| Description |
Translation (Rita Seng Mai)
The story I will tell is about a nat that has only one eye on her forehead. That nat is a girl. Once upon a time, there lived a gorgeous girl in a village. She is the most beautiful girl in the village. One day, she was chosen by a nat spirit to be his wife. She had to live with that nat. On the other hand, the villagers were worried and searched for her because she was missing. Then, they found the girl sitting on a rock slab somewhere in the forest. They tried to take her to the village back, but they couldn't. They saw that the girl was peaceful and happy. So, they just went back to the village. One day, the girl went to her parents' house in the village. Her parents were farmers. When it was time to grow rice plants, she told her parents, "Mum, I will help you in growing rice plants. I will bring many people to help you. So, just bring lots of tools." Then, her mother said, "Alright." She packed a lot of food and many tools to the field. When she arrived, her daughter told her, "Mum, look after my baby. But don't look at him. I will plant rice plants there with my workers." The mother said, "Okay," and carried the baby on her back. She was thinking while taking care of the baby, "My daughter told me that she would bring many workers to grow the rice plants, but she came there alone." The work had been done a lot. During lunchtime, the daughter gave food to someone. But the mother couldn't see anyone. After that, the daughter went back home with her baby. A few months later, it was time to harvest. The girl, who got married to the nat, helped her mother at that time too. She gave her baby to her mother and said, "Don't look at my baby, mom." The mother asked, "Why shouldn't I?" The daughter said, "Just don't look, mom." She harvested the crops with her nat friends. But there was no one in her mother's eyes. Her mother thought, "She always told me that she would bring many workers, but there was no one. Many crops have been harvested. Something is not right." When it was time to clean the field, the daughter said, "I will come and help you clean the field, mom." And she told her mother to look after her baby while she was working. After three or four times she helped, her mother was curious and really wanted to take a look at the baby. One day, the mother took a sneak peek at the baby. She was shocked and surprised. She saw that the baby had only one eye on his forehead. So, she quickly looked away. But her daughter knew that her mother peeked at the baby. The daughter said, "Mom, I told you not to look at the baby. You looked at the thing that you shouldn't. I can't come to help you anymore now. Why did you look at him? I can't help you now, mom. I can't come and meet you too. Build a chicken coop tonight. And clean the house too. Build many bamboo baskets as well." Her mother was frightened when she saw the baby's unusual appearance. And she didn't care about what her daughter said. She thought, "Nothing to do with that big chicken coop." Then, she built just a small one. She put it under the house and went to the field. When she came back, she saw there were many cows and deer on the village's football field. There were just a few cows and deer in her coop. She thought, "What is happening?" Then, she went inside her house. She found there was much gold. Actually, her daughter and son-in-law (a nat) gave her as a bridewealth. They gave her gold and many animals. But the mother didn't build a big coop. Most of the animals went into the forest. So, the mother got only a few animals. Since that day, her daughter couldn't come to them and help them anymore because she didn't listen to her.
Transcription (La Ring)
Ya ngai hkai na maumwi gaw myi kahtan kaw myi langai sha tu ai myi tai mi sha tu ai nat a lam re ai. Nat num nat kasha a lam re ai. Moi shawng de da mare langai mi kaw da num sha langai mi grai tsawm ai num sha langai mi nga ai da. Dai num kasha gaw dai mare ting kaw loimi tsawm ai da. Rai yang she lani mi na ten hta gaw dai num kasha hpe gaw nat ni jahkrung woi la kau ai da. Nat ni jahkrung woi la rai na she dai num kasha hte nat la wa nat shabrang wa gaw dinghku de ma ai da. Rau nga mat ai rau nga mat rai yang she mare masha ni mung num sha langai mat mat nna shanhte gaw hkan tam ai da. Hkan tam rai yang she htaw nlung marik marawk re shara kaw num kasha langai mi sha shi hkrai sha nga taw nga ai. Nga taw nga rai yang she dai mu tim shanhte gaw dai num kasha hpe nlu woi la ma ai da. Dai num kasha dai hpe shanhte sa woi la na ngu yang shanhte nlu woi la ma ai da. Dan rai na raitim mung shanhte gaw num sha dai apyaw sha rai na nga ai mu jang shanhte gaw dai hku sha yu tawn da ai da. Rai yang she lani mi na ten hta gaw num sha dai gaw kanu kawa nta de wa ai da. Kanu kawa nta de wa na she kanu kawa ni gaw yi galaw sha ai. Kanu ni gaw ya mam ting maw sai nga jang she dai num kasha dai gaw wa na tsun ai da "Nu daini nanhte hpe ngai mam sa ting lawm na re yaw. Ngai masha ni ma law law shaga sa wa na dai lang ra ai ni law law la sa da, ngut jang shat ma law law e shat ni lu sha law law la sa wa mi yaw ngai masha woi sa wa na ngai galaw lawm na re" ngu tsun ai da. Shaloi she "Mai ai mai ai" ngu na she kanu ni gaw kaja wa yi de lu sha law law shachyip gun na she sa mat wa sai da. Sa mat wa rai yang she yi kaw du ai shaloi kasha jan gaw shi na ma hpe she kanu hpe ya da ai da. "Nu ndai ma hpe yu da u ngai bungli galaw lawm na raitim mung nu nang ma ndai hpe hkum yu yaw" ngu tsun ai da. "Hkum yu" ngu yang she "E" ngu na kanu mung kaja wa ba gaw ba tawn da ya da nyu ai da. "Ah shi masha grai woi sa wa na nga na gaw shi hkrai sha wa mi sa wa ai" ngu na kanu gaw myit na she loi hkring gaw kaja wa sha shanhte gaw ndai nta masha ni shanhte ni kanu ni gaw nmu ai wa bungli galaw nga ga grai ngut mat wa ai da. Mam ting ai mung zak zak zak zak rai grai ting ngut mat wa rai yang she shani shat sha rai yang she dai kasha jan gaw jaw she jaw hkawm da jaw she jaw hkawm jaw she jaw hkawm rai yang she kasha jan gaw mu rai kanu ni gaw nmu rai yans he bungli gaw dai hku ngut mat wa sai da. Mam ting ai ngut mat wa rai yang she mam mu na ten bai du wa sai da. Mam mu ten du yang mung dai hku sha re da kanu jan hpe she ma jaw tawn da na "Hkum yu yaw nu" sha ngu ai da. "Hpa byin ai wa" ngu yang "Hkum yu nu nang hkum yu" ngu sha tsun ai da. Rai yang she dai mam mu ai shaloi mung dai hku sha re da kasha jan gaw shi a nat salung sala ni hpe e woi sa wa na she mu kau ya mu kau ya mu kau ya. Kanu ni gaw kade lang yu timung "Ma ndai gaw masha law law shaga sa wa na gaw nga anhte gaw hpa mung nmu ai wa mi shi gaw mam gaw bai grai mu lu hpabaw ni wa re i" ngu na mau ai da. E mam mung dai hku mu kau e hpang shani yi hkyen ta bai du jang mung "Ngai daini yi sa hkyen lawm na yaw nu nanhte hpe" ngu na dai hku sha bai tsun ai da. Ma gaw kanu hpe dai hku bai ba shangun ngun rai jang she hpang lahkawng masum mali lang rai wa jang kanu gaw grai yu mayu ai myit rawng wa ai da. Grai yu mayu wa myit rawng wa na she hpang shaning na mam hkai ta kaw she mam ting ta kaw du ai shaloi she kanu gaw lani mi na ten hta kanu lagu yu ai da. Kashu ngu na hpe lagu yu dat yang she ndai kahtan kaw sha myi langai sha tu taw ai mu jang she dai kajawng kaja hte bai magap kau ai da kanu gaw. Magap kau na dai hku sha nga taw nga yang she raitim mung nat ni gaw shi hpe mu ai re nga jang she kasha jan chye kau ai da. Kasha jan chye kau rai jang she "Nu nang hpe ngai tsun ai hkum yu ngu tsun ai le nang nmai yu ai hkum yu nu nang mu kau jang gaw ngai nu nang hpe karum nlu karum wa ai. Nang hpe ngai ya na zawn rai na nlu sa karum mat sai dai majaw hkum yu she ngu yang me hpa majaw yu ai rai" ngu tsun ai da. "E dai ya kaw na gaw ngai nu nang hpe gaw nlu karum na sai. Nu nang hpe ya ngai hpu jaw sha na karum gaw ya hpang de gaw nang hpe nlu karum na sai. Nu nang hte ngai ma nmai mu hkat na sai nanhte kaw ngai nmai wa sai. Dai majaw ya daina de lana de mi wulawng kaba law ai galaw da mu" ngu tsun ai da. "Wulawng kaba ni ma galaw da na um nhku hkan e ma atsawm seng tawn da na e shingnoi ni ma law law ja da u" ngu ma tsun ai da. Kanu gaw kasha jan dai hku tsun jang mau mau nga na she hkrit mung hkrit mat ai da dai kasha jan na kasha myi tai tu ai hpe mu kau dat ya na she hkrit yang she kaja wa wa na she lana de mi gaw kasha jan dai hku tsun da ai hpe she "Hpa kaning re wulawng kaba wa mi nhpa wa sha di na i" ngu na she dai nta npu kaw kachyi mi sha kum tawn da ai da. Dai kum tawn da na kadai ma nsin taw nga da nta sha wa mat yang she aw yi de sa mat wa ai da. Yi de sa mat wa yang she lana de mi na shanhte wa yang she mare ting shan nga ni le i shan nga ni chyahkyi ni sumpum sumpam gawdin pa hkan mya she rai dan rai taw ai da. Shanhte a wulawng kaw gaw kachyi sha law ai dai kaw gaw kachyi mi sha rawng taw ai da. Law law wa gaw mare hkan e prang taw nga ai da. Prang taw nga jang "Ya ndai gaw hpabaw byin wa ai re i" ngu mau mat ai da. Mau mat na she nhku de shang wa yu yang mung ja ni tawn da ya ai da. Shing rai jang gaw kasha jan gaw dai kanu yan kawa hpe dai hpu jaw sha ai ngu na shanhte nat ni hpu sa jaw ai hku na she shanhte ja ni sa tawn da ya na dai shanhte a dusat dumyeng ni hpe ma sa bang sa gau jaw ai wa she shanhte wulawng kaba ngalaw da na she dai dusat dumyeng ni gaw shanhte kachyi sha lu la na ngam ai ni gaw yawng bai nam de shang mat ma mare masha ni wa jang gaw hkrit na yawng hprawng bra mat ma rai na shanhte kum tawn da ai kachyi sha re wulawng kaw rawng ai hte sha shanhte lu la ma ai da. Dai shani kaw na ma kasha jan hpe ma kasha jan tsun ai ga hpe kanu nmadat kau ai majaw dai shani kaw na ma e kasha jan gaw shan kanu yan kawa hpe nlu wa karum mat. Kasha jan hte mung nhkrum mat ma ai da. |
