| Description |
Translation (Rita Seng Mai)
The story is about gomphrena globosa. I would like to tell you how that flower existed. Once upon a time, there was a family in a village. The mother was dead. So, there were a father and his three daughters in the family. They were rich. The father had to go to the other town to do his business. So, he asked his three daughters, "Tell me what you want. I will take them for you as presents." Ma Kaw (the eldest daughter) said, "I want things that are made of gold. I want gold chains, gold necklaces, and clothes made of gold. Bring me those things." Ma Lu (the second daughter) said, "I want the most expensive jade, dad." Ma Roi (the youngest daughter) said, "I want the white gomphrena globosa that has a good smell. I want a never wilted flower." The father promised to bring those things for his daughters. Then, he went to another town to trade goods. And he traded things there. Later, he went to another place to trade things. There, he saw a beautiful white house on the plain. He and his friends were discussing where to sleep. They said, "We don't have anywhere to go now. We are far from the town. Let's just sleep right there." When they went there, there was no one. They were surprised that no one lived in the house. So, they opened each room to find out if someone lived there. But they didn't see anyone. After a few hours, they were getting hungry. So, they said, "We are hungry. We need to eat something." Then, they saw a table full of meals in the kitchen. They didn't think much and ate those meals. Then, they spent a night there. When they woke up the next morning, they walked outside and looked around the house. It was pleasant. The birds were chirping, it was breezing, and the flowers were blooming. The rich man remembered what his daughter said. He found an unwilted flower that his daughter asked him to bring. So, he tried to pick it up. At that time, an old man with a monkey face and full of hair on his body appeared and grabbed his hand tight. The old man said, "Such an ungrateful man! You have eaten a meal that I served. But now, you are trying to steal my flower! I will make you be ash or smoke! You shouldn't be alive!" The rich man apologized to him, "Don't kill me, please. I am wrong. I sincerely apologize to you. I have eaten a delicious meal you prepared for us, but I tried to steal that flower you grow. I am wrong. You can do me whatever you want. I have already promised my daughter that I would bring that unwilted flower for her. As I have already picked the flower, let me go give this flower to my daughter. And then, I will come back here. You can do me anything you want. You can even kill me if you want. One of my daughters asked me to bring clothes made of gold for her. The other daughter asked me to bring the most expensive jade for her. The youngest daughter told me to bring the gomphrena globosa, so I picked that flower. Let me go give these presents to my daughters. After that, I will come back here. Since I have already picked this flower, I will give you the value for it. How much do you want?" The old man said, "No, I don't want any money. I have a lot. I want a wife who has the same living style like me. So, give me one of your daughters." The rich man agreed, "Okay, I will give you one of my daughters." The old man gave him a ring and said, "This is the magic ring. Wear this ring and wish where you want to go. Then, you will arrive there in a minute." Then, the rich man wore that ring and wished, "I want to go back home and give these presents to my daughters." When he opened his eyes, he was at home. He gave the presents to his daughters. He explained everything to his daughters, "I had met an old man when I picked this unwilted flower. He threatened me because I picked the flower. He told me that he would turn me to ash or smoke. So, I apologized to him and offered that I would give him anything he wanted. But he told me that he didn't want anything and to give him one daughter. Who wants to go there and be his wife?" Then, his daughters refused to go there. They said, "We don't want to get married to that kind of wizard!" At that time, Ma Roi said, "If none of us gets married to him, dad will be ash or smoke. I don't want dad to be like that. So, I will get married to him. Then, the rich man put the ring on his daughter's finger. He told her, "Close your eyes and wish the place where you want to go. Then, you will be there." Ma Roi did the same as her father said. When she arrived at the wizard's house, there was no one. But there were meals on the table. At night, she met that old man and asked him if she could go back home. He told her, "Okay. But you should come back here after three days you go back home. You can't be late." Then, she went back home and met her father. She told him everything she faced there. She told him, "The old man told me that I needed to come back there after three days I spent with you. I couldn't be late, not even a minute. He is rich, but no one lives in that house." Then, her two sisters were jealous of her. They changed the time on the clock. After three days, Ma Roi thought of going back. But it was early when she looked at the clock. In fact, she was late for almost three hours. Meanwhile, the old man thought she would not come back. So, he was sorrowful. He was crying hard and died. When Ma Roi arrived there, she saw that the old man was dead. She was upset that she couldn't do anything for him yet. She was sobbing day and night. Later, she was tired and slept by using her husband's dead body as a pillow. She had a dream while she was sleeping. In her dream, she was a princess and preparing to get married. But a jealous witch killed her. Then, her fiance told her that their souls would be together forever. Then, she was surprised and woke up. When she opened her eyes, she saw a man in a royal costume smiling at her. She saw that she was wearing princess clothes and sat beside that handsome man. Everything she saw in her dream really happened in real life too. In fact, they both were alive again and held a wedding in that house. They lived happily together.
Transcription (Lu Awng)
Ya ngai hkai na maumwi gaw n wai pan ngu ai re. Ndai n wai pan ngu ai ndai byin wa ai lam hpe hkai na re. Nwai pan, moi la langai mi gaw da dinghku re nna nga ai shaloi madu jan mung si mat rai, kasha numsha 3 hte shan wa 4 sha nga ma ai da. Kawa mung grai dingla re jang shanhte lu mung gaw grai lusu ai. Kawa dingla wa gaw kaga mung de hpaga ga hkawm na ya wa wa jang nan nau ni e kumhpa la wa ya na. Kadai gaw hpa baw baw kumhpa ra mi ni, ngu na san ai da. Dai hku san ai shaloi gaw makaw kaba ai wa gaw wa e ngai gaw ja gumhpraw hte galaw ai lakai ni, soichyo ni, soi palawng ni, ja gumhpraw hte galaw ai arung arai ni ra ai ngai hpe gaw dai la wa ya rit ngu na tsun ai da. Malu ngu na wa hpe re jang gaw wa e ngai gaw mungkan hta manu hpu dik re senglawt ngu ai lung lungseng manu kaba ai baw langai mi la wa ya rit ngu htet ai da. Maroi ngu na wa kaji dik ai wa bai re sa i nga jang wa e ngai gaw nwai pan a hpraw re n wai pan galoi mung manam pyaw nga ai nyip mung n chye nyip mat ai galoi mung nan nan sha re nga ai n wai pan dai ra ai, galoi mung manam pyaw nga u ga, n kyip mat u ga, dai baw she ra ai ngu na tsun ai da. Dai nga tsun dat ai majaw mai ai, nan nau ni ra ai arung arai ya a wa la wa ya na ngu nna hkam la nna shi gaw rawt mat wa sai da. Rawt mat wa ai shaloi gaw kahtawng buga langai mi kaw du, arung arai dut ang ai ni dut, mari la ang ai ni mari la na bai dut, bai dut rai shaning hku shi gaw sumtsan de shi dan re hpaga ga hkawm mat wa ai da. Kalang mi na gaw shanhte gaw kahtawng mung n nga ai, grai langai hte langai grai tsan ai de kawng marawng kaba de du mat wa ai da. Kawng marawng kaba de du mat wa, dai kaw na e layang ga de yu dat yang pa layang langai mi kaw nta a hpraw re wutdek nta langai mi nga ai hpe mung mu ai da. Shanhte bawng ai e ya kaga mare mung n nga ai, kaga nta mung nnga re gaw, anhte gaw dai na gaw anhte gaw ohra kaw wa yup na re ngu na shanhte myit la na sa. Sa ai shaloi gaw masha gaw n nga, nta gaw grai hkyik hkra gap tawn da re ma ai da. Re na shanhte mau na gawk shagu hkan hpaw yu ai, shinggan hkan e masha tam yu, gawk shagu hkan hpraw yu retim mung shanhte gaw masha nga ai gaw n mu ai da. Shanhte tsun ai e masha mung nnga ai, ya gaw kawsi na aten mung rai wa sai, anhte shat ni tam shadu sha re ga, ngu nna naw myit nga yang dai hku naw tsun hkat nga yang, shat gaw shanhte a man kaw shat saboi, grai mu mai ai shat ni lajang da ya sai da. Shanhte mung mau ai let retim kawsi sai re majaw dai shat dai ni yawng sha, dai kaw mung yup la ai, hpang jahpawt bai du, re jang shanhte gaw shinggan hkan e pru hkawm chyai hkawm re yang mung grai pyaw ai da. Madum sumpyi ni mung grai ngoi pyaw u numji numjoi, shaga ai mung pyaw, hkai tawn da ai nampu nampan ni mung grai tsawm re na dai yu hkawm ai shaloi gaw dai sahte la wa kasha ni hpe e kumhpa la wa ya na nga la dai wa gaw kasha jan tsun dat ai baw e nampan mu sai da. Nwai pan mu sai, mu na ga nye kasha tsun ai nampan gaw ndai she re nga hka ngu na ndai she re nga ai ngu na shi gaw nye kasha hpe wa ya na re nga dai nampan dai sa di ai hte maren la grai galu kaba ai mun hkrai hkrai sung sung re woi myiman man ai dingla langai mi pru wa na shi hpe e sa magra tek tawn da ai da. Chyeju n chye dum ai sahte wa e nang gaman lila shat lu sha ai chyeju dum ai lam pyi ntsun ai ya nye nampan naw sa lagu ai i, nang gaw mungkan ga nga n gring ai. Numhpu zawn wan hkut zawn rai mawng mat mayu nga ndai ra nni, ya ngai nang hpe numhpu shatai kau na wan hkut shatai kau na nang mungkan ga n gying ndai ngu na tsun ai da. Dai shaloi dai sahte wa tsun ai, e asak sha gaw hkum hkra ya law aw, ga shaga na a hkaw a hkang jaw rit ngu na tsun ai da. Shi nau tawngban ai, re nang jaw ai shat sha sai, ngai ndai nampan di ai shut sai. Dai majaw ngai mara lu sa ngai, nang di mayu ai hku di nang gara hku di yang di, ngai hkam na nngai. Ya nye kasha ni ngai hpe kumhpa la wa marit nga majaw ngai la wa na ngu na ga sadi jaw kau sai re majaw, ndai nampan mung ngai di shut kau sai majaw ngai la kau sa na, nye asak hte galai nna nye kasha ni hpe ndai kumhpa naw wa jaw nna bai nhtang sa wa na. Dai shaloi nang ngai hpe gara hku di yang di sat mayu yang sat kau u. Nye kasha marai 3 nga ai, langai mi gaw ngai hpe ja gumhpraw hte galaw ai bu hpun palawng, num ni lang ai arung arai mari wa ya rit nga tsun ai. Langai mi gaw mungkan ga e manu hpu dik ai seng lawt, lungseng lawa ya rit nga tsun dat ai. Langai mi gaw n wai pan galoi mung n nyip ai, nhten nrun ai manam pyaw nga ai baw prat ting manam pyaw tsawm nga ai nampan ra ai nga majaw ngai n dai sa di ai re. Ya ngai nta de wa nna nye kasha ni hpe ndai kumhpa naw wa jaw da na, shingrai na ngai bai nhtang sa wa na nngai. Nang ra ai hku di u, shing nrai yang mung ngai n dai nampan di shut sai majaw nang hpe ngai gumhpraw kade hti ya ra na kun? kade jaw ra na kun? tsun u ngu tsun ai shaloi, dai dingla wa gaw sun madu wa gaw ngai gaw ja gumhpraw mung nra nngai, ja gumhpraw hpa n di ai ngai lu ai da. Ngai gaw ngai hte e ninglum ningtau tai nna ngai hte e rum ai gam maka rum ai nang kasha 3 lu ai nga jang gaw marai 1 mi ngai hpe ninglum ningtau tai ya na jaw rit nga na tsun dat ai da. Mai ai, ngai nang hpe jaw na ngu na tsun ai shaloi gaw dai dingla wa gaw sun madu wa gaw lachyawp langai mi jaw ai da. Ndai gaw lachyawp chyawp tawn da nna ngai gara kaw du mayu ai ngu na myit dat ai hte du lu ai la chyawp re ngu dai hku na tsun ai da. Kaja wa dingla la chyawp dai chyawp nna ngai nye kasha ni hte hkrum mayu ai, ndai kumhpa jaw na ngu myit dat ai hte shi gaw oh shi nta du taw sai da. Kasha ni mahkra hpe mung kumhpa mung wa garan jaw sai da. Dai shaloi e kasha ni e tsun ai, ndai nampan sa di ai kaw dingla wa pru wa na wa hpe numhpu tai mayu ai i, wan hkrut tai mayu ai i nga na shagyeng ai. Dai majaw wa grai tawngban sai, n hpa ra ai rai yang mung ngai shut sai, gumhpraw jaw na ngu yang ja gumhpraw nra ai, ngai hte ninglum ningtau rai nna nga na, nang shayi sha 3 lu ai nga gaw 1 mi sa jaw rit nga dat ai. Nan nau ni kadai mahtang dai kaw nga mayu ai kun ngu yang mahkawn hte malu gaw ja ji ningdang ai da. Dan re nat jasam kaw gaw kadai n nga ai, kadai n wa ai, shinggyin masha mung nre kaw kadai nkam nga ai, kadai n wa ai grai ningdang kau ma ai da. Retim dai kaji dik ai maroi ngu na wa gaw e an nau ni kadai mung nwa jang gaw wa gaw wan hkut tai mat numhpu tai mat na re nga majaw wa hpe matsan dum ai, ngai mahtang wa na re nga na tsun ai da. Dai majaw kawa gaw oh ra sun madu wa jaw dat ai la chyawp hpe e lachyawp hpe kasha jan hpe chyawp ya dat ai da. Chyawp ya ai shaloi ya nang myit ai shara kaw e wa tsun ai shara kaw du mat wa sanu ngu na dai hku di dat jang kaja wa sha du mat wa sai da. Hto de du mat wa ai shaloi gaw kadai mung nnga ai da, kadai mung nnga ai da, retim shat lu sha gaw atsawm lajang jaw ai da. Shana bai du sa i, dai hku tsun sa i nga jang she kawa gaw 3 ya nga yang e ndai shara de bai sun madu kaw du, kachyi mi mung aten n mai kashai ai ngu na dai hku tsun dat ai re da. Dai sahte la wa mung kasha ni hpe tsun ai, 3 ya ngu na shani aten kachyi mi n shai ai oh ra kaw du nga na tsun dat ai re. Lu gaw grai lusu ma ai, retim masha gaw n nga re nta re ngu na tsun dat ai da. Dan re jang ndai kana yen gaw ndai kanau jan hpe lusu ai nta kaw wa na lam manawn wa ai da. Manawn wa ai majaw 3 ya gara aten hta du nga tsun madu wa htet dat ai dai hpe wa she kana yen manawna nshe dai nta kaw nga ai naryi ni wa yawng n htang hku naryi wa sit kau ya ai da. Naryi wa nta hkan e nga ai naryi wa yawng sit kau ya re yang, naryi yu nna aten yu nna hkawm ai re nga, dai kaji ai jan gaw wa na gaw myit sai retim naw jau ai naw jau ai, ngu na hkyinghkum 3 daram hpanghkrat mat ai da. Dai hku hpanghkrat mat sa i nga jang hto ra kaw la taw nga ai dingla wa gaw shi tsun tawn da ai ten hta kachyi n kashai ai du ngu da ai re majaw shi hpe masu sha sai ngu ai dai hku myit na shi gaw yawn nna si mat ai da. Shi hkrai yawn nna hkrap si mat ai da. Ya kasha jan bai dai kaw bai du ai shaloi gaw kadai nnga dai nat dingla ngu na dai wa mi chyu she si mahka taw nga sa i nga jang shi mung grai yawn mat ai da. Ya ninglum ningtau she nga ai wa mi, hpa hpyi garai ntau lu yang wa me si mat ai gaw gara hku re kun ngu na e grai yawn ai da. Hpa pyi nra ai du ai kaw na hkrap, shani shana hkrap dai hku hkrap, ka e hkra hkra hkrap, hkrap jin nna gaw dai amang kaw bumhkum nna bai yup mat wa, yup mat wa re ai da. Shi yup mang kaw mu ai gaw shi gaw hkawhkam kasha re ai da. Hkawhkam kasha re, num la na matu hkyen ai wa, hpyi num langai mi e ya shi e manawn nna kawa sat tawn da ai she re. Retim mung an gaw ndai dinghta kaw e n lu hkrum timmung ndai ji nat maga de re na retim mung hkungran la sai ngu na yup mang kaw dai hku tsun ai da. Kaja wa shi myi hpaw dat yu yang wa la shabrang grai tsam ai hkawhkam hkying hte rai na dung nga la ai hpe shi yupmang kaw mu ai. Shi mung hkawhkam jan dung ai shara kaw dung nga la ai da. Dai majaw yup mang kaw mu ai dai ni wa kaja wa nan nan ndai maga de mung si mat sai retim bai hkrung nna shan gaw dai kaw e hkungran poi galaw re na grai pyaw na dai kaw nga mat ma ai da. |
