| Description |
Translation (Rita Seng Mai & Keita Kurabe)
This is the story of "The Foolish Man." Once upon a time, there was a foolish man in a village. One day, the man said to his parents, "Give me the money I need." "I am leaving this house." No matter what his parents said, he wouldn't listen. The parents gave him the money. The man took the money and left. When he left, he came across a man cooking rice in a stone pot. At that moment, the foolish man thought the stone pot was something valuable and said to the man cooking, "My friend, let's trade your stone pot for my money." The man who was cooking agreed, "Sure." He traded the stone pot for the money. After the exchange, the foolish man tried to cook with the stone pot, but it wouldn't heat properly, and he became angry. However, he couldn't do anything about it, so he carried the stone pot and continued his journey. As he traveled further, he met a man carrying a sack of salt. He said to the man, "Hey, my friend, let's trade my stone pot for your salt." The man with the salt agreed, "Alright, let's trade." They exchanged the items once again. Now, the foolish man carried the salt and thought, "Alright, I'll come back for this salt when I return." "I'll hide it here for now." He decided to leave the salt in a nearby pond. After about a year had passed, he returned to the pond to retrieve the salt he had hidden. When he searched for it, the salt had dissolved completely into the water. The foolish man thought, "My salt should be here." "Who took it?" He became very angry and kept searching until he found a frog. Angrily, the man said, "Frog! Was it you?" "Are you the one who took all my salt?" He tied up the frog and took it with him, stopping at a house to stay for the night. He tied the frog to a post in the house. The household's rooster pecked at it and ate it. At that moment, the foolish man said to the homeowner, "Your rooster ate my precious frog." "You must compensate me immediately." The homeowners didn't know what to do, so they gave the rooster to him. The foolish man took the rooster and went to another village. When he arrived in the village, he tied the rooster at a house and went out to play. The house he tied the rooster at was a house in mourning, and the family there killed the rooster and ate it. They placed its feathers into the mouth of the deceased. When the foolish man returned, he saw the feathers in the mouth of the corpse and exclaimed, "This corpse ate my rooster!" "You must compensate me with this corpse!" The family didn't know what else to do and gave him the corpse. When the man carried the corpse away, he became very tired and rested by the roadside. At that moment, an elephant passed by and stepped on the corpse. The foolish man then said to the elephant's owner, "When my father was lying on the road," "your elephant stepped on him!" "So, you must compensate me with this elephant!" The owners, believing the elephant had killed someone, without argument, gave their elephant to the man.
Transcription (La Ring)
Ya tsun na maumwi gaw "La Angawk A Lam" nga ai re. Moi shawng de, kahtawng langai mi kaw grai angawk ai la kasha langai mi nga ai da. Lani mi gaw shi gaw shi na kanu yan kawa hpe "Ngai lu ang ai ja gumhpraw ngai hpe jaw dat u." "Ngai ndai nta kaw na le mat wa sana," ngu nna tsun ai da. Kanu yan kawa mung gara hku tsun tim n lu ai majaw, shi hpe ja gumhpraw ni jaw dat ai da. Dai la kasha mung kanu yan kawa jaw dat ai ja gumhpraw majaw lang nna hkawm mat wa ai da. Shi dai hku hkawm mat wa ai shaloi, shara mi kaw she, la langai mi gaw nlung di hte shat shadu sha nga ai hpe wa mu ai da. Dai hku mu ai shaloi gaw, dai la angawk wa gaw dai nlung di hpe she grai manu dan ai rai shadu nna, dai shadu nga ai la wa hpe "E hkau, nang na nlung di hte ngai na ja gumhpraw majaw galai ga," ngu yang, wora la wa mung "Mai ai le, galai ga," ngu nna ja majaw hte nlung di galai kau ai da. Dai hku galai ngut ai hpang dai la angawk wa gaw shi bai dai nlung di kaw shadu sha, wan ni wut yu yang, n mai ai majaw grai pawt ai da. Tim, gara hku mung n chye galaw sai hte dai nlung di hpe hpai lang di nna bai matut hkawm mat wa ai da. Dai hku hkawm wa ai shaloi, jum joi mi gun da ai la langai hte bai hkrum ai da. Dai la hpe bai "E Hkau, ngai na ndai nlung di hte nang na jum joi mi galai ga," ngu tsun ai da. Wora la wa mung "Mai ai, galai ga," ngu nna bai galai hkat sai da. Dai hku dai la angawk wa gaw shi galai la ai jum joi mi hpe lang nna she, "E, ndai jum hpe ngai wa yang she bai wa la na re." "Ya ndai kaw makoi kau da na," ngu nna myit nna dai kaw na hka nawng kaw tawn kau da ai da. Shi dai hku hkawm mat wa rai nna laning mi daram na ai hpang e, dai hka nawng de bai du wa nna shi tawn da ai jum majaw hpe bai wa tam ai da. Shi bai wa tam ai shaloi gaw jum gaw hka kaw yawng byawng mat sai hte n nga mat sai da. Dai shaloi dai la angawk wa gaw "Ngai na jum majaw, ndai kaw sha tawn kau da ai re le." "Kadai la mat sai kun," ngu nna grai pawt let tam nga ai shaloi dai hka nawng kaw shu kasha langai mi hpe mu ai da. Dai shaloi shi gaw "Shu, nang rai nga!" "Ngai na jum joi mi ting la kau ya ai gaw nang she rai nga!" ngu nna dai shu hpe rim gyit la nna woi mat wa ai hte nta langai kaw wa manam ai da. Shu hpe gaw dai nta na shadaw langai kaw gyit dun da ai da. Dai hku gyit dun da ai shu hpe she dai nta kaw na u la gaw wa achye sha kau ya ai da. Dai shaloi dai la angawk wa gaw nta masha ni hpe "Ngai grai manu shadan ai ngai na shu hpe nanhte na u la achye sha kau ya sai." "Lawan bai wa ya rit," ngu tsun ai da. Dai nta madu ni mung kaga hpa n chye wa ai majaw, dai shu hpe achye sha kau ai u la hpe bai jaw dat ai da. Dai u la hpe bai hpai nna kaga kahtawng langai mi de bai sa mat wa sai da. Dai kahtawng kaw du ai shaloi gaw shi gaw shi na u la hpe nta langai mi kaw wa gyit dun da nna wam hkawm mat ai ngu yang, dai shi wa gyit dun da ai nta gaw masha si ai nta rai nna, dai kaw na ni gaw shi na u la hpe sat sha kau ya ai da. Dai sat sha kau ai u la a mun hpe gaw masha si mang a n-gup kaw bang da ya ai da. Dai angawk la wa bai du ai shaloi gaw mang na n-gup kaw u mun ni mu ai majaw, "Ndai mang ngai na u la sha kau ya sai rai nga." "Nanhte ni ndai mang hpe ngai hpe jaw nan jaw dat ra na re," ngu nna bai tsun ai shaloi dai mang madu ni mung shi hpe dai masha si mang hpe jaw dat ai da. Shi dai masha si mang hpe hpai nna la wa ai shaloi lam kaw grai ba nna jahkring hkring nga ai ngu yang magwi langai mi lai wa nna dai mang hpe yawng kabye apa kau ya ai da. Dai shaloi, dai la kasha wa gaw magwi madu ni hpe "Ndai nye Wa jahkring mi lam kaw galeng nga yang," "nanhte na magwi nye Wa hpe kabye sat kau ya sai." "Dai majaw, nanhte ngai hpe ndai magwi hpe wa nan wa ra na re," ngu nna tsun yang magwi madu ni mung masha mi ting kabye sat kau sai ngu shadu ai hte dai la wa tsun ai hte maren shanhte na magwi hpe dai la kasha hpe jaw kau ai da. |
