| Description |
Transcription (Htu Bu)
Maumwi ga baw gaw "Mang Sha Ai Num" ngu ai maumwi ga baw re. Moi shawng de, mare langai mi kaw e la ngai mi gaw, Num grai tsawm ai num langai mi hpe e, la da na woi nga ai da. Num dai grai tsawm ai da. Grai tsawm ai re majaw gaw la dai gaw shi hpe e, Grai tsawra ra rai na, atsawm akawm rai na, hpa mung bungli pyi n galaw shangun hkra rai na shi hpe e, nta kaw sha nga da na bau da ai da. Kagu yan kamoi mung shi grai tsawm ai majaw grai tsawra ma ai da. Dan raitim, dai yan la gaw, shan lahkawng arau nga ai 5 ning, pyi na sai da, raitim kasha ma n lu ai. Ma sha lu ai mung, sha shangai sai mung, kade n na yang si mat mat re da. Dai sha n ga na num dai gaw, masha dai mare kaw e, si ai, Masha si na masha sa lup kau ai shana jang, Shi mung shana hkying 12 kaw na gaw num dai mung mat mat mat re da. Hpang jahpawt gaw grai jau, n窶冑toi n htoi shi yang jahpawt maga, U goi wa ai hte gaw bai pru wa sai da. U gya wa ai hte gaw bai pru wa sai da. Dai num gaw, U gya wa ai hte bai pru wa rai na gaw, Wa ai hte shi kalang ta numdum de shawng shang ai da. Namdum kaw shawng shang na she, shi wa madawn ai da. Madawn ngut jang she, dai shan a gawk de shang wa ai da. Dai shaloi gaw, grai manam ai da. Sing grai manam, yat bat ni grai manam ai da. Dai hpe shi madu wa gaw aten na na maram wa yu ai da. Dai shaloi gaw shi, teng ai mahtai langai mi, Ngang grin ai mahtai langai mi, lu na matu, hpa baw majaw dai zawn byin ai hpe shi mahtai lu na matu, madu wa gaw mahtai tam sai da. Dai lana de mi bai shanhte a mare kaw e, masha bai si ai shaloi gaw, masha si na dai shani masha bai lup kau sai da. Dai shana gaw madu wa gaw, madu jan hpe asawng sai da. "E, nye madu jan e, nang hpe ngai grai tsawra ai. Dai majaw, ngai hpe, nang hpe ngai daini du hkra ngai, ndai ram rai na gawn lajang na nang hpe ngai la tawn da ai re. Nang ma chye chyalu rai na re. Masha ni tsun ai, shana yup yang madu jan hte madu wa rau, lata hpe e rau gyit na yup jang gaw, prat kade, ban kade bai du tim, bai sa pra tim, bai hkrum ai da." ngu na tsun dan ai da. Dan ngu na tsun asawng na she, madu jan hpe woi yup mat wa ai da. Shi lata kaw ma gyit madu jan a lata ma rau sha di na, jawm gyit na she dai hku shan lahkawng yup mat wa ai da. La wa gaw num wa rawt wa ai shaloi shi dum na matu re da, dai gaw. Dai shaloi gaw, dai num wa gaw, kaja sha shan lahkawng rau yup mat wa sai da. Shana hkying 12 du ai hte gaw num dai gaw, shana hkying 12 du ai hte gaw, shana hkying 12 du ai hte gaw num dai gaw kalang bai mat mat sai da. Kalang bai mat mat, aw, hkying 12 du ai hte gaw num dai gaw, rawt mat wa sai da. Rawt mat wa ai shaloi gaw madu wa mung dum ai da. Madu wa mung dum na she hkan rawt nang ai da. Num dai gara hku she galaw ai kun, ngu na, Num ndai gara hku she galaw ai kun ngu na, shi gaw hkan yu ai da. Gara hku hkan yu ai i, nga yang she, num dai gaw rawt wa ai hte shi madu a lata hte shi lata shi lata hte madu wa na lata gyit da ai lam hpe ma shi malap kau ai da. Malap kau n dum mat ai da. Dan rai na she, shi gaw kalang ta rawt wa ai hte, dai shanhte a wan mang kaw na, wan n'htaw daw hpe hta la na shi a n'gup pai maga shabyi de masum lang kayet ai da. Hkra maga shabyi de masum lang kayet ai shaloi gaw, num de a n'gup ni gaw grai masen wa. Ngut jang she, dai num wa na lata hta ma dai hku na, masum lang, masum lang maga mi de masum lang, masum lang kayet. Lagaw kaw ma dai hku kayet ai shaloi gaw, lagaw lamyin ni mung grai galu wa, lata lamyin ni mung grai galu wa na she, shi kaw gaw singkaw zawn san ai ma pru wa ai da. Dai zawn re ma pru wa ai shaloi gaw, chyinghka grai shachyip da ai raitim, chyinghka kaw na lawt mat wa ai. Dai kaw na shi akatsi nga na, gara hku pru mat wa ai re ma, n dum ai, shanla lahkawng yan pru taw nga la ai da. Dan na she, dai chyinghka lam kaw gaw shi a, labu palawng hpe raw noi kau da ai da, num wa. Dai hku palawng raw, labu palawng raw noi kau da na she shi gaw hkawm mat wa. Madu wa ma dai hku shi ta gyit da ai hte maren dai hku hkan nang hkawm mat wa ai shaloi gaw, dai num dai gaw hka kaba langai mi rap ra ai da, dai kaw. Mahkrai hku n woi rap ai da. Madu wa hpe dai hka hku woi rap ai da. Madu wa gaw grai hkrit ai da, dan, dai ram sung ai hka kaw gara hku woi rap na kun. Masha, galoi loi pyi masha n mai lai ai, n mai rap ai hka she re. Dai ram kaba ai kaw ngai hpe gara hku woi rap na kun, ngu na shi gaw grai hkrit ai raitim shi hkan nang ai da. Dai shaloi gaw, dai hka kaw du ai shaloi madu wa hpe, hta la na shi lahpa n'pu kaw matep kau ai da. Dan rai na shi woi rap mat wa na, oh ra maga de gaw, lupwa rai dai da. Dai kaw du ai shaloi shi, bai jahkrat tawn da na she shi, bai tung tung lung mat wa na, dai lup kaw na shani lup da ai shingbut ni yawng wa amya na she, du-u kaw wa hpaw la na, masha mang, yat taw nga sai dai mang dai ni hpe shi yawng wa magawn sha kau ai da. Dai magawn sha hkru hkru rai na she, shi bai wa na she, shi lata hpe e, dai nta kaw bai du ai shaloi gaw, shi lata hpe e dai hku, ga kaw bai wa lahtum ai da, shi. Dai bai wa htwi lata kaw, ga kaw shi masum lang bai wa htwi ai shaloi gaw, shi lamyin ni yawng bai shang mat wa ai da. Mi bai wa ai shaloi mung, hka kaw dai hku sha, lahpa n'pu kaw matep na bai woi wa mat na she, dai, nta kaw du ai shaloi gaw dai shi lata hpe dai hku wa lahtum ai shaloi gaw, dai hku lahta lamyin ni mung yawng galu mat ai. N'gup kaw bai masawp ai shaloi mung, n'gup mung, dai hku mi na raw sha bai byin mat ai. Dai kaw na gaw shi kalang ta e namdum de sa ai. Namdum de sa na, sa madawn kau ai. Ngut jang she, dai shi a labu palawng ni hpe shi bai hpun la na nta de bai shang wa na mi na zawn sha, hpa mung n ra ai zawn rai na shi bai wa yup taw nga ai da. Dai shaloi gaw madu wa gaw grai hkrit mat ai da shi hpe. Hkrit mat rai na she, hpang jahpawt gaw, shi n nga ai ten hta shi kanu yan kawa hpe e gumgai yan dingla hpe gaw la dai gaw tsun dan sai da. "A nu yan a wa e, na kanam, gaw masha n re ai she rai nga ai, ndai gaw. Ndai gaw masha n re ai, num she rai nga ai. Mana gaw ngai hpe e, dai zawn dai zawn rai na woi hkawm mat wa ai. Shi gaw mang sha hkawm ai num she rai nga ai." ngu tsun dan ai da. Dan ngu tsun dan ai. Ma lu, ma lu ai shaloi ma si mat re mung shi sha kau ai majaw rai na re." ngu na shi tsun dan ai shaloi gaw,kanu yan kawa hpe shi tsun ai da, "Raitim, nu yan wa nan lahkawng kadai hpe mung hkum tsun dan mu yaw. Num dai hpe akatsi ngu na sa sa kau ga." ngu tsun ai da. "Htung hkying hte maren sa sa kau ga." ngu na tsun ai. Raitim, kanu yan kawa gaw n'gup n shim ai majaw, tsun hkawm mat wa. Dan re majaw kanu yan kawa mung si mat ai. Dai la wa mung si mat ai da. Madu wa mung si mat ai. Dai num dai hpe gaw mi na shi nta kaw, shi a mayu ga de bai sa sa kau ai da. |
