| Description |
Transcription (by Lu Hkawng)
Moi shawng de da, htaw kanu hte kawa nga re ai shaloi, shan lahkawng kanu hte kawa gaw kasha grai ra ai. Kasha nau ra nna, nawku jawng de akyu hpyi sa sa galoi mung akyu hpyi sa sa re ai shaloi hpang kasha nau ra nna kasha shangai wa sai da. Kasha shangai wa re she, grai kaji ai da yaw. Grai kaji shangai wa re yang kaji mi kun kun re wa yang woi kasha byin wa ai da. Dai kasha nau ra nna, kasha shangai wa ai ning re wa i ngu tsun nna kawa gaw kanu hpe "Ndai woi kasha hpe gaw nam pawt de, hpun pawt de wa sa kau ga," ngu ai da. Kasha dai wa she ning nga wa ai da. Ga shaga chye "Nu yan wa e, ngai hpe dai hku hkum sa kau." "Nan hpe chyeju bai htang na," ngu ai da. "Nan lahkawng hpe chyeju bai htang na," ngu she, "E," ngu na dai hku bai, kanu yan kawa bai tsun na, dai hku nga nga nga re she, hpang e kanu yan kawa kasha hpe dai hku di re lu da re nna myit grai ru re yi, yi ma hkyen da ai da. Yi ma hkyen da re nna, htaw yi de le, sharaw ding re ai ni grai sha taw na hku nga. Grai sha taw re ai shaloi kanu gaw grai myit ru ai da. "Gara hku shadeng na i." "Gara hku di kau na i," ngu woi kasha du ai shaloi "Nu, ngai rau sa ga," ngu nna kanu hpe hpun ndung de wa shalung da shangun ai da. Wa shalung da shangun re ai wa deng kasha dai gaw woi kasha dai gaw (ta-gu) lu nga hku rai nga. (ta-gu) lu re koi dai shi dai woi ni hpe yawng hpe, aw chye.. dusat ni yawng hpe gawt kau sai da. Shan na yi sha taw ai ni hpe yawng hpe gawt kau re ai shaloi hpang e.. yi wa re ai da yaw. "Kasha dai gaw byin, ding re kasha woi kasha rai tim grai byin ahka," kanu yan ding ngu. Grai byin re nga she dai hku re, hpang e, woi kasha dai she "Nu yan wa, ngai num la na," nga wa ai da. "Num la na," nga wa ai shaloi kanu gaw ning ngu ai da. "Ah gar, ning re woi kasha wa she, ding re num loi chyoi ahka i," ngu she "Ra chyoi ai i," ngu na woi kasha dai pawt grai mayu ai da. Pawt grai mayu tim shan shi gaw n pawt kau ai da. Kanu yan kawa hpe dai hku n pawt re, hpang e htaw hkawhkam wang de sa na nga ai da. Hkawhkam wang de sa wa ai da. Hkawhkam wang de sa wa re ai shaloi hkawhkam dai hku chyinghka lam kaw hkap ai masha nga ai da. Du ai hte "Ngai hpe jahkring mi hkawhkam wa hte hkrum mayu ai, hpaw ya rit," ngu ai da. Masha ni du kaba ni kaw pa n hpaw ya ai, "Ning re woi kasha hpe gaw kade n hpaw yaw," ai ngu ai da. "Jahkring mi hkrum mayu ai," ngu ai da. "N mai ai," ngu ai da. "Ngai ga hkin dit sai yaw," ngu ngut ai hte kwi ga wa she hkin dit dat yang yi yawng gyi mat ai da. "E hkum di ya rit, bai jashang ya na," ngu jashang lu re she dai hkawhkam wa gaw Ma Kaw, Ma Lu, Ma Roi nga na hku nga. Lu re ai wa deng "Ngai hpe Ma Roi wa jaw sha rit," ngu "Kasha ni hpe ning re ya sha pra ai masha pra yang mi, ning re woi hpe n ra ai," ngu ai da. "N wa ai," ngu dai she hpang e.. she "Ma Kaw hpe jaw sha u," ngu "N jaw sha ai," ngu, "N jaw sha lu ai," ngu she "N jaw sha yang ngai gyek dat sai yaw," ngu ai da. Gyek dat ya ai dai hkawhkam wa na, na kaw wa kwi maji magu grai ngoi wa nna "Jaw sha na, jaw sha na," ngu "Jaw sha na," ngu ai shaloi shi gumra gawt na hku nga, Ma Kaw wa gaw, aw, Ma Roi wa gaw grai myit su ai da. Ma Kaw wa hpe jaw sha kau ai da. Ma Kaw wa hpe woi nna htaw de shi yawng mat re, lam kaw du re shi hka nden lu lu re dai shara kaw shi nang hku lu dat yu ai da. Lu dat re ai wa deng Ma Kaw dai wa gaw "Ding re woi kasha i, ngai hpe ra," ngu na nang hku na shi hpe nlung bau hte nang hku kabai sat kau maw ai da. Shi nang hku yu dat yu ai wa deng ja tawng byin mat wa ai da. Dai wa shi myit nau n kaja na bai kawa bai htaw hkawhkam wang de bai sa jaw kau sai da. "Na na kasha nang hku myit ma n san seng ai." "N ra ai," dai hku na bai tsun na jaw kau re, "Ngai hpe Ma Roi wa jaw sha rit," ngu ai da. Ma Roi wa gara hku ma n lu jaw sha ai, dai hku myit ma myit su ai ngu ai da. Dai tsun na "Ma Lu wa jaw sha rit," bai ngu ai da. "N jaw sha yang ngai ndai lamu ga ndai kaw hkrap dat sai yaw," ngu hkrap dat u nin re woi kasha mung ngu ai da. Shi hkrap dat yang ndai hku koi hka nawng hta wa ai da. Grai ing wa re de, "Jaw sha na, jaw sha na," ngu ai da. "Dai Ma Roi hpe jaw sha na," ngu nna, Ma Lu wa hpe mahtang jaw sha ai da. Dai kalang mung Ma Lu wa hpe jaw sha ai. Ma Lu woi wa ai da. Ma lu hpe bai woi wa re mi na shara kaw sha, mi na shara kaw sha nan hku, hka hka lu dat yu re shi wa Ma Lu wa ma myit grai n kaja na woi kasha dai hpe galun sat kau na maw shi shi kawa na dai hku gun wa re nga, baw kaw galun sat kau re, nang hku yu nna dai bai nampan byin mat na, "Nang gaw nampan byin mat sai gaw," ngu na shi shi hpe bai wa sa da ai da. Htaw shanhte nta dai hku wa sa da re, hkawhkam wa ning re kasha grai n kaja ai ngu dai hku tsun re, "Ma Roi wa jaw sha rit," ngu ai da "Ma Roi wa gara hku ma n lu jaw sha lu ai," ngu tsun ai shaloi, "Ngai dai n jaw sha yang nye um.. grai hkrap hkin dit dat na kun," ngu ai da. Hkin dit dat, dai wa bai kwi hkin dit dat yang lamu ga ni yawng bai nang hku yawng gyi mat wa re ai shaloi, "Jaw sha na," ngu kau ai da. Dai Ma Roi wa hpe grai n ja tim jaw sha kau re yang she wa sai da. Wa re dai wa gaw htaw shi hka lu lu re, nang hku bai lu re hka shi lu dat maw ai she Ma Roi wa gaw nang hku tsun ai da. "Na na ta dai zawn re na mun chyu re ai, ngai na ta nang hku grai tsawm ai, rau jaw lu na," ngu na nang hku jaw lu sai da. Woi wa gaw jaw lu re na Ma Roi wa hpe gaw mi na shanhte gaw mi na Ma Lu, Ma Kaw ni hpe hpang jaw shajawng taw ai da. Ma Roi wa hpe gaw shawng kaw shadung re nna htaw wa mat sai da. Shanhte nta du wa re kanu ni gaw grai kabu mat sai da. "Woi rai tim hkawhkam kasha dai hku lu la ai," ngu ti grai kabu re nna, wa re yang she, lani mi na madu jan wa gaw anhte hkawhkam wang de poi lamang nga ai da. "Dai hku htawng hkat poi majan nga ai n sa na i," ngu ai da. Dai woi hpe gaw madu jan gaw "N sa sai, nan lahkawng woi sa mu," ngu saw woi shawng sa wa re, woi shawng sa re koi.. palawng achyang hpun shi masha raw re nna, palawng achyang gumra achyang re nna gasat grai byin taw ai da yaw. Dai wa kaw koi sa re wa dai woi wa na madu jan gaw chye ai da. Ding re ai re ngu tsun re she htaw shi n nga taw lakang pawt de lagat lagat re lung wa yu shi na woi mun ni yawng raw da nna, nang kaw tawn da re, ning re na woi ning re nga yang grai she tsawm ai wa woi ning re mun tsawp hpe ju kau ya ai da. Madu jan gaw ju kau ya di shi gaw gasat ngut sai da. Shi gaw gasat ngut nna wa re she, hpa baw majaw, shi gaw nang hku shawng tam taw di ai da. Tam tam tam mung n nga re madu jan bai nga taw ai da. "Hpa baw majaw nang kaw na woi mun ju kau ya ai ma," ngu tsun dai hku nga yang "Grai she tsawm ai wa nang hku woi hku hpa baw majaw nga ai ma," ngu tsun "Nang gaw nang hku nga yang gaw n lu nga sai, ngai si na sha rai sai, dai na nang lamu ndung de lung u yaw," ngu ai da. Lamu ndung de lung re wa deng dai lung wa lam hta gaw "Hpa baw n jahkrit na ra ai yaw, yu wa lam hta gaw nang hpe mam hta sha galang ni nang hpe jahkrit na ra ai yaw," ngu ai da. Koi.. madu jan dai hku madu jan mung shi hpe grai ra nna dai hku si wa na hkrit nna shi gaw lamu ndung de lung mat sai da. Lung re htaw hkawhkam htaw lamu ndung de nga taw ai da. Dai tsi wa hta la ai wa tsi jaw na da ngu, dai hku chye nna mam hta sha galang ni shi hpe jahkrit sai da. Jahkrit jahkrit re hpang nhtoi du yu wa re dai moi na zawn re nna woi byin re nna bai nga mat wa ai da. Ngut sai. |
