| Description |
Translation (Mike Tu Awng & Keita Kurabe)
Now, I am goint to tell you about how people started dying from drowning. Long time ago, there was a young man. When he was walking along the river bank, he saw a tree. He saw a tree that was drying and dying out because of wood beetle. He knew it, and he removed that wood beetle from the tree with a dagger. After removing the wood beetle, the tree started growing big beautifully again. Then, one day, that young man went fishing. When he went fishing, he threw the fishing net to the deep river. When he pulled it, it got stuck with something in the water. When he could not pull it out, he tied the rope of the fishing net on the tree he cured before and returned home. The thing he caught with his fishing net happened to be a huge snake-like dragon. He didn't know that and went home. That dragon had a daughter. She transfigured as a human being and came out of the river. Even though she was a dragon, she could transfigure as a human being. She came out of the water and went to the tree. She went to the tree and asked it. "Long ago, you were very sick but now you look very fresh." "How did you become well again?" asked the daughter. And the tree replied, "A young man cured me and I got well again." Then, that dragon girl asked the tree to introduce the young man to her when he came back. When the young man came, the tree, indeed, introduced her to him. When the dragon girl met him, she said, "I heard that you can cure sick people." "How can you cure people?" "My father is sick." "Please cure him." Then that young man also understood the situation because the tree told him. The young man thought that a big dragon must be stuck with the rope. "OK, I will cure him," he said. The first day he removed a bit of the net from the dragon, and the dragon could move a little as it was covered with the net. The young man asked the dragon girl. "How is your father?" The dragon girl replied, "Yes, he is getting better, enough to be able to open his eyes." The following day was also the same. The young man was removing the fishing net from the dragon a little by a little even though he could just pull it out. The dragon was able to move little by little. Like that, the young man was removing the fishing net day by day. The young man asked the dragon girl, "Are your father getting better?" The girl replied "Yes, he can move more than before." They went on like that for seven days and when she said the father was almost recovered, the young man asked. "It's been seven days since I started treating your father." "Your father has almost recovered." "If I cure your father, what will you give me as a gift?" he asked the girl. Then, the girl said to the young man. "I will marry you. Cure my father completely." Then, he removed the fishing net competely. The dragon was able to get out of the net and move. As the father was cured, the dragon girl married the young man as she promised. When they lived together, the dragon girl asked the young man to promise her one thing. "Now that we're married, make one promise to me." "Promise me that from now on you will not catch and eat creatures that live under water" "like shrimps and fish." The dragon girl said to the young man like that. "I won't eat them, I won't fish them, I won't take them," he promised her. The young man had nine other young men who were his neighbours. Those nine young men always invited the young man to go fishing with them. Even if he was invited, he didn't go fishing. No matter how many times he was invited, he never went. He never went fishing because he had promised his wife. But they invited him too much, so one day he went along fishing. But, while he went along fishing, he never caught a fish. He sat on the hill and watched them fish. Then, he went back home. When he returned home, his wife, the dragon girl, asked him. "I can smell the fish on you." But, the young man said. "I haven't gone anywhere," he lied. Then, one day, the nine young men invited the young man again. "Let's go fishing," they invited him but he did not follow them. But again they invited him, so he went along. He went along and that day he fished with them. He fished together but did not take any fish. The nice neighbors said, "This young man does not eat fish. When we give him fish, he refuses. So, we'll put a fish in his basket." Then, they put a stone loach in his basket. When they put it, the young man was not aware of it. He didn't know that they put a fish in his basket and he went back. When he arrived home, his wife said. "I told you not to go fishing, but you did." "Those in the water are my cousins." Then the young man replied. "I do not bring anything, I do not eat anything." But when she opened the basket, she found a stone loach in it. "This is my fourth cousin brother, Stone loach." "I told you many times not to go but you did not listen to me." After saying that, she turned to a dragon and went into the water. When she had gone, the young man was very sad. He went to sit where his wife went into the water and cried so hard for losing his wife. He cried every day. Then, the father dragon asked his daughter to go back to her husband. "Don't worry about it. Go back to your husband." But the dragon girl said, "I will not go back to him because he does not listen to my words." He came to the river and sat on a stone on the riverbank and cried because he was so sad. Then, one day, the dragon girl spread her hair at the spot where her husband usually sat down. Once he came and sat down on her hair, she dragged him into the river. Her husband was drown to death. From that day on, we, human beings, started to drown to death in the water. Thank you.
Transcription (Lu Awng)
Ya hka hkrat si hpang ai lam hpe hkai dan na re. Moi shawng de, la shabrang langai mi nga ai da. Shi gaw hka kau hku garet hkawm ai shaloi, hpun langai hpe mu ai da. Dai hpun hpe latung sha na hkraw si wa ai hpe mu ai majaw shi gaw shi na nhtu hpe shaw rai na hpun hpe kahtam na latung hpe shaw kau ya ai da. Latung shaw kau ya ai nhtoi kaw na dai hpun gaw grai kaba tsawm mat wa ai da. Shing rai na lani mi hta gaw dai la shabrang wa gaw nga bai hkwi sa sai da. Nga hkwi sa re shaloi she shi gaw shi gun wa ai sumgawn hpe she hto grai sung ai la-ing kata de kabai bang ai da. Kabai bang na gang yu dat ai shaloi gaw kade gang yu tim shi gaw n lu shaw ai da. Kade gang yu tim dai sumgawn hpe n lu shaw rai na she Shi mi latung shaw kau ya ai hpun kaw dai sumgawn sumri hpe she gyit tawn rai di nta de wa mat ai da. Kaja nga yang gaw dai sumgawn kaw gaw lapu baren kaba langai mi dau taw ai hku rai nga. Shi gaw n chye rai di na nta de wa mat ai da. Shing rai jang she dai dau taw ai lapu baren na kasha num kasha wa gaw hka kaw na shinggyim num sha zawn rai di na pru wa ai da. Dai ten hta na baren ni gaw shinggyim masha hkum hkrang hpe dagraw na shinggyim masha zawn mai nga ai da. Dan re baren lapu num kasha gaw le wa rai na she hpun kaw sa ai da. Hpun kaw sa na hpun hpe san ai da. "Nang moi gaw grai machyi ai nga ya nang dai hku bai bran wa ai gaw gara hku rai?" "Kaning rai na mai wa ata?" ngu na hpun hpe san ai da. Dai shaloi she hpun gaw "Ngai hpe la shabrang langai mi tsi tsi ya ai majaw ngai ndai hku mai wa ai re," ngu di na she dai baren num sha hpe tsun dan ai da. Dan re jang she dai baren num kasha gaw hpun hpe htet da ai da. "Ndai kalang nang hpe tsi tsi ya ai la shabrang wa sa yang ngai hpe mung shachyen ya rit yaw," ngu di na ga htet da ai da. Dan rai jang she hpun mung la shabrang wa sa wa ai shaloi she baren num sha wa htet da ai lam ni yawng la shabrang wa hpe tsun dan rai di na she baren num sha wa hte mung shachyen ya ai da. Shachyen ya re shaloi she dai baren num sha wa gaw la shabrang wa hpe tsun ai da. "E, tsa e, nang gaw machyi mahkaw ai ni hpe shamai ya lu ai nga na ai re." "Gara hku shamai ya ata?" "Nye wa grai machyi nga ai." "Nye wa hpe mung shamai ya rit," ngu tsun ai da. Dan rai jang she la shabrang wa gaw chye dat sai da. Myi hpun mung shi hpe yawng tsun dan da ai majaw "Hmm, ndai gaw gara hku mi nga nga baren kaba langai mi dau taw sai ga nan re," ngu na she shi gaw dai baren num sha hpe tsun ai da. "Mai ai re. Ngai tsi tsi ya na," ngu tsun ai da. Dan rai na la shabrang wa gaw nambat langai ngu na shani hta sumgawn hpe kachyi mi shayawm na raw dat ya ai da. Ngut na baren num hpe san ai da. "Mai wa sai i?" ngu san yang baren num sha gaw "E, ya kachyi mi myi mai hpaw sai," ngu di na tsun ai da. Rai yang she hpang shani mung dai la shabrang wa gaw shi na sumgawn hpe kachyi mi bai shayawm na rawt dat ya ai da. Dan rai jang she baren wa gaw kachyi mi mai shamu wa ai da. Dan rai na shi gaw lani hte lani sumgawn hpe shayawm ya rai di na baren num sha hpe mung san ai da. "Mai wa sai i?" ngu san yang baren num sha gaw "E, ya mai wa sai. Grau mai shamu wa ai," ngu di na tsun dan ai da. Dan rai na shi gaw shani shagu shi na sumgawn dai hpe shayawm na raw dat raw dat ya ai shaloi sanit ya ngu na nhtoi hta gaw shi gaw dai baren num sha hpe san ai da. "Ya na wa hpe tsi tsi ya ai sanit ya mung du sai." "Ya mai mung mai wa sai. Mai ai daram mung rai sai." "Na wa hpe tsi tsi ya ai manu shabrai hpa jaw na rai?" ngu di na dai baren num wa hpe san ai da. Dai shaloi baren mahkawn wa gaw la shabrang wa hpe tsun ai da. "Ngai nang kaw wa na. Dai majaw wa hpe mai hkra sha shamai ya rit," ngu tsun ai da. Dai majaw la shabrang wa mung sumgawn yawng hpe shayawm raw kau ya ai da. Dan rai jang she baren wa mung yawng shamu shamawt mai na sumgawn kaw na n dau ai sha i mai hkawm sa mat ai da. Baren kawa wa mai mat ai shaloi she dai baren num sha mung shi ga sadi jaw da ai hte maren dai shabrang wa kaw wa ai da. Shabrang wa kaw wa rai di na dinghku de re shaloi she baren num sha wa gaw dai shabrang wa hpe ga sadi langai hpyi ai da. "E ngai ya ngai nang kaw wa sai. Dai majaw nang kaw ngai ga sadi langai hpyi na." "Dai ni kaw na nang hka kaw nga ai dusat dumyeng ni hkatsu ni nga ni hpe" "N hkwi na n sha na ngu na ngai hpe ga sadi jaw rit." ngu di na baren num sha gaw la shabrang wa hpe tsun ai da. Shabrang wa mung "Ngai sha mung n sha sai. Hkwi mung n hkawi sai. La mung n la sai," ngu di na she baren num wa hpe, shi madu jan hpe ga sadi jaw ai da. Ndai la shabrang kaw gaw la jahku ma ngu ai htingbu ni nga ai da. Dai la jahku ma ni gaw la shabrang wa hpe nga sa hkwi na matu galoi ma saw saw re da. Saw ti mung la shabrang wa gaw galoi n sa ai da. Gade lang saw tim n sa ai da. Shi gaw shi madu jan hpe ga sadi jaw da sai re majaw n sa ai da. Rai ti mung lani mi hta gaw la jahku ma ni nau saw ai majaw dai shabrang gaw nga hkwi hkan nang mat ai da. Rai tim shi gaw nga hkwi hkan nang tim n hkwi lawm ai da. Kawng kaw sha dai hku dung na la jahku ma ni hkwi ai hpe yu taw ai da. Dan rai na nta de bai wa ai da. Nta de wa rai jang she madu jan baren num gaw san ai da. "Hmm, nang kaw ngai nga sama lu ai," ngu san ai da. Rai ti mung la shabrang wa gaw tsun ai da. "E, ngai gara de n sa ai law," ngu bai masu tsun ai da. Dan rai na she lani mi hta gaw kalang mi bai la jahku ma ni gaw bai saw sai da. "Saw, nga hkwi sa ga law," ngu saw yang shi gaw n hkan ai da. Rai tim bai saw rai yang she bai hkan nang sai da. Hkan nang re shaloi she dai shani hta gaw shi gaw hkwi lawm sai da. Hkwi lawm ai rai tim shi gaw nga mung n la hpa mung n la ai da. Dai rai jang she la jahku ma ni gaw "Aw, shabrang ndai nga shan mung n sha, hpa jaw tim n la, nga langai gaw bang dat ya na re," ngu na she shi na nhpye kaw nga sumbrun "sumbrun" ngu ai nga langai hpe bang dat ya ai da. Bang dat ya ai hpe gaw dai la shabrang wa gaw n chye ai da. La jahku ma ni bang dat ya ai hpe mung n chye na she nta de wa ai da. Nta de wa re shaloi gaw baren num jan wa gaw shi hpe tsun sai da. "Nang hpe dai hka de nga hkum sa hkwi, hkum sa ngu dai daram tsun tim nang nga hkwi sa ai i." "Ngai na kahpu kanau ni re," ngu tsun ai da. Rai yang she la shabrang wa gaw tsun ai da. "Ngai hpa n sa di ai law. Ngai hpa mung n la wa ai law," ngu tsun ai da. Rai ti mung madu jan gaw dai nhpye hpe hpaw dat yu ai shaloi she nga sumbrun langai rawng taw ai hpe mu ai da. "Ndai nye hpu tu nga sumbrun re. "Nang gaw ngai gade tsun tim ngai na ga n madat ai," ngu di na she dai baren num wa gaw hto shi wa hpang de bai wa mat ai da." Hka de bai wa mat re shaloi gaw dai la shabrang wa gaw grai yawn di na dai hka shi makau kaw na nlung kaw sa dung let baren num wa na hpe hkrap dung taw taw re ai da. Shani shagu sa hkrap dung re shaloi she kawa baren dingla wa gaw shi kasha baren num sha wa hpe tsun ai da. "Hpa n ra ai law. Nang wa su. Na madu wa hpang de wa su," ngu tsun ai da. Rai ti mung dai baren num wa gaw "Ngai n wa sa. Nye ga shi kachyi pyi n madat ai," ngu di na shi wa hpe bai nhtang tsun ai da. Dan rai jang she la shabrang wa gaw shani shagu sa yawn na she hka makau kaw nlung tawng kaw dung let yawn na sa hkrap hkrap re ai hku nga. Dai rai jang she lani mi hta gaw dai baren num wa gaw shi madu wa dung dung re nlung kaw she shi na kara galu re hpe she hpyen nyep tawn da rai di na she madu wa dai shi hpyen nyep da ai kara ntsa kaw sa dung ai shaloi hka de kalang ta gang bang la kau ai da. Madu wa hkrat si mat ai da. Dai shani kaw na anhte shinggyim masha ni hka hkrat si hpang wa ai re ngu hpe moi na masha kaba ni ndai hku hkai dan ai re. Chyeju kaba sai. |
