| Description |
Transcription (Lu Hkawng)
Yi hku hkin lang a majaw lauban byin mat wa ai la a lam hpe bai tsun na re, moi kahtawng langai mi hta da, grai matsan ai la langai mi nga ai da. Shi gaw hpa bungli mi galaw law awng dang ai ngu n nga ai da, matsan grau she grau matsan dai hku re hpa sha na pi n lu hkra matsan wa ai da. Dai shaloi she masha ni tsun ai i.. akyu hpyi shara langai mi nga ai dai kaw kyu sa hpyi yang gaw byin wa ai tinang hpyi ai hku byin wa ai ngu tsun ai da. Dai shaloi she dai la wa mung ''Yi..ngai dai ram ram matsan ai gaw sa hpyi yang byin wa na ma re'' ngu nna sa mat wa sai da. Kyu sa hpyi re she shi gaw grai na hkra hpyi kau re she malap mat ai da, galau mat re ai shaloi she shi na shingran kaw wa she ''Nang i.. ya nang akyu hpyi shara kaw na ding-yang pru mat wa u da, dai shaloi nang mu hkrup ai hpa rai tim langai mi la nna hpang de bai nang na hpang ding-yang de bai rai mat wa u'' ngu dai hku ngu mu ai da. Dai shaloi she "Yi.. ngai si sai si mat sam sai dai majaw ngai hpe nat ni shaga taw ai rai sam sai'' ngu tsun ai da. Dai shaloi she ''N re ai i.. nang na shawng lam hpe mu ai ngai tsun ai re'' ngu dai hku tsun ai da. Dai she shi mung hpa mi nga nga dai hku malap taw ndum ndum nga nna pru mat wa ai da. Pru mat wa she htaw lagaw gabye gashawt na galau mat wa ai da, dai she shi gabye gashawt let galau mat ai shaloi ning hku magra dat ai she, shi na shawng kaw yi-hku hkin lang langai mi nga ai dai hpe magra dat ai da. Magra dat nna she shi bai dum wa yang she yi-hku hkyin lang lang taw ai mu ai da. Dai hpe she shi gaw shi na hpang ding-yang bai sa mat wa ai shaloi she, hka ma-sen hka ma-sen langai mi jung taw ai shi gaw dai hku shi na lahpa kaw wa dung taw ai hpe wa rim la nna she dai yi-hku hkin lang hte gyit nna shi bai hkawm mat wa ai da. Dai she bai hkawm mat wa re dai lam dingyan de hkawm mat wa re ai shaloi she, shan woi dwi dinggai hte ma shan woi dwi wa she ma dai gaw hkrap hkrai hkrap ai da, hkrap hkrai hkrap na shayu she shayu yak nga ai mu ai shaloi she, ma dai gaw la dai lang ai hka ma-nsen ja hpe yi-hku hte gyit da ai hka ma-nsen ja hpe hpyi nna hkrap ai re ai hku nga, hkrap hkrai hkrap jang she dai yi-hku hte gyit da ai hka ma-sen hpe jaw kau da ai da. Dai ma hpe jaw dai ma zim mat ai shaloi she dai dinggai wa gaw grai chyeju dum ai hku na she namsi masum jaw dat ai da, namsi tawng masum jaw dat ai da. Shi dai namsi tawng masum hpe gun nna bai lai mat wa re ai shaloi she, lu su sahte nta shawng kaw lai mat wa ai she, dingla langai wa she ginhkrang hkrai ginhkrang ai da, dai nta shawng kaw ginhkrang hkrai ginhkrang na she ''Grai tsawm ai i lauban kasha langai mi machyi taw ai ya she dum wa ai wa, namsi nsin grai lu mayu ai nga tsun ai ya gara kaw na sa la ya na kun'' ngu tsun ai hpe na nna she, ''E ngai i.. mi dinggai jaw dat ai ngai namsi masum lu ai ndai namsi nsin shup jaw yang mai na kun'' ngu dai hku tsun ai, dai shaloi she ''E mai ai i.. dai namsi masum ngai hpe jaw kau da rit'' ngu dingla dai wa hpyi na she, shi hpe gaw aw ra..grai hpu ai hpan sumpan le dai jaw dat ai da, shi hpe nba zawn zawn re grai galu ai sumpan hpe dai hku gumba nna jaw dat ai da. Dai hpe shi hpe chyeju dum ai hku na jaw dat dai namsi nsin shup jaw dat ai hte dai num wa mai wa ai da, mai wa she shi dai hpe hpai nna sa mat wa re ai shaloi she, hka mahkrai ngu na langai kaw du ai shaloi she grai.. tsun ga nga yang grai (mike) na zawn zawn re ai i.. (lu-soe) dai hku grai n kaja na zawn zawn re ai myi mang mang ai ala masum wa she Gumra langai mi galeng taw ai hpe mu ai da. Dai hpe sin dung nga nna she dai la wa lai ai hpe ''E ning de jahkring mi sa wa yu u'' ngu shaga la ai da, dai la wa mung ''Hpa re ta''ngu grai hkrit hkrit ngu sa ai shaloi, ''Dai nang hpai ai sumpan dai anhte jaw kau da u ndai Gumra nang hpe jaw kau da na'' ngu tsun ai da. Oh ra ni gaw si mat ai shadu nna jaw kau da na ngu she ''E nanhte na Gumra si ai wa'' ngu tsun ai da. Dai shaloi she dai la masum mung shanhte na Gumra si mat ai re chye nna she, ''N-si ai jahkring mi i shi grai ba nna gan hkring galeng taw ai re'' ngu dai hku ngu tsun ai shaloi she, e.. shi mung hkrit hkrit re na she''Chye hpa mi rai nga rai'' ngu na she,''Mai ai galai ga'' ngu na she sumpan dai jaw kau dat ai da. Dai masum sumpan la nna rai mat wa ai shaloi she, shi gaw dai Gumra dai hpe ''Yi i..Gumra nang matsan shayen si mat sai hku nga'' ngu na she ning hku sa masawp dat ai she, Gumra dai wa myi hpaw wa ai da, myi hpaw wa nna she Gumra dai dum wa ai hte she dai grai matsan ai la wa hpe she mata she mata na she grai tsawra ai zawn zawn mata jang she shi mung ''Yi..n si shi nga ai'' ngu na she shi Gumra dai hpe atsawm sha lakawn la nna bai hkawm mat wa ai da. Hkawm mat wa re ai shaloi she, dai Hkawhkam mi na grai lusu ai wa na nta wang langai mi grai tsawm ai kaw she, ''Yi aw-ra nta gaw grai lusu nan re ai i..dai majaw Gumra ndai hpe jaw sha na hpa mi lama mi sha pi lu na re naw wa hpyi yu na re'' ngu na she Gumra dai hpe ma dun nna shang wa ai da, dai nta wang kaw shang wa nta wang kaw shang wa re ai shaloi she, ''E lusu sahte wa e, ngai hpe Gumra ndai hpe jaw na matu lama mi shat sha pi naw jaw sha rit ngu sa hpyi ai re'' ngu dai hku ngu tsun ai she, dai hku ngu tsun ai she, dai lusu ai wa na shangun ma ngu na gaw dai lusu ai wa hpe wa tsun ai da. ''E la langai mi i Gumra ma dun re nna dai Gumra hpe jaw sha na matu lu sha sa hpyi sa wa ai'' ngu dai hku tsun ai shaloi she, ''E dan nga yang dai la wa hpe dai Gumra tawn da da re ai shara kaw nga da shangun u ngai sa wa na'' ngu dai hku tsun ai da. Dai shaloi she dai grai lusu ai la wa sa wa sai da. Sa wa ai shaloi she Gumra dai hpe sa yu ya ai wa grai tsawm ai da, shi na prat hta dai zawn zawn re tsawm ai Gumra n mu ga ai da, dai lusu wa dai majaw she, ''E i.. nang na Gumra grai tsawm ai ngai hpe dut ya rit ngai gumhpraw i.. lap manga tsa jaw na'' ngu tsun ai da. ''Lap manga tsa jaw na'' ngu tsun ai she, shi gaw lap manga tsa jaw na nga yang shi na prat hta n na ga ai gumhpraw rai na hku nga dai na shi gaw ''Lap manga tsa'' ngu na dai hku hkrai tsun na mau nga ai da, dai shaloi she, dai sahte wa gaw ''N law ai i dai hku rai yang lap hkying-mi jaw na'' ngu tsun ai da. Shi gaw dai hku ngu tsun mahka nga ai shaloi she kanoi malap na zawn zawn salat she grit shi n na ga yu ai gumhpraw tsun ai re nga dai hku grit nga ai shaloi she, dai lusu sahte wa gaw ''E ma e.. ndai de hka gawm mi la sa wa ya rit ndai wa hpa byin wa ai kun hka naw jaw lu u ngu tsun ai'' dai she shi kasha ngu na gaw hka gawm hpai nna sa wa shaloi she, sa mu ai da, dai la hpe sa mu ai shaloi ''E wa e i.. yahte aw-ra la rai nga ai le, ngai hpe namsi jaw kau na nna ngai hpe asak hkye ai, dai la wa rai nga ai'' ngu dai hku ngu tsun re ai shaloi she, Kawa wa mung grai kasha hpe i asak hkye ai majaw e.. shi hpe.. Hkawhkam wang kaw shi hpe shi na ja sutgan ni ma garan ya re nna dai Hkawhkam shayi sha hte hkungran nna grai lusu hkra shanhte grai pyaw hkra nga mat ai da. |
