| Description |
Translation (Rita Seng Mai)
Once upon a time, there was a family: a father, a mother, and their son. The parents loved their son so much. The child was well-mannered. One day, both parents passed away because of an unexpected accident. After his parents died, he didn't want to live in that house anymore. So he thought, "If I live here, I will keep mourning my parents. I will feel lonely. I should not live here. I should move out." Then he decided to move out of the house and tried to find a new one. He built a small house in the field and stayed there. He worked as a wood collector. He earned three kyats (Myanmar Currency) a day. He made a living in that way. He was satisfied with his life. He liked his job. He was a helpful man and had a pure heart. One day, he went to the market with the wage he earned. At the market, he saw his friend take the cat with him. He saw his friend carrying the cat at the market. He asked him, "Where will you take the cat?" His friend said in a depressed voice, "I am going to tie a stone to the cat's neck. And I will kill it in the river." Then he said, "No. Just give it to me. I will take your cat. How much do you want?" His friend said, "Okay, then take the cat. Give me two kyats for it." He bought the cat from his friend. He raised the cat with care and love. He bought some rice with one kyat, which was the amount he left. They shared the rice. They shared the cooked rice. However, he was so happy to have the cat. The next day, he started his work again. When he came back home in the evening, he saw another friend of his. His friend was taking the dog somewhere. Then he asked his friend, "What will you do with that dog? Where are you going to take it?" "I am going to send it away," he answered. He said, "Then I would like to take that dog." He gave two kyats to his friend and bought it. And he bought some snacks with one kyat he had. At home, three of them shared the snacks. The next day, he went out to collect some wood. He met a beautiful girl at the place where he was working. She was holding a stick. There was a snake at the top part of the stick. He asked her, "What are you going to do with it?" She said, "I'm going to kill this snake. I caught this snake. And I will kill it." He stopped her, "Please don't do it. I will take this snake." Like before, he bought the snake with the exchange of two kyats. He set the snake free at a pleasant place. And he went back home. After two days, he heard a knock at his door early in the morning. When he opened the door, he saw the snake he had released. There was the snake in front of his house door. He knew that it was the snake he had rescued before. The snake was wearing a hoop on its neck. It was like a ring. The snake said, "I am so thankful to you, so I am coming here to show my gratitude." At that time, he asked, "How are you going to show me your gratitude?" The snake said, "Wear this ring on your finger. And spin it around. Your wish will come true." He said, "Okay. I trust you. I will ask to fulfill one wish. It's been a long time since we can't eat delicious meal. I want to eat some delicious food. May the food I want appear on my table right now, right here." Surprisingly, there was delicious food on his table, right in front of him. He ate it deliciously. Three of them: he, the dog, and the cat went to the girl who sold the snake. When they arrived there, he met the girl. She asked him, "How does a poor dirty man like you dare to come to my house!? How dare you! Why are you asking for money from me? You, such a beggar!" He said, "I am not a beggar. I can have whatever I want now. I am nothing now because I don't ask for anything yet. If I want a brick house, I can get it now." She was so shocked to hear it. She asked him, "Why is that?" He was pure and innocent, so he showed her the ring. He showed it to her and explained, "I can ask anything I want just by spinning this ring." She was greedy and wanted to own it. She wanted it so much. She said, "Then can you lend me your ring for a while?" When she asked him to lend her the ring, he didn't think twice and lent it to her. She had already learned how to use the ring. She spun the ring around and said, "Send this man to the jail!" When she said it, there was suddenly a strong wind. The wind dragged the man to the jail. At that moment, the cat and the dog were trying to save their owner. They were following him where he was taken. The man really got into the cell of the jail. Then the cat and the dog were thinking of a way to save him. They discussed, "How shall we save our owner?" They said, "We need to think of a way to save him." They were thinking hard to find a way to save him. The cat told the dog, "I will distract the guards. Go into the jail secretly while I am distracting them." The cat tried its best to distract the guards. It sat on the guard's lap and tried to get attention from them. While the guards were looking at the cat, the dog secretly went into the jail. It went to its owner. It asked the man, "How are you going to do?" He was crying and said, "My life is going to end in this cell of the jail." The dog comforted him, "Don't worry, my lord. You are our benefactor. We will save you this time. Just wait for us. We will definitely get you out of the jail." And it secretly went out of the jail. The guards were playing with the cat and didn't see the dog. As soon as the dog went out of the jail, both the cat and the dog quickly ran away. They took a rest in the middle of the way going back home because they were exhausted. They saw a tortoise being on its back by the water. They tried their best to flip the tortoise over by using their legs. However, they couldn't. When it was getting dark, the tortoise said, "My friends, just push me into the water. Push me there." Then they pushed the tortoise into the deep water. And they went back home. On their way back home, they had to go over the bridge. At that time, a group of mice went over the bridge. A mouse groom and a mouse bride were getting married. There was a mice couple. The cat and the dog were plotting secretly. Then the cat stopped the way of the mouse bride and threatened her. At that time, the mouse groom said, "Don't threaten my bride!" He continued, "What are you? Why are you threatening my bride?" The mouse groom said like that to the cat. The cat said, "Human calls me 'Lanyau' (lanyau means 'cat'). My name is Lanyau. I am going to eat your bride because I am a cat." The cat said, "Please, don't eat my bride. I am the mouse king. She is my wife-to-be. I will give you everything you want and make everything really happen for you. Just don't kill my wife, please." The cat asked him, "How are you going to help me? What can you give me?" The cat asked the mouse king. The mouse said, "Just tell me what you want." The cat said, "There is something I want in your country. There is a woman who has a ring I want. She has the ring I want. If you can take it for me, I won't eat your bride." The mouse king said, "Okay. I will get it for you." And he called a meeting. He ordered the smallest and strongest mouse to get the ring. Then the smallest mouse went to the woman who had the ring. She lived in a big place like a palace. The mouse went closer to that place. The woman lived in an enormous palace. She created it with the power of the ring. She lived like a queen with many serving servants. She was peacefully sleeping that night. The bravest mouse saw a woman sleeping on a beautiful bed and bedframe. He was looking for the ring. He thought, "The ring must be on her finger. She might wear the ring." But he couldn't find the ring. He was depressed because he couldn't find it. He thought, "The ring is really valuable. She might keep it in her mouth. How could I take it out?" He couldn't think of any ideas. At last, he got an idea. He thought to tickle her nose by using his tail. He thought, "When she feels itchy, she will sneeze. Then the ring will be out of her mouth." He actually tickled her nose because he thought it might work. Soon, she sneezed hard. The ring fell out of her mouth. Then the mouse quickly took the ring and ran out of the palace. He took it to his king. The mouse king gave the ring to the cat and the dog. The cat and the dog felt relieved after getting the ring. They went to their owner to save him. On the way, they had to cross the river. They had to cross the river. While they were crossing the water, a strong wind was blowing. The cat was holding the ring. While they were in the middle of the water, the strong wind was blowing. Then both of them were drowning in the water. When they were drowning, the ring in the cat's mouth fell into the water. The dog held the cat tight so as not to sink into the water. It saved the cat. However, they were depressed because they lost the ring. They said, "We lost the ring. What shall we do now? How can we save our owner?" They didn't know what to do and just sat down. When the wind stopped, a tortoise appeared in front of them. It turned out it was the tortoise that they saved before. The tortoise was biting a ring. They took the ring from the tortoise and went to save their owner happily. They distracted the guards and sneakily went into the jail. It was pretty hard for them to get into the jail secretly that time. It was difficult for them to get in. They were surrounded by the guards, but they could manage to distract them. The dog gave the ring to its owner as soon as it met him. The owner took the ring, and three of them went to the woman who made them like this. They went to the palace where she lived and said to her about them. Then she begged them, "Please forgive me. I regret everything I did to you. I regret everything. I did wrong to you. Please forgive me." He was angry and furious about what she did to him. When she said to forgive her, he was in a difficult situation to decide. However, he spun his ring and said, "A woman like you doesn't deserve this nice life! May you be a frog!" The woman turned into a frog. He happily lived with his cat and dog in that palace with a lot of servants working for them.
Transcription (Htu Bu)
Moi shawng de da, ndai kanu yan kawa, shan nu wa ni masum nga ai da, dai shaloi she kawa yan kanu gaw da, shi na kasha hpe grai tsawra ai da. kasha mung grai myitsu rai yang she, lani mi na ten hta gaw da, ndai ma na kanu yan kawa gaw da, n myit mada ai sha n nga mat ai da. N nga mat re shaloi she, Shi gaw da, ndai n nga mat, shi na kanu yan kawa n nga mat ai hpang da, shi dai nta kaw nga taw na matu shi grai n kam mat ai da. N kam mat re majaw she, shi gaw da, shi lama mi myit lu ai da. "Aw ngai ndai nta kaw sha nga taw yang gaw, nye nu nye wa hpe sha dum shai di na, ngai, i, grai garen taw na re. Dai majaw, ngai ndai nta, nta kaga kaw she ngai nga sana." ngu na she, shi myit di na she, nta langai mi hpe galaw ai da. Yi hkyep kasha langai mi hpe galaw rai na, shi dai kaw nga rai na she, shi gaw da, hpun hta sha ai da. Hpun lani mi hta yang da, shi gaw lap 3, lap 3 lu ai da. Dai hte shi na kan bau ai da. Kan bau na shi grai myit dik ai da, dai bungli hpe galaw na. Rai na she shi gaw, yawng yawng hpe ma shi chye karum ai la kasha re da. Rai yang she, lani mi na ten hta gaw da, shi lap masum lu ai hte she gat sa ai da. Gat sa re shaloi she, shi na manang langai mi gaw da, ndai Lanyau langai hpe woi sa wa ai mu ai da. Lanyau langai hpe woi sa wa ai mu rai na she, "Yi nang Lanyau ndai hpe i, hpa baw gara de woi sa hkyen ai rai?" ngu she. "Ngai ndai na aw ra loi mi tsan ai hka shara kaw, ndai Lanyau hpe ngai, i, du kaw nlung gyit di na ngai dai hku sat kau mayu ai. " ngu tsun ai da. Dai shaloi, "E.. dai rai yang gaw ngai hpe jaw dat rit. Ngai la mat na re. Nang hpe kade jaw ra na?" ngu she, "E, nang la na nga yang mung la mat u. Ngai hpe lap lahkawng sha jaw rit." ngu tsun ai da. Rai, kaja nan shi la mat sai da. La mat na she, nta kaw Lanyau hpe tawn da di na, Shi lu ai lap mi hte n-gu mari di na, shan lahkawng gaw da, chyan mi hpra hpra garan sha sai da. Dai hku shadu di na, kachyi hpra hpra garan sha re da. Rai na she, Shi gaw da, grai pyaw ai da. Grai myit dik ai da. Rai, shi bungli bai sa sai da. Hpang jahpawt bungli bai sa rai yang she, bungli kaw na bai wa re shaloi she, shi na manang langai mi, dai mung manang sha re ai da. Shi wa she, Gwi dun di na nga taw ai da. Gwi dun di na nga taw re shaloi she, "E.. nang ndai Gwi hpe gara hku i, gara, hpa baw di na ngu rai? Gara de, i, tawn, gara kaw di kau na?" ngu tsun, san re shaloi she, "Ngai ndai Gwi hpe, i, kadai n chye ai shara de wa tawn kau na." ngu na tsun ai da. Dai shaloi she, "E..dai rai yang gaw Gwi dai hpe ngai la mat na." ngu na she, mi na zawn sha, lap lahkawng jaw di na da, shi gaw lap mi ngam ai hpe muk mari wa ai da. Muk ni mari wa na she, nta kaw du rai Lanyau ma, Gwi ma, shanhte masum gaw da, dai hpe jawm sha sai da. Dai hpe jawm sha rai na nga rai na she, Lani mi na ten hta gaw, shanhte, shi gaw da, dai hku bungli bai sa sai da. Sa na she, num sha langai mi shi bungli galaw law re, hpun hta ya ai kaw na num langai hpe mu ai da. Num dai gaw duk langai mi lang da ai da. Lang da re shaloi she, duk dai na ning re ntsa kaw she, Lapu langai mi noi taw ai da. Rai yang she, "E.. nang, i, ndai hpa baw di na ngu rai?" ngu na she shi hpe san ai da. Dai shaloi she, "Ngai gaw ndai Lapu hpe tawk sat kau na." ngu tsun ai da. "Tawk sat kau na ngu na ndai de shapraw sa wa ai re." ngu da. Dai she, "E.. hkum galaw." ngu tsun ai da. "Ndai Lapu hpe ngai la mat na." ngu tsun na she, mi na zawn sha, lap lahkawng hte shi bai mari wa na she, Lapu dai hpe da, grai tsit lali tsawm ai kaw shi dat dat ai da. Dat dat re shaloi she, shi ma nta wa mat sai da. Nta wa mat wa rai na she, shi, lani, lahkawng ni re din ai aten hta da, dai chyinghka, jahpawt grai jau nsen na ai majaw shi chyinghka hpaw na yu dat yu ai shaloi da, mi shi dat dat ya ai Lapu wa gaw da, shi na dai chyinghka lam shawng kaw wa nga taw re da. Rai yang she, wa nga taw na she, shi yu dat ai shaloi shi hkye da ai Lapu re hpe shi chye ai da. Dai Lapu na du kaw, ning re du bau kaw da, Lachyawp langai hpe shachyawp, chyawp tawn da ai da shi gaw. Rai yang she, "Nang hpe ngai chyeju dum ai majaw, nang hpe chyeju htang na matu, ngai sa wa ai re." ngu tsun ai da. Dai shaloi she, "E, nang, i, ngai hpe gara hku chyeju htang na ngu ta?" ngu na tsun ai da. Dai shaloi she, "Maw ndai La-chyawp na na layung kaw chyawp dat u. Nang dai rai di, kayin dat u. Re ai shaloi, nang byin mayu ai ma hkra nang lu byin na re." ngu na tsun ai da. Dai shaloi she shi gaw, "Aw, ngai kaga n hpyi ai, i. hpyi yu na re. Nang tsun ai, i, ngai kam ai." ngu na she shi gaw "Anhte ni mu mu, ngai, mu mu mai mai n lu sha ai grai na sai. Dai majaw ngai mu mu mai mai sha mayu ai law. Dai majaw ndai shara kaw anhte sha na matu mu hpa ma hkra, du wa u ga." ngu dat ai shaloi, kaja nan du wa ai da. Du wa rai na she shi gaw kaja mu mu mai mai sha sai da. Hta sha na she, mi shi, aw, shanhte masum gaw, Gwi ma, Nyau ma, shanhte masum gaw da, pru mat sai da. Pru wa re shaloi she, nang shi bungli galaw ai, mi shi Lapu dut jaw kau ai num kaw du ai da. Du re shaloi she, dai num hpe shi gaw tsun dan ai da. um, aw, dai num wa shawng shi hpe san ai da. "E, nang zawn re, i, mawhpyi gaw da, hpa rai na ndai nta kaw sa ai rai? ngu tsun ai da. "Nang ndai nta galoi sa, i, nang, ngai kaw sha, hpyi sha gwi nni?" ngu san ai da. "Nang hpyi sha gwi ai i?" ngu san ai da. Dai hku san re shaloi she, "Ngai mawhpyi n re ai." ngu tsun ai da. Ngai, nang kaw du sa ai gaw, i, ngai hpa re tim ngai hpa lu sai. Raitim mung ngai gaw, i, ya ngai hpa n hpyi shi ai majaw ngai hpa n lu ai re. Ngai wudek nta lu rawng mayu yang mung ngai lu rawng sai." ngu na tsun ai da. Dai shaloi she, shi, num dai gaw grai mau mat na i, "Deng gaw hpa baw majaw rai?" ngu san re shaloi she, shi gaw myit kaja ai la re majaw she, shi Ta-chyawp madun ai da. Dai Ta-chyawp dai hpe madun rai na, "Ndai Ta-chyawp hte i, byin mayu ai ma hkra lu byin ai." ngu tsun dat ai da. Dai shaloi she, num dai gaw grai ra sharawng mat sai da. Dai hpe she, grai ra mat na she, "Dai rai yang gaw, i, nang dai Ta-chyawp ngai hpe chyahkring mi shap yu." ngu tsun ai da. Dai shaloi she num dai gaw, dai hku tsun ai majaw la dat gaw myit kaja na shi shap jaw dat ai da. Dai shaloi, shi na ta kaw chyawp na she, shi gaw, mi aw ra wa tsun dan da sai re majaw, kayin dat na she, "Ndai la hpe, i, ndai wa hpe, ga htawng de du hkra bang kau ya rit." ngu na tsun ai da. Dai hku kayin di tsun dat ai da. Dai shaloi kaja nan she, nbung kaba bung wa ai ten hta she, shi wa she, ga htawng de rawng mat wa ai da. Ga htawng de du mat wa re shaloi she, ndai Gwi hte Nyau mung hkan shachyut ai da. shi poi mat ai maga de hkan shachyut rai yang she, kaja nan ga htawng de du mat wa ai da. Dai shaloi shanhkawng gaw myit ai da. "Aw, anhkawng na, e, ndai madu hpe gara hku hkye na kun?" ngu na shan lahkawng maw ai da. Maw re shaloi she, "Hpa mi raitim, an lahkawng maw ra sai. i, Gwi nang." Gwi hpe gaw da ndai, aw chye, Gwi hte Nyau gaw maw na she, Shanhkawng gara hku di na ngu ni galaw sai da. Dai shaloi she, ndai Yu, Nyau wa gaw tsun ai da, "Ngai, i, ndai e, ndai htawng, htawng sin ai ni hpe ngai shala tawn da na dai shaloi nang shang mat u yaw." ngu na tsun ai da. Dai shaloi kaja nan shawng kaw she, shi gaw, kwi shala dan ai da. Dai pyada ni ngu na dai sin ai ni hpe she, shala, shala na magyi ni apuk dan rai na she, shala dan ai da. Rai na she, aw ra ni gaw dai yu mau re taw shaloi she, Gwi gaw shang mat ai da. Htawng de shang mat wa rai na she, shi na madu kaw sa ai da. Madu kaw sa na she, gara hku di na ni, i, dai hku ni san re da. Dai shaloi she, "Ngai gaw...", shi gaw hkrap ai da, la dai gaw. "Ngai gaw ndai nye na prat ngam ai hteng hpe ngai ndai htawng kata kaw e, i, asak htum na hku rai sai." ngu na hkrap ai da. Dai shaloi she, Gwi gaw tsun ai da, "Nang hpa hkum tsang." ngu tsun ai da. "Anhkawng. Nang gaw anhkawng na chyeju madu re. Nang hpe an lahkawng bai hkye na. Nang la u yaw myit galu ai hte la u." ngu na tsun dan na she, shi gaw shinggan de bai pru wa ai da. Dai shaloi she, aw ra wa Lanyau wa shala taw ai re majaw she, htawng sin ai ni gaw n mu ai da. Dai shaloi, Gwi mung pru wa rai di na she, shanhkawng kalang ta gat hprawng mat wa ai da. Gat hprawng mat wa na she, nang shara mi kaw du na, shanhkawng grai ba di nga taw yang, hka kau mi, hka kau kaw she, Taukawk wa she, n-ga kran rai na nga taw ai da. N-ga kran rai nga taw rai she, shanhkawng gaw Taukawk dai hpe shanhkawng na lagaw hte galaw yu tim n mai ai da. Gara hku sharawt yu tim n mai ai da. Re majaw Taukawk gaw jan mung du wa rai na she, "Yi, manang yan hkawng e, ngai hpe aw hka sung ai de hka de kanawng bang dat rit law." ngu tsun ai da. Shanhkawng mung dai hka sung ai de shanhkawng kanawng bang ai da. Kanawng bang da na shanhkawng bai wa sai da. Wa re shaloi she, ndai mahkrai langai hpe shanhkawng rap hkyen ai da. Rap hkyen re shaloi she, dai mahkrai shara kaw she, aw, Yu wunawng ni grai law hkra rai na sa wa ai da. Re, shanhkawng yu taw ai da. Dai shaloi she, ndai hkung-ran ai Yu, Yu shayi hte Yu la rai nga hku rai nga. Rai yang she, hkung-ran num yan hkung-ran la rai, rai yang she, shanhkawng gaw kalang ta, nyan taw, i, lama mi ngu na shanhkawng tsun dat ai da. Lanyau gaw lam kaw pat galaw di na she, dai Yu, hkung-ran num Yu, Yu hpe she, shi gaw jahkrit dat ai da. Dai shaloi she, dai Yu aw ra wa gaw tsun ai da, "Nye na, i, ndai hkung-ran num nnan hpe nang dai hku hkum jahkrit ya." ngu tsun ai da. "Nang gaw kaning re masha rai? ngu na "Kaning, kaning re ai wa rai? ngu na tsun ai da. "Kaning rai?" ngu na tsun re shaloi she, "Ngai, nye na mying gaw, masha ni shamying ai 'Lanyau' ngu re ai." ngu da. "Dai majaw, nye na mying 'Lanyau' nga ai hte maren, ngai gaw na na ndai Yu shayi hpe ngai sha na hku maw sai." ngu tsun ai da. Dai shaloi she, "Yi, hkum di law. Ngai gaw Yu hkawhkam re ai. Ndai gaw ya nye na Yu hkawhkam jan re. Dai majaw nang ra ma hkra, nanhkawng ra ai yawng galaw ya na. Nye madu jan hpe gaw hkum hkra yaw." ngu na tsun ai da. Dai shaloi she kaja nan, "Dai rai yang gaw, i, nanhte gara hku lu karum, hpa baw karum lu na? ngu na san ai da. Ndai Lanyau wa gaw san rai na she, "Nang ra ai tsun u." ngu da. "E, dai rai yang gaw ndai hkawhkam wang kaw nga ai, hkawhkam, hkawhkam n re law, ndai e le, hkawhkam zawn rai na nga taw ai, ndai num sha na lata kaw i, dai hkawhkawm jan ngu ga le, hkawhkan num ngu saga le dai kaw na she, dai wa kaw anhte na, anhkawng ra sharawng ai Ta-chyawp nga ai. Dai hpe lu shaw ya yang gaw, i, dai hpe lu la ya yang, nanhte na Yu shayi hpe ngai n sha ai." ngu na tsun ai da. Dai shaloi she, "E, maisa." ngu na she ndai Yu ni gaw zuphpawng hpawng na she, Yu kaji dik htum nna she, magrau grang dik htum hpe shanhte shangun dat ai da. Shangun dat re shaloi she, dai Yu kasha wa gaw Sa mat sai da. Sa mat na she "Dai, hkawhkam wang zawn rai hkra rai na, hkyik tawn da ai dai kaw na num dai wa re." ngu dat ai hpe shi gaw sa yu ai da. Dai shaloi she, kwi grai hkyik hkam ai hku na she shi gaw dai Ta-chyawp hte shi kam ai hku galaw la na she, yawng Ra-na kade law, dan rai na nga na pyaw di na, shi gaw dai shana dai hku yup taw ai da. Yup taw re shaloi she, shara mung grai tsawm ai, Ka-din ni grai tsawm ai dan re kaw yup taw ai num hpe wa mu ai da. Dai shaloi shi gaw "Yi..ndai wa na, i, ndai wa na Ta-chyawp, ndai wa na ta kaw rai na sai, Ta-chyawp ndai gaw." ngu na shi tam yu ai shaloi, Ta-chyawp n mu ai da. N mu rai, grai myitru ai da Yu dai gaw. Raitim, shi wa myit ai da, "Ndai wa gaw ndai ram reng ai rai re nga yang gaw, n-gup kaw mai bang da ai." ngu di she shi gaw "N-gup kaw nga yang gaw ngai gara hku na shaw la na kun?" ngu na shi maw ai da. Maw tim shi, n lu, n lu myit ai da. Tim hpang jahtum shi lu myit ai lam gaw da, shi na nmaitsan hte she shi dai ladi hpe, i, anyaw na mayu ai da. Anyaw ya di na shi kahti yang, i, jahkru kahti wa yang, da, dai Ta-chyawp hpe jahkrat na re." ngu shi myit mada ai majaw she shi, dai hku galaw yu ai da. Yu mun rau dai hku galaw yu re shaloi, kaja nan kahti wa na she, Ta-chyawp dai wa hkrat mat ai da. Hkrat mat re shaloi shi gaw, kalang ta Ta-chyawp dai hpe makrang di na shinggan de pru mat wa ai da. Pru mat na she, mi shanhte tsun da ai hte maren, Lanyau hte, dai hpe, Lanyau hte Gwi hpe jaw dat ai da. Jaw dat re shaloi she, shanhkawng gaw dai lu na grai kabu di wa sai da. Wa re shaloi she, shanhkawng hka rap hkyen sai da. Hka rap na ngu na hka rap wa re shaloi she, ndai nbung laru, aw chye, hka rap sa wa shaloi she, ndai wa na, Lanyau na n-gup kaw makrang tawn da ai re ai da. Ta-chyawp dai gaw. Rai yang she, aw hka ka-ang kaw du yang she, Mawru kabu byin di na she, shanhkawng gaw lim mat ai da. Lim mat wa re shaloi she, N-nyau, N-nyau hpe, N-nyau na n-gup na dai tat mat wa rai yang she, Tim mung, Gwi gaw da, shi hpe n tat ai da. N tat ai sha shi na mai kaw makrang da na, aw, kawng de du mat na, shanhkawng myitru taw sai da. "Anhkawng Ta-chyawp ndai hpe jahkrat kau sai. Anhkawng na chyeju madu hpe gara hku hkyen na? ngu shanhkawng dai hku myit taw na she, hpang gaw, shanhkawng myitru di dung taw nga yang she, hka, ndai laru zim re shaloi she, Taukawk langai mi pru wa ai da. Dai she, Taukawk dai gaw da, mi, shanhkawng yu dat yang, shanhkawng hkye da ai Taukawk rai taw ai da. Dai shaloi she, yu dat ai hte wa da, Taukawk dai kaw Ta-chyawp lawm wa ai da. Ta-chyawp lawm wa na shanhkawng gaw Ta-chyawp dai hpe dai Taukawk kaw na la na, grai kabu di shi na madu kaw bai du rai na she, mi na zawn sha, dai hku htawng kata na ni hpe dai hku shala nna shang mat wa na she, shang ai hte, aw, n lu, dai lang na gaw tsawmra shang yak ai da. Shanhkawng shang na matu grai yak mat ai da. Rai na tim, shanhkawng hpe wang tawn da ai da. Wang da ai kaw, shanhkawng gaw lawt hkra lai na she, aw, dai Ta-chyawp hpe kalang ta Gwi dai gaw kalang ta wa jaw ai da. Madu hpe sa jaw na she, Dai madu mung kalang ta la mat na shanhkawng, shanhte ni masum gaw da, mi, shanhte hpe dai hku galaw kau ai, i, dai num wa kaw shanhte du hkra sa ai da. Dai hkawhkam wang hta pa naw grau pyaw mat sai dai shara de du hkra sa na she, dai num hpe shi sa tsun ai da, sa tsun na she, dai num wa gaw tsun ai da, "E..ngai hpe mara raw ya rit. Ngai ya kaw na myit malai sai." ngu tsun ai da. "Myit malai sai." ngu na tsun rai she, "Ngai, i, nang ntsa hta shut sai." ngu na tsun ai da. "Nang, ngai hpe mara raw ya rit." ngu na tsun re shaloi she, ndai la wa gaw grai pawt mayu mat ai da. Mi na shi pawt mayu ai hpe she shi, mara raw ya ai nga tim pyi naw shi grai yak mat wa ai da. Raitim shi hpang e gaw dai Ta-chyawp hpe shi kayin di na she, "Nang zawn rai na myit n san sen gai num gaw, nang, i, ndai hku nga na matu n gying dan ai. Nang, Shu tai mat u ga." ngu na she, shi dai hku tsun dat ai shaloi, num dai gaw da, kaja nan Shu tai mat wa ai da. Rai na, la dai ma, Lanyau ma, Gwi ma rai na, dai kaw na shanhte ni, mi kaw na nga taw ai Ra-na ni hte rai na, dai kaw grai pyaw di na nga lu mat wa ai da. |
