| Description |
Translation (Htoi San)
The title of this story is 'The worm that became a man.' It was told long ago, and I retold this. In ancient times, a caterpillar became a young man. The caterpillar was a young man, and the girl was a human. In an ancestral spirit-calling place, the young caterpillar became a human at night. So they were lovers at night, and he was stuck on the tree top during the day. One day, people from their village had a party, so they went to pick leaves. When the two lovers met at night, the girl told her boyfriend, "I may need to pick leaves tomorrow." The boy asked, "Why?" "My neighbors are having a party, so they called me to go with them," the girl replied. "I will also help you to collect leaves," responded the boy. "Alright. Sure can. Many of us will go tomorrow to pick leaves," invited the girl and the boy who wanted to help, "I will also help to collect leaves." The boy came to help the next day. The girl waited for him, "E, that one told me to help me pick leaves, but did not follow me and did not reach here." After that, the girl did not wait and went ahead. In the forest, the boy shook the leaves down into his girl's baskets from the treetop where the girl went to collect leaves. The girl thought, "Today, why do wild leaves and vegetables fall into my basket?" Then she poured them out. She continued picking leaves, and her boyfriend poured down the wild leaves, so she threw them out. The boy and the girl met at night. The boy told her, "Hey girl, I helped pick leaves today, but you threw them out all the time." The girl said to him, "You did not put leaves. You only put wild leaves in, so I threw them out." Thus, the boy insisted, "No. I have tried to put in many leaves, but you just poured them out." The girl had not been happy since that night. "What kind of man is he?" She was not satisfied with him. The following night, the boy called her to meet. When the boy called her out before, they went outside to visit and hang out happily. The boy called her from downstairs, but she did not respond, and he called her from outside her house, but she did not give feedback. But now, even though the boy called her like before, she thought, "What kind of man is he?" as she was unhappy. So she did not go and meet him. Even though the boy called her to come out, his girlfriend did not come out. So the boy thought, "Girl, why don't you come out when I ask you tonight?" "Why don't you want to come out? She might get another man," and he determined, "When you come out to pound the rice tomorrow, I will stick in front of your house." "I will adhere to the doorway." The caterpillar attached at the doorway, and the girl got out to pound the rice carrying a basket and holding a wicker. At that time, the caterpillar was waiting for her on her way out. It stuck to the doorway. That caterpillar adhered to the girl's breast and dangled. The girl knew that protruding was due to the caterpillar, so she was terrified. Subsequently, she went near the water and climbed up the rock to jump off, "I will jump off and die here." At that moment, the caterpillar dropped from her, changed into a human, then said, "I intentionally scare you. Are you really afraid?" As the caterpillar became a boy, the story was about the fear of a caterpillar. Here is the end.
Transcription (La Ring)
Shingchyut shingtai hkrit ai ni a maumwi. Moi na ni tsun dan ai hkai dan ai bai hkai dan ai re. Ndai moi mung dan rai na shingchyut shabrang brang ai da. Num langai mi shingchyut shabrang brang la gaw shingchyut rai num gaw shinggyim masha rai. Shingchyut shabrang brang rai yang she e le ji ga saw ai hkan e mung e shana rai jang gaw masha rai mat. Dai hku nna sa mahkawn shabrang sumtsaw galaw shani rai jang gaw shi gaw htaw hpun ndung ntsa hkan kap mat. E lani mi gaw dai mare kahtawng kaw e poi galaw na lahpaw htat sa ma ai da. Lahpaw htat e shana hkan hkrum chyai ai ten hta she dai num jan gaw "E e hpawtni gaw ngai lahpaw htat sa ra nngai" ngu "Hparai mi" ngu da. "E wo htingbu ni poi galaw na lahpaw htat ga saw nga ma ai" ngu ai da. Rai yang she "Ngai mung htat karum na le" ngu ai da. "Mai ai le ngu hpawtni anhte law law rai na re lahpaw htat sa na" ngu yang she "E lo ngai ma htat karum na li" ngu. Rai yang she shani gaw sa sai da shanhte gaw lahpaw htat sa rai yang she daii shi mahkawn jan gaw "E la ndai wa lahpaw htat karum na nga ai wa nhkan nang ya mung ndu ndu" ngu nna la let shanhte gaw sa mat wa sai da. Sa mat wa rai yang she wo nam de lahpaw htat ai hkan e wa she e shi shi gaw htaw hpun ndung ntsa de nga nna she hpun lap ni wa she dai shi mahkawn jan a htingga kaw she sharun hkrai sharun bang ya da. Sharun hkrai sharun bang ya dai jan gaw bai "Chye daini gaw kaning rai me namlaw namlap hkrai wa mi arun bang ai gaw" ngu bai ru kau. Bai lahpaw bai htat bang shi shi gaw bai sharun bang ya bai ru kau bai ru kau rai yang she shana bai hkrum ai da. Shana bai hkrum rai yang she e "E num nang gaw daini ngai lahpaw htat karum ai wa nang gaw ngai htat bang ya ai lahpaw ni ru kau kau rai ndai" ngu ai da. Ding ngu rai yang she "Umm ya she nang lahpaw me nhtat bang ya ai me namlap hkrai she sharun bang ya ya re me e namlap hkrai sha run bang bang re majaw ru kau ai re law" ngu. Rai yang she "Nre law ngai lahpaw grai htat bang ya ai nang ru kau ndai" ngu da. Dan ngu na tsun hkat rai yang she shana she dai shana kaw na gaw shi gaw myit npyaw sai da. Myit npyaw rai na "Kaning re la rai sai i" ngu na shi gaw myit npyaw ai da. Myit npyaw rai she hpang shana bai hpang shana mung la dai bai sa shaga ai da. Sa shaga moi na ni gaw i le sa shaga nna she e shinggan de she hkan pyaw hkawm chyai hkawm re le. Ya gaw npu de na sa shaga ai nnga ai le shinggan de na sa shaga ai nnga ai. Moi prat gaw dan re rai rai yang she dai hpang shana gaw sa yang she shi gaw myit npyaw na she "E kaning re la re kun" ngu na shi gaw nsa sai da. Npru sai da la wa wa gaw grai sa shaga sa shaga rai yang she npru rai yang she "Nang num nang gaw daina gaw hparai na ngai shaga yang nsa ai kun a hparai npru kam ai kun a nang la kaga she lu sam ndai" ngu na she "Nang hpawtde mam htu sha pru wa yu ngai ndaw kaw hkap taw nga na" ngu ai da. "Chyinghka lam kaw hkap taw nga na" ngu ai da. Ding ngu rai yang she kaja wa mung hkap yang hkap yu u ngu she shi gaw jahpawt gaw mam htu pru wa ra mam shingnoi gun hkuwan ni lang rai na pru wa yang she dai shingchyut wa she woran re chyinghka lam kaw she kap taw na hku rai re nga. Chyinghka lam kaw kap taw ai da. Dai wa she wat shi a chyu kaw wa she dai shingchyut wa kap rai jang she dai kawn kawn gaw wat dai shingchyut la re ai chyoi mat na hkrit di na wat le hka kau hka de sa wa na she "Gumhtawn si mat sana" ngu nna lung hkrung kaw sa dung nga yang she e dai shaloi wa she hkrat mat nna wa she masha bai gale nna "Nang hpe ngai dingsang she jahkrit yang wa me grai hkrit wa ai i" bai ngu da. E dai maumwi rai da ya shingchyut hkrit ai dai moi shingchyut shabrang brang ai dai re ai da. Dai kaw ma sa. |
