| Description |
Indawgyi labau gaw ndai hku re, ya indawgyi ngu ai gaw anhte jinghpaw ga gaw nawng luk ngu ai re, e de a lam mi loi kaji mi dwi ni nu ni wa ni tsun dan ai hpe loi mi tsun dan mayu ai dai gaw hpa i nga yang she, ndai dai mung jahkai ma hte rau e jahkai ma langai mi kawoi dwi sha nga ai da, kanu kawa si mat sai kahpu kanau n nga ai kawoi dwi hte sha nga ai da, dai lana mi na yup ai shaloi gaw ndai la langai mi jinghpaw re ai da, jinghpaw zawn zawn jinghpaw hkring hpun ai re ai da, dai wa she e jahkai yan woi dwi e hpawt de gaw jau jau hpraw mu yaw ndai shara hpe e, ngai nawng shatai kau na ngu tsun ai da. Re ai shaloi e an shu mi gaw an woi dwi mi gaw hprawng mung n jing jahpawt jau jau shat mung n rawt shadu sha jing re gaw kaning re na ngu she shat mai mung n lu ai ngu she e jahpawt jau jau le ya nan woi dwi mam htu sha ai htum i e dai kaw dai wa galau yu u ngu she dai htum galau dat jang she nga ndai ram law ai nga mi taw ai da, dai hpe hpra shadu sha re na e nga re gaw, rai npawt gaw ndai hku rai nga ya oh ra indawgyi kaw gaw bareng bareng di di ai, bareng di di yang she dai kaw bareng hta sha na, hta kabaw mi e, mi gaw shadu yu ai da, shadu re she, dai bareng di gaw law she law law she law ndi n shang re she ndi kaba hta bai shadu bai law bai law bai law re mana maka law wa ai da. Re gaw dai kaw indawgyi kaw gaw moi na prat gaw htamansi masha ni nga ai re da, ya ndai prat hta ndai indawgyi kaw na lawt mat wa ai masha ni oh ndai gadu ga ah nawk maga de htinggaw lahkawng tsa ram nga ai nga shiga na lu ai, re she e dai ni she dai bareng di wa shadu sha ai mana maka law ai shanhte htamansi masha ni htinggaw kahtawng jahku ram nga ai da, kahtawng jahku nga re dai yawng hpawt hkra law sha ai da, dai yawng kahtawng jahku re dai htamansi masha ni dai bareng di hta sha na bareng di kabaw sha na yawng gu gu ra ra lu sha ma ai da, re she dai jahkai yan woi dwi gaw shang a matu wa n lawm na hku rai nga shang hpe n lu sha sa rai dai ma gaw oh masha ni kabai tawn ai lahpaw bareng di makai sha ai lahpaw dai wa sa mata sha ai da. Sa mata sha re she shana yup tung ye gaw shingran jaw sa, yup mang jaw sa shingran mu shangu re gaw, e mi yet sha tsun ai hte mare dai htum kaw jahpawt jau jau galau yu mu ngu na galau yu ai shaloi gaw nga ndai ram mi law ai nga mi rawng taw re dai hpra sha, hpra sha shat shadu sha na she shang woi dwi hpraw ai hte nsen mana maga kaba nsen ngoi pru wa dinn nga re n-nan nawn nawn nawn ai nga re na i nsen kaba dai wa nawn wa she dai kahtawng htamansi kahtawng jahku re dai wa galuk wa ai da, galuk wa re shang woi dwi gaw hprawng chyu hprawng, hprawng chyu hpawng, hprawng chyu hprawng, kawoi dwi gaw ni re na sumdoi doi ai ni re sumdoi doi re gaw ndai hku sumdoi doi, hprawng chyu hprawng, nau ba wa ai na gaw kashu gaw mi bareng di makai sha ai lahpaw sa mata ai majaw sha lawm ai hku rai mat sa, dai she e ma e ya dwi nau ba wa ai nang hpang de e hpang de hkan u ngu na hpang de hkan shangu re gaw dai kawoi dwi gaw ni re sumdoi doi doi re gaw nau ba wa re gaw dai kashu hpe mung galuk la sa kashu mu le si sa. Rai na e ya jau hpayau e nye kashu hpe mung galuk la nit dai lo ya ngai gaw grai ba nit ai lo nga na dai shi lang ai sumdoi hpe nhtang de na jun da ai da, dai kaw na gaw n galuk sai da, n hkan sai da, dai re na indawgyi ngu ai nawng luk ga ngu ai byin wa ai re da, ndai ka wa nhtang de na dai dinggai jan lang ai sumdoi gaw ka wa sumdoi re ai da, dai nhtang jun taw ai ya dai ka wa nhtang jun taw ai shara naw nga ai da, ngai gaw dai de gaw n du yu sai naw nga ai da, e dai hku na dai indawgyi ngu ai oh ra gaw htamansi masha kahtawng jahku nga ai masha ni bareng di shadu sha ai majaw bareng ye galuk la kau ai re ai nga na nu ni wa ni dai hteng hkai dan ma ai, dai hku kadun ai hku le i shanhte shanhte ka da ai gaw grai galu lu ai. |
