Previous item Next item
Item details
Item ID
KK1-1068
(Collection Details)
Title Kaja htum ai gaw hpa rai (The best thing)
Description Transcription (Lu Hkawng)
Ya ngai tsun na ga baw gaw kaja htum ai hpa rai nga ga baw re. Moi mare langai mi kaw da, ndai ya bai myit yu yang gaw i lungseng ja maw dan re nga ai hkan rai na re ngu, dai shara mi kaw she ndai la kasha langai mi gaw da, shi ndai lungseng bungli ja bungli ni galaw re na she ndai lungseng awng ai da. Shi gaw lungseng awng re na she shi gumhpraw grai lu ai da, myit ma grai su ai la re ai da. Myit ma grai su na shi kanu kawa ni hpe ma bau re nna nga ai re da. Rai she dai la wa gaw da, shi lung seng awng ai majaw shi grai kabu ai da. Kabu na she dai hku na ja gumhpraw ni ma grai lu sahti mung grai sahti mat ai da. Sahti mat wa re ai shaloi she shi gaw da, shi na prat hta shi num la ra sai ngu ai hpe dum wa ai da. ''Aw ngai ndai sutgan ni hpe mahkawng chye ai num ngai hpe i kaja tsawra ai num ngai hte hkrak dik ai num hpe la ra sai ngai na asak aprat mung ram wa sai'' ngu na shi dai hku myit re na she dai hku myit nna tam sai da. Shi dai num hpe tam sai da. Tam re ai shaloi she shi kade tam tim shi hte htap htuk ai num n mu ai da. Lani hte lani dai hku aten ni gaw lai wa sai da. Dai she rai tim shi gaw myit nhtum ai da. Ngai hte hkrat ai num mung shara mi kaw gaw nga na re ngu myit masin langai hte shi gaw dai hku naw tam ai da. Tam re ai shaloi she lani mi na aten hta gaw shi hte htap htuk ai num hpe shi mu sai da. Shi hte htap htuk ai num hpe shi mu rai yang she dai num hpe gaw dai num hpe gaw shi gaw sinhpraw num ngu shamying ai re da. Sinhpraw num ngu na shamying hkra shi grai tsawra ai num re ai da. Rai na she dai num kasha ma dai num ma shi hpe grai tsawra na shan lahkawng mayaw htinggaw de re nna nga sai da. Nga re ai shaloi she shan lahkawng hta kasha masum lu ai da. kasha masum lu rai yang she dai kasha ni gaw da, grai myitsu ai da. Ma dai ni ma grai myitsu ai da, rai tim mung lani mi na aten hta she ndai ma ni na kanu gaw machyi ti na dai hku n nga mat ai da. N nga mat re ai shaloi she shan nau ni gaw dai hku re na kawa hte nga kaba wa sai da. Kawa hte lani hte lani dai hku nga kaba wa re yang she kawa mung asak aprat ram wa sai re ai majaw kasha ni hpe tsun ai da. ''Ngai tsawra ai ma ni i, nye kasha ni e ya gaw num la ra sai, num la ra ya ra sai majaw gaw nanhte htap htuk ai (aw nre ai law) kanu n si shi ai shaloi asak kaba wa ai majaw tam jaw na matu hkyen ai. (Dai hku.. aw n re ai law n re ai law) si sai da law. Dai hku na kawa hte she dai hku nga re na she kawa gaw shanhte hpe dai hku ''Ah wa htap htuk ai num mu yang ah wa htap htuk ai num mu yang nanhte hpe jaw sha na'' ngu na ga san san dat ai. Tsun dat ai da. Dai shaloi she ndai kasha ni gaw kawa hpe bai tsun ai da. ''Ah wa nang mung nang grai tsawra ai num hpe nang la ai n re ni dai majaw anhte mung anhte grai ra ai num hpe she anhte la na'' ngu na tsun ai da. Dai shaloi she ''E rai yang mung mai sa, nanhte ni i nanhte ra ai num hpe nanhte ni la na ahkang jaw ai'' ngu na kawa dai hku tsun ai da. Dai shaloi she kaja nan shan nau ni marai masum gaw da, kaja nan shanhte tsawra ai num hpe she shanhte la sai da. La re ai shaloi she, la na ndai dingghku kaw mung shanhte shanau ni masum rau nga ai da. Dai dingghku kaw kawa hte rau shan ga nna she, Nga wa ai shaloi she lani mi na aten hta gaw dai hku lani hte lani gaw yak ai lam ni pru wa ai da. Yak hkak ai lam ni pru wa kawa gaw dai aten hta grai nga n pyaw ai da, dai yak hkak ai lam gaw hpa baw re i nga yang she, ndai dinghku na sut rai gaw grai law taw ai da. Dai sut rai hpe kadai zing na ngu na shanhte masum shanhte ni wa she grai yak ai da, dai num ni masum wa she grai yak hkat taw re ai shaloi she, nang gaw i ndai hpe zing na matu n gying dan ai ngu tsun ai da. Langai mung nang grau n gying dan ai ni dai hku ni tsun na she, kagu ngu na wa gaw grai nga yak ai da. Dai majaw she lani mi na aten hta shanhte shanau ni hpe shaga ai da. Shanhte ni marai masum hpe she ''Ma ni nanhte ni marai masum hpe wa gaw nanhte hpe tsun ra ai nga sai. Dai majaw ya wa tsun dat ai ga hpe gying dan ai mahtai chye htai wa gaw ndai rai ni yawng hpe i lu zing na ahkaw hkang jaw na re'' ngu na tsun ai da. Dai shaloi she ndai kawa tsun ai ga hpe she kasha ni gaw madat la na tinang na madu jan ni hpe wa tsun ai da. Wa tsun re ai shaloi she madu jan ni gaw langai hpang langai dai hku kagu kaw yawng sa sai da. Yawng sa na she ''E ngai nam ni hpe dai hku tsun ra ai'' ngu na shi gaw ga san langai san dat ai da. ''Mungkan hta reng htum ai gaw hpa rai ngu'' san dat ai da. ''Dai ga san hpe hpawt de gaw dai ga san hpe nanhte lu htai ai wa gaw ndai rai hpe lu zing ai wa rai na re'' ngu na tsun dat ai da. Dai shaloi she hpang jahpawt du re shana tup myit ai da. Yawng mung dai hku myit re na she hpang jahpawt du yang kagu wa ai shaga sai da. ''E ngai nam ni nanhte hpe san da ai ga san nanhte ni lu htai sa na kun gai htai yu u ngu'' tsun ai da. Dai shaloi she ndai Ma gam na madu jan ngu na wa gaw da, htai dat ai da, dai hpe hpa baw hku htai dat ai i nga yang ''Ah ja ngu ai gaw grai manu dan ai'' ngu htai dat ai da. ''Ja lungseng gaw grai manu dan ai'' ngu htai dat ai da. Dai shaloi kagu gaw rai sa ''Nang htai ai mung jaw sai'' ngu na tsun ai da. Dai shaloi ma naw jan hpe bai ''Gai ya ngai nam i nang bai htai yu u'' ngu na tsun ai shaloi she, ''(Padamya) ngu ai gaw grai manu dan ai'' ngu na bai htai ai da. Dai shaloi nang tsun ai mung jaw ai ngu tsun ai da. ''Gai ngai nam i nang bai htai yu u'' ngu na ma la jan hpe bai htai shangun ai da. Ma la jan hpe htai shangun re ai shaloi ma la jan gaw tsun ai da. ''Myit masin hpraw san ai hte i, kaja ga hpe chye shaga ai wa gaw manu dan dik re'' ngu na ga htai dai hpe htai dat ai da. Htai dat re ai shaloi she kawa gaw ''Rai sa i, grai myit sawn sumru chye ai grai myit kaja ai nye kanam e, nang gaw i dai ni kaw na gaw ndai arung arai ndai dum nta kaw na sut rai mahkra hpe i nang lu lakawn na ahkaw ahkang nang hpe jaw sai'' yaw ngu na she shi hpe dai shani kaw na shan la hpe dai sut rai ni hpe makawp maga na matu ahkaw ahkang jaw kau ai da. Dai kaw ngut sai.
Origination date 2017-02-15
Origination date free form
Archive link https://catalog.paradisec.org.au/repository/KK1/1068
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
G. Htang San : speaker
DOI 10.4225/72/598b323edd6eb
Cite as Keita Kurabe (collector), Keita Kurabe (depositor), G. Htang San (speaker), 2017. Kaja htum ai gaw hpa rai (The best thing). EAF+XML/MPEG/VND.WAV. KK1-1068 at catalog.paradisec.org.au. https://dx.doi.org/10.4225/72/598b323edd6eb
Content Files (3)
Filename Type File size Duration File access
KK1-1068-A.eaf application/eaf+xml 36.6 KB
KK1-1068-A.mp3 audio/mpeg 5.92 MB 00:06:28.545
KK1-1068-A.wav audio/vnd.wav 214 MB 00:06:28.526
3 files -- 220 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,426 translations are currently available (October 19, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found