| Description |
Transcription (La Ring)
Baren shayi hte baren shayi la gaw ndai hku da. Baren shayi wa gaw da ndai dinghta wayang ga de ndai shinggyim masha ni hte nga sha na matu grai shakut ai. E shakut tim mung e nmai byin hkraw rai jang she ndai e Hkrai Naw yan Hkrai Gam ngu ai pra wa ai shaloi gaw ndai gaw kawa gaw nlu mat ai le i. Kawa nlu ai gara hku nlu ai nga yang kanu gaw ntsun dan ai. Hkrai Naw yan Hkrai Gam ndai numwawn numla kaw na i. Rai jang she ndai kanu gaw moi na hku nga yang gaw hkawn tung rai na hku rai nga. Nla dap ngu dai kaw she shana sa chya. Shana hkying shi hpang dai ram hpang hpang she nchyai i shaloi jang gaw dai kaw shana shanhte tsun shaga hkat tsun shaga hkat chyai rai she hkum shan kanawn ai ni kanawn she nrai i. Rai jang she dai ma hkum rai mat jang gaw e baren la dai gaw ma hkum rai mat sai. E shinggyim num sha wa kaw n-gyi wa shabat tawn da. Rai jang gaw ndai baren a kasha she re wa shinggyim masha num kaw e n-gyi sa bat jang gaw shinggyim masha bai shangai mat sai e nga ai dai hte seng nna gaw dai kanu ngu na wa ndai hkawn la wa hkawn la hkawn tung ngu ga le dai wa gaw "E ngai gaw ya ma lahkawng rai sai Hkrai Naw yan Hkrai Gam rai sai gaw nang na mying tsun dan rit" ngu nna di jang she e "Ngai a mying chye mayu jang ngai a mying ngai nga shara mu mayu jang gaw ya nang kanu tai ai wa ndai kabang ri ngu ai i kabang ri ngu ai lahkam, ndai hpe gaw lahkam nga ai ndai hpe gaw gumdun nga ai rai jang she ndai lahkam nga ai ri lahkaw kru ri tawn u dai re majaw gaw dai ri lahkaw kru ri tawn na dai langai hpang langai langai hpang langai htum jang e bai matut htum jang e bai matut rai na ngai gaw nang hte kanawn ngut mungga ngut re hte gaw bai nhtoi re nhtoi yang ngai nga shara de bai wa sana" dai baren la jawban kaw dai ri shaman dai gyit kau dat ai. Gyit kau dat jang gaw shi galaw ga hkawm yang dai ri sumyan gaw ding yang rai mat wa ai le i. Dai majaw gaw ding yang rai mat wa jang she wo shanhte a na yi shingnawm ngu na kaw na la-ing kaba e hka la-ing kaba kaw she lup dai kaw she ri shamyan dai kaw e shang mat wa ai. E hpang jahpawt bai hkan yu yang dai kaw e shang mat yang she um ya ndai Hkrai Naw yan Hkrai Gam gaw kanu hpe she "Awa a mying tsun dan rit law ah nu e" ngu she nchye tsun ai "Gai dai rai yang gaw nan mung kaba wa sai gaw kaba kung sai re majaw gaw ma ngai kaw na nde kaba hkra ah nu nan hpe masawp kaba tawn sai ba kaba tawn sai re gaw ya nan nwa hpe chye mayu jang gaw nwa hpe chye na matu nwa hpe mu na matu gaw ndai la-ing ndai makau kaw ndup dup mu, dai langa hpawng a ntsa kaw ndup dup mu. Shaloi jang nwa nanhte hpe madun na ra ai, shaloi jang nwa hkum nan mu na. Rai jang nwa nanhte hpe e ga wa shaga na ra ai shaman jaw na ra ai" ngu rai na she kaja wa dai kaw langa hpawng gaw shachyaw la rai nna she dai kaw ntsa kaw ndup dup dup rai nga yang she ndup dup rai yang she "E Hkrai Naw yan Hkrai Gam e ya ndai le nwa baren la wa tsun dat ai Hkrai Naw yan Hkrai Gam hpe ndai kaw ndup hkum dup sana da" nga na katsu hpe shalun dat. "E Hkrai Naw yan Hkrai Gam ya ngai gaw le e nwa baren dingla wa shangun dat ai ndai kaw ndup hkum dup na da kaga kaw sa dup mu da" nga. "E awa sha npru wa yang gaw anhte gaw nmai bai ai" ngu dup tik tik dup tik tik rai yang she ndai shan dup ai hpabaw re ta nga ahpri hte dup ai gaw. E hpri sumri galaw hpri sumprang galaw ai hpri nhtu galaw ai e hpri numjawn galaw ai hpri ri galaw ai dai ni galaw ngut jang hpri lakap galaw ai hpring shingnyep galaw ai. Ma hkra galaw ngut rai jang langai hpang jahkan hpe bai dat dat yang mung "E Hkrai Naw e dai kaw nmai dup ai da ngu na tsun ai nwa tsun ai" ngu yang mung dai wa mung "E awa hpe sha nmu yang yaw dup tik tik" nga majaw bai yu mat wa. Uhtang hpe bai shangun dat, Uhtang mung dai hku tsun yang she "Hkrai Naw yan Hkrai Gam e nang kaw ndup hkum dup sa nga nna nwa baren la wa gaw tsun ai law" ngu yang she "E an gaw awa sha npru wa yang gaw dup na re" ngu nna rai yang gaw hpang jahtum e gaw anga ni hpan mung ma hkra dai hku galaw e ndai katsu jahkan ni hpe mung ma hkra dai hku galaw rai tim nmadat jang gaw hpang jahtum e gaw "Maw maw u hpyin ngu ai u lai ngu dai ni hpe dat dat yang "Maw Uhpyin nang gaw ndai hte shan hpe wa tawngban nna e myin sai kung sai chye manit dai ngu mu, na wa jaw dat ai re ngu u, ndai awa jaw dat ai aja shingwoi re ngu dai Hkrai Gam e wa ya mu" nga na wa ya "Umh awa hpe she mu mayu ai ndai gaw aja asut agan re majaw gaw ja shingwoi gaw lu la sai ja shingwoi ya ai gaw rai sai raitim rai nre naw yu wa su" ngu she ulai ngu bai dat dat. Ulai ngu hpe bai dat dat rai jang she ulai gaw Bunghkrang kunngli ngu ndai hpri hte galaw ai bunghkrang kunngli hpe bai jaw dat. Rai yang gaw "Maw ndai wa galaw ai re da nan gaw ndai sali wunli ndai hte la nna wa manu da, awa jaw dat ai re ngu na wa manu nga ai law" ngu yang "E ngai gaw awa sha npru pru gaw ndai kaw dup tik tik rai na an nau gaw myit daw dan kau sai" ngu na she dup tik tik rai jang gaw hpang jahtum gaw dai kawa baren la wa pru wa e kahpu wa gaw aja shingwoi gun hkahku de ang na mi re hkanam de ang na mi re nchye ai. E kanau Hkrai Naw wa gaw Bunghkrang kungli ngu ai dai ahpri hte dup ai lahpaw dai lang rai na nga tsap nga yang she kawa gaw "E ndai kaw ndup hkum dup nga yang nmadat ai gaw hpabaw re i" ngu she dai shanhte na ntawng nhtu ndai baw rai nga ya Jinghpaw ni gaw ndai hpe moi B.C prat e gaw ntawng nhtu ngu ai ndai re. Bunghkrang kungli ngu ai gaw dai re ndai ri rai dai e she gai wo ra Hkrai Naw wa gaw "Ya baren wa i" ngu na she ndai ntawng nhtu hte wut di dat jang she baren mung nhkawng hkrawng. Dai shan a langa hpawng mung lahkawng hkrawng e kahpu wa gaw hkahku de ja shingwoi gun nna lung mat wa, kanau wa gaw ntawng nhtu hte bunghkawng kungli hpai nna hka nam de yu mat wa re. Hkanam de yu mat wa yang she apu mi kaw du yang she "E ndai kaw gaw masha sha ai gala nhpra nga ai dai majaw gaw ajan naw rawng nga yang wo nhku de lungpu de makoi mat mat rai ga ai" ngu dai wa hpa bai hkap tsun dan rai yang she dai wa gaw "E gara de nna wa sa wa hka e kaning re ai wa re ta e kade hkyik ai wa re ta" nga yang "Nang hpang e she ndai kaw na she la mada yu nga u shaloi sa wa na ra ai jan loimi yau rai wa jang sa wa wa re" shanhte gaw "Dai yang gaw nanhte nkau mi ma hkra makoi nga mu ngai nang kaw tsap nna yu na" ngu. Rai yang she rai hkrat wa re ra ai dai gala nhpra ngu na wa masha sha ai dai wa gaw rai hkrat wa jang she e gala nhpra ngu na wa gaw Hkrai Naw e kawa sha kau mayu na she ning nga kahkam dat ai shaloi she nbung bung wa ai da. Singkaw ning di yit dat ai shaloi mung hpun kawa she anawn rai wa. Rai jang gaw "E rai sai lo du wa e salang wa e hkaw hkam wa e nang gaw anhte hte nmai kanawn ai nang gaw hpung shingkang ja ai e dai re ai majaw gaw ya nang kaw gaw ngai nga nga nngai nang wa mat su, na atsam gaw dai hte re ngai chye sai" ngu na she wa mat. Rai yang gaw "Taw dai na a bunghkrawng kungli gaw kadai hpe gap na ngu rai" ngu yang "Kadai n-gap law ndai gaw e nye hkum hpe makawp maga ai nye a asut rai re nye a sut gan rai re dai majaw gaw ngai ndai hpe lang ai re" ngu. "Gang shachyen nna sha pyi jahtim yu u le" ngu di jang "Nmai ai law" nga tim "Jahtim yu u" sha nga jang she gang la nna shachyen la na "Gai ya jahtim dat na lu nang gaw singkaw ning nga shachyen na tsap nga" ngu rai jang she singkaw sha shachyen dat ai singkaw shachyen dat ai hte shi ndan shacyen tawn ai. "Dai na singkaw ning nga shachyen ai she ndai sha jahtim dat yu ga" ngu na jahtim dat ai hte she singkaw mun maga mi de na lahkawng lahkawng hkrat mat ai da. "Ah shaloi jang gaw ya nang hte gaw hpung shingkang bung sa ngai mung ngai chye ai de nang mung nang chye ai de nga u" nga na shi ma gala nhpra dai wa mat ai hte shi gaw ndai Hkrai Naw wa gaw bunghkrawng kungli dai shachyen la nna she shi shingdu kayin mat wa sai ngu ai hte shing a bunghkrawng kungli hte dem gap jahkrat kau dat nna she ya daini anhte Jinghpaw ni ahpyi lu ai nga ai ni e gumju lu ai nga ai ni i ndai gawmai gaw sha kap ai nga ni gaw dai gala nhpra dai gap tawn ai kaw e ndai ahpyi lu ai ni lamyin sa malaw la ai. Ndai e hpyi ja ai nga ai ni gaw ndai singkaw sa baw la amun nra sa baw la re ni re da. Dai gaw shi gap jahkrat dat ai sakse gaw "Gala mati" ngu ai nanhte nmu yu nhten, wo ra hkuwan hta grau grau grau kaba ai gaw ya de she nmu yu mat nga e mati dai gaw kaja mu re. Wo ra langai mi lu sha jang gaw nta ting marai shi hkun lu sha ai dai le lagaw mung nde de law ai gaw. Dai ya anhte prat e ndai Miwa ni hte Myen ni ahpun nau shaw sha nna dai zawn re nnga mat sai. Dai zawn re nhprang rai ni e dai gala mati nga e dai kaw na gawmai gawsha Jinghpaw ni hta hpyi lamun su ai lu ai gaw dai sa la nna da. Rai yang she dai ni gap da nna gaw shi gaw le bai lai mat wa ai da Hkrai Naw wa gaw. Lai mat wa "E ndai kaw gaw masha sha nna e ndai sharaw kaba hkanghkyi kaba nga ai dai hpe gaw anhte kaning nchye di ai hkaw hkam wa e dan re nga ai majaw anhte jau jau makoi mat mat re ai" bai ngu sai da. Rai yang gaw "Dai mung gara hku sa wa gara kaning re ta" nga na bai rai jang she atsawm sha tsun dan. "Hpa nra nanhte jau jau makoi mat mu ngai nang kaw la nga na" nga yang sa wa ai da shaloi jang she shaloi gaw ndai wo hkanghkyi sharaw kaba masha zawn gaw rai ndai amyit gaw matse labye myit rawng re dai bai sa wa she "Shi hpe sha na" ngu na bai sa jahkrit jang she "E ngai hpe nmai sha ai nang ndai kaw hpabaw atsam nga ai hpa" ngu jang she ndai lamu ga hpe ning di jum dat shaloi nnang nawn nawn wa ai da. Jum dat shaloi nnang nawn wa jang she "E nang dai ram hkyik sai wa nu chye sai" ngu. Shi wa kayin ai hte gap sat kau da ai. Gap sat kau na she ya dai gaw e hkaw hkam anhte Jinghpaw ni hkaw hkam tai lai wa ai ngu dai matse labye hkaw hkam hpe sat ai majaw anhte gaw hkaw hkam ni a hkaw hkam hte bung ai ngu na ndai mungkan ga e sali wunli hpe e dai Hkrai Naw wa gaw kasi kamang madun na dai kaw na ni gaw Hkrai Naw hpe gaw anum lahkawng mung ya ai da. Rai jang she dai num dai dai kaw la dai kaw na gaw nta de e hkahku de kahpu e bai myit dum nna kahpu hpang de wa mat. Rai jang gaw kahpu wa kaw rai ndu yang she e ndai woi ni a ahka lu nna hka rap nga kaw wa mu ai. "E ya ahka nsung a ni" ngu yang she "Sung sung tang tang magyi ka-ang" ngu na sha atsun nga ai da. "Hka nsung a i ngu yang" "Sung sung tang tang magyi ka-ang" ngu na sha atsun nga jang dai shi na bunghkrawng kungli ndan hte gap sat kau da. E gap sat kau da na gaw le hka de yawng mat wa. Bai lai lung wa, bai lai lung wa rai jang gaw wo ra amyu sagu hte hkrum ai da raitim kahpu kaw kahpu hpe nhkrum hkrum gaw lung wa na gaw lung wa tik tik rai jang she dai kahpu gaw awoi kasha ni hte law law hte nga taw ai. Rai yang gaw hpun kaba pawt langai kaw wa she wo ran re pali pamun ngu da mu ai pali pamun i shit kau ai wo ra zawn re nmai lang sai ari pamun ni pali pamun sumpum nga ai da. "Ah ndai kaw gaw masha gaw re law kanang nga nga ai i" ngu na htaw ntsa de yu yang she htaw ntsa de yu na she "E Hkrai Gam" ngu shaga yang she "Oi ngai re lo" nga da. "Ngai Hkrai Naw re yu wa yu rit" ngu yang "E ya ngai ma woi ai wa nang kaw she nga ra ai" nga "Lawan yu wa yu rit" ngu yang she "Ya kade na lung wa ta" ngu yang "Le hkanam de na lung wa ai" ngu jang she "Taw le hkanam de nrat yu wa sai nrat hpe nmu i" ngu yang she "E rat hpe gaw nmu ai lo awoi num langai mi hpe gaw ahka sung a ni nsung a ni ngu san yu yang she sung sung tang tang magyi ka-ang nga shi dai hku sha atsun nga na masin pawt nna gap kau da sai" ngu jang she "E dai nrat she re wa mi ya dan adi kau ai gaw" ngu yang "E rai jang mung rai nu ga makoi mayang ai mung hka hta rai mat sai re majaw gaw makoi mayang ai mung nra nu ga, ya e ndai gawyi malai gaw nga ai gawla malai gaw nnga ai re dai majaw gaw ya ndai gawyi malai ngu na ndai ngai woi wa ai ndai lashi shingnan num hpe nang la u" ngu nna she dai hpang na num hpe kahpu e ya kau ai. Shi gaw bai lai mat wa na lai mat wa rai jang gaw moi shan shangai ai daidaw shara kaw bai du rai jang gaw dai daidaw shara kaw gaw ndai mi na kahpu ni a amyu matu ni dai buga de e shang na matu bai lai mat wa rai yang she Hkrai Naw lai mat wa ai re hpe kahpu chye mat jang she kahpu gaw dai buga de wa mat na she "E ndai kaw e ndai buga kaw anhte a ninghtawn ningngat ngu nna nga nga ai ai shara kaw ya hpang de anhte gaw numwawn numla ngu na galaw wa shaloi ndai baren shayi sha la ai ngu ai kumla hku na ndai kumba hpe e dan jung nna dai kaw poi galaw ga" ngu nna gya nga yang she e Hkrai Naw mung daidaw buga du hkra wa na nga wa jang she e ndai Hkrai Naw re chye jang she "Gai e Hkrai Naw e an nau ni hkrum sai gaw ya mare buga de jawm nga jawm pra saga ai gaw ya e ashan she sa gap ga" ngu na she shan sa woi gap ai. Kahpu gaw chye nga ai re majaw gaw wo ra nbung hku ngu ai dai kaw she anam dan magap tawn nna anam dan magap nna nbung wawng wawng rai nga yang "Wo yu wa du wo ra kaw rawng ai wo ra bunghkrawng kungli hte gap sha ga" ngu na rai jang she kahpu wa tsun ai madat nna shi gaw wo num yan gaw shan nau hku na nga mat sai mare buga de nga mat. Rai yang gaw Hkrai Naw wa gaw wa du gap sha ga ngu ai le kaw sa nna dai kaw wa du htim gap na ngu gumhtawn bang ai lata she le katsan ga de dung hprang. Dai bunghkrawng kungli gaw htaw ning nga mara da ai kran mara da ai kaw she hkai. Dai kaw ngam nga shi gaw wo katsan ga de yu mat wa hkrat bang mat wa. Rai yang gaw shana de wa yang "Ataw Hkrai Naw gaw taw Agu" ngu jang she "E ya wa na ra ai Hkrai Naw gaw ya sanit ya nga jang wa na ra ai wo hpang de re" "Shan nlu a ni" nga yang "Shan lu na tai nna hpang hkrat ai ngai gaw shawng e kai chyan wa ai ga re" ngu. E sanit ya tim npru jang she "E agu e dai Hkrai Naw wa shan sa gap ai shara wa du sa gap ai shara ngai hpe sa madun rit" ngu sai da. "Kaja wa ndai kaw sa gap ai re ya nang kaw na shi shan gap nga na kagat mat wa ai hte ngai mung nhtang mat wa ai re" ngu jang she dai kaw Hkrai Naw jan ngu na wa gaw e ahku hku ai dai kaw she samyen dang jahku samyen ru bang dat ai da. Shaloi gaw le dinghta wayang ga hkan na samyen dai ni tu pru wa na hpun numru kaba dai gaw htaw dai ahku hku hku tu pru mat wa na dai kaw noi lung mat wa ai. Noi lung mat wa jang she htaw ndai dinghta jan kra ai dai kaw du na rai jang she dumsi hte hkrum ai da. E chyahkyi hte hkrum ai hpa nya nga hkrum ai dai ni hpe karum naw hpyi hpang jahtum gaw sharu hpe karum hpyi. E sharu gaw wo htu waw tawn ai dai kaw ahpa sha di jang she dai hku gaw wuloi lai wa jang she wuloi dai gaw kabye waw dat, wuloi lagaw hta gra di na she shi wuloi ning nga kajawng nna gan garawt pru mat wa jang shi gaw dinghta wayang kaw le jan lu kra mat ai da. Dai kaw na kahtawng de bai wa na e myit rai jang she kahtawng e gaw kahpu gaw "E ndai wa katsan ga de rai na pyi gaw si mat na sai" nga le katsan ga na ni hte mung grai hku hkau ai da lo shi gaw. "Si mat na sai" ngu nna myit na ndai bunghkrawng kungli ngu ai ndan dai gaw kadai mung nlu shachyen re nga goi. E kahpu wa mung nlu shachyen shi mung nlu shachyen rai jang she dai ndan shachyen ai poi galaw ma ai. "Hpabaw rai na chying bau ngoi a ta" nga na hka ja sa ai num sha ma kasha ni hpe san yang she "Dai shingrai ma ai da dai bunghkrawng kungli shachyen ai poi galaw ma ai da, kadai mung nlu shachyen ai" nga rai yang gaw "Gai dai rai yang gaw "Dai poi up wa hpe le hka kaw e nga ai la langai mi gaw lu shachyen na shi mung dai poi hta shang na nga ai lu shachyen na zawn nawn ai da" nga na nga jang she hka ja sa wa ai shi madu jan sa wa jang gaw ahka asan re ja wa ai da. Kaga ni ja wa ai hka gaw hkanu hkanu re ai da. Rai jang gaw htaw kaw na poi up ni gaw "Eh ndai Hkrai Naw jan ja wa ai hka gaw grai tsawm nga ai grai lu mu nga ndai gaw hka san she rai nga ai myu mi she rai nga ai law" ngu san "Kadai kanang na ta kaning re ta" ngu na san yang ntsun dan ai. Shi sa ja wa jang gaw hka san sha arai nga wo manang ni sa ja jang gaw hka hkanu "Aw dai rai yang gaw ndai Hkrai Naw jan e gaw hka ja ndai hka sa ja la ai chya e hka san mung hpai wa rit da dai ya hka san nang sa mu ai shadang sha dai hpe ma woi wa rit, poi shang mayu ai nga gaw" nga woi wa jang she gai ndai kahpu wa gaw ndai bunghkrawng kungli shachyen poi re nga jang gaw "Gai ngai mung shachyen yu na" ngu hte gaw kahpu gaw "Um ndai nye kanau Hkrai Naw she rai sai" ngu myit dum nna she gai dai yang gaw ngai htaw ra Uhkum Bum kaw na ji nu ndai hpa nhten lamu sinli ngu ai dai wo ra dung nga ai hpe gap na nanhte shawa yawng yu mu yaw" ngu. E rai gaw shi gaw "kruk" ngu gang shachyen la nna she gap na hkyen ai hte gaw kahpu gaw nta ntawt htawra re kaw na sa yu nga re nga gaw. Sa yu nga jang she wo ra lamu sinli hpe gap na ngu na gaw aga wo de sa shi gap na gaw nang de rai jang she kaja wa wo de ning rai masu na wo kahpu gaw dai ntawt na ya ntawt dawhpum ngu ai i dai kaw nga ai dai kaw shingbyi nga ai dai e she dai kaw htem kahpu gaw dai kaw rawk. E dai majaw ya dai ni du hkra rai yang e ndai numwawn numla bang wa ai shaloi dai lakang nnan htan ai kaw "Lakang ninggam langai kaw myet shaman chyeju hpring da, lahkawng kaw myet mayat maya ing wa na da, e masum kaw asut agan chying na, mali kaw nli naili nhpraw nhkye dai sut lu ai, manga kaw gaw la kinla shingla e shaman chyeju sinpraw sinna ginla ai, dai kaw hpring ai kru ngu na shawang shakup ndai le nai din naihkaw ka-un pru wa ai kaw na kru, sanit ngu na hta gaw ndai jahpang lamu ga hkri dip ai hkri hpang ai anhte shadip jahpang ngu gaw wa saga ai, matsat ngu na e ndai matsat rai yang gaw anhte jahpung shingja sinpraw sinna lamu ga man matsat na shinggyim masha shinggyim nauna ni wa marit" ngu nna shaman ga dai tsun na re da e jahku ngu na hta gaw ndai lakang ninggam e "Asut agan yawng lu sai shi ngu na hta gaw gunli li rai na ntawt de kabye shang wa ga" ngu ai kaw dai lakang langai mi gaw wo kata de htan ndai langai mi gaw shinggan de htan e moi na hku rai yang yep di na htan ai le dai gaw. E dai numwawn numla gaw shaman chyeju a majaw anhte gaw dai baren num la na e nhpang yaw nna she le lakang dai htan tawn ai kaw numwawn numla nga dai anum la wa jang gaw baren ningshi wai u ga nga na she kumba nhpawng kru dai kaw e wa hkyi lakang nga na she ka-ang e ra di na ka-ang hku lai mat wa htaw ntawt de dun mat wa. E dai gaw kumba lai ai da. Baren ningshi wai mat u ga ngu na du num mi rai rai darat num mi rai rai hpa darat daroi ma le shi mari dai kumba lai ai ngu gaw. Anhte Jinghpaw ni gaw ahkyak dik ai dai re. Lakang gaw hpa rai ta nga yang she le baren a la wa hte baren shayi wa dai le hka kata hpungtang kaw na e shalun la ai mi re majaw lakang htan ya ai dai lakang nnan gaw de lachyum re da rai shing nga ma ai. |
