| Description |
Num la ai anhte jinghpaw ni num bawn num la nga ga nga ai, num bawn numla, bawn ai ngu gaw ga shadawn ya ngai nam nanhte numsha ni gaw oh dama masha ni ra jang i sa hpyi shaloi anhte kanu kawa ni ya dat ai hpe shabawn ai nga le i. Ya du hkra dai ni gaw num shabawn sha ai nga, num shabawn ai numsha ni hpe oh dama jaw ya ai, dai hku hpe tsun ai numbawn numla, la ai ngu gaw masha a kasha hpe anhte lasha lu ai ni gaw bai la sai i, e dai hpe numbawn numla ga ndai nga ai. Numbawn numla ai nga, re yang dai num hpyi sa wa na shaloi da ja ka mayawn ai ngu ai, nga jahkraw 8 shing nrai 10,12,16, 18, 20 agup agup di na nga bang ra ai. Re jang e ndai yu shan ma bang ra ai. Dai kaw yu nga mayawn ngu ai lahpaw dai hte yu shan ma bang, yu shan ngu nta na yu yen chya hpe ntsun ai, hto nam de na kadu hka i, hkunchye raw ni gap la ai, moi na ni gaw ndan lahpaw hte gap la ai dai hpe tsun ai, nta na yu nre, yu nga shan nga tim yu nga dai nam de na hkunchye raw kadu hka shan re, dai ni gap la na dai bang. Re jang she nga shan ngu jang nga jahkraw i bang ma ai, hpa majaw dai yu nga shan bang ai i nga jang e dai kadu hka ni nam na yu ni gaw ntsa hkan e pyen ai chyip chyip nga kasha jat ai dai hpe yu na gap la, lahpaw hte ndan hte gap la na lang ai, re jang nga shan, hka de na nga jahkraw ndai nga ni mung anhte majoi yu yang nchye yu ai, retim (take pan) bai chye ai ni yu ai shaloi nga yi nga la nga ai da. Dai nga yi hte nga la shada tsawra ai gaw anhte shinggyin masha ni ndai tsawra numsha la sha tsawra ai zawn zawn le nga yi yen nga la mung shada tsawra ai gaw grau myit hta grau kaba ai da. E dai hpe la nnga nga bang ai. Yu shan bang ai, dai e jahkraw la na she nga dai mayawn dai kaw she dai mayawn na shabawn ai dai gaw yu nga mayawn da. Num nnan hpyi na rai yang yu nga mayawn ngu ai dai lahpaw hta dai mayawn, dai kaw she dai yu nga mayawn kaw she ndai ( bi law ) nba ja n ba dai bang ai, bai nna oh ra (paso chan) ngu ai dang bai ah hpa i dai baw bang ai. Dai kaw na ja nba nga dai moi na ni gaw lai ri hte da ai n ba yan nga ai le, ya lang ai ni dai nba ahkyeng re dai gaw bilaw nba nga dai gaw nre, moi na ni gaw kaja wa ndai (pochi) shingtai ri hte da ai, n ba yan ngu nga ai dai lang ai, dai bang ai. Dai kayawm na she mayawn, num ohra nta le ra nta, kadai hpe ga shadawn, ya ngai nam nang e masha ni tsawra ai nga jang nang e gaw nsan sai i, oh nta kaga hkan e numsha oh ra ahkyang htuk ai i, manu ai i, ga shaga pyaw ai i, masha ni hpe jaw lu jaw sha garan kachyan ai manawn mazum ai hkrak ai i nga, oh kaga kaw na ni san ai le i. San la she dai e tsun dan ai wa e gaw jang htung da, num sa hpyi na matu le i, dai num sha gaw kaja ai htuk ai, ga shaga mung manu ai, bungli mung ket ai myit su ai nga tsun dat jang she dai wa kaw hpang e gaw ndai nang anhte a kanu kawa ni numsha a kanu kawa ni hpe matut ya, dai wa hpe gaw jam htung nga tsun ai. Oh ra ni dai numsha dai hpe ra ai tsaw ai da nga sa tsun ya jang gaw dai wa gaw jam htung re ga nga, re jang gaw ndai kasa ngu gaw anhte numra ai ni shagun ai salang wa hpe kasa, jang htung bai nga jang dai numsha dai a lam e atsawm sha chye ya tsun dan ai wa hpe jam htung nga, kasa jam htung nga 2, dai she sa sa numsha nga ai de sa hpyi sa wawn, kasha hpe mi e jamhtung tai ai wa gaw dai ni nang hpe tsawra ai da, nang wa na i, nwa na i ngu sa san. Dai nanhte numsha ni gaw kaba ai ni a myit sha re nga jang gaw ga jaw sai ga re nga, e ngai wa na nga mung ntsun ra, ngai nra ai loh nga mung ntsun ra, kaba ai ni a myit sha re nga jang hkraw sai ngu hku, sa hpyi, dai gaw kasa sa hpyi jang gaw ndai numsha ni gaw jinghpaw ga gaw nampan daw ai nga le. Nampan daw ai ngu gaw aw anhte kadai retim mung ga shadawn nampan grai tsawm ai i, grai tsawm ai nampan mu jang gaw di la na kai ai, di la na lang chyai ai, dai hte maren dai num sha ni e dai hku hpyi la, wa na sa na numsha ni kanu kawa myit re nga jang gaw hkraw sai re nga jang dai kaw she dai mi yet tsun ai lung seng ja ngu ai nba yan ma bang ai, abau ma bang ai. Ja, bau ni, a nga ni, gumhpraw nlu yang anhte nam ga gaw gumhpraw nau nlang ai le, nga dumsu, nga wuloi shing nrai bau, n ba grai lang ai. Dai lang na hpyi ai, hpyi jang gaw numsha ni wa na sa na ni gaw nu ni wa ni a myit re nga jang gaw hkraw ai ga rai nga, re jang e hkungran na rai sai nga jang gaw hkungran ai ngu gaw ndai numsha lasha dinghku de na, dai shaloi moi na htung gaw lakang ma ningnan daw ra ai. Lahkum ma ndai zawn re lahkum nnan galaw la ra ai. Dan na she moi prat gaw nat jaw prat re shaloi nat ni hpe dumsa i, ya anhte hkritsan re jang akyu hpyi ai hpa le moi na ni gaw nat hpe dumsa na she dai numsha gaw anhte nta kaw dai jan dai wa tai wa sai ngu na dai hku kumba jung na kumba ngu oh nam de tu ai le, namde tu ai dai hpe jung tawn na she ning dingren re jung tawn, num nnan e dai hku woi lai ai le. Dai e num shalai ai nga da nga, num shalai ai dai gaw da ndai kumba ngu ndai gaw ya nang nahte myo ga gaw nau nmu ai, nam de hkai da ai ni gaw tu ai. Dai gaw ndai anhte shinggyin masha awu asin ngu ai myi hte nmu lu ai ana ahkya, awu asin, dai baw nga shaloi dai kumba jung ai hku lai jang yawng hkoi mat ai hku ngu ai hku re nga. Dai hku sawn la na num shalai ai nga, re jang gaw dai num shalai ai shana gaw dai numsha mayet maya gumja gumhpra kasha kasha pra wa na matu jai wa ai mani ai ngu ma nga ai. Dai gaw shaman ai ga rai nga, ya na anhte hkritsan re yang gaw akyu hpyi, mahkawn hkawn ai hpa rai nga, moi na ni gaw dai num sha ni numsha la sha kashu kasha mayet lu wa na i, kasha lu wa na numsha lasha mayet maya na maumwi gawn ai le. Dai e ndai ya nang jaiwa lakang ka lawm ai nga jang gaw ndai jaiwa wa ai mani ai ngu dai gaw ya na hku re yang hpung up sa ra ni re na, moi na re yang gaw jaiwa mani ai ngu gaw shi a shaman ga tsun ai. Dai ni na numsha, lasha, numsha lasha yen shayi chyinghkawn, banli lamawn, shadang lalawn, shadang lalawn hte shayi chinghkawn, akung shanut arau nu, dinghku abut arau bu, shana yup rawng arau rawng, n hpun nba rawng bawng, mayet gili rau yai, mayat gumsi arau hkai, akun shanut arau nu, dinghku abut arau bu, mayat tinghkum lung maya tingyang dung, shayi gungrawng shalat shadang nhpawng shaprat wa manu ga nga jaiwa le dai gaw shana nsin hkying 7,8 daram kaw na jaiwa hpang jahpawt n htoi htoi hkra jaiwa labau gawn ai i, e dai hku . Ndai shayi numsha hte shadang lasha shana yup rawng arau rawng, bu hpun n ba arau bawng, mayat gumli lun maya gunsi jun, ngu mayat maya na, gumchya gumhpra na shayi chyinghkawn gaw shayi agawng lawn, shingma pawn ai ngu gaw gawng rawn ai shingma pawn ai ngu gaw dai nanhte numsha ni i ma hkum rai wa sai ngu ga rai nga. Shayi chyinghkawn gaw agawng lawn sai da, shingma pawn sai da, dai gaw num sha num nnan jan gaw dai ma hkum rai sai ngu. Shangai shayan sai, jinghkrai dumhpran sai, kanu gaw shi kanu gaw ma shadang sha hpe shalat, shayi sha hpe shaprat, le chyinghkyen hting kram hta ma hkra, ma chyangai nsen gaw nyak nyak nga hkrap ai nga. Shingrai na kanu gaw ndai sumhtang lahpum wa aw di, madoi chyu hpang gaw graw di i, ndai jaiwa ga hku chyinghkai kanu gaw law e nga, chyinghtang kahpum hte wa aw di u law, madoi chyu hpang de wa graw di da law nga, shayi numsha gaw law da le, shayu hpe shangaw ai da le, kasha hpe shataw ai da le, nga na dai maumwi labau gawn jaiwa mani ngu mayat maga gumja gumhpra wa ngu na anhte moi na ni gaw ya gaw n-gup aga gaw ntsun ai retim mung num la ai shani ya prat na hta gaw num nna e shala ai le i. La nnan hte num nnan shabyi pup hkat mu, nga shing nrai, muk langai mi sha n gup langai mi chyawm sha mu nga shala ai le i. Moi gaw jaiwa ga kaw lawm ai, shayi chyinghkawn hte shadang lalawn gaw da deng wa magyi wa arau tep, wa ban shabyi wa arau yep rai, shana yup tung arau rawng, bu hpun nba rau bawng, akun shanut nu, dinghku abut bu, numsha hte la sha yup ra pawng mat ai gaw dai ga dai shawng tsun ai le i, akun shanut arau nu ai da, dinghku abut arau bu ai da ngu numsha hte lasha yup ra pawng ai ngu. Moi na moi prat gaw anhte jinghpaw ni gaw numla ai num hkungran ai nga tim, dap ndan re dap kaw rai nga, oh ra kaw gaw la nnan a yup ra, ndai kaw gaw num nnan a yup ra, yup ra kaga ga galaw da, dai shani sa ai masha ni yu tim num a yup ra, la a yup ra kaga ga galaw ya. Gaya ai wa re da law, gaya ai baw re da, reng gaw ya prat gaw numsha hte lasha num nnan, la nnan bumhkum rau tawn, yup ra rau sut langai mi sha i, dai gaw prat hta hkan nna ndai hku yup shangun ai dai majaw moi na ni gaw jaiwa mani ga hku shana yup lawng rau rawng paran, buhpun nba rau bawng ai ngu n ba langai mi sha jawm hpun ai yup ra langai kaw sha yup ai ngu ai dai gaw jaiwa ga mani ga hta lawm sai. Re jang e ndai num nnan ya na ni re yang gaw num nnan hpe la nnan wa shabyi pup ya law hpa law nga shatu ai, moi na ni gaw shatu ai lam nnga ai, mani hkungran ai mani hpa hkunran la dai hpawt jau jau ndai lagrat shat sha ai ngu dai galaw ai, dai shaloi she numsha hte lasha lagaw hpe ning di na dung shangun ai, nbaw shat gumchyup la na la sha wa, numsha wa makrang da, nbaw shat dai langai makrang da, la kasha hpe dai numsha marang ai nbaw shat jawm sha shangun ai, e dai gaw numsha yen lasha i jahkau ai ga re ai da. Dai kaw na she ya kaw na gaw nan hpun hta sa timmung hka ja sa timmung, yi sa timmung bu hkawm timmung rau hkawm rau sa mu ngu hku re nga, dai hku ahkang jaw ai le i. Dai nre yang gaw moi gaw anhte lasha ni numsha ni hpe tsawra na shaga ai lam ni gaw n-gup rau mai shaga ai, lata nmai hkra ai, hkum hte nmai hkra ai, dai hpe ndai hkra lu na matu shada tsawra ai ya na hku myen ga hku nga jang gaw (yi zar) sumtsaw tawn na matu gaw oh ra moi na ni gaw langai ngai hpe sakse tawn da ra ai. Ga shadawn ah gu mi rai, numsha langai hpe tsawra na rai jang nye a manang la manang langai hpe ngai gaw oh ra jan e sumtsaw tawn mayu ai nga shi e sakse tawn da ra ai, numsha mung dai hte maren num manang sakse ndai oh ra ngai gaw oh ra wa a sumtsaw re ngu chye lu ai, dai zawn re na nga ai le i. Dai shaloi she ngai na sumtsaw hpe manang wa langai mi shaga sai dai shaloi moi na ni gaw brang dup dup ai ngu ai, shaga ya jang jawm abyen ai htung nga ai. Num sha e rai rai la sha e rai rai tinang a sumtsaw gaw oh langai wa hte sa shaga ai ga-law abyen adup hkat ai, dai gaw brang dup dup ai da. Dai na shi a mi tsun ai zawn sakse nga ai, ngai ohra jan e, oh ra wa e tsawra ai, nye sumtsaw re nga jang gaw nmai shaga ya ai hku re nga. Majoi yu yu gaw mai shaga ai le i, sumtsaw lam nmai jahta ai. Jahta jang galaw wa ai, dai zawn re sumtsaw prat kaw na dinghku shang sha ai aprat du hkra moi na ni gaw sumtsaw gaw 3 ning mai tsaw ai da. 3 ning du hkra sumtsaw tsaw yang, ra na rai yang dai shaloi ra, hka na tim dai kaw, hkyet rung na akyang mu hkat na dai kaw 3 ning du hkra rai lu ai da. Re she ndai ya hkungran la ngut ai hpang gaw dai masha jan nanhte numsha ni gaw ndai masha jan tai sai nga jang she n jaw jaw ai hku rai nga. Kara gyit ai le i, ya na zawn dai hku di tawn ai rai nga, masha jan tai sai nga jang she nang kaw gyit na dai tara, dai kara rai n gyit gyit gaw mahkawn ma naw re ngu hku re nga, ya ngai nam nang na zawn dai hku naw tawn da ai gaw mahkawn, ndai kaw kara gyit ai, shing nrai majaw jaw ai rai sa i nga jang masha jan rai sai ngu chye na matu rai nga. |
