Previous item Next item
Item details
Item ID
KK2-0218
(Collection Details)
Title Matawng mare a lam (Matawng village)
Description Translation (La Ring)
Matawng bum ga lam gaw moi shawng daw moi ji ni a prat gaw mi sha tsun ai Naw Hkum Karing nga hte gaw htaw Lahkum Uma ga kaw e nga ai. Dai kaw na anhte Matawng bum ngu kaw nga wa ai gaw ji nye wa ni a prat e ndai e ndai lamu ga nang hkan ni mung moi shawng daw gaw kaga Sam ni Kadu Kanan ni nga lai wa ai shara nang hkan ya du dai ni a hkang, hka mying shamying ai ni mung Sam ga mying ni mying ai hka ni nga ai mu ga ai shanhte mung nga lai wa ai rai nga ai. Dan re prat hta e anhte a kaji kawa ni Lahkum Zau Tawng nau ai wa a prat e dai ni shawng nga ai ni up ai up taw ai ni hte e shada htaw anhte Jinghpaw ni mung ji wa ni a prat nang layang ga de nawt nawt nawt rai yu wa yang e dai ni hte nhkrum nra rai nna dai ni yen kau da ai. Htawm e anhte ni gaw ndai Nawng Nang ga ngu ai kaw e nga galai wa rai nna me nga wa ai htawm e dai ji Lahkum Zau Tawng ngu ai wa e dan rai nna e n-gun ja lamu ga anhte Lahkum sha nre le kaga nanhte Kareng Lahpai ni kadai Nhkum nga mung dan re prat nga sai hku rai nga. Dan rai na me nang ga e nga galai nga wa ai prat e anhte e dai ni hpe e dai ni hte shada nhkrum shawng nga ai ni hte amyu ni hte nhkrum gasat ai kaw e anhte ji ni e ndai Nawng Nang ga shawng ndai Nawng Hkai bum kaw shawng kaw nga ai Lazu Shani Palu Labu Zu Palung La ngu ai wa e up sha ai, up sha na nga ai kaw dai wa e shangun ai bungli galaw nhkam ai majaw e dai wa shi hpe gumlau rawt ai law wa ai re majaw ndai ni hpe gasat karum dang yang gaw nanhte kadai hpe share ai grai saw ai htaw Lahpai wa kadai nga ai yawng hpe saw ai. Anhte Lahkum ni Lahkum Zau Tawng ngu ai "Dai ni hpe dang jang gaw lamu ga ra ai ni hpe lamu ga jaw na, hpaga ra ai ni hpe hpaga jaw na" ngu nna anhte ji Lahkum Zau Tawng ngu ai wa dai gasat lawm ai shaloi dai ni hpe dang kau. Dang ai shaloi anhte gaw "E anhte gaw lamu ga she ra ai" ngu jang she "Rai yang gaw nanhte gaw ndai Nawng Nang ga Nawng Nang ga byin wa Nawng Nang ga lu wa lu wa ai hku nga dai Nawng Nang ga lu nna nga wa ai. Dan rai na me e htaw kaga Salawng ngu ai nga ai ni mung shanhte mung gasat lawm di shabrai jaw ai shabrai ngu gaw le dai kumhpa jaw ai shaloi ya anhte nga ai Matawng Bum ga ngu ai gaw dai prat e dai Salawng wa shawng nga ai shara hku rai nga ai. Dai shaloi e anhte a kaji dai Naw Hkum Zau Tawng ngu ai wa a kasha Naw Hkum Sin Wa du ngu ai wa dai wa a aprat e dai Salawng rau mayu shayi hkrum nna dai anhte ya ya nga ai Matawng bum ga ngu ai hpe Salawng wa e jaw nna Salawng wa a ga shi hpe ja hpaga jaw rai na mayu shayi hku mung rai na me Matawng bum ga de wa ai. De wa ai N-jip hka ngu ai kaw e Dai kaw e N-jip Hku ngu ai kaw e dai Lahkum Zau Tawng a kasha Naw Hkum Sinwa Du ngu ai wa N-jip hka ngu ai yawng ai shara kaw nga hpang nna me manau galaw hkra rai nna dai kaw na gaw jan shang maga de nawt nawt rai na anhte a Matawng bum ga kaw e nga wa ai hku re da. Dai prat e ndai Matawng bum ngu na byin ai lam gaw ntsa lam hku tsun ga le, Matawng bum ngu gaw anhte ni mare de nna nga ai bum gaw Matawng di zawn mung rai bai kanoi htu sha prat moi English kaw e kanoi nam de shi hkrai tu ai ya na prat gaw rubber ngu ga le shi hkrai tu ai htu kanoi hkawn la nna English hpe e joi ma kade hku na dut sha ai. Dut sha sha re ai dai prat anhte e nga ai. Bum dai kaw e shanhte kanoi htu na nga nna lit gun jarit hte lit gun let kanoi htu hkawm ai ni e lam htumpa re kaw e lit shanat ai she dai prat e gaw Matawng di ngu ai htaw Miwa ni galaw ai ya gaw pyi nnga sai gaw hkan na nang ai kata de ahkyeng re Matawng di lit ntsa kaw e mara ai she dai lit wa kadang di she Matawng di wa le krung de galau yu wa ai nga yang Matawng galau ai bum, bum mung Matawng zawn shan re bum kaw e nga wa ai nga yang e Matawng mying lu wa ai gaw. Matawng mying lu ai gaw mi gaw Naw Hkum ni. Naw Hkum ni kawn e N-jip hka ngu ai kaw e shara de nna N-jip hku ni bai ngu. N-jip hku ni dai kaw nawt nawt rai ya kajai Matawng bum kaw e bai nga wa re hku rai nga. Rai yang ndai Matawng mying ngu mying lu ai gaw Lahkum, Karing anhte yan e ya anhte Matawng ni ngu nna dai kaw e nga ai re. Anhte dai kaw e nga na dai kaw e dai ya anhte htaw mi ya sha kajai ai Lahkum Zau Tawng ngu ai wa a dai wa ni nga ai gaw htaw bum Lahkum Karing Naw Hkum ga hte ya anhte mare de nna nga ai Matawng bum gaw lani lahkawng ya ram sa yang she du ai gaw. Anhte gaw Matawng bum kaw e nga ai. Matawng bum kaw e nga nna htaw Hpu wa ni hte shada matut di nna nga rai prat kru nga sai da Matawng bum kaw e. Htaw dan rai na nga rai na mying dan rai na nga rai yang she um ndai Nawng Nang ga kaw gaw mi sha kajai ai lu tawn nna me Wadu ni ngu ai ni hpe nga shangun ai. Moi gaw dai nnan de nga yang gaw htawra Nhkai bum de bum Wadu zawn zawn re kaw shawng nga ai da. Dai rai Wadu, Wadu Nawng Nang ngu, nang kaw e Nawng Nang, Nawng Na ni nga ai e Nawng Nang ngu mying shamying. Dan rai na htaw Hpu wa ni rau dan rai nga ai. Dai hku nga yang she Japan majan byin sai gaw. Japan majan byin jang gaw e dai nga shangun ai Wadu nang Nawng Nang ga sin shangun ai hpu nau ni mung kashu kasha mung nlu rai si htum sa. Wadu Zau Tawng ngu ai nga shangun ai dai ni si htum rai yang she mi moi mung htaw kaw na dan di na lu tawn ai shara re dai Japan majan e chyawm gaw ndai Nawng Nang ga sin na nnga wa jang she htaw bum de na Hpu wa Karing La ngu ai wa hpe Karing Ja Naw ngu ai Maring Nawng Gumhkawng ngu ai dai wa e "Le Nawng Nang ga wa sin su le sin ai ni nnga mat sai le Nawng Nang ga wa sin u" ngu na Karing La ngu ai wa hpe nang ga de shayu dat ai. Shi yu wa nna nga rai yang she shi chyu gaw shi gaw laili laika gaw hpa nchye mung gaw grai chyoi ai. Rai na dan rai nga yang she anhte gaw mi kaw na dan rai na kahpu kanau dan re rai yang she dai wa shi hkrai nga nngut jang she "E ngai hkrai Nawng Nang ga sin nngut ai lo. Nanhte gaw moi kahpu kanau chyaw rau ran ai re majaw nanhte Matawng ni nanhte Matawng Uma ni ngai hpang yu wa marit. Ngai hpang yu wa nna nye bungli ni galaw, alu hkan se mung rau sha ga" ngu nna ndai ya nga ai ndai shara nam re gaw ndai moi gaw nang kaw shabrang Ding Hkut ngu ai dai Karing nga ai gaw le Nawng Nang mare rai nga ai. Dan ngu na Karing bai shaga la nna anhte a wa ni hpu ni Karing wa e shaga la na yu wa rai na dai Karing dai shi a bungli ni galaw rau nga manau lahkawng lang galaw tim anhte wa ni manau madu tai di na hkum sum hpa galaw rai na ma shi a lagaw lata tai ngai mung rai na nga nga rai yang "E mi tsun ai ngai hpe bungli karum na nanhte ngut ai shani nga myit" ngu na tsun ai hte maren nanhte ya ngut jin ngut saga jang gaw nga myit ngu anhte mung mi dan ngu ai rai sai" nga na ndai kaw e ndai shara moi anhte nnan shi rau Nawng Nang mare kaw e nga re ten gaw garai nde yang gaw hpa ndai moi shawng nga ai shabrang ni ngu ai dai ni mung nnga mat sai. Nam maling nang hkan e hkan sharaw hkrai she nga rai wa ni she kashai e dai ngu na manga shi sanit ning hta gaw ndai mare hkyen nna me manga shi matsat ning hta nang de htawt nna me dai prat gaw nat jaw i nat jaw prat. Manga shi sanit ning e ndai kaw e nam hkyen, e manga shi matsat ning hta nang de htawt lung wa nna manga shi jahku ning hta moi na nye nu Nawng Nang kaw e si ai mang pru poi galaw kau kru shi ning hta gaw hpung shang wa re hku rai nga. Kru shi ning hta nang kaw e hpung shang nna e hpung shang nna nga wa rai yang gaw ndai shadang sha kaba ndai ni mung kaba wa lani hte lani kaba wa. Rai na dai kawn gaw hpung shang nna kru shi manga ning hta aw kru shi ning hta hpung shang na kru shi manga ning hta gaw ngai hpe hpungtau tang sai. Le dai shaloi gaw Geis masat htingnu kaw moi na sara Isak nga ai, Lamung Naw Htoi e sara Latau nga ai ni yawng si sai gaw nnga sai ya Lamung Naw Htoi chyu sha nga sai. E ngai kru shi manga ning hpungtau tang. Dai kawn ndai Jaw Masat buga mare kaw mung Sumprabum de na yu wa ai htinggaw mali manga ram sha nga ai. Dai kaw e hpungtau ngai, Hkangtsen Du ngu ai hpyen dap de na pru wa ai Hkangtsen Du hte Myinaw Ze Dau ngu ai anhte masum sha ndai Jaw Masat buga hpungtau shawng galaw woi nna nchye nchyang ai hte woi nna ya gaw grai kaba sai le i. Dai rai na kru shi manga ning e hpungtau tang nna hpung magam bungli hta dang dep lu ai made galaw hkun manga ning jubilee galaw, manga shi ning jubilee mung galaw sa. Manga shi ning du sai ya gaw nngut nna nta kaw wa nga ai hku rai nga. Hpungtau Sin Wa ngu ai rai nngai e. Dan rai na nga e ya kasha ni ndai e shadang sha kaba wa Zau Ra kanam gaw nam Maru Lu Mai. Shi mung Kyun Pyin Thar kaw jawng saranum jawng up rai nga ai. Shan a kasha ni gaw Zau Hkun Awng ya chyum jawng kaw bungli galaw ai e Ja Bawk Lu gaw ya dakkasu htai ai ya naw shakre ra ai nga ndai ana zinli a majaw rai nngut Naw Awn masum.
Origination date 2020-09-12
Origination date free form
Archive link https://catalog.paradisec.org.au/repository/KK2/0218
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Mawtawng Sin Wa Naw : speaker
DOI 10.26278/5fa2c8ac311a3
Cite as Keita Kurabe (collector), Keita Kurabe (depositor), Mawtawng Sin Wa Naw (speaker), 2020. Matawng mare a lam (Matawng village). EAF+XML/MPEG/VND.WAV. KK2-0218 at catalog.paradisec.org.au. https://dx.doi.org/10.26278/5fa2c8ac311a3
Content Files (3)
Filename Type File size Duration File access
KK2-0218-A.eaf application/eaf+xml 44.7 KB
KK2-0218-A.mp3 audio/mpeg 14.1 MB 00:15:27.41
KK2-0218-A.wav audio/vnd.wav 509 MB 00:15:27.9
3 files -- 523 MB -- --

Show 10 Show 50 Show all 3

Collection Information
Collection ID KK2
Collection title Kachin culture and history told in Jinghpaw
Description Recordings of Kachin culture and history in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, and Labang Tu La as part of community-based collaborative fieldwork in northern Myanmar between 2017 and 2020. A total of 263 stories with 263 ELAN files, 263 transcriptions, and 15 translations are currently available (September 20, 2021). Transcriptions were contributed by Gumtung Lu Awng, Sumdu Ja Seng Roi, Galang Lu Hkawng, Hpauhkum Htu Bu, and Keita Kurabe. Stories were translated by Nbanpa Rita Seng Mai, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

For Kachin oral literature, please refer to:
https://catalog.paradisec.org.au/collections/KK1

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Keita Kurabe
View/Download access Keita Kurabe
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found