| Description |
Transcription (Lu Hkawng)
Nloi yang na nat jawn ai lam, nat dai gaw Sam nat re, Sam ni jaw ai nat re, gara hku byin ai i nga jang e, moi gumdi pa de, Putao pa de e sa nga sai, Munggaw sawbwa kasha Zau Sam Ta ngu ai re ai da. Zau Sam Ta ngu ai gaw shi gaw, shi gaw ndai lahtan kaw e, prat masum tu ai, (Me Tung Long Pok) prat masum tu ai, ga-ang na gaw kaba ai majaw tsan ai kaw na yu jang myi masum hku ai zawn myi masum tu ai masha hte bung ai da. dai majaw shi gaw (Dakugyi) ai grai hpung shingkang ja ai, dai majaw Sam ni Myen ni gaw (Nat Damya Dakugyi) ai nga ma ai. Grai hpung shingkang ja ai bum hpe pyi sit u ngu jang lu sit ai daram hpung shingkang ja ai wa re da. Dai Zau Hpa wa gaw mana maka share shagan ai shi gaw Hpung gawn Zau hpa kasha hta na kasha kaji htum re shi gaw kahpu kaba gaw munggaw zau hpa galaw ai, kahpu kaji gaw lauhput zau hpa galaw sha ai, shi gaw nang Putao maga de e, lamu ga tam na matu Kawa e shangun dat ai da. Rai jang e shawng ning nan du ai Zau hpa re shawng ning nan majeng je ai shanhte sam ni nang Tauba de shawng du ai Zau hpa kasha re. Dai hpe grai kam ai shanhte Zau hpa kasha hpe shi hte rau ndai Putao de e rau du wa ai Sam baw ni gaw Lang Dau Sam ni, Lang Nau Sam ni Mamze sam ni ndai sam amyu masum woi lung nna munggaw kaw na woi lung nna shawng du wa ai. Rai jang gaw shi gaw nang de du wa jang she dai aten e ndai Putao pa ndai gaw (Tibet) hpyen la (Tibet) ni grai up hkang ai ten (Tibet) ni grai up sha ai grai zingri ai aten re ai majaw (Tibet) hpyen hpe ma shi gaw tsawm ra mi gasat sai, Putao lam de (Tibet) shang wa ai lam langai sha nga ai. Dai gaw htaw Putao kaw na mada yu jang e htaw hpung kan bum lagaw maga lamu san ai shani gaw mu mada ai, dai kaw e, bum hpe tawk lai lu ai lam langai sha mu lu ai. Rai tim mung dai Zau Sam Ta ngu ai Zau hpa wa gaw bum dai hpe e n lung ni gyi nna dai hpe gaput na hku lam dai hpe gapat na hku shi gaw anhte Jinghpaw ni gaw shi hpe dai bum hpe e sit na matu bum dai gyi mat na matu shi gaw hpa ngu na i, (Power) hte e tsun dat jang ga hte tsun dat jang matan dat jang she bum dai gyi nna dai lam dai hpe e pat rai mat nna, lam pat mat ai kaw na (Tibet) ni a hpyen gaw dai ni du hkra Putao lam de n du lu ai. Laga lam n nga ai shanhte shang na shara dai lam nga dingsang gaw moi daw de gaw Putao pa de mana maka (Tibet) ni je hpre ai prat re dai prat hta grai grai zingri ai ndai ga na masha ni hpe e shi gaw nang kaw gaw n nga ai shi Zau Hpa gaw shi gaw n hkring ai (Tibet) ni hpa majaw i nga jang shi gaw grai katsi ga na masha re ai majaw nang du jang kahtet ai majaw n lu nga ai shanhte n chye nga ai majaw nga gaw n nga ai rai tim nang kaw nga ai masha ni hpe shi gaw up sha ai, up sha ai ngu gaw sa up ai n re shi kaw (Ahkun) bang ra ai. Shi (Aw-sar) hkan shatai ai, shi npu kaw na masha shatai kau na dai hku na up sha ai, dai aten e, ndai kaw shawng du nga ai sam ni mung (Tibet) a (Aw-sar hkan) (Tibet) a npu kaw na tai mat ai da. Dai re ai majaw ndai Zau Sam Ta Zau hpa wa gaw ndai mung ga sam ni a matu lamu ga tam na matu ndai shara hpe sha jin kau da nna shi gaw nang kaw nga ai Sam amyu hpan shanit hpe Zau hpa aya ni tang da nna shi gaw yu mat wa ai da. Yu mat wa jang she, Munggaw ga na shi a kahpu Zau hpa wa hpang du rai jang gaw shi a kahpu Zau hpa wa hte Zau hpa jan garat gaw shi hpe e "Ndai wa gaw dai ram na hkra Putao ga nga tim mung ya du hkra shi naw hkam kaja nga ai, lani mi na nhtoi hta ngai Zauhpa aya kashun na re" ngu na shi gaw kanau hpe sat na gyam ai da. Dai hpe shi chye ai majaw "Ngai gaw si ra sai. lani mi gaw ngai hpe gaw sat na sha re nye kahpu yan karat" gaw ngu na karat gaw shi a shat lu sha kaw mana bang nna sat na gyam ai hpe shi chye ai majaw shi gaw ngai si ra sai nga ai majaw shi Gumra hpe shawng shi shat hpe jaw ai da. Jaw ai hte rau shi shi Gumra hpe shawng jaw nna shi sha kau ai da. Rai jang shi Gumra mung si shi mung si re nna dai kaw nang si mat na shi gaw nat tai mat ai da. Nat tai nna dai nat hpe e Sam ni gaw Zau Sam Ta nat ngu na ya na Nloi yang ngu ai shara dai kaw e jawng hpaw ai da. Dai hpe Jinghpaw ni gaw Gindu nat ngu na shamying na Gindu nat hku jaw ai da. Dai Gindu nat hpe jaw ai shara gaw ya ndai Nloi yang makau na hka ka-ang kaw nga ai lunghkrung kaba re ai lungpu zawung lung rawt zawn re ai langai mi nga ai Dai kaw e gindu nat hpe e anhte Jinghpaw ni gaw Gindu nat ngu na jaw ai nat dai hpe e dai Gindu nat jaw ai shara re ai majaw gaw nat jawng ngu na moi na ni mung nat jawng nat jawng nga hkrak gaw nat dai hpe jaw ai shara re ai majaw nat jaw ngu shara sha re, dai hpe masha ni gaw jawng shadu nna ya du hkra nat jawng nat jawng ngu shamying ai re, dai hpe grai sa yu ma ai. |
