Previous item Next item
Item details
Item ID
KK1-0069
(Collection Details)
Title Byin wa ai lam ma hkra kaja ai (The grace of God)
Description Transcription (La Ring)
E ga baw gaw byin wa ai lam ma hkra gaw kaja ai da. Lani mi na nhtoi she shanhte marai masum rai na hku rai nga la kasha marai masum shanhte marai masum gaw arau hkrun lam hkawm na da. Arau hkrun lam hkawm ai da hkrun lam hkawm re she shanhte na manang langai shanhte ni gaw da dai shani gaw jan grai ja ai da. Shanhte hkawm yang she jan grai ja "Ya daini gaw jan grai ja sai da anhte ni hkawm yang she jan grai ja wa sai" ngu tsun ai da. Shi manang gaw "E manang e da ndai zawn re jan ja ai gaw anhte ni atsawm sha lu hkawm sa lu ai Karai Kasang a shaman chyeju re yaw grai chyeju shakawn ai chyeju dum ai byin wa ai lam gaw kaja ai" ngu di na tsun ai da. Arau hkawm hkawm hkawm re she wora loi mi tsawng re kaw she lungdin hkrai hkrai re lam kaw she shi manang langai mi gaw shi gaw lagaw ahtu galau sha na hku rai nga shi gaw lagaw ahtu galau sha rai yang she shi na lagaw gaw tsawmra mi yek mat ai da. Tsawmra mi yek mat rai yang she koi dai shaloi gaw shi manang wora lahkawng gaw "Daini she bai rai sai katut sai" ngu di na tsun ai da. Rai yang she shi manang langai gaw "Manang wa e nre ai da lagaw ndai ram sha byin ai kachyi mi sha yek mat ai dai Karai Kasang hpe chyeju shakawn ra ai. Ndai zawn rai chyeju shakawn ra ai chyeju dum ra ai byin wa ai lam ma hkra kaja ai" ngu tsun ai da. Dai she "Ya bai i" ngu di na shan lahkawng gaw bai tsun ai da. Re she bai sa bai sa matut na bai sa yang she shanhte grai loimi lam daw mi ram kaw du yang she shanhte ni gaw shat sha na nga di na shanhte ni gaw shat hpaw dat yu ai da. Shat hpaw dat yu yang she shanhte ni gaw shanhte ni na shat gaw tsu taw ai da. Shani jan grai ja ai re majaw shat wa tsu taw rai yang she "Ah ya ndai shat bai tsu sai. Ndai zawn re shat tsu ai gaw jan nau ja ai majaw rai nga ai le" ngu tsun ai da. Dai gaw shi manang wa gaw bai tsun ai da "Nre ai manang wa e da ndai zawn re shat shatsu ngu gaw anhte ya she mu ga ai da. Shani shagu anhte ni shat lu sha taw ai nta kaw kade mu hkra lu sha taw ai. Ndan re shat shatsu ngu gaw manam ai nlu sha ai raiim mung shani shagu anhte lu sha taw ai hpe anhte chyeju nshakawn ai sha sha lai wa sai. Ndai zawn re shat shatsu lu sha ai lai wa sai ten hta anhte ni kaja ai sha lu sha ai mu ai sau ai sha lu sha ai dai hpe chyeju shakawn ra ai chyeju dum ra ai" ngu di na tsun ai da. Dai she "Anhte ndai zawn rai na lu chye ai gaw anhte dai hpe chyeju dum ra ai Karai Kasang hpe chyeju dum ra ai" ngu di na shi she bai tsun sai da. Dai she shi manang dai lahkawng gaw grai nkam madat sai da shi hpe tawn kau da mayu sai da. Tawn kau da mayu yang she "Umm" nga di na she arau gaw bai sa sai da. Bai sa rai she mahkrai mahkrai kaw she hka kau hka kau kaw du rai she dai mahkrai kaw du yang she shanhte rap rap rai yang she shi manang langai mi wa she dai mahkrai kaw na lut di na lagaw wa she npu de hkrat mat di na she hkum ting hka madi mat ai. Hpa baw nbyin hka madi mat di na madi manyap rai dai nga ai da. Dai she manang langai gaw pawt sai da "Ya ndai bai ya bai madi sha sai" ngu bai tsun jang she wora wa gaw dai chyeju dum chye ai wa bai tsun sai da. "Manang ni da anhte ni da ndai hka kaw na yawng di na wo hka de nyawng si mat ai da. Ndai ram sha hka hpun palawng sha madi ai dai mung chyeju dum ra ai chye shakawn ai" ngu tsun ai shaloi she wora lahkawng gaw pawt mayu sai da "Ya ndai wa gaw hpa byin tim chyeju dum shi nbyin nga ai gaw an lahkawng hkrai she byin taw gaw shi nbyin taw ai majaw rai nga" ngu di na tsun ai da. Dai she shan lahkawng mung rai na bai sa sai da shanhte arau bai sa hkawm yang she ang sha a dai wa she dai chyeju dum chye ai wa she shi wa byin wa ai lam ma hkra kaja ai ngu tsun wa she shi wa she wora ashe kaw gara hku ngu na dai ga htu da ai kaduk dai she shi wa she hkrat bang mat ai da. Shi langai hkrai sha hkrat bang mat jang she ngam kau da ai da. Ngam kau da yang she shi gaw shi mung ngam kau da yang she shi manang yen she "Ara hkrak sai nang an lahkawng hpe chyeju dum chye ra ai nga e an lahkawng hpe byin wa ai lam ma hkra kaja ai nga tsun ai nre i. E nga ta u nga da sanu yaw dai kaw nga da sanu nang hkrai kaja ai nga taw u" ngu tsun ai shaloi "Karai Kasang e chyeju dum ai da byin wa ai lam ma hkra kaja ai. Ngai ndai kaw hka mung nnga ai sharaw mung ngawa sha ai hpa mung ngawa sha ai re. Ngai ndai kaw lu nga taw ai chyeju dum ai" ngu na nga ta sai da. Nga nga ta sai da dai she shi na manang lahkawng mung sa mat sai da. Dai shaloi she shi gaw shi mung dai hku "Chyeju dum ai" ngu na she shi gaw e shi hkrai sha ma nmai lung wa ai da. Dai she "Kadai nga ai rai dai kaw kadai nga ai rai ngai hpe naw hkye la mi" ngu tsun ai shaloi she masha ni gaw lai wa ai shaloi lai wa lai sa ni lai wa na she sumri hte shi hpe gang di na she e shaw la ai da. Dai she shi bai dai shaloi kaw na pru wa sai da "Chyeju shakawn ai chyeju dum ai byin wa ai lam ma hkra gaw kaja ai" ngu na chyeju shakawn chyeju dum na shi gaw pru wa re she dai shaloi she shi gaw "Koi ya nye manang ni mung gara de du mat sai kun nchye ai ya ngai gara de hkan ra na kun mung nchye ai" ngu di na shi mung dai makau kaw sha nga taw ai da. Nga taw ew she dai wa she shi manang lahkawng aging kagat di na wa ai da. Aging kagat di na wa jang she shi manang hpe tsun ai da aging wa ahpum di na she hkrap hkra di na tsun ai da. "Manang wa e da nang tsun ai da byin wa ai lam ma hkra kaja ai chyeju dum ai ngu hpe an lahkawng ya she chye na ai da. Nang hte hka mat ai hpang da an lahkawng da wo an lahkawng sa mat ai shaloi wa da masha shazai ni wa an lahkawng hpe koi shanhte ni wa wan nat hkungga nawng na nga di na woi mat ai da. Woi mat ai shaloi wa she nang na nye ngai na lagaw gaw da lagaw gaw yek taw ai da. Wora langai mi gaw da dai hkan e hkum ting madi manyap rai di na grai ntsawm taw ai da. Dai yang she shanhte ni gaw da hkungga nawng yang gaw ahpraw atsawm ahpraw atu rai na grai tsawm ai hpa mung e tsun hpa nnga yang she shanhte ni dai hku naw ai re ai da. Dai majaw gaw da an lahkawng hpe da dai masha shazai ni ma hkra htawng kanyup di na an lahkawng hpe bai dat dat ai da. Nang ndai hku ngam nga ta ai mung shaman chyeju she re ai da. Lama na nang she lawm yang gaw da an lahkawng gaw nang hpe gaw kaja wa nan shanhte ni galaw taw sai. E shanhte ni hkungga nawng kau sai" ngu di na tsun sai da. Shi manang gaw dai shaloi tsun ai da "Dai yu le ngai tsun sai nre i byin wa ai lam ma hkra kaja ai" ngu di na tsun ai shaloi shi manang lahkawng gaw "Um da manang wa e da nang tsun ai lam shagu hpe chyeju shakawn let byin wa ai lam ma hkra kaja ai ngu hpe dai ga hpe ya she chye na ai" ngu di na shan hkawng ahpum rai di na shanhte ni e sa ra ai matut sa ra ai hkrun lam hpe atsawm sha rai na lu sa mat ai da.
Origination date 2016-12-14
Origination date free form
Archive link https://catalog.paradisec.org.au/repository/KK1/0069
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
H. Lu Lu Aung : speaker
DOI 10.4225/72/59888fd8b3fd3
Cite as Keita Kurabe (collector), Keita Kurabe (depositor), H. Lu Lu Aung (speaker), 2016. Byin wa ai lam ma hkra kaja ai (The grace of God). EAF+XML/MPEG/VND.WAV. KK1-0069 at catalog.paradisec.org.au. https://dx.doi.org/10.4225/72/59888fd8b3fd3
Content Files (3)
Filename Type File size Duration File access
KK1-0069-A.eaf application/eaf+xml 27.5 KB
KK1-0069-A.mp3 audio/mpeg 5.43 MB 00:05:56.206
KK1-0069-A.wav audio/vnd.wav 196 MB 00:05:56.175
3 files -- 201 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,437 translations are currently available (November 23, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found