| Description |
Translation (Htoi San)
The title of this story is a happy family. A long time ago, a family lived together in a place. They were a big family; some boys went to the farm with their father and worked together. The father worked on the farm for a living, and the sons helped him with farming. One day, while the father and his sons were working on their farm, they talked to each other, "Let's go hunting in the forest." Then they went hunting for meat. When they reached a very distant place, there was no reason, and father had a hallucination. Father lost contact with his sons. Due to the hallucination, father tried to go here and there but did not know the way back home. His sons also looked for him, "Father! Father!" Even though they tried hard to call, they could not find their father. The siblings were amazed about their missing father and searched everywhere, "Oh dear, where has my father been?" They looked for him for quite a long time and thought, "Not right! Here is a deep forest, and we cannot stay longer." "Let's go back home." They decided to go home, "Let's wait for Dad from home." Then they went back home. Father was lost in the jungle, which was quite far from his home. Furthermore, it was getting dark, and he could not find his way home. While searching for his way home, he found 'Hpu Lum Htu,' who was tall, her hair was long, and her breasts were long. He was shocked to see 'Hpu Lum Htu' and ran as fast as possible. He ran and ran with all his might, but 'Hpu Lum Htu' also ran very fast. Father went up a mountain as 'Hpu Lum Htu' was so fast. As father was a human and even though he ran as fast as he could, 'Hpu Lum Htu' placed her breasts behind her back and followed him speedily. After that father went down the mountain and he ran at speed. When 'Hpu Lum Htu' ran down after him quickly, she could not chase him as her breasts were so long, and she had to wait for them. Only then father ran briskly, and he could see a path to his village during sunset. He went back, running blindly. Finally, he could reach his way to his village. As 'Hpu Lum Htu' was running down the mountain, she could not run as she needed to wait for her long breasts. Therefore, she had to leave behind on the way down the hill. Father ran vigorously and reached his home. He told his children everything about what had happened to him that day. "Dear children, when you go to that forest again and meet with 'Hpu Lum Htu,' never run up the hill. Run down the hill and escape from her," the father informed and reminded his children. At last, the family lived happily together.
Transcription (La Ring)
E ga baw gaw ngwi pyaw ai nta. Moi shawng de da shanhte ni shan nu wa ni arau nga ai da. Shan nu wa ni shan nau ni grai law hkra nga re she e la kasha nkau mi gaw da kawa hte sa di na shanhte ni gaw sun de i shanhte sun de bungli galaw ai da i. Bungli galaw yi sun hkauna galaw sha ai kawa hpe gaw shan nau ni karum ai da. Karum re she lani mi na nhtoi gaw shan wa ni gaw e dai sun galaw galaw rai yang she lani mi na nhtoi gaw shanhte ni gaw "Nam de shan gap sa ga" ngu di na shanhte ni gaw sa mat ai da. Sa mat ai shaloi gaw da e shanhte ni gaw sa mat rai yang she tsawmra mi tsan ai shara e tsawmra mi tsan yang she kaning hku na kun nchye ai da kawa gaw myi le le di na wa she shi wa she kawa gaw kasha ni hte nhkrum mat ai da. Nhkrum mat na she kawa dai gaw wo hkan e sa timung shi myi le le mat na shi gaw gara de nta wa lam re mung shi mung nchye mat ai da yaw. Nchye mat rai yang she shi kasha ni mung kawa hpe hkan tam ai da. "Awa awa" ngu kade hkan tam tim nmu mat ai da. Nmu mat rai jang she shan nau ni mung "Yi awa ndai gara de du mat sai kun" nga na hkan tam ai. Shanhte ni tsawmra mi tam jang she shi kanau ni shan nau ni hkan tam yang she "Yi nrai sai lu ndai gaw ndai gaw nam grai sung wa sai nam ndai grai sung wa sai nmai sai. Anhte ni ashe de she nta de she bai nhtang wa saga" ngu di na "Nta kaw na she awa hpe wa la ga" ngu di na shanhte ni gaw wa mat ai da. Wa mat jang she kawa mung da nsin gaw sin wa da nsin gaw sin wa nta wa lam gaw nmu rai jang she kawa gaw da tsawmra mi tsan re she um re she shi gaw nta wa lam tam nga ai shaloi wa she dai hpu lum htu ngu ai wa gaw galu rai kara mung galu law ai da. Chyu mung galu law re dai hpu lum htu wa mu dat jang she dai kawa gaw kajawng sai da. Kajawng di na she kawa gaw aging lagat sai da. Aging lagat hkrai lagat jang she lagat lagat lagat jang she dai hpu lum htu wa gaw grai chyang ai da lo. Shi gaw grai chyang jang she e dai kawa gaw bum ntsa de lung. Bum ntsa de lung shi gaw masha re nga yang shi gaw grai lagat ai she ja ji gat yang she dai hpang kaw na dai hpu lum htu wa mung shi na chyu hpe hpang kaw tawn kau da na she aging hkan shachyut ai da. Dai she hpang e gaw da bum yu ai da bum yu ai de du wa shaloi she dai kawa wa aging kagat shachyang rai yang she dai hpu lum htu gaw shi gaw dai shaloi gaw shi gaw shi na dai chyu gaw grai galu ai re nga yang aging kagat yang she dai chyu hte bai la di na she shi wa she nlu hkan shachyut di na nga ai da. Dai shaloi she kawa dai kawa gaw shi gaw aging ja ji nga rai di na kagat yang she wo loimi nsin rim rim nga yang she shi gaw shanhte nta wa lam mare lam hpe mu re she chyip rai na gat di na she shi gaw aging lagat di na she wa mat ai da. Wa mat jang she kaja wa sha shi gaw shanhte na nta mare wa lam de shi du mat ai da. Du mat ai shaloi she hpu lum htu ma shi dai bum yu ai a marang e shi nlu kagat ai shi na dai chyu galu law hpe dai hpe sha bai la taw di na e dai bum yu kaw shi na dai hku nga nga ta ai da. Dai shaloi na gaw kawa gaw nta de shi ja ji lagat mat ai da. Lagat mat jang she nta de bai du rai yang she shi gaw da dai shani na byin ai lam hpe kasha ni hpe tsun dan ai da. "Ma ni e da ma ni ya na nam de sa jang hpu lum htu hte hkrum jang da bum ntsa de galoi hkum lagat lung yaw. Bum lawu de yu di na sha hprawng u yaw" ngu di na kasha ni hpe bai tsun dan ai da. Dai na she shanhte ni gaw da hpang e rai yang gaw shanhte ni gaw da dai shana de grai pyaw hkra rai na nta kaw shan nu wa ni arau nga mat ai da. |
