| Description |
Transcription (Ja Seng Roi)
Moi shawng de da, Kanu gaw kasha hkawng lu reng, Kanu si mat reng Kawa num u ga ai la rai hpang num dai gaw shawng num na kasha dai hkawng hpe gai n ra reng Kawa kaw kasha hkawng hpe sat kau shangun ai da. Kawa, kasha hkawng kaw n'gwi sat n na nam de wa tawn da ai re n'htu ngai jaw da ai da. Dai shaloi Kawa wa mat reng she kasha hkang yen kaw si majaw siyu si di sha da. Dai shaloi kahpu wa hpun lung jin, kanau wa gaw hpun n lung jin yang kahpu wa kanau hpe shiyu si jahkrat jaw yang sha da. Nat ngai sa wa da. Nat ngai sa wa reng she nat num, nat ding gai dai gaw shu yen ne Twi hpe ma namsi di jaw mu ngu, um lo ngu, Twi,, an hte ma, an hte ma nam si hkrat sha yang n gup hka di na, myi di chyip di na she sha ai gaw ngu, kahpu dai wa a n'hkyi dai kaw htaw shiyu si shawn bang na n gup kaw shawn bang dat ya da. Dai dinggai nat dinggai num wa htaw de hprawng mat jang she dai dinggai num na dai shi jawn sa wa dai hpe shan nau bai jawn mat reng shana n sin du reng, hkawhkam n ta lakang dai kaw hking mat wa da. Dai yang shan na Katwi dinggai ngai n ta bai sa reng, Twi an nau e Nu yen Wa n rakau na dai hku nga hkawm ai re Twi nga shangun la rit yaw. Um kadwi nga shangun la reng she dai hkawhkam wa jahpawt rawt yup rawt ngut reng she dai kaw nga taw reng, dai, dai, dai nat e jawn sa wa ai e dai hpe e lu shaw kau ya ni kaw hkawhkawm wang chyen mi ma jaw na, hkawhkam shayi ma jaw sha na ngu da. Dang shan hte ni e dai hku shaw reng shana n sin shawlu maw yang shana n sin du wa yang hpang jahpawt bai sa yu yang a tsa kaw na nan nan bai rai taw da. Dai ngang she Katwi wa kashun yen hkawng kaw sa na she, shu nan hkawng du wa kaw na ndai nang hku byin wa re ngu, Twi, kadai hpe hkum tsun yaw dai an hte na hkawhkam gaw gai myit su hpa n ra, ngu sa tsun reng she, hkawhkawm ma umm ngu da, shan nau wa shaw kau reng e, shan nau gaw hkawhkam na nga shara chyen mi ma jaw, hkawhkam shayi ma jaw reng she shan nau da nga da, da nga reng she Katwi kaw, "Twi, nang an nau nga ai kaw nga na i, htaw n ta kaw nga na i" nga shu yen hkawng nga ai kaw nga na re ding gaw nga reng, lani mi na hta Kanu yan Kawa gaw si mai dut sa ai da. Si mai dut sa reng kasha yen hkawng chye na gumhpraw ni n' n re hku ma grau law hku jaw da. Dai ngang e Kawa wa sha na wa reng dai ni na ma lahkawng nye kasha rau grai bung ai ngu, Kanu wa ning ngu da, nang sat kau sai nga n re i ngu, hpang shani reng kasha hkawng yen ne shat shatmai ni la n na shat shadu n na kanu yan Kawa gaw shat sha na wa gaw ngu, shat sha reng kawa hpe she, Wa nang an nau kaw pa matsing ngu, Kawa gaw n matsing ngu da, dan na shi jaw da n htu hpe madun yang Kawa mau ma mau, pyaw ma pyaw, kajawng ma kajawng ren si mat wa ai da. Kanu gaw dai sha sha la n na wa mat wa ai da.(ngut sai) |
