| Description |
Translation (Seng Pan)
This story is about an orphan, Senglawt. Once upon a time, an orphan and his grandmother lived in a village. Their neighbor was Lalawma (the name is given when the family has many sons). The orphan and the boys from his neighbors, Lalawma, went to a forest to clear the bushes. The boys happily cleared the bushes by teasing each other. The bush where the boys were cutting was not so thick. The part where the orphan was clearing was a dense forest. And it was quite tiring for him to do alone. However, he tried his best. When the orphan cut the bushes in full strength, he found a shimmering jade. But the boys didn't know that the orphan got a jade. They only attempted to bully him. "Hey, my friend! You are an orphan. So, you clear the dense forest," the boys said. Since he was a kind-hearted boy, he didn't complain and cleared the bushes as they said. Fortunately, he found a jade. It was glittering. The orphan was so happy and put his arms around the jade. At that time, the boy prepared to go back home after cutting the bushes in their part. The orphan pretended he got a stomach ache. So, the boys asked, "My friend. How are you? Have you got a headache?" "My stomach is very painful," the orphan replied. As the boys were heartless, they didn't give him medical care. "Please inform my grandmother. It's so painful," the orphan said. When the boys arrived back home, they said, "Grandma. Your grandson is lying on the road since he has got a stomach ache." As soon as the grandmother heard it, she ran to the forest. She also brought a bag. When she found her grandson, he showed the glittering jade and said, "Grandma. This is a valuable jade. Put this in your bag, and let's go back home." The grandmother and the orphan walked back home. The orphan's neighbors, the boys, planned to go to the hereditary chief and sell the things. They also asked the grandmother and the orphan to join with them. The orphan joined with them. The boys brought the things like pigs, chickens to sell. "May I go with you?" the orphan requested the boys. "The orphan like you don't have anything. What things do you have for sale? You must not go because you have nothing for sale," the boys replied. And they went to the heredity chief's place by carrying their livestock. They sold them in the heredity chief's house and bought the things that they needed. However, the orphan followed after them quietly. He arrived at a village near the heredity chief's place. He stayed a night at an old widow's house. And he begged her, "Aunt. Please bring me to the heredity chief's house!" The old widow replied, "Why should I bring the orphan like you there? I will feel belittled because of you." But the orphan didn't give up easily. He asked her again and again. Even though the old widow said mean things to the orphan, he kept asking her. So, the widow brought him to the heredity chief's house at last. He brought the jade with him. When they arrived at the heredity chief's house, the orphan said, "My lord. I've brought a thing for sale." "Let me have a look, my dear," the chief said. The orphan took out his glittering jade. Because of its sparkle, the heredity chief and his servants became blind. They couldn't see even the orphan in front of them. "It's burning!" they shouted. "My lord. It's on fire. Let's get out of this place!" the servants shouted. They thought the sparkle from the jade was fire, so they fetched the water and planned to pour it on the orphan. Before the servants poured the water, the orphan kept the jade in his bag. Then, the heredity chief said, "My brother. Your jade is priceless. What's the price? How much do you want?" Since the orphan was uneducated and poor, he didn't know how to count the money. Therefore, he just scratched his head when the chief asked how much he wanted for it. "How much do you want?" the chief asked, but he just touched his head. So, the heredity chief let his servants count the orphan's hair one by one. And he bought the jade with the amount of money which was as much as the orphan's hair. So, the orphan became a wealthy man, although he was not as rich as the heredity chief. When he went back home, many servants followed after him. He wore a nice dress, rode a horse, and went back to the village where his grandmother was. When he arrived at the entrance of the village, many villagers came to see him, including his neighbors, the boys. "He looks like my grandson. Is it him?" the grandmother mumbled. "How could he be your poor grandson? He is an orphan. It's totally impossible," the boys mocked the grandmother. "If he is your grandson, we will work as your slave for the rest of our life," they said and gave the promise to the grandmother. The boy they were curious about walked straight to the grandmother, and they found out that he was the poor orphan. As the boys promised the grandmother, they had to work in the orphan's house for their whole life.
Transcription (Lu Awng)
Ndai maumwi a lam gaw jahkrai ma hte senglawt a lam re ai. Moi shawng de kahtawng langai mi hta da jahkrai ma hte kawoi dwi shan sha nga ma ai da. Shan gawoi dwi hte jahkrai ma na htingbu gaw lalaw ma ni re ma ai da. Dai shaloi jahkrai ma hte lalaw ma ni gaw da nam wa dan ai da. Lam de nam wa dan ai shaloi jahkrai ma ni gaw da mani shaga pyaw ai hte i namdan taw ma ai da. Dai lalaw ma ni dan na maga gaw da nam grai hpa taw ai da. Jahkrai ma dan ai maga nam majoi she htat di na da, jahkrai ma gaw grai ba di galaw taw ai da. Dai shaloi jahkrai ma gaw shakut na galaw taw ai da. Nam hpe a ja wa kahtam dat ai shaloi da majoi she htoi kabrim ai i lungseng langai mi mu hkrup ai da. Jahkrai ma gaw mu hkrup ai shaloi lalaw ma ni gaw da jahkrai ma wa dai lungseng hpe mu ai nchye ai da. Jahkrai ma hpe roi sha na i. Hkau e nang gaw hkai chyip re nga ndai i. Dai majaw nang gaw da dai grau htat ai maga dan u ngu na dai hku tsun ai da. Jahkrai ma mung i myit kaja ai hte dai maga dan ai de shi lungseng hpe mu la ai i. Dai lungseng majoi she htoi kabrim nna dai shaloi da dai jahkrai ma wa gaw da grai kabu ai hte i dai lungseng kaw a hpum kap re taw ai da. Dai shaloi lalaw ma ni gaw da dai shanhte dan ai nam hpe dan ngut jang nta de wa na matu galaw taw ma ai da. Jahkai ma ni wa ai hte gaw lalaw ma ni wa ai hte jahkrai ma gaw da kan machyi masu na kadau taw ai da. Dai shaloi lalaw ma ni gaw da dai jahkrai ma hpe e hkau e nang hpa baw byin ai rai ngu, baw machyi ai i ngu san ai shaloi da jahkrai ma wa gaw kan grai machyi ai law hkau ni e ngu na dai hku tsun ai da. Dai shaloi dai lalaw ma ni gaw n kaja ai myit rawng na tsi ma n tsi la ai da. Jahkrai ma gaw aw nye gawoi dwi hpe lau she tsun ya rit law ngai kan grai machyi ai law hkau ni e dai hku tsun ai da. Lalaw ma ni gaw nta de wa di na, nta du ai hte shi na gawoi dwi hpe i nang na kashu hkai chyit gaw da kan grai machyi taw di na oh lam kaw galeng taw nga ai ngu di na lalaw ma ni gaw dai hku tsun ai da. Dai shaloi kashu dai she nye kashu grai machyi sai nga na gawoi dwi mung lagat sa wa ai da. N hpye langai hpye di na gat sa wa ai shaloi da gawoi dwi du ai hte jahkrai ma wa gaw da majoi she htoi kabrim ai lungseng re da, a dwi e ndai gaw lungseng manu dan ai baw re ai. Dai hpe n hpye kaw bang di na an 2 nta de wa sa ga ngu na dai hku tsun ai da. Dai shaloi nta de wa mat ai hpang da lalaw ma ni gaw da du mare nga shara kaw da du mare nga du wa na nta kaw gumhpraw grai lu ai, sut gan grai lu ai du wa na nta kaw hpaga ga sa na matu shan gawoi dwi hpe tsun ma ai da. Dai shaloi jahkrai ma mung ngai mung sa na le, ngai mung hkan na le ngu dai hku tsun ai da. Dai hku tsun ai shaloi lalaw ma ni gaw shanhte lu ai sut gan i u wa yam nga ni gun di na sa ai da. U wa yam nga ni gun di sa wa ai shaloi jahkrai ma mung ngai ma sa na le hkau e nga na hpyi nem tawng ban ai da. Dai shaloi nang zawn re jahkrai ma hkai chyit gaw hpa n lu ai wa gara hku hkan na ma nang dut hpa hpabaw lu ai ma ngu na dai hku hkap tsun ai da. Lalaw ma ni gaw dai hku tsun ai shaloi nmai hkan ai nang hpa dut hpa mung n lu ai ngu tsun ai da. Retim lalaw ma ni gaw shanhte na u wa yam nga ni yawng hpai di na du mare de sa wa ai da. Du wa na nta kaw dut di na shanhte ra ai labu palawng ra mara yang mari la ma ai da. Dai jahkrai ma gaw hpang de shi sha gau ngwi hkan nang di na sa wa ai da. Dai shaloi gaw jahkrai ma gaw kahtawng langai mi kaw du di na dai du mare na makau kaw dai kahtawng kaw manam ai da. Gaida dinggai langai na nta kaw wa manam ai shaloi gaida dinggai wa hpe da dai jahkrai ma gaw e a nu ba e da ngai hpe du wa na nta de lau she woi sa rit law da. Dai hku ngu tsun ai da. Dai dinggai wa mung nang zawn re jahkrai hkai chyit wa gaw da hpa baw na woi sa na law da ngai she myi man kaji ai ngu na dai hku tsun ai da. Dai hku tsun ai shaloi dai jahkrai ma gaw myit n daw ai sha lau she woi sa rit law nga na dai hku tsun ai da. Jahkrai ma gaw kade lang matsa katut timmung da myit n daw ai sha dai hku sha a put ai majaw da dai dinggai wa gaw da du wa na nta kaw sa woi ai da. Du wa na nta kaw sa woi ai shaloi jahkrai ma gaw da dai lungseng hpe hpai sa na du wa e da ndai i ngai dut hpa rai langai la sa ai ngu na dai hku tsun ai da. Du wa gaw e yu yu ga, kanau e yu yu ga ngu na dai hku tsun ai da, du wa gaw yu yu ga ngu na jahkrai ma gaw dai lungseng hpe shaw dat yang majoi she htoi kabrim di na dai du wa hte du wa na shi na shangun ma ni gaw nau htoi ai majaw myi pyi n mu mat ai da. Myi n mu di na um jahkrai ma hpe ma n mu mat ai da. Wan hkru sai ngu na dai hku tsun ai da. Du wa e wan hkru sai, lawan hprawng saga ngu na dai hku tsun ai da. Dai shaloi du wa na shangun ma ni gaw da i wan hkru sai hka jaw sa ga nga na hka ja di na hka jaw ai da. Dai shaloi hka jaw hkyen ai shaloi da jahkrai ma wa gaw dai lungseng hpe n hpye kaw bai bang kau ai da. Nhpye kaw bai bang kau ai shaloi du wa gaw da i na na lungseng gaw majoi she manu dan ai baw re nga ai kanau e da. Kade ram jaw na rai gara hku dut na rai ngu na dai hku tsun ai da. Dai hku tsun ai shaloi, jahkrai ma gaw da laika ma n chye ai, grai matsan ai re majaw da gumhpraw ma nchye hti ai da,
Dai shaloi kade ram ra ai rai ngu tsun ai shaloi shi gaw baw sha mahkyit taw ai da. E kanau kade ram ra ai rai ngu, baw sha mahkyit taw ai da. Dai shaloi du wa na shangun ma ni hpe jahkrai ma na kara hpe langai hpang langai hti shangun ai da. Hti shangun na dai lungseng hpe gaw da dai du wa gaw shi na kara ram law ai gumhpraw hpe jaw di na mari kau ai da. Dai shaloi mari di na she shi gaw dai du wa ram n lu su timmung kachyi mi grit re lu su mat ai da. Re di na jahkrai ma na hpang kaw shangun ma ni grai hkan wa ai da. Dai di na shanhte na mare kaw bai n htang wa ai shaloi dai jahkrai ma gaw da wa re shaloi gumra jawn di na i, grai hkyik hkam ai labu palawng ni hpun di na shi na gawoi dwi kaw bai wa ai da. Dai lam kaw mare baw kaw du ai shaloi da dai lalaw ma ni gaw da yawng jawm yu ai da. Lalaw ma ni mare masha ni yawng jawm yu ai shaloi i dai shi na gawoi dwi gaw i nye kashu zawn zawn san ai i, dai hku nye kashu she re kun ngu na gawoi dwi gaw dai hku myit da ai da. Dan na lalaw ma ni gaw i na na kashu hkai chyit gaw dai hku re na long wa n mai byin ai da . N mai byin ai, nmai byin ai ngu na dai hku jahpyak ai da. Dai shaloi lamana na na kashu dai hku lu su wa jang gaw da nanhte na nta kaw da aten prat tup mayam yam na ngu na dai hku ga sadi jaw da ai da. Dai shaloi dai dinggai mung rai sai ngu na dai hku tsun ai da, dai shaloi kaja wa shi gawoi dwi kaw sa wa shaloi shi na kashu re taw ai da. Shi na kashu re taw ai shaloi dai lalaw ma ni gaw shi dagam da ai hte maren jahkrai ma na nta kaw da prat tup mayam yam na nga ra mat ai da. |
