| Description |
Translation (Rita Seng Mai)
The story is about 'a stupid and naughty brother'. Once in a village, there were a father and his two sons. They were so poor that they had only one blanket. They were farmers. They were united and worked together. One day, their father was seriously ill. Since they were boys, they didn't know how to care for their father. Then, their father was dead. After their father had died, they discussed what to do in the future. The elder brother said, "We have only one house, one cow and one blanket. What shall we do with those things?" The younger brother said, "I will follow you. I will do as you said, my brother." The elder brother said, "Okay. You said that you would follow me and would do what I said. Then, I will tell you what to do." He continued, "You use this blanket during daytime." His brother agreed, "Okay." And he said, "My younger brother, you will get the head part of this cow and I will take the body part." The younger brother said, "Okay. I agree with you." The next day, the elder brother said, "Since you have the right to use the blanket during the daytime, take it with you. And you own the head of the cow. So, you need to feed it too." Then, the younger brother wore the blanket and fed the cow every day. He had been doing it for a long time. He didn't know that his brother was using him. He just trusted his brother and did whatever he said. The next morning, the elder brother milked the cow and drank it. He didn't share with to his younger brother. After a few months, the younger brother thought, "Why does my brother treat me like that? I feel really cold at night, but I don't have any blanket to cover me up. I don't really need the blanket during the daytime." One day, he made the blanket wet when he fed the cow. At night, he gave that blanket to his elder brother. But his brother couldn't use it since it was wet. The next morning, the elder brother milked the cow to drink. At that moment, the younger brother hit the cow's head. Then, the cow was scared and ran away. So, the elder brother didn't get any milk. He was angry and shouted at his younger brother, "You did it on purpose! You know that I was going to milk it. So, you intentionally hit the cow's head." The younger brother said, "My elder brother, the head part of the cow is mine. I can do anything I want. It's you who gave me the cow's head." At that time, the elder brother regretted and reflected on himself, "Oh, I did bad things to my brother. I was wrong. I always drink the milk alone. I am just a bad brother." The next day, the elder brother said, "My younger brother, let's use this blanket together. Let's feed and take care of this cow together too. And we will live happily together." Since the younger brother was a clever boy, he could show him what the right thing was. We shouldn't be narrow-minded and shouldn't treat badly to our brothers and sisters. This is the end of the story.
Transcription (La Ring)
E myit nsu ai kahpu e ya ngai hkai na maumwi gaw myit nsu ai kahpu a lam rai nga ai. Moi kalang mi hta da ndai kawa langai hte kasha lahkawng nga ai da. Ndai kasha lahkawng la kasha lahkawng nga re shaloi she e shan wa ni gaw da nba langai hte nga langai sha lu ai da. Nba langai hte nga langai sha lu rai yang she e kawa nga ten hta gaw shanhte ni shan wa ni gaw myit hkrum ai hte i bungli galaw sha ai da. Hkauna galaw yi galaw rai na myit hkrum na galaw sha rai yang she e lani mi na aten hta gaw da kawa gaw grai machyi kaba hkrum mat wa ai da. Hkrum mat wa rai na she hkan nau gaw i dai hku num sha ma nre nga yang shan hkawng wa dai hku nlu hpa mung nchye galaw rai na she dai kawa wa ndum shami dai hku si mat wa ai da. Si mat wa re shaloi she kawa si mat wa rai na shan nau gaw da dai hpe shan hkawng gaw bawng sai da shan nau hkrai sha bawng sai da. "An nau gaw ndai an nau gaw i ya ndai hpa nnga ai nta ma dumsu ma nba ma sha nga ai i. Dai majaw an nau gaw ndai hpe gara hku di na rai" ngu tsun ai da. Dai shaloi she kanau wa gaw "Hpu e nang gaw kahpu re majaw gaw nang tsun ai hku na ngai hkan nang na" ngu na tsun ai da. Dai shaloi she kahpu gaw "E dai rai yang gaw ngai nau wa nye kanau wa i nang ngai tsun ai hku sha hkan na nga yang gaw ngai tsun ai hku galaw ga. Rai yang gaw ya hpu ba tsun na yaw" ngu na tsun ai da. Dai shaloi she "Ngai gaw kahpu kaba ma re majaw tsun na ahkang ma nga ai rai sai" ngu na she shan lahkawng tsun sha sai da. Gara hku jahkrum sai nga yang she shan hkawng gaw kahpu wa gaw tsun ai da "Ndai nba gaw nye kanau nang shani hpun u yaw" ngu tsun ai da. Dai shaloi she kanau wa gaw "Mai sa" ngu tsun ai da atsawm sha hkap la rai na she "Ndai nga langai mi nga ai gaw nang gaw baw daw de la u ngai gaw ndai hkum daw de la na" ngu tsun ai da. Dai shaloi she dai mung kanau wa gaw myit hkrum ai da. "Nye ba tsun ai ga gaw yawng kaja ai sha rai na re dai majaw ngai myit hkrum ai" ngu na hkam la sai da. Rai yang she shan lahkawng gaw hpang shani rai yang she kanau wa hpe kahpu gaw tsun ai da "Ya nang gaw jahpawt e nba hpun na e nang hpun ra ai re majaw nang hpun mat u" ngu na tsun ai da. Rai na she ndai nga gaw baw daw rai yang gaw shi gaw shat sha ra ai. Dai majaw shat ma tam jaw u" ngu tsun na kanau wa gaw da shani shagu dai nba hpun rai na she nga sa rem ai da. Wo nga ni grai nga ai de nga ni sa rem aw she shat ni nga ai de nga sa rem rai na shana maga rai yang gaw dai hku bai wa rai na she dai hku grai na wa sai da. Aten gaw shi na shi i kahpu wa na maw lanyet ngu hpe shi nchye ai. Shi gaw kahpu ngu ai langai hpe shi kam ai majaw shi dai hku sha galaw ai da. Galaw re shaloi she hpang e gaw jahpawt du yang gaw kahpu gaw nga chyu shup lu da kanau hpe gaw nga chyu ma njaw lu re ai da. Re majaw dai ten ni wa grai na wa rai jang gaw kanau wa gaw dum wa ai da. "Nye hpu gaw hpa majaw ngai hpe ndai hku hkrai galaw taw ai i. Ngai gaw shana du yang mung grai kashung ai shani gaw nba ma dai ram nhpun ra ai" ngu na dai hku ni myit dum wa re shaloi she e lani mi ten gaw shi gaw dai hpe she dum di na nba hpun mat sai da. Shani shi nga sa rem na matu nba hpun mat na she wa re shaloi she shi mung dai nba hpe she shi gaw hka madit kau ai da. Madit kau rai na she la wa ai da nta de la wa re shaloi she e la wa na she kahpu hpe jaw ai da. Dai jaw re shaloi she kahpu gaw nba yu dat yang she madi taw ai le i madi taw rai yang she nmai hpun mat ai da. Dai shana shi mung nmai hpun mat re na she dai dai hku shi nhpun ai sha yup mat sai da. Yup mat wa re shaloi she hpang jahpawt grai jau shi mung bai jahpawt shagu shi nga chyu lu taw ai zawn zawn dai jahpawt mung nga chyu lu na matu bai shi nga chyu shup taw ai da. Shup taw re shaloi she kanau wa gaw da baw kaw sa gayet dat ai da. Gayet dat re shaloi she nga gaw hprawng mat wa ai da. Shi ma nga chyu nlu lu mat sai le i nga wa hprawng mat wa rai yang she nga chyu wa nlu lu mat na kahpu wa grai un ai da. "Nang gaw i ngai hpe dasang galaw ai i ndai nga hpe nang e dasang shadwi kau ya ai i ngai nga chyu shup lu hkyen ai majaw nang galaw ai re" ngu na she kahpu wa gaw grai un na she kanau hpe she i dai hku grai pawt ai da. Grai pawt re shaloi she kanau wa gaw tsun ai da hpu e ngu tsun ai da "Ndai nga baw gaw ngai hte seng ai re" ngu tsun ai da. "Ndai baw hpe ngai gayet kam yang gayet kaning di yang mi di i ngai hte she seng ai hpu nang ngai hpe nga baw she jaw tawn da ai gaw" ngu na tsun ai da. Dai shaloi she kahpu na myit masin hta dum wa ai le i "Aw ngai nye kanau na ntsa hta nkaja ai hku hkrai sha ngai myit taw nga ai i e ndai jahpawt shagu mung ngai sha nga chyu shup lu ai rai nga ai. Ngai gaw kahpu rai na myit nsu ai kahpu ngai tai taw nga ai" ngu na she hpang shani kaw na gaw da "Nye kanau e nba ma an lahkawng rau hpun ga ndai sha nga ai i rau hpun ga. E ndai dumsu hpe ma an lahkawng arau sha rem di na i an nau pyaw pyaw rai na nga mat saga" ngu di na dai hku na shan hkawng pyaw pyaw rai na nga mat ai da. Dai gaw kahpu myit nsu ai raitim kanau wa a matsun ai na majaw kanau wa woi awn ai chye mat ai majaw e kanau wa hpaji rawng ai majaw gaw rai nga. Dai hku rai na shan hkawng dai hku re dai majaw "Myit nkaja ai gaw nmai rawng ai" nga e dai maumwi rai nga ai.
|
