| Description |
Transcription (La Ring)
Moi shawng de anhte shinggyim masha ni rai npra pri npra kaw nna e ndai mungkan ga ngu ai rai nhkrat wa ai shaloi e lek kala seik katsa kaw nna pru mat wa ai shaloi gaw anhte amyu sha yawng shinggyim masha ngu rai npra ai shaloi e ga gaw ndai masang wa hkum ga ai ngu ai aten hta gaw masang wa hkum gaw masang wa hkum ngu gaw shinggyim masha rai nnga ai shaloi mungkan ga rai npra ai shaloi gaw wa hkum ngu ai gaw hkum li ndai hkum pak hpe tsun mayu ai. Hkum pak gaw gara kaw na tu ai i nga yang gaw n-ga kaw tu ai. Mungkan ga hpe e shangai shaprat da ai labut nbu ai ga e n-gawn kanu n-gawn chyanun htungga moi shun e shamying tawn da ai hte maren gaw ndai ga kaw tu ai wa hkum ngu ai gaw. Ndai wa hkum kaw nna shari gaw shari hte shari, shari hte shari rai taw ai. Ndai gaw wa hkum jang e wa hkum ga ai shaloi gaw gara hku nga tsun ai i nga yang "E kadai ma ga na ma e" mi shawng de gaw anhte shinggyim masha ngu ai gaw kadai mung nnga re shaloi she woi gaw sara gaw "Ngai gaw shinggyim masha re" nga tsun da ai. "E nang gaw nre shinggyim masha ngu ai gaw woi sara gaw nre" rai yang she "E ngai gaw woi wa gaw ngai gaw shinggyim mahtan htan shinggyim man man shinggyim marai lai masha alai lai ai lo" nga na tsun ai. "E shinggyim alai lai ai gaw nang nre masha nga rai gaw nang nre e kang shingra gaw kadai malin, hting hta wayang gaw kadai sin" nga shaloi she "E ngai gaw e woi gaw nre kading kang shingra reng dinghta wayang sin nga ai gaw yat e masha wa hkum ngu ai du langai mi paw na ni pu bau a" ngu dai ngu ai shaloi she e n-gawn tsun shanun hpungga moi shun gaw dai kaw nna she malum malum mahkum mahkum re ma shangai dai gaw shari hte shari rai taw ai. Shari hte shari rai taw ai hpe gaw gara hku di tsun ai i ngu yang "E kadai ma ga nmai ngai ma ga mung nmai ngai ma hkra na lu ngai ma hkra na lu ngai gaw machyi gaw nhkam ai ngai ma machyi gaw nhkam ai" nga ai rai yang she "E kadai ma machyi gaw nhkam re yang gaw gara hku di ga na ma" nga tsun nna e re ai shaloi gaw gara hku ma ndi rai yang she "Bai nang madun u nang madun u" ngu hkum hkum sumhpa hpe tsun madun rai yang gaw ngai "Ngai mung nchyoi a ngai mung nchyoi a" nga. Rai yang gaw Shagawng ngu na mi gaw "E ngai chyawm madun yang gaw chye ai law ngai chyawm me gaw" nga nna tsun ai da. Rai yang gaw dai Shagawng gaw "Nang gaw kaning di na madun na ma ngai madat yu gaw" ngu na ndai lum malum hkum mahkum re shari hpe e madi madat yu yang e "E nang gaw e wawt a shawa a nang gaw lapran shingra re" ngu nna tsun ai da. Rai shaloi gaw dai kaw e ja ning shi gumhpraw ning shi ga ai da. Dai ga ningnan ga ai shaloi e le mat ai gaw ndai gaw daru ning yawng magam ningtawng ngu na shamying da ai. Ndai kaw gaw ndai mungkan ga hpe e ningnan shaprat kaw nna ndai daru ningyawng magam ningtawng ni gaw "Anhte gaw e hpan kata hpan ningsang ngu nnga makam masham ngu mung nba anhte a n-gun lagaw hte dang ai masha" ngu nna dai hku nga na daru ningyawng magam ningtawn gaw dai hku nga na nga mat wa ai da. Ndai shaloi gaw ndai e mashang wahkum hpang ga sai. Rai yang gaw shawng ga ai ni gaw ndai anhte amyu sha ni a Jinghpaw Wunpawng ga ngu nna ndai shanhpraw wa shamying da ai hpang na gaw shanhkyeng wa shan chyang wa la mahtang, yaw mahtang byin mat ai wa hpe gaw shapyawng yawng ngu na shamying da ai da. Ndai hku ngu na shamying la mat wa na she dai kaw nna she anhte gaw e garan mat wa mashang wahkum kaw na re. Dai kaw na she ndai ginru ginsa hku kaw na e dai garan mat wa ai kaw nna gaw ndai kaw na she bai ndai ginru ginsa hkrat nna majoi bum majoi shingra bum kaw na yu hkrat wa ai shaloi gaw e htaw mali hku majoi kaw nna hkrat wa ai shaloi gaw ndai hka mali ngu ai hka lunggawp ngu ai nga ai dai kaw na hkrat wa sai. Hkrat wa e dai kaw na mali mi shawng de gaw hka ngu ai rai npaw ai shaloi gaw e htawra dai de nga sa. Rai na she dai hka kaw na she bai e ndai mu ga ai hpe gaw mashang wahkum ga nna she shanhpraw wa gaw sinna maga yawng ai, e shan hkyeng wa gaw sinpraw maga yawng ai, rai na shan chyang wa gaw dingda maga yawng ai, e ndai yaw mahtang gaw yawng a yawng Uma wa gaw mali hku mali hka saw nna yawng ai. E hka mali zup ai hpe e hka mali hku na anhte Wunpawng amyu sha e mungkan ga na shinggyim masha mali a labau dai hku hkrat mat wa ai. Dai na hkrat mat wa nna she anhte Gala mung gaw Gala wa gaw dam pa layang de hkrat sai, e ndai shanhpraw wa mung shanhpraw ndai sinna mungdan de e hkrat mat wa sai dam pa layang de hkrat mat wa sai, shan hkyeng wa mung ndai hkye awn wa mung ndai maga de hkrat mat wa rai nna gaw anhte gaw dai hku na ginru ginsa na hkrat wa re shaloi gaw e dai ningnan hkrat ai shaloi jijaw natjaw hpang mat wa ai. E dai kaw na ginru ginsa na hkrat hkrat rai na ndai kaw ginru ginsa na hkrat ai shaloi dai kaw nnan hkrat ai shaloi gaw hpabaw nga na tsun ai i nga yang gaw shanhpraw wa gaw gumhpraw lakang hte hkrat hkrat ai e shan chyang wa gaw magri lakang e shan hkyeng wa gaw magri lakang hte e sa mat wa ai, e ndai shan chyang wa gaw muyawn lakang hte hkrat mat wa ai anhte gaw anhte Wunpawng ni gaw ja lakang ndai hku na hkrat mat wa ai re e ndai hku na hkrat mat wa. Rai yang she anhte gaw dai hku hkrat mat wa rai na anhte Wunpawng amyu Wunpawng ngu ai gaw dai majaw Wunpawng ngu ai. E yawng e ka-ang shingra ga lamu gintawng ga ngu nna dai hku ngu na hkrat mat wa nna daini anhte e Wunpawng ngu ai lachyum dai hku byin mat wa ai. Mali hka mali a majaw byin mat wa ai. Rai na she anhte gaw ginru ginsa na hkrat wa ai shaloi gaw dai hka mali kaw na yu hkrat wa ai shaloi gaw e numraw latin lakang ngu ai nga ai. Numraw latin lakang hta gaw ndai kaw nna she numraw latin lakang dai rai ndu ai shaloi gaw "E ningnyen ahkang ginpa kaw masha nga hkrang ginra kaw" nga nna nlung mani prat kaw nna ahkang hpe e kabye da ai. Hkang hpe kabye da nna dai hku rai rai yang gaw e le dai gaw ya gaw "Ning nga wahtang e shang u ga shinggyim masha ni mung e yawng mung nlung mani hta e ahkang jahkang da ga la" nga nna anhte gaw dai hku na yu hkrat wa ai. Shaloi she ndai gaw ni nyen lakang bai aw dai lau gaw mashang lu pru ngu ai pa htulam dingnu ngu ai nga ai. Dai hku bai ndung lungpu kaba nga ai ndai ning nyen lakang e kahpa ai rau hpang gaw. E dai yang e dai moi anhte gaw e daru ningyawng magam ningtawng ngu ai labau kaw na pru mat wa ai. Ndai gaw e "Mahtum lungpu ngu di yawm mahta lungpu ngu di shawm ngu di dai hku ngu di masat da ai dai lungpu re dai gaw. Ndai lungpu dai gaw shaoi u ai prat kaw na masat da ai n-ga dai ya anhte shaoi u ai hpang e gaw dai kaw shang mat wa ai dai hpe e mashang lungpu ngu na htuhkam dingnu ngu ai. Ndai mi shawng e gaw ndai arai mashang lungpu ngu ai kaw rai nnga ai. Re kaw na rai rai na she ginru ginsa na hkrat wa rai na she ndai kaw na hkrat wa rai she mali hku mali hka saw na rawt wa ai rai yang she ndai i Dawai ga ngu ai du ai da. Dawai ga ngu ai kaw gaw wo ra kaw gaw (ya ngai kachyi mi hkring she wo ra de gaw kachyi mi malap sa rai yang gaw ya hpang de sharai ga). Dai gaw dai langai mi kaw du rai yang Dawai ga du rai yang gaw e Dulim majan pra ai da i, wa shalang tang majan nga ai da i. Dulim majan hpe e gasat ai da wa shalang tang majan gasat ai da. Dai kaw na bai i dai kawn bai sat wa rai yang gaw dai kaw na yu mat wa rai she ndai Panghkai ga du ai da lahkun ga ba ai da. Ndai e ndai hku na yu hkrat wa nna she ndai lungtsut namgu na yu hkrat wa. Dai she dai hku na yu hkrat wa rai na htaw munglang lahkap sha hkang e ndai shanlang kadawng yu ai da munglang lahkap sa ai da. Rai yang she dai kaw na she munglang lahkap sa hkangmu shingchyen du, hkangmu shingchyen nan e rap rai yang she mungyang hka, hka e rap ai da. Mungyang hka e hkoi htaw N-yaw hku e lang shinglang hku e dang dai na she dai nan e yu rai na she dai kaw na yu re na gaw Pakan yang aw nre law ngai malap sai hka e bawn Pakan yang e rap. "E kumhtaw ga ngu ai de gaw dai ni shingdan e ga gumhka ga ngu ai kaw e daini shingran de ga" ngu ndi kumhtaw ga ya ndai Putao ga kaw kumhtaw ga sha ngu ai Kumdi ga ngu nre. E Putao ga ngu ai nre mi shawng de gaw anhte gaw Kumhtaw ga ngu nna majoi shingra hkan nna ndai kaw gaw e Pakan yang ga du mali hka saw nna Pakan yang lung e dai kaw na she "E Putao Kumdi yawn kumhtaw gaw shama nahtai htu ai sha ai e wa sha u ga" ngu na she dai hku na lat rai di yawng mat wa. Rai nna gaw dum tep dalwi ai lap ai da, dum tep dalwi ai lap yang gaw e ginru ginsa ma ni gaw nlung langai hpra la lang nna she lap lap di na she ya dum tep dalwi ngu ai gaw wo bum shinghkrang lai di pa e hpun kawa tu di nga sa. Dai kaw nna she bai lai wa rai na gaw htaw e dai kaw na ginru ginsa dai yawng yang she e wora maga gaw Wadu hkyet e du ai da. Wadu shingnam ju ai da nga, "Wadu shingnam ju Wadu shingnam hpe hkam ai da Wadu shingnam lu ningsang magam ku daru ninggam lu ai da" nga. Rai yang she dai kaw gaw aw lau du Japdi hkyet du ai da. Japdi ju ai da "Japdi hte chyingli mahkam maku ningsang magam lu daru ninggam ku ai da" nga. "E ninghpa she law ju ai wa mung nga ninghpa she law ju e ya gaw ninghpaw shalaw e gaw kaning ma di law" nga nlung wahkam ku ai da nlung wahtum kun ai da e ninghpa shalaw lu ai da ningsang magam ku ai da" ngu, wo puda hkyet de du ai da puda bai ju ai da puda ju, e puda lapu hpe mung kaning di ma lu ai dai" ngu. "E hkasawng hkahku galaw ai da puda kahtam ai da, puda ningsang hpe lu ai da e ningsang magam ku ai da" e dai kaw na gaw e bai lai sa "E chyai hku ningtsaw tu ai da chyaihku ningtsa aw ningsang magam tsaw e ya gaw ningsang magam e tsaw sai chyaihku ningtsa aw ningshe daru ninggam mung tsaw sai mu, bai la deng gaw shinggyim tung ningsang tung gaw ya gaw i hteng dirat rau mung garan na masa gaw du sai mu e garan na rai sa", "Rai yang gaw kaning ma re nga ma" nga yang "E nanhte shakrin tung mashang dung hpe gaw e hpaji ngu di ma shalat hparat ngu di ma shakat di ga" ngu i. "Deng gaw kaning ma di ma" ngu "E moi gaw du wa ahkawt ahkang yu di htingbut htu sharin mu ga" ngu htingbut htu sharin ai da. Htingbut htu sharin rai yang gaw "E ya gaw htingbut htu sharin deng gaw bum jinghkang ai mung du htingbut htingra mung lu sai mu" dai hku rai bai sharin sa. Rai yang gaw dai yang gaw ginru ginsa na ni hkrat ai yawng e u mung pa wa mung nga ginru ginsa ginrut di ginsa ginsut ai dai yang gaw kapawn layawng rai yang gaw "Dai yang gaw ya chyai hku ni tsun ai gaw mi gaw machyu nhtu she lang mureng nhtu she hkang rai yang gaw ya gaw kaning di na nga na ma langa gaw ja ai mu e hpun gaw kya ai mu" nga rai yang gaw "E yi yu yi hkyen ni sharin di ga hpyiwat jung ten e kadu u ga hpyi chying shing jung e ga" nga "Rai yang gaw hpyiwat jung hting gaw kadai ma lu" nga yang e Pawpla ningsang wa gaw "E dumbang gaw ngai galaw chyoi ai mu" nga Pawpla ningsang gaw ngai pawt din yu nhtawm me e pawpla sumra ai hpe yu nhtawm me e pawp sum hting galoi chyoi ai da aw arai htawk wut chyoi ai da nga. "E dai hte sha nbyin ai law e wamung sumhting ai she shajaw ga law wala sumhting ai she shajaw ga law" nga. "E wamung sumhting e gaw kaning di ma chyoi ai nga ma wara sumhting e gaw kaning di wut ai mi" nga rai yang she "Gau chyang gau la gumwat ai hpe yu na me sumhting di sharin e ga nga. Gauchyang gaula gauwat hpe sumhting dum sharin da, pyi shit pyi pyiwut sumhting kadu ai da hpri chyang hkrit she kaju ai da. E dai shaloi gaw wo ra ginru rai ginsa hkrat ai ni gaw e shakawn u shakawn nga ni gaw ajum sha majan pa da i. Ajum sha majan pa yang gaw ginru ginsa nan ginrut ai ni gaw e shinggyim dung ai mung mara nu shinggyim dung ai mung ra nu da, u wa yawng e mata nu da dumsu nga e yawng matu yang gaw "E ngai gaw gunpu gunnoi yawng e mata rai yang gaw ngai gaw kaning rai na nga na ma yawng mayawng e jawm mata yang gaw" nga rai yang gaw e jum sha majan gaw hkrit sa. Jum sha majan hkrit yang gaw "E jum sha majan e nang hpe gaw yawng e ra ai majaw jawm sai taw kaw bum shinghkang galaw gawang de htaw ya ndai bum shinghkang hte galaw gawang de she yawng ai da dai hpe shachyut nu da jit ji hkang yu di jit ji hkang kaw gaw sha-it kumdi lai ai da, shi dung hkang kaw gaw jum mu rai di pa ai da e wo Gala mung maga e hprawt India mung maga e hprawt re mada jum sha majan hprawng ai da jum sha majan shachyut rai she bai ai da. Bai rai na she hkindu rai na she jum sha majan hpe e shachyut rai jum sha majan mung e bai. "Rai yang gaw ya gaw kaning re rai ma e dai rai yang gaw ya gaw ginru chyai hku majoi mung ya gaw jing sai mu ya gaw deng gaw ya gaw kaning rai nga ma ngu. Chyaihku majoi mung dai nanhte bai la lai ai gaw nga. Hkranghku majoi e shingdan ai da hkrang hku majoi e shingdan hkrang hku majoi du ai da. E dai rai yang gaw baila ni nga wahtam mung shang ai gala daru ningchyang mung li ai gala ji dumdin mung dat e ga nat dumdin e masat de ga e shinggyim ngu tim mung e laga shinggyim gindat mung tam mu shang gindat mung bam mu, ji gundat mung tam mu nat gindat mung tam mi ga nga. "Rai yang gaw ji gindat ndai gaw e shinggyim dung masha ni e ya nanhte mung anhte mung ji gindat nat majing dat yang gaw anhte a lapran kaw gaw kaning rai di nga na ma" nga shinglim shinggrau pra u ga matawn shagawn nga u ga yat e nujung rai di gaw dai yang pa ningjang e ginsa rai ngu dai di nga. Ndai sagawn nat ngu ai dai gaw paw sa. Ndai lapran e shaba wawt ai wa mi she e dai yang she shaba wawt ai gaw dai nat pru ai mahtum shaba e ginlut mahta shaba e gumshut ngu mahtum ga de katu mahta ga de kangu" ngu dai shaba wawt ai le ndai ji nat hte shinggyim masha lapran e ningjung kanmang ngu di dai gaw pra sa. Rai yang she dai i ginru ginsa nanhte gaw gat rai yang she "Bai la ya gaw tinang wat htam shang e ga tinang makam lang e ga" nga. Rai yang gaw tinang wa dam malang e ga magam ningsang shaku e ga tinang magam lu e ga nga rai yang gaw daru ningchyang li gumsawt ai da. Daru ningchyang li gumsawt jang gaw e daru ningchyang li gumsawt rai yang gaw shawng kaw Marip Gam Gumja gaw shawng e sa ai da, Lahtaw Naw Lawn gaw ka-ang e ang ai da e Majaw wa shing hkum hpang e nang ai da. E dai na e ndai na Dureng wa gaw shingdim htaw hpang e nga pra ai da nga. Rai yang she dai hku na gumhtawt ai da rai yang she ning chyang dalu li gumsawt yang e dai na ni gumsawt jang gaw e shawng na wa gaw Marip Gam Gumja gaw lachyawng pawk di yang gaw "Ngai gaw Marip wa Gumja Lahtaw Naw mung e Marip Gam Gumja jaw naw lahta kaba nga rai yang gaw Lahtaw wa Lalawn gaw ngai gaw Lahtaw wa Lalawn ju naw lahta kapawn" nga. Mayam lu ai hkrai chyu tsun rai yang she Nhkum wa mung "Ngai gaw matsaw wa singhkum zai ndum ju naw lahta kapum" nga rai yang she Duleng wa gaw ndai pangwa dinggan kaw "E ngai gaw gumru yan gumchya ngu di pa e tinang magam mara htang pa ngu na hpat hka ai re e hpung it numga hkye kaw na nang ga gaw gumrawng gumtsa ngu na masat da sa. Rai na she ndai daru ni numtsang li gumshawt ni yawng rai yang dai hku rai di garan sa. Rai yang gaw Marip wa Gumja gaw ning dung hkanoi wa da e ning dung hkanoi doi nu da e Lahtaw wa Naw Lawn gaw dai makau kan htang shingna ngoi nu da e matsaw wa shing hkum gaw shinggan hka chyaw doi nu da. Rai na Pasi wa gumhpoi gaw e ndai na gaw shingdan hpri shingdan bum hpe doi nu da dai hku na garan sa. E ndai Lahtaw arai Duleng wa jeng hkawp hkum wa hte e ndai e pang wa htinggan gaw e sanit hpang e pa ai dai kaw yawng ai da dai garan nu ai da. Rai yang she dai kaw she "Bai la deng gaw ya ning chyang li gaw gumsawt ningchyang li gaw gumsawt ningdun di ga le yep yep rai jang gaw e dai zawn nga garan re shaloi gaw ya ndai ni dun ningdep ga gaw dai hku ni pra sa rai yang she e dai sawt nga rai yang gaw shawng de gaw ndai manau ngu ai gaw moi shawng de e u manau shawng htaw mahtum ga e shawng sharin ai hta mahta ga e shawng gumhtin ai da. E shinggyim mung dai yang shawng ndai ginru ginsa nan garai nrut yang dai e shawng sharin. "Rai yang gaw shinggyim masha gaw malap ngu di wa mali ngu di nga malap mali ngu di bai nga rai yang gaw malap ai mung mali ai mung nga katsing shatmai chyu nau sha ai nhkan mung rai sa" ngu da. Ndai shinggyim masha ni gaw u ni hpe "E u ni e ya gaw nang gaw katsing shatmai mung nsha katsing hkrai lu sha hkrai chyu rai yang gaw dai yang gaw katsing rai sa". Rai yang gaw dai aten hta gaw ndai sut wa matu mana sut wa matu nga di ma ndai hkang hku ningtaw nga e ndai Magawng wa Magawng wa a kaji gaw e Htat wa Lahtau ngu re nu. Htat wa Lahtau e kasha wa Mawa Dingyau. Ma wa Dingyau ngu ai wa gaw e shi gaw e dusat ma bung tim e uju nawng ma shaga tim mung "Koi ya gaw lahku shang lahku shang nga shaga lagyim kinya mam mu timung e shaja myit kadun hpe jaw kadawn hpe jaw rai yang gaw shaja myit lu shaja myit lu shaja myit lu shakut di ga lo shakut di ga lo chyu nga ai re. "E nang gaw alaga masha re yau chyu yau bau chyu bau shingga gaw" ngu. "Rai yang gaw Waju nawng shaga daina gaw lahpu shang lahpu shang nga ai lo" nga "E nang sawt nga ai masha gaw nnga ai" ngu na she htaw dai shani she bai nbung malu bai hprawt "E nang zawn nga ai masha gaw nnga ai law nang zawn nga gaw gyit di gaw hkang di gaw" ngu htaw mayat shingyau shayi e bum hte e dai kaw e lagat hpun hte noi di hkra di nu da. Shat gaw nang e kawoi dwi dinggai jaw u ga i ndai mayat shingyau dai hku na noi taw nga. "E deng gaw sut wa matu mana wa lambu ngu ai wa gaw Nhkum wa a kaji wa gaw kan machyi ai da. Kan machyi rai yang gaw e kan hkrai machyi di nga lu su gaw lu su ai da kan gaw machyi rai yang gaw htaw hkanghku ningchyu e ma ni wa gaw htaw tungtep hpe yu nhtawm me e kanawn rai yang gaw shi a kan machyi wa mai mai re. E dan nga yang gaw nga achyang mayawt e yu deng gaw nga achyang mayawt ai yu rai yang gaw e machyi mung mai nyem nyem rai dai yang gaw "Bai la dai yang gaw kaning re di ma mai ai rai" dan re yang ma ni e wa "E ji e kan machyi mung mai a ya mung kanawn sa" ngu na kanawn rai yang kan machyi wa mai "E dan rai yang gaw kaning ma di ai ma" nga rai yang gaw "Hkang hku ningchyu ai lung u ga" nga. Hkang hku ningchyu e lung e hkanghku ningchyu ai wa gaw sut wa matu ngu ai wa mung kan machyi ai da. Dai machyi ai da dai mai ai da "E dai gaw kaning di di ai ma" nga "U manau u ni kanawn yang gaw arai nga ni kanawn tu tep ni kanawn yang gaw mai ai lo" nga rai yang "E ju nat e di manau nat e shali rai mu nang hpe gaw" ngu ai da. Dai hku ngu rai yang gaw "Bai la deng gaw manau nat e ti ngu gaw kaning di ai hku ma" ngu yang "Ah ngai chyawm chyoi ai gaw ngai chyoi a htaw u ni manau nau ai ma". U ni wa she lagat hpun manau nau rai yang she u dai ni ma i wo moi mahtum ga na ginlut mahta ga na gumshut yang e gaw shinggyim masha rau ginlut yang gaw "E u manau nau na me chyawm sa e ga moi na labau e chyawm lang e ga" nga rai yang gaw u manau nau ai da. U manau nau rai u manau nau na hku jawm bawngban rai yang gaw e dai bawngban rai yang gaw ngai gaw kadai ma chyoi wa ai nga ai ma u ra u gaw "Ah ngai chyoi wa ai" nga. U gum gaw "ngai shanhte ngai seng u ga" nga. Shi shoi ngu ai wa gaw "Shan gaw ngai kadoi e ga" nga ai da e shi shoi ngu ai wa gaw shan gaw ngai kadoi e ga nga. Rai yang gaw "Deng gaw manau madu gaw kadai ma galaw" nga yang "Aw hkawngrang galaw u ga" nga. "Ah ngai gaw hkawng rang maku she shajaw ga law" nga yang "E mai a" nga. Shingwa u gaw "Ngai gaw u u shinghpa ngai gaw kahkyin kaw la" nga "Kahkyin rai she u manau galaw e ga" nga. U gaw gaw "Shat gaw ngai shiyaw ga law" nga uri gaw "Si gaw ngai dun ga lo" nga. Shi shoi nawng mung "Shan gaw ngai kadoi ga lo" nga "Rrai yang gaw bai le hkum sa u manau dum saga" nga na manau dum ai da. Manau dum rai yang gaw e ninggrau gaw "Wadai ma galaw nga ai ma shatung gwi ninggrau gaw" nga. Kala wa gaw "Ngai galaw ga law" nga kala gaw dai hku nga, rai yang she Kala gaw dai she ndai manau singhka kaw dai ma hpaw nga. Kala e hpaw e ndai gaw sut chyinghka kaw e dai ma hpaw rai Kala e hpaw nu ai da. Rai yang she manau madu ni gaw Nnau ni da. Rai yang she u Kala wa gaw e madu dai madu wa gaw u gaw hkawngrang gaw bungli sa na mung nga rai yang she u Kala gaw u hkawngrang jan hpe e n-gyi shabat nu ai da. Dai she ya e gulwi hka ngu ai paw ai re d gulwi hka ngu di nga. Rai yang she dai hku rai na manau nau manau nau rai yang she u gaw hkawng rang gaw nau jahtau na she nau shaga nna she "E nang e gaw dai ram nga jahtau yang gaw hkrit ai lo" nga na she manau bra mat ai da. Bra rai yang gaw kaning hku na bra ai ma nga yang "E sut manau gaw kaning di ma shayaw ju manau gaw kaning di ma galaw" nga yang gaw e bra sa. "E hkawng rang nang gaw nau hpyau sa" ngu na she kalang ma hkawng rang manu wa hpe gaw tawn da rai na hkawng rang hpe gaw madu ndi nna she "Nang gaw hkum shaga u" ngu na she shingwa wu lanu wu shingwoi woi nu da. Lanu wu shingwoi kahkyin na she ju manau ngu ai byin nu ai da. Ju manau ngu ai dai byin rai nna she dai hku rai na she ya dai ni sut wa matu mana wa kan pu ngu manau nau nna hkranghku ni e chyu manau hpang ai da. Rai na she "E daini gaw gumran manau mung dai pra ju manau mung dai shaya" ngu na daini dai kaw nna she manau manau dum hpang mat wa ai. Daini anhte yawng Wunpawng myu masha ni manau dum ai ngu ai dai kaw na manau dum hpang mat wa ai. Dai gaw mi na e jiwoi ngai tsun ai gaw nkau mi gaw hkrat yang hkrat na kaman kadan re majaw re dai majaw. Rai na hpang de e atsawm sha shagu mung shagu mai ai gaw ngai mung ya law law se re majaw n-gum mat ai re. |
