| Description |
Translation (Nbanpa Rita Seng Mai & Keita Kurabe)
The story I'm going to tell is “The Chicken and the Duck Who Went to the Manau.” Once upon a time, the chickens in a village were getting ready to attend a funeral Manau. Then the ducks, who lived in a stream near the village, heard that the chickens were going to the Manau and asked to go along with them. The chickens said, “You walk too slowly.” “We can't take you.” “We'll be late for the Manau.” “We might miss it.” But the ducks pleaded, “Please take us with you.” “We'll hurry and walk fast.” “We'll keep up with you.” The chickens reluctantly agreed to take them. After a while, the chickens walked ahead briskly. They didn't wait for the ducks and kept going on their own. The ducks, though slow, followed behind at their own pace. When they reached a big river, the chickens couldn't cross it and were stuck on the riverbank. Then the ducks caught up and started to cross the river by themselves. The chickens called out, “Hey, ducks! Let us cross too!” “We really want to go to the Manau!” But the ducks said, “You didn't wait for us, remember?” “So now we'll go without you.” Worried that they'd miss the Manau, the chickens begged, “Please, let us cross.” “We promise to warm your eggs for you all our lives.” Then the ducks thought for a while and said, “Hmm… that's not enough.” “Jjust like you do,” "Let us live with you together with humans!" The chickens, desperate to join the Manau, agreed to the ducks' request. So they made a promise. The ducks carried the chickens on their backs, helped them cross the great river, and they all joined the Manau happily together. From that day on, as promised, the chickens have warmed the ducks' eggs just like themselves, and let the ducks live with humans.
Transcription (Lu Hkawng, Htu Bu & Sumlut Gun Mai)
Ya tsun na maumwi gaw "Manau Poi Sa Ai Nta U Hte Hkai Byek" nga ai re. Moi shawng de, mare kahtawng hkan nga ai U ni gaw Ju Manau sa na matu hkyen ma ai da. Dai shaloi, dai mare kahtawng makau kaw na hka shi hkan nga ai Hkai Byek ni gaw U ni Ju Manau sa na nga na ai majaw, shanhte mung Ju Manau de hkan nang mayu ai lam U ni hpe tsun ai shaloi, U ni gaw "Nanhte grai lanyan ai majaw" "n mai na re." "Ya hkring anhte Ju Manau de n dep ai sha" "hpang hkrat mat na ra ai," ngu tsun ai da. Dai shaloi, Hkai Byek ni gaw "Chyeju hte, anhte hpe woi sa rit." "Anhte chyang chyang hkawm na" "nanhte hte yep yep rai na hkan nang na ga ai," ngu bai tsun ai shaloi U ni gaw grai n kam tim woi sa mat sai hte kade n na yang gaw U ni gaw chyang chyang hkawm mat wa nna Hkai Byek ni hpe n la la ai sha matut hkawm mat wa ai da. Hkai Byek ni mung lanyan tim gau ngwi sha hkan nang ai shaloi gaw, hka shi kaba langai kaw du ai shaloi, U ni gaw n lu rap ai hte matut n chye sa mat sai majaw nga taw ai shaloi, Hkai Byek ni gaw hkan dep la ai hte dai hka kaba hpe shanhte hkrai sha rap lai mat wa na hkyen ai. Dai shaloi U ni gaw Hkai Byek ni hpe "E... Hkai Byek ni e, anhte hpe mung sharap la rit." "Anhte Ju Manau de grai sa mayu ga ai," ngu tsun ai shaloi, Hkai Byek ni gaw "Nanhte pyi anhte hpe n la ai sha sa mat wa ai re." "Anhte mung sa mat wa sana," ngu bai tsun ai shaloi gaw, U ni gaw Ju Manau de n lu sa mat na grai tsang wa ai hte "E... chyeju hte anhte hpe mung woi rap na woi sa rit." "Anhte U ni nanhte Hkai Byek ni a di ni hpe prat tup di hpum hpum ya mat wa na ga ai," ngu tsun ai da. Dai zawn tsun ai shaloi, Hkai Byek ni gaw loi myit yu nna, "Um... dai hku sha gaw n mai ai." "Anhte Hkai Byek ni hpe mung, nanhte U ni zawn sha," "shinggyim masha ni hte ma rau woi nga na i?" ngu san ai shaloi, U ni gaw Ju Manau grai sa mayu ai hte Hkai Byek ni tsun ai hpe mung myit hkrum kau ya ai da. Dai zawn myit hkrum ga sadi jaw ai hte, Hkai Bek ni mung shanhte na shingma ntsa kaw U ni hpe woi shajawn let dai hka shi kaba hpe woi sharap nna shanhte yawng Ju Manau kaw grai pyaw let wa lu lawm la ma ai da. Dai shani kaw na U ni gaw shanhte jaw da ai ga sadi hte maren, Hkai Byek di ni hpe di hpum hpum ya ai hte Hkai Byek ni hpe mung shanhte U ni zawn sha shinggyim masha hte rau sha woi nga sa wa ai gaw dai ni du hkra re da. |
