| Description |
Transcription (Ja Seng Roi)
Ah hte Jinghpaw amyu ni gaw, ma jahtawng htu ai ngu hpe mi anhte a ginru ginsa la ni ya,shawa hpung gumnawn ngu woi awn nna ginru ginsa, Tibet, Mongolia kaw na Miwa mung kaw na hkrat wa kaw e, hkrun lam kaw woi awn ai gaw shawa hpung gumnawm ngu ai re. E ndai num wawn num la nna kashu kasha lu wa ai shaloi, e ma shangai wa shani e shawa hpung gummawng kaw san nna shi tsun dan ai lam gaw,e shangai chying hkai wa ai hte shi hpe ma shangai ai hte maren shi hpe amying lawan jaw ra ai. Re na mying jaw ai hte shi hpe shanam hte ngatsang, ngalai nga amyu jahkraw tawn da n na hpa baw nga rai tim jahkraw tawn da nna dai hte gayau htu mu, mang jahtawn hpe dai hku htu mu. Re na ndai num sha hpe re jang mung e mayat maya ai dan re num, dinghku num dinggai hpe htu shangun, Re na la kasha hpe reng gaw mayat maya ai myit su myit gawp ai dan re law law kashu kasha lu ai dan re hpe myit su myit gawp ai hpe htu shangun, Mana agya, dan re ga n hkum ai dai zawn re e loi mi ndai myit masin n kung n kyang ai myit masin n du ai n dan re masha hpe hkum htu shangun ngu na , tsun da lam ni nga ai. E re na ndai ma shadai daw ai lam hpe gaw ndai kawa chyen hpe galep la na ma shadai hpe daw ai. Dai hpang lasha hpe gaw nta magawng kaw htu lup ai ma shadai hpe la kasha rai jang. Num sha rai jang sharem shadaw kaw htu lup ai. Dai hpe nau e kajawng kaja hku na dumbri dumbra di lup sa nga yang mang gaw mang kajawng ai. Dai re majaw gaw gau ngwi sha di nna , ndai wunzi hpe ran jang mung dai ma shadai hpe lup nna dai shani atsawm agawm shi hpe nlung hte loi dip tawn da na dai hku di shadai hpe lup tawn da ai lam ni nga ai. Dai majaw Jinghpaw amyu sha ni hta ndai sahtawng htu ai ngu ai gaw dai shani gaw shat nbaw shat nngyeng hte di nna, ndai jum sha bang, shanam sha bang di na nga jahkraw ni hte hpa baw nga rai tim mung, ndai tinang kaja ai nga hpe la na, Nga jahkraw hte htu na shi hpe masahtawng htu ai ngu na masat la ai hku re. Rai na ma sahtawng htu ai shaloi shaman ai ga mung ndai hku shaman ai hku re. Karai Kasang ninghtoi hta pawpru, lamu kap shata hpe mung htuk, wunli lu, wun-gausu aten ahkying kaja htuk, shangai prawpru ai ma e, nang gaw hpundaw hpundan mung n nga u ga. Share wa-ngan myit hpaju kunghpan nna, lailen akying mung hkum tsup, myit ai kaw du, sawn da ai mung yawng lu, shinglang hpraw pru, ning sang mung hpring, tsawm nli lu, shadang atsam kaja kap, ninggawn mada dap, tsaw ai tingyang hta dung nna yawng a ningbaw ningla kaja tai u ga law, ngu na shaman ai hte Sahtawng htu ai lam ni galaw wa ai re. |
