Previous item Next item
Item details
Item ID
KK1-1592
(Collection Details)
Title Grai tsawm ai nampan (The beautiful flower)
Description Moi shawng de hkawhkam hkawhkam wa hte hkawhkam jan nga ai da. Shang lahkawng gaw grai dingla wa tim mung ma n lu ai da. Ma n lu na she shang la lana mi shang lahkawng gaw bawng ban ai da. E an lahkawng gaw asak aprat n dai ram ram wa sai i ja sutgan ni mung n dai ram ram she lu ai wa an lahkawng gaw hpa na kasha n mai lu ai kun ngu na dai hku shang lahkawng bawng ban ai da. Dai shaloi she dai hkawhkam jan gaw e shi na myit hta gaw i madu wa hpe laga num bai la u ngu yang mung n kam shangu ai le i n htuk ai le n la shangu re ai shaloi she e madu jan gaw dai hku grai myit n pyaw ai da madu wa hpe ma n lu ya na she grai myit n pyaw na she lani mi na aten hta she gaw dai hkawhkam wang hkawhkam wang na sung langai mi nga ai sung kaba namsi i dai hku nam shanhte na tsun ga nga yang myit n pyaw sa shalang shabrang hkawm ai shara le sung kaba dai langai nga ai da. Dai kaw shi dai hku hkawm re yang she a shu langai wa ngoi nga ai da e a shu langai wa ngoi nga ai shaloi she dai shu na makau hku lai mat wa ai shaloi she dai wa she ni hku ngu ai da. E hkawhkam hkawhkam jan e nang kade n na yang shadang sha langai lu hkyen sai yaw ngu dai hku ngu tsun ai da. Dai shaloi she e hkawhkam jan gaw dai dai na na she grai kabu na she shi na hkawhkam wa hpe wa tsun dan ai da. Hkawhkam wa e i an lahkawng kade n na yang shadang sha langai lu hkyen sai ngu dai hku ngu tsun ai shaloi she hkawhkam wa mung grai kabu ai da. Dai hku re na nga ai shaloi she um tsawm ra na ai shaloi hkawhkam wa dai hkawhkam num wa ma gun wa na she la kasha shangai ai da. La kasha shangai ai shaloi she dai la kasha dai wa gaw dai hkawhkam kasha gaw shi shi gaw tsun ga nga yang shi gaw shi hpa hpyi mayu yang i hpa byin ai dai hku atsam nga ai da. Shi gaw dai hku atsam nga shangai ai kaw na dai hku atsam nga ai da. Dai shaloi she dai hkawhkam wa na shat shadu hkawhkam yan la hpe shat shadu jaw ai kau na shat shadu ai la langai mi nga ai da. Dai shat shadu jaw ai dai la dai gaw grai lusu mayu ai da. Lu su mayu na she hkawhkam yan na kasha gaw hpa hpyi yan hpa lu ai nga dai zaw re n gun n tsam shi kaw nga ai nga dai hku na jang she dai hku nga na jang she e dai hkawhkam dai shat shadu la wa gaw dai hku nga na jang she hpa mi nga nga ndai hkawhkam kasha hpe ngai lani mi na aten hta lu lagu hkra lagu la na ngai grai tsan ai shara de ngai wa mat na re ngu dai hku ngu myit ai da. Dai hku ngu myit na she lani mi na aten hta she dai hkawhkam kasha shang nu gaw dai e dai sung wang i dai de nga hkawm chyai dai sung dai shanhte na myit shalang shabrang ai sung dai kaw gaw e shanhte rem da ai dusat da laga n rem da ai i dusat da nga ai da. Dai she dai shani gaw hkawhkam jan gaw dai kaw sa woi gasup sa woi gasup re ai da dai ma dai hpe lani mi na woi gasup ai shaloi she dai shat shadu ai la dai wa gaw shat sa sa masu na she e dai kanu kanu jan hpe ma jaw sha na grai ei hpan le i dai hpan grai lau ai hpang le dai hpang shat sha mai ni shadu jaw da grai yup mayu ai da dang re dai la wa gaw shat ni sha ngut jang gaw kanu gaw yup mayu wa ai hku nga yup mayu wa ai ten hta she e shi gaw kanu yup mat ai da. Ma dai hpe gasup da shangu na shat mung jaw sha ngai jaw sha ya na ngu dai hku ngu tsun na shi kanu gaw hpun pawt kaw sha nyip kaw yup mat re ai shaloi she ma dai hpe makoi kau ai da shi lagu makoi kau na she e dai dai kaw na oh ra hpang bainam ngu ga le dai langai hpe sat ai da shi sat na she dai madu jan na palawng sumbu kaw sai hkrai hkrai chya da ya na she e dai ma wa na palawng ma dai madu jan na dai hkawhkam jan na lata kaw ni hku bang da ya ai loi hkawhkam jan dai hku bang da ya ai shaloi shi gaw e ma hpe makoi kau na hkawhkam wa kaw gat wa sai da. E hkawhkam wa e na madu jan gaw htaw hkawhkam hkawhkam jan gaw shi na shi kasha hpe oh dai hku i hpa hpyi yang hpa lu ai dai hpang tsam ni nga ai majaw shi hkrit na oh e hkawhkam kasha hpe oh e dusat i dai hku shan ni sha ai dusat ni hpe jaw sha kau taw nga ai ngu dai hku ngu tsun ai da. Dai hku ngu tsun ai shaloi she hkawhkam wa mung lagat lagat yu wa na wa yu yang she dai shaloi madu jan dum na she kasha na palawng hpai na she tam taw ai hpe mu ai da. Dai shaloi she madu wa gaw tsun ai da. Aw nang gaw na kasha atsam dai hku n gun atsam dai hku nga ai hpe nang gaw manawn na e dai hku dusat ni hpe jaw sha kau ai i dai hku dai majaw nang hpe gaw si dam na jaw na ngu tsun ai da. Dai shaloi she e si dam jaw na nga tim mung nang hpe kalang ta sat kau ai hku n re sha i prat ting n pru na hku htaw dai shi na hkawhkam wang na tsaw dik ai gawt langai nta langai gawt langai kaw bang kau ai da shi hpe bang kau na shat ni ma n jaw sha na hku dai hku e tsun da ai da. Shi na dai hku tsun na shi gaw grai na sai da dai hku re ai shaloi she lahkawng masum ning nga ai shaloi she dai shat shadu ai la wa gaw hkawhkam wa hpe tsun ai da. E hkawhkam wa e ngai mung asak aprat kaba wa sai majaw ngai ndai hkawhkam wang kaw shat shadu bungli n galaw sa na yaw ngai hkring sa sa na ngu dai hku ngu tsun na she dai hku ngu na hkring sa mat ai da. Hkring sa mat ai shaloi she e e shi ning jang nga ai shaloi she dai dingla wa mung hkring sa mat wa na shi ning jang nga ai shaloi ma dai gaw e kaba sai le i shabrang ram rai wa sai da. Dai shaloi she ndai dai ma dai gaw dai ma dai hpe she kaba woi kaba da sai da. Kaba da ai shaloi she e lani mi na aten hta she e dai ma hpe she kaba woi kaba da sai da. Woi kaba da ai shaloi she e lani mi na aten hta she dai ma hpe she dai shat shadu la wa gaw ndai hku ngu tsun ai da. E ma e nang nang tsun ai hpa mung byin wa ai nga ai majaw an wa ni nga na matu shara grai hkat ai hkawhkam hkaw langai mi e hpyi ya rit ngu dai hku ngu tsun ai da. Dai shaloi she dai hkawhkam kasha mung e e hkawhkam hkaw langai mi ra ai ngu dai hku ngu tsun ai shaloi she kalang ta shang wa wa nga na hkawhkam wang grai kaba ai byin mat ai da. Dai kaw shang wa grai pyaw hkra nga ai da. E grai pyaw hkra nga re ai shaloi she dai hku dai hku nga ai shaloi she dai hkawhkam kasha gaw grai jin wa ai da. Kawa hte sha nga sha ga manang mung kawa hte sha dai hku grai jin wa ai hpe kawa chye ai da. Dai shat shadu la wa chye na she lani mi na aten hta tsun sai da kasha hpe she e ma e nang hte gasup na i shaga na num kasha manang langai mi nang hpyi la u tsun la u ngu dai hku ngu tsun ai da. Dai shaloi she shi mung kawa na ga madat na dai hku tsun ai shaloi she num kasha langai mi pru wa ai da. Grai tsawm ai da dai num dai hpe shang lahkawng gaw dai hku nga na kaba wa ai shaloi ra wa sai da. Dai la hkawhkam shadang sha wa gaw dai num hpe ra wa re ai shaloi she hpa mi nga nga ndai sai gaw sai ga shaga ai ngu ga le shi gaw kawa re ai hpe nau n tseng wa ai le i dai hku nga dai hku myit na she e hpa mi nga nga shi gaw nan hku ngu tsun ai da. La na mi na aten hta kawa hpe wa nang nye wa gaw re i ngu dai hku ngu tsun ai da. E ngai ngai na myit masin kaw galoi mung nye wa ni gaw amyu kaba dang re anhte na amyu kaba dang re she shadu ai ngu dai hku ngu tsun ai shaloi she kasha gaw aw kawa gaw i ndai hpa mi nga nga kawa re nga ndai hkawhkam shi kawa yang kanu gaw hkawhkam re nga na jang shi dai de wa mat na ra ai dai majaw ya gaw ngai ya ai ma shi galaw da ya sai majaw sat kau na re ngu dai hku na myit ai da. Dai hku myit ai shaloi she dai lana mi na aten hta dai num kasha hpe shaga la sai da. Shala la ai shaloi nang ngai tsun ai kaja wa galaw na i ngu tsun ai da. Galaw na hpa baw shangu na rai ngu tsun ai da. Dai num kasha wa dai dingla hpe dai hku tsun nang nang grai tsawra ai e la dai hpe nang sat kau u ndai nhkyi hte sat u yaw masin tek tek aw masin dai kaw ka-an kaw nang anyawt bang na nan sat kau u yaw ngu tsun ai da. Dai shaloi she dai hkawhkam dai num kasha wa gaw shi ra ai wa mi dai hku sat kau na wa n gwi ai da. Ngwi sat na she nsat sai da. Bat mi du tim n sat ai da. Dai shaloi she dai dingla wa bai tsun sai da. Nang hpa na ngai tsun ai ga n madat ai rai ya hpawt na bai n sat sai kau na gaw nang hpe ngai nang sat kau na ngu dai hku ngu tsun ai da. Dai shaloi she dai dai hpe she e dai num kasha wa gaw dai hkawhkam shadang sha hpe tsun dan ai da. E nang n kam yang gaw hpawt na ngai tsun ai ga madat u yaw ngu tsun na she e dai shana du ai shaloi gaw dai num sha wa gaw grai zen ai da. Grai zen na she aw oh ra bainam na bainam hpe sat na bainam na dai salum hpe she la tawn da na she lingban kaw bang da na she ban kaw bang da na she e dai hkawhkam shadang sha gaw si masu su ai le si masu su na galeng nga ai da. Dai shaloi she e ndai rai sai shi hpe ngai ngai sat na shi na salum shawn da ai re ngu dai hku ngu tsun na she e hkawhkam shadang sha wa madat taw ai lagu madat taw na she um nang ngai shangu ai bungli kaja nan kan ka nga ai nang hpe ngai shi hpe sat kau u ngu kaja wa nang tsun ai madat ai re nga ai ngu dai hku ngu tsun hkat ai shaloi she hkawhkam shadang sha wa na kau na kalang ta gumhtawng rawt na she aw nang gaw ngai hpe sat kau na she myit a hka i nang dai hku nga yang nang gaw nye kawa majing nan n re dai majaw nang gaw nye manawn ai majaw re e nang nang ngai hpe dai nang na lam gara hku ngai hpe gara hku lu wa ai ngu ai lam tsun dan u ntsun dan yang nang hpe ngai ga i ga hte nan nang hpe ngai matsa kau na ngu dai hku ngu tsun ai da. Dai hku ngu tsun ai shaloi she e ngai hpe dai hku hkum di tsun dan na ngu tsun ai da. Dai hku ngu na shi dai hku lagu la ai i dai hku gara hku la ai lam ni dai hkawhkam shadang sha hpe tsun dan ai shaloi she hkawhkam shadang sha wa mung ndai hku sha tawn da yang gaw hpang ye ngai hpe sat wa na re nye nu yan nye wa hpe ma sat wa na re ngu dai hku ngu tsun na she dai dingla wa hpe e nang gaw part tim gwi tai shanu ga ngu tsun dat ai hte dai dingla wa gaw gwi gwi achyang re gwi chyang tai mat ai da. Gwi chyang tai mat na nye hpan galoi mung hkan nan ngu dai hku ngu tsun ai da. Dai shaloi dai dingla wa gaw galoi mung gwi chyang hku na hkawhkam shadang sha na hpang kaw hkan nan mat ai da. Dai shaloi she kanu hpe rawng da ai gaw grai na sai da rai tim mung kanu gaw n si ai da. U ni she u ni matsan dum na she u wa she kanu na gawt de dai hku namsi nam saw ni galoi ma di jaw ai da. Dai majaw dai hkawhkam hkawhkam num kaba gaw hkawhkam num wa gaw galoi ma n si i dai gawt kaw rawng ai nga ai da. Dai shaloi she lani mi na aten hta she e sa sai da hkawhkam wang de sa da dai hkawhkam kasha sa na she kawa hpe she sa ai da. Sa na she kawa gaw n matsing mat ai hku nga nau kaba mat na n matsing mat shaloi she e hpa mi nga nga nye wa gaw shi kasha re ngu tsun yang n kam na re dai majaw ngai gaw u jau gawng i u ni hpa ni gap ai jau gawng la re ngu na tsun na re ngu na dai hku ngu myit da ai da. Dai shaloi she e dai shaloi she dai num wa hpe nang ngai kaw hkan nan na i hkawhkam wang de ngu dai hku ngu tsun ai da. Dai shaloi she num wa gaw e ngai ngai hkawhkam wang de hkan nan yang na nu na wa ni ngai hpe ra na mare n ra na mare pi n chye ai dai majaw ngai hkan gaw hkan nan mayu ai rai tim n gwi hkan ai ngu dai hku ngu tsun ai da. E dai hku nga yang nang ngai kaw galoi ma hkan nan na matu nang hpe ngai shaga mat na matu nang hpe ngai nampan langai mi sha byin kau na yaw ngu dai hku ngu tsun ai shaloi dai hku nang gaw nampan byin mat sa nu grai tsawm ai grai ma nam pyaw ai nampan byin mat na she shi na ndai palawng na sumbu ngu na kaw makau kaw dai kaw sumbu kaw bang na gun wa ai da. Gun wa ai shaloi she dai hku hkawhkam wa hpe tsun ai shaloi she hkawhkam wa gaw e nang dai hku shan ni i u ni hpa ni gap ai jau gawng wa re nga yang gaw e u sa gap wa su ngu tsun ai da. Dai shaloi she e shi mung sa sai da. Sa na nam kaw du she e u latsa u latsa ting ngai na shawng kaw hkrat wa rit lo ngu dai hku ngu tsun ai da. U latsa ting shi na shawng kaw hkrat wa ai da. Dai hpe shi hpai na wa sai da. Wa ai shaloi she hkawhkam wa hkam sai da dai shaloi ndai wa jau gawng wa rai nga ai ngu kam ai da. Dai na shi na nta kaw i pru pru shang shang dai hku grai hkau na nga mat ai da. Nga ai shaloi she lani mi na aten hta shi na ra na ni hpe san ai da e dai hkawhkam wa na ra na ni she ndai kaw hkawhkam wa na madu jan hpe gara kaw rawng da ai rai ngu tsun loi htaw tsaw dik ai nta gawt ntsa na gawt kaw rawn da ai re ngu rai jang gaw ngai hpe jahking mi hkrum shangu yang mai na i ngu dai hku ngu tsun ai da. Mai ai mai ai chyinhka kaji kaw na gaw mai jahkrum hkun ai ngu tsun ai dai hku ngu na sa jahkrum hkun ai da. Chyinhka kaji sha law hpaw da ai kaw na dai hku shaloi she shi gaw ah nu ngu shaga ai da shi ah nu ngu she dinggai jan gaw mau ai da. Mau na she um ma nan hpa rai na ah nu ngu shaga ai rai ngu dai hku ngu tsun ai da. E nu e moi nang ngai hpe woi nga ai shaloi da anhte nta na shat shadu dai hku ngu dai hku ngu tsun dan ai da dai lam ni tsun dan ai shaloi she kanu ma chye mat ai da dai e nu nang hpe i ah wa dai hku nan nang hpe nan bai sa hpyi nem hkra sa hpyi nem na bai sa shaw la hkra ndai gawt kaw na sa shaw la hkra ngai galaw na yaw ngu dai hku ngu tsun kau da ai da. Hkawhkam wa e dai ni ngai u hkying mi sa gap ya na yaw ngai u gap ai dai hpe nang ngai gap wa na yaw ngu na sa gap sai da u hkying mi sa gap wa ai shaloi she dai hkawhkam wa mung nau kabu mat na she shi na mungdan i kaga ga na hkawhkam manang ni hpe shaga ai da. Ndai ngai na mungdan i ngai na wang kaw nga ai jau gawng wa gap ai u shan re dai hpe anhte ni grai mu hkra sha du da ai sha ga ngu saw ai da. Dai hku ngu saw ai shaloi she e dai mare kaga na mungdan hkawhkam shi manang ni sa ai da. Sa ai shaloi she shi dai hkawhkam kasha ma hkawhkam wa na makau kaw dung ai da. Dung ai shaloi she u ma dai makau kaw nga nga ai da. Dai shaloi she e dai hku sha ai shaloi she shi na myit hta hpa mi nga nga ndai nye wa na manang ngu na ni gaw nye nu hpe san wa chyalu re ngu myit da ai shaloi she kaja wa hkawhkam langai mi san wa ai da. E hkawhkam wa e hka na hkawhkam jan gaw teng dai hku ngu tsun ai she dai hku ngu tsun ai da shi shi gaw nye kasha hpe sat ai majaw ngai shi hpe gawt langai mi kaw rawn tawn da ai ngu ai da shi hpe si dam jaw da ai re rai tim ngai dai kaw shat n jaw sha ai sha rawn tawn da ai gaw si dam hte bung ai ngu dai hku ngu tsun ai shaloi she dai shaloi hkawhkam kasha wa rawt ai da. Rawt na she e hkawhkam wa e ngu da ngai gaw na kasha re ngu da dai hku ngu tsun na hkawhkam wa mau mat ai da. Ngai na kasha re ai lam sak se madu na yaw ngu dai hku ngu tsun ai da. Dai hku ngu tsun ai shaloi she um nang ngai hpe hpa baw sak se hta madung na rai ngu dai hku ngu tsun na she dai gwi hpe she mi na shat shadu ai lam wa zawn zawn di na bai galaw kau re na she dai la wa tsun ai da e nang tsun dan u nang moi gara hku galaw ai lam tsun dan u ngu tsun ai da. Dai shaloi she dai la wa tsun dan re ai shaloi she e dai la wa tsun dan ai hpang she ngai gri shut sai nye madu jan hpe naw sa hpyi nem na re ngu na she gwi dai hpe ma gwi dai hpe ma dai hku sha bai galaw kau ai da. Dai shaloi dai kaw na dai hku ngu tsun na madu jan hpe ma dai hkawhkam wa ma dai kanu ngu na hpe grai hpyi nem na sa shapraw la sai da. Ngai grai shut sai ngu dai hku ngu tsun ai shaloi she e dai hku ngu shang wa ni grai pyaw hkra nga mat ai da. Dai shaloi she e kawa hpe tsun ai da. Ah wa ngai si na hkyen ai shaloi ngai hpe hkye la ai num kasha langai ma nga ai da. Dai hpe nang n mu mayu ai i ngu dai hku ngu tsun ai da. Dai she kawa mung she mu mayu law nye kasha hpe asak si na kaw hkye la hkra re ai num kasha hpe n mu mayu ai kadai kawa nga na rai gara kaw shaga dat u ngu tsun ai da. Dai shaloi shi na sumbu kaw na dai nampan hpe shaw la na she dai hku num bai galaw kau dat ai le i mi shi hte nga ai num bai galaw kau dat ai shaloi grai tsawm ai shayi sha re ai da. Dai majaw kawa mung grai kabu mat ai nye kasha hpe sa hkye ai dai majaw nan lahkawng hpe ngai pyaw hkra i ngai hkungran ya na yaw ngu na dai shani kaw na hkawhkam wang kaw hkungran poi galaw na grai pyaw hkra nga mat ai da.
Origination date 2017-02-25
Origination date free form
Archive link https://catalog.paradisec.org.au/repository/KK1/1592
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
M. Ja Tawng : speaker
DOI 10.4225/72/598c841193125
Cite as Keita Kurabe (collector), Keita Kurabe (depositor), M. Ja Tawng (speaker), 2017. Grai tsawm ai nampan (The beautiful flower). EAF+XML/MPEG/VND.WAV. KK1-1592 at catalog.paradisec.org.au. https://dx.doi.org/10.4225/72/598c841193125
Content Files (3)
Filename Type File size Duration File access
KK1-1592-A.eaf application/eaf+xml 147 KB
KK1-1592-A.mp3 audio/mpeg 14.5 MB 00:15:49.106
KK1-1592-A.wav audio/vnd.wav 522 MB 00:15:49.77
3 files -- 536 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,437 translations are currently available (November 23, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found