpe shan hkawng ga sadi nga ai hte maren matsan wa hpe masum ning tup na lu sha jarit ni yawng hkra bai shi jaw ra ai da. Dai kaw na sahte wa gaw masha hpe dip lu dip sha ngu ai lam mung nnga myit malai lu ai hte ndai matsan wa gaw dai masum ning tup na lu sha jarit ni hte rau shi dai hpe arang galaw na shi bai nga mu nga mai wa ai nga na moi na ma ni hpe ji woi ji wa ni hkai dan wa ai maumwi re. |
