| Description |
Translation (Rita Seng Mai)
The story I am going to tell you is about a woman who can't keep the secrets. Once in a village, there was a man who worked as a wood collector. He made a living by selling the wood and supported his family. He collected the wood as much as he could in a day and solved his family's livelihood problems. The village chief told him, "You must earn a lot. You can't even spend all since you have a lot of money." He said, "No way. Just 6 kyats a day! One kyat is lent to others (Hka nan tang ai). One kyat is to pay back the debt (Hka sa wa ai). One is for tithing. Another one kyat is spent for the cows (Dumsu ginjang hpe jaw ai). What I get is just two kyats." The chief thought, "Why did he say about the cows?" He annonunced, "I talked with the wood collector. He told me some phrases such as 'dumsu ginjang bau ai', 'hka nan tang ai', hka sa wa ai'. I don't get what they mean. Let's have a meeting tomorrow and find out what they actually mean. I will award some money to the one who could explain." He called the villagers for a meeting. He said to the villagers, "If you can't answer, you will have to pay one kyat. I will give some money to the one who can explain." He announced it like that. On that day, one lady from the village said, "Tomorrow, the chief calls us to give the explanation to the phrases that the wood collector said. I don't know what to say tomorrow. I don't have any answers either." She happened to say those words in front of the wood collector's wife. They met while they were carrying water. She was just nagging, "I have to give the explanations to the chief at tomorrow's meeting. But I have nothing to say." She was just feeling depressed. The woman said, "Those words will be what my husband says." Then the woman went to the chief and said, "The chief, I know the meaning of those phrases. Dumsu ginjang means the women. 'Hka sa wa ai' means 'giving the money to the parents'. 'Hka nan tang ai' means supporting the children." She told everything to the chief. Then the meeting was cancelled. Because of the women, they couldn't get the award when they were about to.
Transcription (Lu Hkawng)
Ya na gaw ndai dinghku num ngu ai gaw byeshi ai ngu ai lam rai na re. Lani mi na la langai dai dinghku kata hta gaw dai kaw na la wa gaw shi shani shagu hpun sha hta nna kasha yan nu ni hpe bau ai re ai da. Lani mi Hte kru, Hte kru re nna chyang la nna kasha yan nu ni hpe bau re yang she mare salang wa gaw ''Nang gaw shani shagu tam ai gumhpraw gaw hpa she ndang di na sai grai lu na sai le'' ngu yang she, ''Hpa lu na law e, ngai na gumhpraw Hte kru mi gaw Hte mi gaw hka nan tang ai rai, Hte mi gaw hka sa wa ai rai, Hte mi gaw htam shi bang ai rai Hte mi gaw dumsu ginjang hpe jaw ai rai ngai sha ai gaw Hte lahkawng lap mi sha re ai re'' ngu ai da. Ya ndai wa tsun ai gaw dumsu ginjang ngu ai gaw hpa wa rai na sai i ngu she mare salang wa gaw ''E hpawt ni na gaw htaw ra hpun hta dut ai wa a, ga hpe htai na re zuphpawng hpawng na mani ngai hpe dumsu ginjang bau ai, Hka nan tang ai, hka sa wa ai, nga ndai gaw hpa baw lachyum ga rai nga ai kun n chye ya ai hpawt ni na zuphpawng kaw ndai san htai ga, ndai htai lu ai wa hpe gaw ngai gumhpraw jaw na re'' ngu ai da. Shaloi she zuphpawng shaga yang she, ''Nhtai lu ai wa hpe gaw gumhpraw lap lap shawa na re, htai lu ai wa hpe gaw gumhpraw lap lap jaw na re'' ngu ai hku nga, shaloi she dan ngu na tsun yang she zuphpawng hpawng na shani she oh htingbu jan langai mi she, ''Ga anhte mare salang wa hpawt ni na oh ra hpun hta dut ai wa a ga dumsu ginjang nga ai, hka nan tang ai, hka sa wa ai ngu ai ga baw hpa baw ga wa re ai kun ndai htai ra ai re ai wa mare salang wa hpawt ni na zuphpawng kaw gaw hpa kaning nga ai wa sa htai na kun a'' nga na she htingbu na num jan she, dai hpun hta dut ai, hpun hta ai wa a madu jan a man kaw she le hka lu ai kaw rai na hku nga hka ja ai kaw sa hkrum yang she, ''Ya dai na zuphpawng gaw kaning ngu wa sa htai na kun a dai na la hpun hta dut ai wa a ga mahtai htai ra ai nga re wa kaning ngu na htai ai baw kun a'' ngu yang she, ndai hka sa hka nan ngu ai kaning ngu htai ai baw kun ''E dai wa maw nye madu wa tsun ai ga rai na re nye madu wa tsun ai gaw ndai dumsu ginjang ngu ai mung anhte num ni hpe ngu ai gaw rai nmu i'' ngu rai nga hku nga, shaloi she dai kaw wa madu jan wa tsun gapawk kau ya yang she dai num jan na yang she ''E mare salang wa e madu jan yawng chye ai, dumsu ginjang ngu ai gaw anhte num ni hpe ngu ai re da. ''Hkasa wa ai ngu ai gaw kanu kawa hpe jaw ai ga re ai da, Hkanan tang ai ngu ai gaw tinang kashu kasha hpe jaw ai ga re ai da'', ngu she sa tsun gapawk kau ai hku nga, dai nga na she hpa dai zuphpawng n byin mat ai da. Dai majaw a num ngu ai gaw byeshi ai dai majaw lu sha na ga kaw n lu sha mat byeshi mat ai da. |
