| Description |
Translation (Htoi San)
I am telling a story about a lousy stepmother. A long time ago, a man married two women, and the first wife had a child. One day, the two wives went fishing. While they were fishing, the first wife got much fish and the second wife did not catch any fish. When it was time to go home, the younger wife took the older wife's fish by force. She carried the first wife's fish and went back. Furthermore, she pushed the older wife into the lake. When the second wife got home, the first wife's child cried as the mother did not come home. "Mommy! Mommy!" The child cried out, calling her mother. She did not eat the fish that her mother had caught. She heard people saying they would scoop out fish from the lake. So she got up early, cooked rice, then went to the lake. "Mommy! Mommy!" She called out to her mother with all her voice in every pond. When she called, "Hey Mom," at the same time, a bubbling sound was coming from the water. She called again, and the bubbling sound came at the same time. "Mom, I brought some rice for you to eat. People said that they are going to catch fish today." When she said this, the bubbling sound came out again. Her mother became a tortoise, and she moved to another pond when people scooped out this pond. "When people clear this pond, you go in the other pond," said the child to her mother, tortoise. However, people scooped out all of the lakes. They also caught the tortoise. The tortoise was the first wife. After she died, she became a tortoise. At night, the village people brought and shared the tortoise with everyone, but the second wife mixed it up. After that, she asked the child to raise a fire. "Make the fire stronger," said the stepmother. The child raised the fire a bit, and the tortoise said, "It's hot! It's hot. My child, this is your mother." "Don't raise it," said the mother tortoise. The child cried and cried and said, "It is my mother." Therefore she did not make the fire high, but the stepmother came and beat her because she did not raise the fire. Her mother said, "It's hot. It's hot! My child, this is your mother," when she made the fire stronger. The mother tortoise left a message to her child, "My child. After eating this tortoise meat, take the bones and bury them at the root of the jackfruit tree in our old house where we used to stay." "Bury them there and come and ask whenever you need anything." After the mother tortoise said to come to her when her child needed anything, there was an event for choosing the king's wife. However, the stepmother asked the child to do some chores at home. The wicked mother mixed up rice grain with husks and beans. The stepmother and her daughter put on makeup and went to the event. The stepmother's daughter also grew up as a lady. They went to the king's bride-choosing ceremony to be chosen. The stepmother and her daughter made them pretty and headed to the king's wife picking event. The first wife's daughter's friends called her. "Let's go to the king's bride choosing party!" However, she denied it, saying, "I have to clear this first." "Let's go! Let's go! We will wait for you." Then pheasant birds helped her to pick all the paddy grain with husks. The girl told her mother, "Mom! The pheasant birds are calling me to go to the queen's picking party. The king is looking for his wife, and I am going there." When she talked about that, the small silver ornament clothes and silver dresses came down from the jackfruit tree. The girl wore those and went to the event. She stood at the last row near the doorway of the event. The king chose one by one, and although the second wife's daughter was so pretty, she was not selected. The king kept on selecting his wife. He chose the girl standing in the last place. The king selected the orphan girl. The daughter of the first wife was chosen. Then she stayed in the palace. She married a rich man and became a king's wife. One day, she returned to her home. When she went back to her relatives, the stepmother was so cunning. The second mother pretended to drop the needle and other things, "The child drops things down the house," and she asked the queen to go and pick them up. Her step-sister asked for her sarong, and she gave it to her sister. Her step-sister asked again for her necklace, and she gave it too. Then they pretended to drop things off and asked her to pick them up. The stepmother boiled the water and ordered her to get the necklace they intentionally dropped from downstairs. After that, they dropped the bracelet and asked her to get it. At that time, the stepmother poured her hot water from above. The girl died due to this happening. When she died, her step-sister went to the king. The second wife's daughter went to the king. The step-sister pretended to be her orphan sister and stayed in the palace. Then she weaved her orphan sister's loom. While she was weaving, a chick knew that she was the daughter of the second wife. The chick appeared to be conspicuous about the fake queen. It ran in front of her to and fro and said, "It will be known. It will be known." Therefore the fake queen used the weaving shuttle. She bit the chick with the weaving shuttle to death. After the chick died, she threw it in the garden. She left the chick on a farm. It appeared again in the garden. The chick came out as a silk plant. The silk plant came out in the garden. Every day, someone cooked hot rice deliciously in the kitchen. The king was amazed, "Who cooked these foods? Who made all these dishes?" The food was cooked daily, so the king ordered his bodyguards to guard all the doors. He thought, "I will wait and see who is cooking." They peeped into the kitchen while they were guarding the doors. The king saw the orphan girl was cooking. So he straight away hugged her and blocked her way. Then she became a human again. She was the king's first wife, and the king said, "Now, you are my real wife." "The weaving girl is another one, but she is also my wife." "Alright, you two compete, and let's see who my wife is." After that, the king gave knives to both wives and asked them to fight each other. The first queen won the race. So the king and his first wife could stay together again. The first wife's daughter was so mature and humble in the story. The daughter of the stepmother was so wicked. The step-sister bullied the orphan girl, and the stepmother killed the first wife. They gave the hands of the girl to her father. After they killed the orphan girl, they made her salted and pressed fish paste with her flesh. The stepmother told her father, "Your daughter does not send any presents although she is a queen." "Now my daughter becomes a queen and sends us fish paste. Let's try. Let's eat." The wicked wife gave her husband the girl's fingers and toes to eat. This story was about an evil stepmother. The stepmother pushed and killed the first wife into the lake. She poured the hot water onto the first wife's daughter and assassinated her. She did the double evil and made her daughter become a queen. However, her own daughter died due to her wicked mind. Here is the end of the story.
Transcription (Lu Hkawng)
Ya ngai tsun na maumwi gaw shawng num n kaja ai lam hpe tsun na re moi de ndai hpang num langai mi shawng num gaw si mat ai shawng num a kasha gaw nga ai hpang num shawng num lahkawng la ai law lahkawng la yang she, lani mi na nhtoi hta gaw da, dai shawng num jan hpang num hte shawng num shan lahkawng Nga hkwi sa ma ai da. Nga hkwi sa yang she, shawng num jan gaw Nga grai lu ai da, num kaba jan gaw Nga grai lu ai da. Num kaji jan gaw Nga n lu ai da. Nga n lu jang she wa na ten shana de du jang gaw dai num kaba jan na Nga kashun gun ai da. Num kaji jan gaw Nga kashun gun nna wa mat num kaba jan hpe gaw nawng kaw ganawng galau bang kau da ai da. Ganawng galau bang kau da na she nta bai du wa re ai shaloi gaw kasha gaw shana de tup kanu n wa nna hkrap sai da. ''Ah nu e'' shaga hkrap rai yang she dai shawng num jan hkwi wa ai Nga dai mung n sha ya kasha gaw shing di na she hpang shani gaw shi shat jau jau shawa masha ni hpawt ni bai nawng sa htawk re ngu tsun jang she kasha shat ni shadu gun re nna she jau jau sa nna she, ''Kanu hpe e nu, e nu'' ngu nawng ting ting shaga garet hkawm nawng shagu shaga garet hkawm yang she ''E nu'' nga yang hka de bruk nga, ''E nu'' nga yang hka de bruk nga ngoi yang she ''Ah nu e nang sha na matu ngai shat ni gun sa ai law dai ni bai shawa masha ni Nga sa hkwi na da law'' ngu na tsun yang she bruk ngu na sha shaga ga rai ndai nawng de htawk jang oh ra nawng de shang mat u law kanu gaw Taukawk bai tai mat sai da. 'Ndai nawng de htawk jang oh ra nawng de shang mat u law'' kasha dai hku sa tsun yang she kaja wa nawng mahkra shawa masha ni ma hkra htawk sha kau ai da. Tawk sha ai shaloi gaw Taukawk lu htawk ma ai da. Taukawk lu htawk yang gaw dai num jan gaw Taukawk tai na hku rai nga, shi si mat ai majaw Taukawk tai mat rai yang she shana gaw dai shawa masha ni Taukawk la wa na garan jaw ai she dai num jan gaw wa garau da ai da. Wa garau da yang she dai kasha jan hpe wan wawn shangun ai da. Wan wawn u ngu tsun yang she kasha wan kachyi mi wawn jang ''A htet htet ma nu she rai ai gaw'' ngu ai da. ''Hkum nawn'' ngu ai da, dai re na kasha gaw hkrap she hkrap ''Nye nu she rai nga ai'' ngu na hkrap wan mung n nawn sai wan n nawn jang mung htaw hpang num jan bai sa gayet kanu kaji bai sa gayet rai dai re na nawn dat jang mung ''Ahtet htet ma nu she re ai gaw'' ngu ''Ma e nang ndai Taukawk shan ndai sha hpawt de ndai sha ngut jang nra hpe moi an nu ni nga ai dum nta dingsa kaw dai mungdung hpun pawt kaw sa hkai da u dai kaw sa lup da u yaw nang hpa ra tim mung dai kaw sa nna sa tsun u'' ngu tsun ai da. Dai kaw sa nna sa tsun u ngu rai yang she kaja sha Hkawhkam shayi lata poi nga sai da. Hkawhkam shayi lata poi nga yang she dai ma hpe gaw dai kaji jan e she oh jahkrau hte sapye gayau kau da nna shan nu ni gaw shakya hkrai shakya nna poi sa mat wa ai da. Shi kasha mung kaba sai mahkawn lawm na hku nga sa mat wa rai yang she shan nu ni gaw shakya hkrai shakay nna Hkawhkam shayi lata poi kaw num lata poi kaw sa du yang she dai num jan e she, dai num kasha hpe she shi manang ni she ''Hkawhkam num lata poi de sa ga lo'' ngu she ''E ngai n dai tsan ra ai law n dai hta ra ai law'' ngu ''Saw saw saw sa ga anhte la la na'' ngu Uhkri ni she yawng hta kau da ya na shi gaw kanu hpe ''E nu U hkri ni hkawhkawm lata poi de sa ga nga taw nga ai law hkawhkam wa num lata ai da dai de sa na law'' ngu yang dai num mungdung hpun kaw na soi palawng gumhpraw palawng ni yawng jahkrat ya na she kasha gaw dai bu hpun lang nna sa mat wa sai, sa mat wa na le yawng a jahtum kaw chyinghka lam makau kaw sa tsap taw nga yang she lata hkrai lata mat wa, lata hkrai lata mat wa dai mi na num kaji jan na kasha mung kade she tsawm ting n lata la lata she lata la mat wa yang she le hpang jahtum kaw sa tsap taw nga ai jan hpe sa lata la sai da. Shaloi gaw dai Hkawhkam wa gaw dai jahkrai ma hpe lata la re yang she shawng num jan na kasha hpe lata la rai yang she dai shanhte a hkawhkam hkaw kaw nga sai da. Dai kaw nga re yang she shi gaw lusu ai kaw wa ai rai nga gaw hkawhkam jan tai ai rai nga gaw lani mi mayu ga wa sai da. Mayu nta wa yang she dai num jan gaw myit magaw nna she samit jahkrat kau masu, lama mi jahkrat kau masu, ''Ma le npu de rai hkrat sai'' ngu wa hta shangun kanau jan gaw labu hpyi labu raw ya, kachyi hpyi kachyi raw ya, npu de bai jahkrat kau sai ngu dai sa hta la shangun masu na she kanu jan gaw hka hpumlum shadu tawn da nna ma le kachyi bai hkrat sai sa hta su ngu nna hta shangun lahkawn bai hkrat sai ngu lahkawn bai hta shangun nna ntsa kaw na hka hpum lum jaw bun ai da. Hka hpum lum jaw bun nna dai jan gaw si mat da. Si mat na she oh madu wa kaw she oh ra num kaji bai wa sai da. num kaji wa na she (aw chye) num kaji na kasha bai wa sai da. Num kaji na kasha wa na she oh ra kaw hkawhkam hkaw kaw she shawng num ngu na kana jan na da wa da taw nga ai da. Da wa da taw nga yang she Uhkai wa dai si mat ai jan gaw dai num kaji na kasha wa ai re gaw oh de da da taw nga re na she dai Uhkai sa paw ai hku rai nga ai dai hkawhkam jan gaw Uhkai sa paw re na she chye dam na lu chye dam na lu ngu lagat lai chye dam na lu, chye dam na lu ngu lagat lai rai yang she oh shi a (ashe hte) da lim de she ''u'' gayet sat na hku nga, Uhkai hpe gayet sat jang she le sun kaw bai gabai tawn da, sun kaw bai gabai tawn da na she dai sun kaw bai dai gabai da ai sun kaw ya shi kalang paw sai Uhkai dai kaw bai saba hpun bai paw ai da. Saba hpun bai paw re na she shani shagu wa shat gahtet htet sha grai mu nna shat gawk kaw shat wa shadu da ya ya rai ''E kadai wa shadu da ya ai shat n dai gaw'' ngu na ''Kadai wa shadu da ya ai i'' ngu na mau ai da. Rai re na shani shagu shadu da ya jang she hkawhkam wa gaw dai ni na gaw shi asak sin ni hpe dai ni gaw chyinghka shagu hkap yu mu "Kadai wa shadu jaw ai kun naw yu yu ga'' ngu na she wa lagu yu ma ai da. Hkap mung hkap taw nna wa lagu yu yang she dai shi a shawng num jan wa she shadu taw nga rai jang she kalang ta wa ahpum chyip di nna wa hkun shingdang taw jang gaw shinggyim masha bai rai taw rai jang gaw madu jan bai rai taw re rai yang she "Gai ya dai ni gaw nang she nye madu jan re ai wa laga she oh da da taw ai gaw laga she rai nga ai gai nan lahkawng oh ra gaw nye kanu bai re ai'' ngu ai da. "Gai nan lahkawng kadai wa dang dang, dang ai wa gaw nye madu jan rai na re'' ngu na she nhtu ya lahkawng yan hpe nhtu ya nna gahtam hkat shangun ai da. Shaloi she ndai num kaba jan bai shawng num jan bai dang shawng num jang bai dang re na shan lahkawng Hkawhkam wa hte Hkawhkam jan shan lahkawng rau bai nga lu mat ai nga nna dai maumwi dai gaw ndai shawng num jan a kasha gaw myit mung grai su ai da, hpang num jan a kasha gaw myit mung grai n kaja ai da. kanau a, kanau jan hpe dai hku zingri zinrat nna kanu hpe dai hku sat kau tim mung kawa hpe gaw ndai lata ngu ai sha jaw ai hku rai nga banau nau nna she jaw nna she ''Nang na kasha gaw hkawhkam jan tai tim hpa kumhpa mung n shangun jaw ai ya nye kasha gaw hkawhkam jan tai ai banau nau bu she jaw sha ai'' ngu na ''Sha yu u, sha yu u'' ngu na kasha na lata layung ni, lagaw layung ni dai hku na jaw sha re na rai ai nga ndai maumwi gaw kanu n kaja ai hpang num jan n kaja ai shawng num jan a kasha hpe kanu hpe mung dai hku nawng kaw sa ganawng bang kau da, kasha hpe mung dai hku hpum lum hte sa jaw sat rai lahkawng lang gahtap kau nna kaja ai myit masin rawng ai re nga hkawhkam jan dinggai si hkra hkawhkam jan tai lu mat ai hku rai nga dai maumwi dai htum sai hku re. |
