Previous item Next item
Item details
Item ID
KK2-0261
(Collection Details)
Title Htingnai a labau (History of the Htingnai area)
Description Transcription (La Ring)
E anhte Htingnai buga ngu ai ndai Htingnai ginwang ngu ai gaw ndai wanleng lam ndai Mogaung kaw na lawu de Kahta Naba kaw du hkra e sinpraw de nga yang Gaugwi e hka mayan wo ra hku e kaw nna ndai maga de sinna maga de rai jang Darat Taung Sone bum e lagaw kaw du hkra ndai mayan hku nga ai anhte Jinghpaw ni ma hkra hpe gaw Htingnai ginwang ngu nna anhte Jinghpaw ni shamying da ai re. Dai re ai majaw anhte Htingnai ginwang ndai kaw gaw sinpraw sinna hkahku hkanam yawng de na ndai kaw wa zup nga ai shara re. Ndai moi na moi prat hta Jinghpaw du ni mung ndai nambat langai shawng du wa ai ndai Monyin ndai hkawng kaw shawng du wa ai gaw Hpunggaw du ni shawng du wa ai re. Hpunggaw du ni du wa ai hpang e she ndai Manmaw maga de na Lahtaw Hkapra ndai ni Nba pa wo ra maga de na lung wa ai Lahtaw Hkapra du ni bai du lung wa rai nna ndai e ndai Monyin a jan pru Loiyang bum ngu ai ndai maga hku gaw e Lahtaw Hkapra du ni hte ndai Lahtaw Hpunggaw du ni shanhte ni ndai Monyin ndai sinpraw Monyin myo a sinpraw e maga hku gaw ndai Hkapra du ni hte e Hpunggaw du ni e shanhte kahpu kanau nga nna nga taw ai hku re. Dan rai na nga pra wa hkrat wa ai hku re rai na Hpunggaw du ni nambat langai shawng du wa ai. Hpunggaw du ni gaw ndai ga kaw shadip jahpang lu nna ndai ga kaw shanhte Hpunggaw du nga nna nga taw ai. Dai kaw Manmaw de nna du lung wa ai Lahtaw Hkapra du ni lamu ga tam lung wa nna ndai kaw wa mu nna Hpunggaw du ni gaw shanhte Lahtaw shada gaw kahpu kanau e shada shanhte hku hkau nna shanhte Lahtaw Hkapra ni mung "E anhte hpu ni wa ni e anhte Lahtaw Hkapra ni hpe mung lamu ga daw mi chyen mi nga shangun mi" ngu na tsun ai majaw e ndai Hpunggaw du ni kaw nna ndai Hkapra du ni hpe lamu ga daw mi shanhte garan ya ai hku re. Dai majaw ndai jan pru hkran bum kaw e Lahtaw Hkapra yan Hpunggaw "Nra Lung Htawn" nga nna Lung Htawn langai mi nga ai laiwa laisa ni yawng e hkring sa dung ai shara re dai kaw. E dai kaw e anhte la ni na "Dazar" hte rai hte grai bung ai nlung tawng kaba nga ai. E dai kaw shanhte Lahtaw Hkapra hte Hpunggaw du ni a lamu ga jarit re. E dai kaw e Hpunggaw yan Hkapra a "Nra lung htawn lamu ga jarit wa" nga nna yawng mung laiwa laisa masha ni yawng dai lung htawn lung hkrung kaw e wa dung wa hkring wa sa ai hkrai re. Dai re majaw ndai Monyin kaw na jan shang maga de nga jang gaw e ndai de gaw moi nambat langai ngu na gaw ndai Lashawt Hkunglwi du wa e dai ni shawng wa nga ai hku re. E dai kaw she ndai ya hpang e ndai Lahtaw du Lashawt Hkunglwi du mung Lahtaw du sha re. E dai ni gaw ndai wanleng lam kaw nna jan shang maga de lahta de nga yang Hupyin, ndai Hupyin kaw na Indawgyi de sa wa ai mawdaw lam dai kaw na lawu maga de jan shang maga de nga yang le Darat Taung Sone bum lagaw kaw du hkra lawu de nga yang mung le Kahta Naba gat sa hkindang anhte Jinghpaw ni gaw Kahta Naba wo ra hku gaw gat sa gindang ngu nna shamying da ai re. Dai majaw gat sa hkindang hte Darat Taung Sone bum lagaw e re htaw Janglai bum e lagaw hkyet hku re rai nna ndai wan leng lam kawn jan shang maga de gaw ndai Lahtaw Lashawt Hkunglwi du ni e shanhte a lamu ga nga na nga taw ai re. Dai hpang she ndai Lahtaw Lashawt Hkunglwi du wa gaw kashu kasha nlu ai majaw e ndai Lashawt Hkunglwi du wa si mat ai sharaw e hta sha kau nna si mat ai hpang e ndai du jan gaw ndai hku na lamu ga ni nawn ai ni hpe yawng garan jaw kau da ai hku re. Dai majaw ya daini gaw ndai jan shang wa leng lam Monyin kaw na jan shang maga de wan leng lam a jan shang maga de nga yang e Lahtaw du, Ga du du e Gadu Lahtaw du wa hte seng ai e wo Mung Sung de nga yang e ndai Lahtaw Pausa la ni dai kaw na she wo ra Maru Matang wo ra de mung du rai na ndai Pagaw Kawng Ra ndai de gaw Pagaw Kawng Ra de gaw Kawng Ra du ni hpe garan ya kau da ai, ndai Namhkyi bum gaw bai ndai Nam Mawk du ni hpe garan ya da ai. E Bumrawng Bum kaw lahta de gaw Lahtaw Gadu la ni hpe garan ya da ai, e ndai Namhkyi hka kaw nna Namhkyi kaji kaba mazup a e ndai jan pru maga de na MakawkLai bum Gadu bum ndai hku gaw Makawk Lai bum e ndai de gaw Makawk lai la Makawk lai nga tim Myityung Makawk lai ni re. Ndai Myitung la ni hpe garan ya kau da ai. Pang Mati hka kawn lawu de gaw Pang Mati du ni hpe garan ya kau da ai. Rai na e bai ndai lahta Bumrawng Bum kawn lahta maga de gaw Lahtaw Gadu la ni hpe e garan ya kau da ai. Re majaw gaw ndai Bumrawng Bum kawn na lahta maga de gaw e ndai lung seng maw lawm mat wa ai Lahtaw Gadu la ni hpe garan ya ai de. Lung seng maw gaw Hkesi maw, Ura maw, Hkumtsai maw Tinggaw maw e Sam sen maw e maw ndai manga lawm mat wa ai hku re dai majaw ndai hking mi jahku tsa e sumshi matsat ning kaw na gaw ndai e Lahtaw la ni Gadu la ni e shanhte ahkun hkanse hta sha hkrat wa ai. E shanhte e lawu maga de ndai Bumrawng bum kaw na lawu de gaw Lahtaw Nammawk e la ni hpe garan ya ai. E dai de gaw ndai lung seng Namhkyi maw e Danteng gyi Danteng kalay dai kaw na le Taungsein gyi Taungsein kalay Maw Tharyar e dai kaw na Malaga maw e Mawlu maw, Ubona Het, Htone Taung Tayaung e Oak Chet ndai lung seng maw ndai ni yawng gaw e ndai Lahtaw Nammawk la ni kaw lawm mat wa ai hku re. Dai re majaw gaw ndai lawu de gaw Lahtaw Nammawk la ni seng ai hku re. Dai re majaw wo ra Nammyi hka kaw na wo ra e maga de gaw ndai Udi la ni Udi bum Balai la ni Udi bum e ngu na shamying ai re. Dai de gaw Udi la ni seng ai, Gahkyeng la ni Udi la ni seng ai hku re. E dai re majaw gaw e shi ndai ndai mayan ndai Monyin ndai jan pru jan shang ndai hteng mayan hku gaw Htingnai buga ngu nna anhte Jinghpaw ni gaw shamying tawn ai hku re. Dai majaw ndai Htingnai ginwang kaw gaw kaw na ndai moi nat jaw prat hta gaw ndai si hkrung si htan rai yang e ndai kabung dum ai pyi nbung ai hku re. Gahkyeng hkran Gagwi hka a jan pru maga de Gahkyeng hkran de dum ai kabung dum ai gaw kabung "Gara bungja" ngu na shamying ai re. Rai na Hkahku bungja ngu ai hkahku wo ra Myitkyina wo ra lahta de gaw ndai kabung dum ai mung hkahku kabung dum ai hku re. Rai nna wo ra Danai maga de gaw shanhte poi law ni shanhte dum ai pung san kaga nga ai hku re. Dai re majaw gaw anhte ndai Htingnai bu ni dum ai e ka hkrang mung nbung ai hku re. Rai na ndai anhte e hkying mung anhte Jinghpaw htunghkying a e shayi sha ni a e hkying gaw ndai Htingnai palawng ngu ai Htingnai lawng doi ngu ai shayi sha ni num ni hpun ai e palawng gaw Htingnai lawng doi ngu ai re. Rai nna she lata galu gaw Koiyeng lawng ngu ai ahkyeng bat bat re ai e dai Koiyeng lawng ngu ai palawng hpun ma ai. ndai num ni shayi sha ni gaw. E amyu lahkawng re ta galu hte ta kadun dai gaw Htingnai palawng ngu ai Koiyeng lawng hte lawng doi lawng ngu ai e dai lahkawng hpun ai hku re. Anhte la ni chyawm me gaw e ndai yawng mahkra gaw hkahku hkanam anhte Jinghpaw rai marai gaw yawng bung ai hku re. La ni a hkying gaw hkahku bunghkaw hte palawng jahpraw hte labu gaw hkahku labu e ndai gaw anhte yawng e Jinghpaw shadang sha ni gaw yawng maren sha hkrai bung ai hku re. Dai re majaw gaw anhte kaga de na htunghkying hte anhte ndai e Monyin Htingnai ginwang kaw na htunghkying gaw kaga de na ni hte mung loili loili gaw shai mat wa ai hku re. Anhte ndai hkawng hku na mu mada ai anhte salang ni mu mada ai hte e shabung yu yang nbung mat wa ai loili loili shai mat wa ai hku re. Dai majaw ya ndai anhte Jinghpaw htunghkying ndai numwawn numla kaw mung loi loi loi shai mat wa ai hku re. Ndai ja hpaga bang ai shayi sharawt ai shayi e hkungran ai hkan e mung loili shai mat wa ai hku re. Anhte ndai Htingnai buga na e htunghkying hte loili shai mat wa ai hku re.
Origination date 2019-12-27
Origination date free form
Archive link https://catalog.paradisec.org.au/repository/KK2/0261
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
Lanang Naw Ja : speaker
DOI 10.26278/5fa2c95ca23f2
Cite as Keita Kurabe (collector), Keita Kurabe (depositor), Lanang Naw Ja (speaker), 2019. Htingnai a labau (History of the Htingnai area). EAF+XML/MPEG/VND.WAV. KK2-0261 at catalog.paradisec.org.au. https://dx.doi.org/10.26278/5fa2c95ca23f2
Content Files (3)
Filename Type File size Duration File access
KK2-0261-A.eaf application/eaf+xml 37 KB
KK2-0261-A.mp3 audio/mpeg 9.96 MB 00:10:52.416
KK2-0261-A.wav audio/vnd.wav 358 MB 00:10:52.378
3 files -- 368 MB -- --

Show 10 Show 50 Show all 3

Collection Information
Collection ID KK2
Collection title Kachin culture and history told in Jinghpaw
Description Recordings of Kachin culture and history in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, and Labang Tu La as part of community-based collaborative fieldwork in northern Myanmar between 2017 and 2020. A total of 263 stories with 263 ELAN files, 263 transcriptions, and 15 translations are currently available (September 20, 2021). Transcriptions were contributed by Gumtung Lu Awng, Sumdu Ja Seng Roi, Galang Lu Hkawng, Hpauhkum Htu Bu, and Keita Kurabe. Stories were translated by Nbanpa Rita Seng Mai, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

For Kachin oral literature, please refer to:
https://catalog.paradisec.org.au/collections/KK1

Our research was made possible under the support of JSPS KAKENHI Grant Number JP17H04523, JP20K13024, JP20H01256, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Keita Kurabe
View/Download access Keita Kurabe
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found