Previous item Next item
Item details
Item ID
KK1-1533
(Collection Details)
Title Grai zen ai woi (The smart monkey)
Description Moi shawng de da kahtawng langai mi kaw grai ze ai woi langai mi nga ai da. Woi dai gaw dai woi dai nga ai hpun kaba langai na makau kaw hka nawng langai ma nga ai da. Hka nawng dai kaw hkanse langai mi nga ai da. Hkanse dai gaw grai myit n kaja ai da. Anya ma grai anya ai hkanse dai nga ai da. Lani mi n aten hta dai woi gaw dai shi nga ai hpun kaw na namsi sha na nga yang she e hkanse wa sa wa ai da. E woi e ngai hpe ma namsi langai mi jahkrat jaw rit ngu tsun ai da. Dai shaloi she e dai hku woi wa gaw ngai nang hpe jahkrat jaw kau yang ngai shata mi tim sha na ngu ai namsi re dai majaw nang hpe ngai nlu jahkrat jaw ai ngu dai hku ngu tsun dat ai da. Dai shaloi she dai hkanse wa gaw rai tim shani shagu hkanse wa sa la nga ai da. Shi sha ai kaw na i dai hku hkrat yang hta sha na ngu na sa la ai da. Dai she rai tim n jahkrat jaw ai da. Dai hku rai re she lani mi na dai hku tsun re she dai hku ngu tsun ai da woi wa dai hku ngu tsun she e hkanse wa na myit hta gaw e woi nang ngai ngai rawng ai ndai hka kaw lani mi gaw hka gaw lu ra na re nang lu ai shani gaw ngai nan hpe nan rim sha na ngu myit da ai da. Dai hku myit na shi gaw wa mat ai da. Hka nawng de bai shang mat re ai shaloi she dai hku lani mi na aten hta woi wa mung nam si sha na hka lu mayu wa ai hku nga hka lu mayu na she hpun dai kaw na yu na she hka lu ai da. Hka lu ai shaloi she hkanse wa gaw e woi wa hka lu ai shaloi dai hku gram sha na ngu taw nga ai hpe woi wa mu kau ai da. Garet hkawm hkanse garet hkawm ai hpe mu kau na she woi wa hka lawang wang lu na bai lu mat ai da. Bai lung mat she e hpang shani mung dai hku bai dai shani gaw kanoi sha lu sha ai da woi wa hpe ni re gumhtawng wa ai hte woi wa bai hpraw mat ai dai shani gaw dai shana gaw i ngai ndai kaw na htawt yang she mai sai ngu tsun ai da. Htawt yang she mai sai ngu na she shi dai shana hkanse wa n sin nga ai laprang laga de htawt mat ai da. Laga de htawt mat shaloi she e dai woi wa hka yan na grai tsan ai shara de htawt mat ai da. Htawt mat re ai shaloi she e dai hkanse wa re gaw hpang jahpawt re gaw hpang jahpawt woi ndai ye gaw ngai dai ni bai hka sa lu jang gaw lu hkra sha na ngu na dai hku ngu myit nga ai shaloi she hpun ndung de yu yang woi dai wa n nga mat sai da. N nga mat ai shaloi she woi ndai gaw gara re hpaw mat ai kun ngu tsun ai da. Dai hku myit na she rai tim la sai da. Lani mi la lahkawng ya la masum ya la tim woi dai wa n nga ai da. Shaning hku la ai da shaning hku na she woi ndai gaw hpraw nan hpraw mat sai re laga de nga sa na re dai majaw ngai a woi ndai kaw naw tam na re ngu dai hku ngu ai da. Dai hku myit na she shaning laning mi du na hpang shaning ngu na shaloi shi dai hka yan hku bai nga hkawm re ai shaloi she woi dai wa she lani mi na aten hta hka makau kaw hka lu taw ai hpe dai hkanse wa mu kau ai da. Mu kau na she aw ndai wa gaw ndai hte she htawt mat wa hka dai majaw ya ngai um hpawt ni na gaw grau jau ndai wa kaw ndai kaw naw sa la nga na re ngu tsun ai da. Dai she shi bai wa mat ai da hpang shani bai du ai shaloi bai sa dai shani woi dai bai hka lu ai da. Hka lu na she wa mat ai da. Nta lam de wa mat na she hkan nan ai da dai hkanse wa hkan nan re she hpun langai hkanse wa shi na hka oh ra hkran de da dai hkanse wa nga ai gaw dai she dai aw woi wa nga ai gaw hka oh ra hkran re hkanse wa mu ai da. Hka hka ga-an ngu na kaw zaibru jan bawng bawng re ai kaw dai namsi hpun langai mi tu ai da. Dai namsi gaw grai myi tsawm ai sa mu ai da. Dai shaloi she woi dai wa she hkanse ndai wa woi ndai wa gaw hpa mi nga nga hka rap na nan sa di sha na re dai majaw ngai hka kaw sin nga na re ngu dai hku ngu myit na hka kaw sa lagu sin nga ai da. Woi dai wa grai ze ai da nlung bum langai mi nga ai dai kaw she oh ra hkran kaw na gum htawng na she dai n lung bum kaw na bai gumhtawng ai she dai hpun dai kaw koiti i dai hku kalang ta di re na she dai hku lung na di sha sha re dai sa mu ai da. Dai jang lani mi sa lang yang mung dai hku mu ai da hpang shani bai sa masum ya ngu na shani gaw e hpa mi nga nga dai ni gaw ngai ndai hkanse ndai nlung bum ntsa kaw nan ngai e baw gaw hka de n mai ma hka de di na she nlung bum ntsa kaw ngai sa ba nga na re ngai dai na de gaw ndai woi wa gaw ngai kaw na gabye jun ra na re ngu tsun na dai hku ngu myit na shi gaw baw ma hka de nmai ma hka de di na sa tsing na sa ba nga ai da. Sa ba nga re she awoi wa gaw namsi di sha na she makau hku sa hpun dai ba taw nga ai ntsa kaw lung dung nga na she dai ni na ndai nlung pa gaw sha woi na pi pa pa she nga mi dai ni na gaw grai bawng ai wa i mazut mazat grai bawng ai gaw ngu na dai hku ngu myit dai hku ngu ai da. Woi dai gaw shani shagu nlung dai kaw jawng gabye jang she e nlung e nang dai ni bai nye nta wa sa yaw ngu dai hku ngu galoi ma tsun tsun re ai da. Dai hku ngu tsun ngai dai ni bai nang kaw gabye sai yaw ngu dai hku ngu ga shaga yang dai nlung gaw mai ai lo nang i shani shagu ngai kaw lai ai jaw atsawm sha i dai hku lung na sha yaw nang mung kan bau dai hku ngu ga sha ga ga re ai da. Dai shani gaw woi wa san sai da. Dai ni na gaw grai bawng ai wa mi ngu na ndai gaw nzen hpa rai sai ngu na shi gaw myit na she nlung kaw gahtep na she e n lung e e nang dai ni dai ni mung nye bai la nga i ngu san yang she hkanse wa gaw nlung mi ga shaga ai gaw ga n mai shaga ai ngu na she a katsi ngu ba nga ai da. Re she kalang bai nlung ndai gaw shawoi shani pi ngai shaga yang na ai lu nga nga she re mi dai ni gaw ga mung n shaga wa ai i ngu tsun dat ai da. Dai hku ngu tsun she hkanse wa gaw aw sha woi shani gaw ga shaga ga re ai hku nga dai majaw ya lang bai shaga dat jang ngai htang dat na re ngu da. Hkanse wa dai hku ngu yang she kalang bai e dai ni mung ngai hpe bai la nga i ngu dai hku ngu san she e lo la nga ai lo nye hkum ntsa kaw um jaw na ngai na sa na yaw ngu dai hku ngu bai tsun dat ai da. Dai hkanse wa dai hku ngu tsun she woi wa na sai da. Hpa mi nga nga ndai gaw hkanse rai sai ya ngai shi ntsa kaw lung taw sai wa ngu tsu she hkanse wa she dai shaloi she a kajaw wa rawt na she e dai ni gaw ngai nang hpe shaning ti la nga ai dai ni na nhtoi rai sai yaw ngai dai ni gaw nang hpe lu sha hkra nan sha sai na ngu dai hku ngu tsun ai da. Dai shaloi woi wa gaw e hkau hkanse e nang gaw ya ngai hpe sha shana sha rai sai ya dai ni gaw ngai si na sha rai sai dai majaw nang ngup mahka da u nang n gawa ra na matu kalang ta ngai shang mat sa na ngu tsun ai da. Dai shaloi she hkanse wa gaw mai ai ngu she hkanse ni gaw ngup grai mahka jang myi ti mat ai da. Myi ti mat rai jang she maja mahka u ngu tsun ai da. Ngai na hkum grai kaba ai re majaw nang na ngup maja mahka jang she ngai shang na re ngu tsun na dai hkanse wa ngup maja mahka na she myi ti mat ai shaloi she shi wa shi na ndai baw kaw gabye na oh ran hkran de gum htawng lai mat wa ai da. Dai yang dai hku gum htawng lai mat wa na hkanse wa gaw aw woi wa gaw hkau e dai ni gaw ngai lawt mat sai yaw nang ngai ai hka ndai gaw galoi ma hka n sa lu sai galoi ma n sa sai yaw ngu na woi wa dai kaw na dai shani kaw na lawt mat wa ai da.
Origination date 2017-02-23
Origination date free form
Archive link https://catalog.paradisec.org.au/repository/KK1/1533
URL
Collector
Keita Kurabe
Find similar
Countries
Myanmar - MM
To view related information on a country, click its name
Language as given Jinghpaw
Subject language(s)
Jingpho - kac
To view related information on a language, click its name
Content language(s)
Jingpho - kac
To view related information on a language, click its name
Dialect Standard Jinghpaw
Region / village Northern Myanmar
Originating university Tokyo University of Foreign Studies
Operator
Data Categories primary text
Data Types Sound
Discourse type narrative
Roles Keita Kurabe : depositor
M. Ja Tawng : speaker
DOI 10.4225/72/598b39f88bdfa
Cite as Keita Kurabe (collector), Keita Kurabe (depositor), M. Ja Tawng (speaker), 2017. Grai zen ai woi (The smart monkey). EAF+XML/MPEG/VND.WAV. KK1-1533 at catalog.paradisec.org.au. https://dx.doi.org/10.4225/72/598b39f88bdfa
Content Files (3)
Filename Type File size Duration File access
KK1-1533-A.eaf application/eaf+xml 70 KB
KK1-1533-A.mp3 audio/mpeg 6.04 MB 00:06:36.434
KK1-1533-A.wav audio/vnd.wav 218 MB 00:06:36.410
3 files -- 224 MB -- --

Show 10 Show 50 Show all 3

Collection Information
Collection ID KK1
Collection title Kachin folktales told in Jinghpaw
Description Recordings of Kachin folktales and related narratives in Jinghpaw. These materials were collected by Keita Kurabe, Gumtung Lu Awng, Sumdu Ja Seng Roi, Hpauhkum Htu Bu, Labang Tu La, Gumtung Htu Nan, and Lashi Seng Nan as part of community-based collaborative fieldwork in northern Myanmar. A total of 2,491 stories with 2,481 ELAN files, 2,481 transcriptions, and 1,437 translations are currently available (November 23, 2024). Transcriptions were contributed by Gumtung Lu Awng, Pausa La Ring, Galang Lu Hkawng, Sumdu Ja Seng Roi, Hpauhkum Htu Bu, and Keita Kurabe. Stories were translated by Nbanpa Rita Seng Mai, Sumlut Gun Mai, Lazing Htoi San, Maran Seng Pan, Dumdaw Mike Tu Awng, Nhkum Htoi Awng, and Keita Kurabe.

Animated stories are available at:

https://catalog.paradisec.org.au/collections/KK3
https://www.youtube.com/@kachinfolktales
https://www.facebook.com/KachinStories

Other Kachin culture and history are available at:

https://catalog.paradisec.org.au/collections/KK2

Our research was made possible under the support of JSPS KAKENHI Grant Number JP17H04523, JP20K13024, JP20H01256, JP24K03887, Linguistic Dynamics Science 3 (LingDy3) from Research Institute for Languages and Cultures of Asia and Africa (ILCAA), Tokyo University of Foreign Studies (TUFS), and JSPS Program for Advancing Strategic International Networks to Accelerate the Circulation of Talented Researchers "A collaborative network for usage-based research on lesser-studied languages."
Countries
Myanmar - MM
To view related information on a country, click its name
Languages
Jingpho - kac
To view related information on a language, click its name
Access Information
Edit access Nick Thieberger
Keita Kurabe
View/Download access
Data access conditions Open (subject to agreeing to PDSC access conditions)
Data access narrative
Metadata
RO-Crate Metadata
Comments

Must be logged in to comment

No comments found