| Description |
Translation (Htoi San)
A long time ago, a monkey inhabited a farm. That monkey always picked winter melons on the farm whenever it was ripened or sometimes not even ripened yet. While the monkey plucked an ash gourd, a small bee stung him. The monkey was shocked as the bee stung him, and he let the ash gourd drop. Then the winter melon was rolling down. The winter melon rolled and hit a wild boar at the border of a field eating corn. The wild boar was amazed by the rolling winter melon and dashed straight. Thus he struck down a bumpy boom sprout from a clump of bamboo. So that the bamboo shoot spun and dropped into a lake. A spirit lady was fetching water at the lake. She fetched water with a bamboo water vessel. As the bamboo shoot fell into the lake, it hit a prawn that stayed in that lake. Then the prawn bounced into the girl's water vessel. The spirit girl carried the water in a vessel and drank the water when she got home. After she drank the water, she felt sick, and her stomach became big. Her belly became bigger and bigger as she was ill. She tried to cure it in many ways but could not get better as she drank that water alone. Her parents had only her, and she was getting worse day by day, even though they cured and treated her with many methods. "Now, we have only one daughter. If she dies, which is not good." Her parents were worried about her, but despite how hard her parents tried, she passed away at last. She died with her big belly. The parent thought, "We cannot bury her with this big stomach." "What is wrong with her abdomen?" So her parents decided to open up her belly to see what was inside. When they checked her stomach, the prawn was inside the spirit girl's belly. They found a crawfish and asked, "Hey, Prawn, how did you come inside our daughter's stomach?" "We only have one daughter, and now she has already died." "Why are you here?" The prawn begged them, "I am so sorry. I did not want to be inside here. I am facing many difficulties because I am here." "I was happy living in the lake. A bamboo shoot hit me where I was, and I bounced." "After that, I am here like this place," explained the prawn. So the spirit girl's parents asked for the bamboo shoot. "Bamboo shoot, why did you do that? Our one and only child passed away." "I just happily stayed in the bamboo tree clamp with my friends. I was planning to become taller and be a very nice bamboo tree which could be helpful for humans." "This wild boar hit me, so I fell into this valley," explained the bamboo shoot. So they asked the wild boar again. "Wild boar, why did you do that? Because of you, we lost our single daughter." "Why did you do that?" The wild boar replied to them, "I also did not want to be like that." "When I was at the field border joyfully and finding food, a rock pumpkin was rolling surprisingly towards me. Therefore I was scared and ran away. So it happened because of this." "Winter Melon, why did you roll over?" asked the parents, and it said that it was because of a monkey. So they enquired the monkey, "Why did you do that?" "Because of this, my only child passed away. What are you going to do about this?" The monkey explained, "Yeah, I also did not want to be like that." "When I was plucking the winter melon cheerfully, Bee Tu stung me." They looked for the bee and asked him, "Bee Tu, why did you do that? Because of you, many problems come up one by one." "We also lost our daughter's life. Why are you doing that?" Bee Tu did not know what to say, and he made his voice soft, "Nyut! Nyut! Nyut!" After that, he spun into a hole energetically. The Bee Tu flew into the hole and disappeared. Here is the end.
Transcription (La Ring)
E moi shawng de kalang mi hta ndai yi yi langai mi kaw she woi langai mi gaw dai yi kaw she ayan na wa hkum si ngai shagu hpa ngai wa mung nmai shi gaw wa hkum si chyu sa di sha na nga ai da. Shaloi she woi dai wa gaw wa hkum si di taw nga yang she jinglen sa na dat ai da. Jinglen tu sa na kajawng dat jang she shi gaw wa hkum si tat galang kau dat. Tat galang kau dat ai chya she hkum si dai chye taleng hkrat wa. Rai jang she dai shingnawm e mung wa ndu langai mi sha taw re nga hkainu sa sha taw rai she wa ndu kaw hkra. Wa ndu mung hkum si taleng wa ai kajawng na she bai gat dum bre mat wa wo yi shingnawm na wahpang kaw she makru marawk taw ai dai kaw she wa ahtu dumbraw lai kau da ai da. Rai jang she makru gaw makru dai daw taleng wa ai gaw dai le hka nawng kata de bai lup da. Hka nawng kata de bai lup rai mat wa rai yang she hka nawng kata dai hka nawng kaw ndai nat shayi sha langai mi hka sa ja ai da. Hka nhtung kaw hka sa ja re she dai kaw makru taleng bang wa ai chya e she dai kaw rawng ai katsu katsu wa she dai shi na hka nhtung de lup rai kahtan shang mat ai da. Dai kaw na she dai nat shayi sha mung hka ja hpai wa rai yang she nta kaw dai hka wa lu ai da. Hka dai wa lu ai kaw na she shi gaw machyi sai da lu dai kaw na she kan mung kaba law ai da. Kan mung kaba wa rai na she machyi hkrai machyi taw sai da. Gara hku galaw yu tim nmai dai nat shayi sha langai sha lu ai da shan la. Kanu yan kawa mung dai shayi sha langai sha lu ai majaw machyi hkrai machyi gara hku shamai yu gara hku galaw yu raitim mung nmai grau she machyi sawng bang mat wa rai na she "E ya an lahkawng a kasha ndai langai sha re ai wa si mat yang gaw nmai na re wa" ngu na she hpang jahtum gaw kaja wa e kade tsi tim nmai ai dai nat shayi sha si mat ai da. Si mat rai yang she kan gaw kaba law na si mat ai da. Shaloi she "E ya ndai ram re kan kaba ai gaw lup kau yang gaw nmai na re. Shi na kan de hpa byin ai kun" ngu na she ndai kan hpe ga nna hpa rawng nrawng jep yu na hku shan kanu yan kawa gaw galaw. Rai na she kaja wa sha kan ga na jep yu yang she dai nat shayi sha na kan kata de wa she katsu rawng taw ai da. Katsu rawng taw rai na she katsu dai hpe san ai da dai nat shayi sha na kanu yan kawa gaw "E katsu nang hpa majaw ndai an a kasha a kan kaw ning rai na rawng taw ai. Ya an a shayi sha ndai langai sha lu ai ya ning rai na si mat ra sai. Nang hpa majaw ndai hku byin ai" ngu na rai jang she katsu mung "E e ngai grai tawngban ai lo ngai mung ndai kaw shang rawng mayu na nre ngai mung ndai kaw rawng ai ngu grai jam jau kau se ai. Ngai hka nawng kaw grai pyaw let rawng nga ai kata kaw makru langai mi wa ngai kaw htim bun wa ai majaw ngai kahtan mat wa ai re. E dan rai na ndai shara kaw du mat wa ai re" ngu na tsun ai da. Shaloi she dai nat shayi sha na kanu yan kawa mung makru hpe bai san sai da. "Makru nang hpa majaw dai hku galaw ai ya anhte shayi sha ndai langai sha re asak si sai" ngu na rai jang she makru mung "E e ngai mung wahpang pawt kaw manang ni hte grai pyaw na kawa tai na grai tsawm hkra shinggyim masha ni hpe akyu jaw hkra rai na galu wa na kawa tai wa hkra nga na ngu na yu taw ai wa mi she wa ndu wa ngai hpe sa adawt daw kau dat ai majaw ngai ndai hkaraw de du mat wa ai re" ngu na tsun ai da. Shaloi she e wa ndu hpe bai san sai da. "Wa ndu nang hpa majaw dai hku galaw ai na a majaw ya anhte a ndai shayi sha langai mi sha lu ai ya asak si sum sai. Nang hpa majaw dai hku galaw ai" ngu jang she wa ndu mung "E e ngai mung byin mayu na nre lo. Ngai yi shingnawm kaw grai pyaw let lu sha tam sha nga yang wa she wa hkum si wa mi ngai hpe akajawng sha chyai taleng bun wa ai majaw ngai mung hkrit nna hprawng mat wa ai nga yang dai hku byin ai re" ngu bai tsun da. Shaloi she "Wa hkum si nang hpa majaw dan rai chyai bun ai" bai ngu dan ngu jang she woi e bai shadu. Woi hpe bai "Nang woi nang hpa majaw dai hku galaw dat ai. Ya na a majaw anhte a kasha langai sha re asak si sum sai e nang ya gara hku galaw ya na" ngu ai da. Shaloi she woi wa mung "E e ngai mung dai hku byin mayu na nre lo. Ngai wa hkum si di sha let grai pyaw taw nga ai kaw jinglen tu ngai hpe sa na dat na re" ngu dan ngu na rai na tsun ai da. Shaloi she jinglen tu hpe bai san jinglen tu hpe bai tam la rai na she "Jinglen tu nang hpa majaw rai na dai hku galaw ai ya nang na majaw langai hpang langai gaw hpa mung hpa manghkang grai law ai. Ya anhte shayi sha a asak mung sum sai nang hpa majaw dai hku sa galaw hkawm ai" ngu na rai jang she jinglen tu wa gaw hpa mung nchye tsun na shi na nyaw ai nsen hte "Nyut nyut nyut nyut" nga na abrep lup kau dat ai wo ga hku kata de kaboi bang mat wa ai da. Dai jinglen tu gaw dai de pyen kaboi mat wa ai da. Um ngut sai. |
