| Description |
Translation (Rita Seng Mai)
Once upon a time, there were an older man and an orphan boy in a village. The orphan worked hard and saved all his money. Many years later, he got rich. One day, he thought to visit other places for about two or three months. He considered whom to keep his money. He decided to give his money to an older man to keep for a while when he was away. Then, they met under a tree which was outside the village. The orphan boy said, "Grandpa, since you always live in your house without going outside, please keep my money because I want to visit other places for a while." They made the deal under the tree. After that, the orphan visited other villages. It took three months. When he came back to his village, he asked the older man to give his money back. At that time, the old man acted like the boy had never given the money to him. He denied, "What are you talking about? I did not keep anyone's money. You might give your money to another man. Not me! You are mistaken." No matter how many times the boy asked him to give the money back, he kept denying that he didn't keep his money. The boy did not know what to do. So, the boy told him, "Let's go to a judge." The old man agreed to go to the judge to solve the problem. He thought, "I will keep saying that I didn't keep the boy's money." They went to a wise man from their neighbour village. When they arrived there, the boy told everything about them to the judge. The judge said, "Where did you make the deal?" The orphan answered, "Under the tree. I gave him my money to keep for a while under the tree." But the old man kept denying that he didn't receive any money from the boy. The judge said, "Okay. If you really make the deal under the tree, call the tree to come here." The old man thought, "The tree can't move at all. I just need to deny. Then, I can get all his money." The orphan said, "Judge! How can I call the tree to come here? The tree is not alive. It can't move a bit." The judge told him, "Don't worry! Tell the tree that I called it, then the tree will speak and come with you." After a few minutes the boy went to call the tree, the judge suddenly asked the old man, "Hey old man! Did the boy reach there?" The old man answered, "He can't reach there right now because it is very far from here." The judge knew that the old man was lying. So, he told the old man, "You said the boy didn't give you any money. Then, how do you know that the tree is far from here? You are admitting yourself. The tree is your witness. It's very sure that you accepted the money from the boy." At that time, the orphan boy came back and said, "I call the tree to come here." The judge said, "The tree has already arrived here and proved that the old man took the money from you. You will get back your money. Isn't it, the old man?" The old man agreed. Finally, the orphan got his money back.
Transcription (Lu Awng)
Moi shawng de e da ndai mare kahtawng langai mi kaw e ndai dingla langai mi hte e ndai kanu kawa n lu sai ma langai mi nga ai da. Dai shaloi gaw dai ma langai mi gaw bungli grai galaw ai da, shi kanu kawa hte rau nre shi hkrai sha retim grai galaw ai majaw lani hte lani re na ja gumhpraw grai lu wa ai da. Ja gumhpraw grai lu wa sai da, dai she kalang mi na gaw shi gaw kaga shara de jahkring mi bu hkawm mayu ai da. Dai hku na shata 2, 3 na na bu hkawm mayu ai majaw shi gaw shi lu ai ja gumhpraw hpe e gara kaw tawn na kun ngu na shi myit ai shaloi gaw shi myit nna dai hku na myit nga re shaloi gaw shanhte na mare kaang kaw e i shanhte na mare kaang kaw e mare hte e kachyi mi sha sa ra ai dai kaw e gaw hpun langai mi tu ai dai pawt kaw wa shi dingla hte hkrum ai da. Ndai hkrum nna she hkrum ai kaw e ndai dingla hpe e shi na ja gumhpraw ndai ni hpe e ap da ai da. E e jinghku dingla e nang gaw kade nsa ai re gaw ya ngai hkrun lam hkawm na ndai lapran e ngai lu da ai ja gumhpraw ni hpe nang kaw naw ap da mayu ai, ngai wa jang she ngai bai wa la na ngu na ap da ai da. Dai kaw e hpun pawt kaw ap da hkat rai da, dai shi na ndai la shabrang wa gaw shi gaw hkrun lam hkawm mat wa sai da. Laga de bu hkawm ai gaw shata 3 na mat wa ai da. Shata 3 na na bai wa ai shaloi dai shaloi gaw ndai dingla hpe e mi ngai ap da ai ja gumhpraw hpe e ngai bai la sa na ngai hpe bai ap ya rit ngu jang wa she ndai dingla wa gaw i grai mau masu su ai da. Grai mau masu, nmu ai lu, nchye ai lu nang kadai hpe gara shara kaw kadai hpe ap da wa sata kade wa kaning re re wa sata nang masha shut ai she re na sai ngu na shi gaw grai re na ndang kau ai da. Gara hku ndai la kasha wa gara hku tsun tim shi dai hku na ningdang hkrai ningdang ai da. Ningdang hkrai ningdang re jang la ndai wa gaw gara hku nchye di na she e dai hku nga jang e gaw an hpe e ndai hparan ya na matu ndai hparan chye ai wa kaw sa ga ngu na tsun sai da. Dai shaloi she ndai shan 2 ndai dingla wa mung re ai shi nre ai hku na kaja wa nan dai hku na tsun ai re majaw gaw e mai ai, nang gara hku mi woi hparan tim ngai nre ai ngu na dai hku na tsun, myit na hkan nang sai da. Hkan nang re yang she oh ra shanhte na kahtawng hte e kade ntsan ai kaw na mare langai mi kaw na ndai tara chye dawdan ai, chye hparan ai la langai mi kaw e shan du wa mat sai da. Dai kaw du re na she shan gaw ndai lam ni hpe tsun dan ai da, ndai la kasha wa gaw dai hku dai hku byin ai lam hpe shi hkawm mat wa ai ten hta e ap da ai bai wa tsun jang e ndai dingla wa gaw ningdang kau ai ngu na dai hku na tsun ai da. Dai shaloi wa she ndai tara a gyi ngu na wa gaw shan hpe tsun ai da. Nan dai ap hkat ai shaloi gaw kaning re shara kaw ap hkat ai rai ngu na tsun jang she, shan 2 gaw hpun pawt langai mi kaw re ngu na tsun ai da. Hpun pawt langai mi kaw e an 2 hkrum re na tsap nna ap hkat ai re ngu na dai hku na tsun ai da. Dingla wa mung re dai hku na, aw ndai gumhpraw madu gaw dai hku tsun ai da. Dai hku tsun re jang she kaja wa dingla wa gaw i shi hpe n ap ai ngu hku na hkrai hkrai tsun taw ai, retim mung ndai ten hta ndai tara agyi wa gaw ndai hku tsun dat ai da. E dai hku nga yang gaw ma nang dai nang ndai dingla hpe e gumhpraw ap ya ai ap hkat ai shaloi nang tsap ai makau kaw tu taw ai hpun dai hpe sa shaga wa rit ngu da. Hpun dai hpe sa shaga wa rit ngu jang e she ndai dingla wa myit hta gaw i hpun ndai gaw hpa chye ai mung nre sa wa lu ai mung nre me gaw ngai dang dang sha re ngu na shi myit hta gaw dai hku myit na myit pyaw taw nga ai da. Ndai gumhpraw ap da ai la wa la kasha wa mung ndai tara a gyi wa hpe gaw e tara shara wa e tara agyi wa e ya ndai hpun ndai gaw ga chye shaga ai mung nrai, htawt wa htawt sa mai ai mung nrai, hkawm sa wa lu ai mung nrai re yang gaw ngai shaga tim shi sa wa lu na nre ngu tsun ai da. Dai shaloi she ndai tara agyi wa gaw n re ai, mi nchye shaga timmung ya chye shaga na ra ai, ngai shaga shangun ai ngu na sha sa tsun su ngu na sa mat wa shangun ai da. Sa mat wa re yang she ndai la kasha sa mat wa ai loi mi hkring re jang she ya hkring re shaloi she ndai tara agyi wa gaw ndai dingla wa hpe a kajawng sha san dat ai da. Ya dai shabrang ma wa karai ndu na kun i ngu na tsun dat ai hte she oh ra dingla wa mung n dum shami she e dai hpun dai gaw mine tsawm ra tsan ai re, ya shi karai ndu na re ngu na dai hku ngu na tsun dan dat ai da. Dai re majaw gaw aw nang e gumhpraw rai n ap ai nga wa mi n ap ai nga tsun na ya hpa rai hpun dai kade daram tsan n tsan nang hpa ngu na chye ai rai ngu na nang dai gaw na n gup nan nan dai kaw sak se hkam, nang hpe ap ai lam nang sak se hkam taw nga nit dai ngu na tsun ai da. Dai majaw ndai hpun mung nan 2 ap hkat ai hpe e ndai hpun gaw sakse re taw nga sai ngu na tsun taw nga yang she ndai shabrang ma bai du wa ai da. Shabrang ma bai sa shaga da sai ngu na wa tsun ai hte she nang pyi karai ndu wa shi yang e hpun dai gaw nang kaw sa wa na sakse sa hkam taw nga sai, dai majaw nang ap da ai ja gumhpraw hpe nang bai lu la na re yaw ngu na dingla dai wa kaw na ja gumhpraw ni hpe e dingla dai wa hpe mung dai hku nre i ngu na dai hku tsun ai shaloi shi mung a tsawm hkam la mat re na dingla dai wa kaw na gumhpraw ni hpe la na ndai shabrang wa hpe ap ya re ai da. |
